楚撚記大排檔 (日富里百好大廈) (已結業)

八點落堂，一行六人打算在附近找個地方吃晚飯。首先，要在open rice 看看營業時間，開到凌晨兩點，就放心搭車去。無論電車或地鐵都有少少路要行。最方便應該係搭巴士去堅尼地城方向。沒有book位，電話冇人聽。去到有不少人在門外等候，不過我哋等了10分鐘左右也很快按排了坐位給我們。想點六人套餐原來只係俾外賣。我們用QR Code 單點了幾碟小菜和手工啤酒。餐廳不時播著懷舊的歌曲。大家碰碰酒碗，氣氛很開心，正式的夜繽紛，價錢大衆化。…查看更多

食勻唔同style嘅美食，發覺都係港式風味最啱食😋 講到港式回頭率最高嘅餐廳之一就一定係「楚撚記」，一於品嚐佢地嘅“撚”手小菜！ 《 黃金椒鹽粟米 》 $69  4 / 5哩度嘅黃金系列可以話係小編最喜愛系列😍 爽甜嘅粟米外層鋪滿咸蛋黃😝咬落先咸香後清甜，兩極嘅味道喺味蕾交疊口感非常過癮😋《 菠蘿拔絲咕嚕肉 》 $113  4 / 5加咗拉糖拔絲同焦糖脆片做伴碟，令到平凡嘅咕嚕肉瞬間升𝘓𝘝變成高級中菜🤩除咗賣相精緻，味道一啲都唔馬虎！咕嚕肉酥脆之餘肉質厚實，菠蘿同水蜜桃嘅酸甜開胃又解滯，令人愈食愈想食！《 香爆黑椒牛仔骨煲 》 $113 4.5 / 5上枱聽到“炸炸聲”已經𝘍𝘦𝘦𝘭到鑊氣十足！🔥黑椒汁同爆炒過嘅青椒洋蔥令牛仔骨十分香口，而且近骨嘅肉質地好腍好滑，餸飯一流！🤤《 楚撚豬油撈飯 》 $23 4.5 / 5堪稱楚撚記名物之一嘅豬油撈飯！🤩 將用乾蔥爆香過嘅黃金豬油同豉油淋落飯度，再灑少少蔥而且飯粒挺身好有咬口，製法簡單但風味十足！ 果然邪惡嘅食物都係特別好味🤤總括黎講相當抵食，小菜鑊氣好夠，店舖環境亦算舒適光猛，唔似傳統茶記或大排檔咁逼夾同污糟，適合三五知己一齊黎食飯飲返杯🍻———————————————🏠環境舒適度：💛💛💛💛👅舔脷回頭度：💛💛💛💛📸打卡able度：💛💛💛💛🙇🏻‍♀️服務滿意度 ：💛💛💛💛———————————————…查看更多

/楚撚記大排檔🇭🇰/#sa香港大學站篇 ➖➖➖<人氣港式小炒大排檔💛> ➖➖➖之前有排無得出街食野好番好多當然要奬勵下自己🤣想食番啲地道野☺️就去左屋企附近嘅人氣小炒店 最好就預先book 位 咁就唔洗等太耐話就話係大排檔 不過環境舒適幾乾淨企理有冷氣🫶🏻坐到最入空間感都幾足夠近門口就迫少少～ 除咗西環 荃灣同土瓜灣亦有分店➖➖➖1️⃣黃金椒鹽粟米 🌽 $69 大排檔每次都想食嘅野😆份量慷慨椒鹽味唔算好重 不過食到咸蛋黃沙沙地嘅質感咸蛋黃味道都幾突出亦平均💛亦都唔會太油膩 ➖➖➖2️⃣菠蘿拔絲咕嚕肉 $113 招牌菜之一 咕嚕肉呈長條狀 外皮酥脆 用左梅頭 整體質感不錯🫶🏻特別在加左焦糖脆脆同拔絲 中和酸度 焦糖脆脆都唔會太甜同痴牙 另外仲加左三色椒、桃同菠蘿 個汁會比一般咕嚕肉甜啲啲! ➖➖➖3️⃣香爆黑椒牛仔骨煲 $113 份量同樣幾多亦大大件 一上枱嗰陣嘅zizi 聲幾治癒😆係真係幾有鑊氣呢個相對重口味咸啲啲 最好送飯食牛仔炆得夠軟腍唔太韌 都幾入味 會食到黑椒香氣唔會太辣🤍➖➖➖4️⃣豬油撈飯 $23 看似邪惡但真係幾好食🫶🏻🫶🏻全晚最鍾意食呢個飯😈其實係自己加適量豬油+豉油 仲有蔥同芫荽🌿要戒口關係 只係加左好少油但已經覺得好香口 唔會有油益味👐🏻唔敢食的話都可以揀番白粥/白飯🤣➖➖➖5️⃣番薯糖水 free 飯後甜品 整體甜度適中亦都會食到薑味 番薯幾軟綿綿 唔會食到好多纖維👍🏻➖➖➖📍楚撚記大排檔 @chor_land 西環皇后大道西554-560號日富里地下1號舖 …查看更多

