廣東名門 (三聖市場)

很久沒有食海鮮餐，加上農曆七月是奄仔蟹當造的季節，今日就相約朋友一行4人到三聖來一頓海鮮晚餐。以往都是去興記，這次為了坐得舒適點所以選擇了廣東名門。第一道菜-上湯龍蝦，上湯味道一般，龍蝦味不算濃郁，肉質不夠彈牙，這很大程度因為我們買來加工的龍蝦剛換殼，身體處於脆弱的時期吧......第二道菜-豉椒炒蟶子配煎米粉底，火候充足，豉椒香氣十足，蟶子肉質厚實，然後最有驚喜的是煎米粉底，吸收了濃厚的汁液依然帶有香脆的口感，大讚👍🏽作為酒家的招牌菜，這道菜完全沒有丟架。第三道菜-陳皮清蒸南非鮑魚，鮑魚新鮮嫩滑，陳皮味清香，可惜的是忘記把熟油淋上鮑魚，未能完全食到廚師在味道上花的心思。第四道菜-辣酒煮花螺，甫一上台，就看見稠結的辣汁，然後有陣陣辣香撲鼻。辣味層次豐富，是佐酒良品👍🏽有趣的是愈食愈覺得這種辣味似曾相識，原來是咖哩魚蛋汁那陣辣味新鮮的花螺配合上辣汁真是令人停不下手腳來，要將其殲滅。第五道菜-鹽焗奄仔蟹，作為主角壓軸出場，也是沒有令人失望。海鹽提升了蟹肉的鮮味，蟹膏的比例也算剛剛好，食完後沒有油膩感。🌞整頓海鮮餐上菜速度恰到好處，服務也周到，價錢尚算合理，若想在三聖舒舒服服坐下享受海鮮的話，此店也是一個不錯的選擇🌞…查看更多

三聖一帶一向是吃海鮮勝地，選擇繁多，豐儉由人，這次到了定價較高的廣東名門。到了三聖海鮮檔附近已看到絡繹不絕的紅色的士，可見不少人特地從港九地區過來。我們一行十五人點了十一道菜，海鮮小菜都有。沙拉骨 酸酸甜甜，肉略韌。砵酒焗桶蠔餐廳推介，果真不錯，外脆內軟，帶輕微的酒味。菠蘿咕嚕肉正常水準，沒特別。蒜蓉粉絲蒸扇貝蒜蓉粉絲蒸扇貝一直是我的最愛，所以要求也高一點，這道菜蒜香足，粉絲入味，唯略欠溫度。豉椒炒蟶子很難失敗的一道菜，豉椒加蟶子本來就是絕配，味濃爽口。蒜茸炒瀨尿蝦有一大堆蒜茸，但不夠入味，蝦肉亦不夠鮮嫩。豉汁蒸鮑魚簡簡單單用豉汁烹調已能帶出鮑魚的鮮味，一人一隻，永不落空。辣酒煮花螺餐廳的另一道招牌，嗜辣者至愛，果真香辣可口；有石窩加持，吃到一半還在冒煙。鹽焗蟹只有蟹殼有鹽味，蟹肉不入味。單從食物質素而言其實不錯，環境算舒適，唯侍應態度可加改善，可能是生意太好吧。…查看更多

今日同朋友慶祝生日，一行7人入左三聖村食海鮮，自己買料（發記）再去加工 。試既係廣東名門。 買左7款海鮮，包括：蝴蝶蚌，鬼蝦，奄仔蟹，花螺，瀨㳮蝦，金鼓魚，元貝。叫老闆執多小小海鮮去煲個靚湯,，免費0架 。可以去搵叉燒哥。我地訂左630果段時間，但係都FULL FULL 地，可能係假日啦~所以記得要訂位呀~廣東名門有2間鋪位，第一間近馬路既，睇起黎都幾靚，但入D果間就比較普通d。如公司食飯既話記得request 第一間鋪。(冇影到相，sorry ) 2間鋪都乾淨企理，但唔知點解唔開冷氣，想熱死人咩 上菜速度快，應接不暇，完全食唔切，最後用左45分鐘就清哂7道餸。服務都ok，但一定要check 清楚冇漏單，否則佢地加單再做都要用30分鐘以上。好喇~ 入戲肉:::::: 難得咁多人，緊係乜野烹調都試一試。其實都係果幾類啦~有鹽水浸，芝士焗，辣酒煮，蒜蓉粉絲，避風塘炒&清蒸，都係係睇個人喜好啦~~ 芝士焗鬼蝦～可能第一次食啦。鬼蝦有點龍蝦既感覺。芝士味唔係太濃，不過一定要熱食，味道出好多！金鼓魚～又係新嘗試，肉質彈彈的！蒜蓉粉絲扇貝～勁好味，大大粒，好鮮甜！超讚！鹽水浸蝴蝶蚌～鮮甜，有咬口，有質感，仲有海水味。辣酒煮花螺～一個字爽！其他埋單俾想像中貴，每人大約$350-400 (料+加工)其實味道唔算特別有驚喜，一般中菜餐廳都做到呢個味道。勝在夠新鮮，點煮都好食啦…查看更多

