睿私房菜

6-11-2023 (Mon) 老公細妹新婚後第一日,佢哋設晚宴請家人食,妹夫book咗呢間14位,要咗轉角嘅房,有啲海景同馬場景,菜色已經預訂,人齊就可以開餐.1. 酒香鮑魚擺咗乾冰,營造仙氣效果,爽彈嘅鮑魚係凍嘅,亦有淡淡酒香,唔錯.味道:5分2. 椒鹽淮山炸漿炸得脆, 椒鹽味唔重手,近乎食唔到,淮山仍juicy.味道:4分4. 冰鎮咕嚕肉端上嚟時,侍應話要即食喇,唔係啲冰溶咗咕嚕肉就索咗啲水會變腍.呢個酸甜度好啱我口味,外脆內裡juicy,OK 嘅.味道:5分5. 上湯鍋巴大蝦球鍋巴脆,味道亦唔錯;蝦球都爽口,加翻唔太濃味嘅上湯幾好味.不過老公話佢食到隻蝦有鯹味.味道:4分7.  秘製醬汁炒安格斯一口牛牛肉好鬆軟,牛味亦有,呢個幾好食,我都encore食多舊.味道:5分3. 懷舊胡椒豬肚包雞湯欣賞完個豬肚,侍應就將佢剪開,不過有啲剪得好大舊, 豬肚夠腍,但都仍然有啲咬唔開;湯嘅胡椒幾重,我只飲一碗唔添喇.味道:4.5分6. 八寶煎釀鯪魚呢個食到陳皮味,好彩未好到好濃味,鯪魚肉味道同口感都正常嘅.味道:3分8. 中華國宴雞原來只有雞皮係雞,其他係蝦膠同墨魚肉,口感正常,連埋脆雞皮食,係別有風味,不過唔算好大驚喜.味道:3分9. 碧綠炒羊肚耳第一次羊肚耳,佢都係爽彈,但味道有啲怪,不過都係可接受嘅.味道:3分10. 脆皮燒腩仔炒飯睇見咁嘅配搭覺得有啲奇突,侍應喺另一張枱分好晒至俾客人,睇見飯粒分明同乾身,燒腩仔係切成正方粒,食落,燒腩仔已經唔會係脆皮,口感又乾又柴,我覺得一般.味道:1分妹夫見我哋繼續唱歌飲酒,就叫多3個menu內冇嘅嘢食:12. 宮保雞丁老公食到腰果,我問佢辣唔辣?佢答唔算好辣,我食吓,我覺得辣,而且夾唔到腰果,只係夾到雞肉,不過佢口感鬆軟唔乾嘅.味道:5分13. 椒鹽九肚魚我以為係encore椒鹽淮山,但原來唔係,同樣地,椒鹽味唔係好濃,九肚魚軟身但唔霉.味道:4分14. 瑤柱扒豆苗呢個餸應該係全晚最濃味.味道:3分11. 黑糖蜂蜜糕覺得外形似蜂蜜蛋糕同紅棗糕嘅結合,食落,口感似紅棗糕嘅煙韌,味道係對版,可惜我覺得唔夾.味道:1分環境:自己一圍一間房,闊落又有洗手間,音響又唔錯,不過冷氣唔多夠.…查看更多

呢間粵式私房菜館以經典黑白嘅現代風格設計🖤🤍一大片嘅玻璃窗仲可以睇到馬場添🪟由星級主廚潘錫祥打造一系列新派粵菜‍ 將創新意念融合傳統粵菜 重新詮釋傳統中菜文化👨🏻‍🍳真係視覺味覺同享受😎.〰️行政商務套餐 原價$888/1 特價$688/1 兩位起.📌鐵觀音佢同平時中式茶樓唔同 呢度係用咗茶包 唔會飲飲吓又茶葉碎 茶底苦澀回甘味濃🍵.📌酒香鮑魚 鮑魚好厚肉 鮮嫩爽口彈牙 花雕酒味好濃 但冇蓋過鮑魚本身嘅鮮甜味🦪.📌睿手工蓮藕餅 外皮炸得好乾身脆口 唔油膩 好足料 加入勁多蓮藕粒 仲有啲豬肉碎 多咗份肉香同爽彈口感🐷.📌上湯鍋巴蝦球 拌碟似係燉蝦上湯打出嚟嘅芡汁 比湯汁杰身少少 味道有啲似龍蝦伊麵上湯 鍋巴好脆 甜甜地 蝦肉幾爽口 再配上上湯 鮮味更濃🦐.📌碧綠羊肚茸炒北海道帶子 羊肚菌好爽口 仲加左紅,黃椒, 蔥段, 洋蔥粒, 蜜糖豆一齊炒香🫑🧅🫛帶子幾大粒 但過熟有啲韌 同埋鹹左少少🤏🏻.📌金錢蟹盒蟹盒外層炸得好鬆化 甜甜地 有啲似牛脷酥嘅味🤣內餡有蟹肉絲, 蟹膏, 冬菇, 馬蹄, 松子仁, 芫荽, 洋蔥, 紅蘿蔔粒 口感幾豐富 但蟹絲蟹膏份量較少 所以鮮味唔濃 整體有少少油膩🦀️.📌黃花魚蓉羹湯羹除左黃花魚肉 仲有粉絲, 萵筍絲, 薑絲, 木耳絲 口感好滑 魚味仲好濃🐟原本已經有胡椒粉同薑絲癖走左魚腥味 所以個湯係辣辣地 又帶點微鹹🍲.📌燒腩仔炒飯 炒飯用左甜豉油, 老抽炒香 炒得乾身爽口 粒粒分明🍚加左腩肉同燒肉脆皮 為炒飯增添左份鹹香🐷仲有啲蔥花, 菜芯莖, 蛋絲 令口感更豐富🥬.📌合桃流沙包 一拎上枱就聞到好濃黑糖味 包體食落都好香 合核蓉流沙餡好少見 佢係一粒粒合桃肉再加煉奶咁 有濃郁合核味又帶點甜奶味🤎🤍幾軟滑creamy 包身口感幾煙韌 但有啲乾身 但加埋軟滑creamy嘅內餡 就balance番😝不過餡偏甜左少少🤏🏻…查看更多

今晚第一次黎食銅鑼灣呢間私房菜，估唔到又有啲驚喜😋先黎酒香鮑魚，夠哂淋，仲有好香既紹興花雕味。再黎個魚蓉羮，一啲腥味都冇，仲好清，唔會好漏，之後再有遼參花膠卷，呢個100分😋個花膠入哂味，食完覺得好補😂然後再上豉油皇乾煎大花竹蝦，彈牙！簡單香煎已經夠濃味，未食已經聞到好香煎蝦味。仲有個蒸雞荷葉糯米飯，呢個又係100分！兩個人係好難食得哂，有紅棗既甜味仲有爽口既雲耳，perfect😋呢間私房菜要再encore ，今晚仲有房坐，夠哂private☺️…查看更多

這間位於銅鑼灣的高質人氣私房菜坐擁頂樓兩層，裝修以經典黑白灰的現代設計，大玻璃窗能遠眺跑馬地及銅鑼灣一帶的高樓美景，重要日子更能觀看到維港煙花。菜式方面，將創新意念融合傳統粵菜，以繁複工序及精湛手藝重新演繹統中菜，更可為客人訂製個人化菜單。店內很快便坐無虛席，建議先行訂座。侍應的服務很高水準，會主動斟茶、換新餐具等，適合公司、朋友、及家人聚餐，特別即將來臨的母親節。酒香鮑魚整塊經處理的鮮鮑魚去除內臟，厚肉的鮑身細嫩彈牙，富鮑魚的鮮味，同時散發陣陣花雕酒香。脆皮紫薯帶子爽脆的炸衣塗滿酸酸甜甜的咕嚕汁，中和綿密甜膩的紫薯蓉，內有大大隻雪白的鮮帶子好鮮甜。鮑汁鵝掌拼花菇整隻鵝掌炆得軟嫩入味，連肉筋也變得軟綿，吸飽鮮甜可口的鮑汁，還有嫩脆飽滿的花菇及小棠菜。金蠔花枝球金蠔比起蠔豉大得多，一共有兩隻富鹹鮮味，被飽滿結實的花枝包裹著，更有一粒粒香脆的米花。玉杯銀粉蒜蝦球飽滿的鮮蝦仁爽滑彈牙，晶瑩剔透的粉絲富蒜香，軟嫩多汁的節瓜好清甜。碧綠香煎鰻魚卷香煎鰻魚逼出飽滿的脂肪，肉質保持柔軟及鮮美多汁，爽滑彈牙的蝦膠提鮮。櫻花蝦黑豚肉炒飯炒飯均勻塗滿蛋花，粒粒分明富鑊氣，散發陣陣醬汁鹹香，爽脆的櫻花蝦好濃郁，亦有油香的黑豚肉碎。花膠蛋白杏仁茶渣隔得很清的杏仁茶質感幼滑，有著濃郁的南杏香味，蛋白絲便不會過分凝固，口感軟綿不硬，更有少少爽滑的花膠片。…查看更多

銅鑼湾私房菜，有馬場景，門口中文字招牌，有型，裝修簡潔舒適，就來體會一下。 上到去，祗有一枱客，環境跟相片一樣。 此處是私房菜，不要齋叫點心，所以先點黃花魚蓉羹$78，粉絲生菜魚肉溶入湯中，所以食唔到粒粒魚，湯富魚味，味宜。 菜肉包$68，皮嫩肉鮮。 欖角冰梅骨$168，一大碟有鑊氣， 香脆薄粉，肉粒大細適中有肉味，外脆肉甜，落多些欖角，欖味會特出多些，冰梅味淡。 白飯大碗$18，粒粒軟硬適中。 見隔離枱，好似熟客有張將特價纸，問侍應，才给我們（心想為甚麽入座時唔俾），原來有幾款特價午市小菜，有些得意點心，但該師傅走咗，已無做。 走時，主事人推介樽装酒香鮑魚$298，都幾大隻，當然鮮鮑。…查看更多