一行廿多人，浩浩蕩蕩去到三聖，由於早已由其中—位搞手在"忠仔記"代訂了幾樣極品，包括阿拉斯加蟹，花殼龍蝦，扇貝，澳洲大鮑，瀨尿蝦，聖子皇和蠔等，所以在海鮮檔現場只是驗貨和隨意再揀多兩三樣，包括花螺，大蝦及老虎斑；隨即入坐"廣東名門"，我們被安排在另一邊向海舶『貴賓房』(不過估計該處是僭建出來的)，因為無肉和菜，所以在飯店加了咕嚕肉和生菜等。花螺，做了兩食，先是白灼，當晚約花螺不太大，所以有咬口之餘又不韌，作為餐前小食相當不錯；另一食是辣酒煮，雖然煮的時間不長，但由於花螺不大，而飯店爐火應該幾大，所以後上的辣酒花螺也勉強算是夠入味，亦夠淋。大蝦用豉油皇煎，蝦肉夠爽口，外殼味道夠濃，非常惹味，但蝦肉味道不足，略嫌偏淡了半點。聖子皇，豉汁炒，很多時豉椒炒聖子都用較細的聖子做，這次用到聖子皇，食法當然有別，大大隻聖子，入口咬落夠爽口，火喉恰到好處，若過火就會韌，唯—略嫌豉汁稍為偏咸。生蠔，用椒鹽半煎炸的方式做，生蠔本身夠新鮮，用椒鹽炸起，麥面炸粉極少但蠔身外表卻脆而香，內裏汁液豐滿，一口咬下去有爆漿效果，味道咸香鮮美。瀨尿蝦，用一貫做法-椒鹽，瀨尿蝦夠肥大，有膏但肉有半點削但仍鮮甜，而蒜泥夠香脆惹味，但味入不到蝦肉，令人有點可惜。阿拉斯加蟹，一蟹兩食，先上爪腳拑白灼，用剪剪開殼即食，入口微熱更加原汁原味，肉質鮮甜無比；蟹身用花鵰蛋白蒸，上檯時聞不到花鵰味，但食蛋白時就品嚐到淡淡花鵰清香夾雜著蟹鮮味，花鵰蛋白蒸蟹，最美味的就是蛋白，所有蟹汁都溶入了蛋白內，故為精華所在，特別美味。花殼龍蝦，這晚的海鮮材料樣樣都夠件頭，所以幾款都可以兩食，這龍蝦也一樣，蝦身肉做刺身，入口新鮮爽脆，但可惜飯店代雪時間太短，未夠凍而導致口感下降；龍蝦頭爪滾粥，也可能因時間關係，粥未夠入味，有點像龍蝦"送"白粥。扇貝，用蒜蓉粉絲蒸，全晚最差的原材料，下次再去此檔買海鮮要檢清楚，這扇貝可能早有問題，入口很削，完全似在超市買急凍貨，有幾位甚至要吐掉，原因是感到又腥又有沙，蒜蓉粉絲也很干，甚稱全晚最失敗的一道菜。澳洲大鮑，原意是甜椒炒鮑片，但最終試了飯店用石窩蔥爆，結果出事，如果一上檯就食，基本上面上面那些鮑片也爽脆彈牙，香口惹味，但稍為放一會及處於窩底的鮑片就過火太熟，又韌又老。尚有幾道菜，欲知味道和材料如何，請看下集大結局…查看更多

今次我地一行5 人先去買海鮮，再拎去名門到煮。其實之前已經去過好次都係平日，估唔到今次星期日黃金時間去就出事，原先已訂好7:30 結果要等到8:15 足足45分鐘，其實都已經預咗，但最唔激氣就係見到有熟人( 二打六明星) 就比枱佢地先真係好唔公平。入座冇幾耐佢一次過將海鮮起晒，我地non-stop 不停食食食，將原本好好食的海鮮攪到凍晒最好食都係 "辣酒煮花螺"，但要小心個煮費用好貴，除本身每兩計之間要額外加$50買海鮮用咗 $630 但煮費用居然 $700超貴 ( 下次千萬唔好假日去食)…查看更多