楚撚記 🍲🔥 三訪高人氣撚手小菜既楚撚記啦~間唔中都想食下香港大排檔啲鑊氣小炒飲下啤酒 食下鑊氣小炒 吹下水 超正今次同男友兩人黎 啤啤佢都好正🏅 七味黄金炸一口金磚豆腐 $75由細到大已經好鍾意食呢一個但係真係唔係間間都炸得好食外層少少脆 入邊嘅豆腐滑嘟嘟舖上黃金色既炸蒜粒令炸豆腐更香仲配上香醋俾你點黎食添🔪 香煎黑松露手打蓮藕墨魚餅 $108呢個餸淨係喺楚撚記先食過鍾意出街食嘅原因係因為廚師既刀功 手工 技術都會令到食材昇華 令味道更好食🤤而呢個手打蓮藕墨魚餅 諗起都唔係咁易整食落黑松露味好出 蓮藕同墨魚好夾食落有啲爽口 又有啲煙韌唔經唔覺食左好多件🥩 香爆黑椒牛仔骨煲一上菜個時出曬煙 Feel到好夠鑊氣牛仔骨份量好多 仲要大大件咁伴菜既紅椒青椒洋蔥都吸曬啲味忍唔住食曬佢地🍚 楚撚豬油撈飯 $23細細個聽過啲長輩話豬油撈飯好正但都無乜地方有得食今次睇到真係要會一會佢一碗白飯配上豬油同豉油再有芫荽 同 青蔥既點綴食落好香口配埋其他餸一齊食真係好滿足呀🍻 飲埋啤酒真係一流🍠蕃薯糖水估唔到有糖水送 唔通平日先有糖水送？蕃薯好甜好腍 而個糖水既薑味岩岩好飲完好舒服 但真係好飽…查看更多

次次經過尼一間都係大排長龍🤣母親節前一日我哋等咗大約30分鐘🤔不過野食係唔錯比較推薦炒餸同炸物👍煲就爭啲🤔炸大腸我覺得最推薦😚因為只可以堂食，同埋肥而不膩💕豉椒炒蜆，感覺到大排檔嘅鑊氣😉蜆都夠新鮮，而且份量足夠👍元朗人推薦，有保證，因為自己平時都食開元朗大排檔😂鑊氣上都Ok但係係坐得舒適嘅大排檔💕而且CP值唔錯👍我地三個人食四道餸都不過五百計抵食又好味，不過要注意有限時，如果只係食嘢都夠嘅，差不多可以兩個鐘，所以坐耐d傾偈就要諗諗啦～…查看更多

楚撚記真系想食好耐好耐，好彩事先訂咗位，如果walk in就吾知等幾耐🙈好多人喺門口等㗎。✿ 黃金椒鹽粟米 $69咩都要配鹹蛋黃先夠邪惡😈粟米亦吾例外，鹹蛋黃佈滿粟米每一部分🌽啖啖都食到鹹蛋黃味💛同清甜粟米又算幾match😋✿ 香煎黑松露手打蓮藕墨魚餅 $108餐廳招牌菜之一，一黎到已經見到啲藕餅好多黑松露🖤每一件細細件咁，食到粒粒爽脆蓮藕，件件亦好重黑松露味。✿ 楚撚記原隻脆皮炸豬手 $159炸豬手原本系西餐常見，估吾到大排檔都會有😆🐷豬手個皮幾脆，肉部分口感偏向結實，相對前兩款質素較平穩。✿ 豬油撈飯 $23以前老一輩好中意食嘅豬油撈飯，呢個系真 · 邪惡喇😈除咗豬油，餐廳有比埋蔥加豉油比客人撈飯，充滿港式風味🇭🇰…查看更多

唔怪得一直咁多人推介！長期見到排隊終於比我試到🔥超驚喜食物高質份量好足！仲要好抵食3個小菜+豬油撈飯+大藍妹人均都係$150‼️值得一提：服務好好好熱情✨👍🏻.黃金椒鹽粟米🌽太jeng了必食🔥粟米本身超甜食落奶奶地（唔會炸到乾曬，仲好有汁水爽口，食落唔熱氣🤭），均勻被金沙鹹蛋黃包裹，鹹香惹味‼️.黑松露手打墨魚蓮藕餅🦑被佢份量嚇親，無唸到會有咁多塊🤣熱辣辣上台，食果陣要小心辣親左嘴～粒粒彈牙少少爆汁💥黑松露味啱啱好增加左點綴，唔會喧賓奪主！讚👍🏻.啫啫雞煲🐔熱辣辣鍋氣十足！一上台要撈一撈費時個底太熱lon左～濃郁豉油味送飯食一流！💯.豬油撈飯好香💥平時唔太食飯嘅我食曬成碗🥹.戰鬥碗大啤…查看更多

六個人食可以試好多野，我地就試左12樣野，埋單每人次200 幾，抵食！食大排檔野食最緊要有鑊氣，野食夠熱真係唔同，食唔停菠蘿拔絲咕嚕肉酸甜味夠適中，咕嚕肉脆身！芝士琵琶豆腐大粒豆腐，唔油，芝士醬另上，按個人口味點，唔會太漏楚撚記原隻脆皮炸豬手個皮冇期待中咁脆，同埋冇乜味，要點芥末醬激辣避風糖水魷同行既朋友食得好滋味，好惹味，我見到有三隻辣椒都有d擔心會唔會太辣食唔到，但水魷係ok架，因為辣既係粉絲同芽菜，好入味，個種辣令你想不斷食，停唔到口黃金蛋黃炸魚皮炸到脆卜卜，又大塊，魚皮食哂，就連d蛋黃粒都食埋，撈飯都正飛天通菜煲蝦乾好香好大粒，好好食，少少辣啫啫唐生菜煲蜜椒薯仔牛柳粒薯仔牛柳粒比例好，唔會太多薯仔太少牛柳粒，薯仔炸完再炒好正，牛柳粒唔韌香口，好難停手豬油撈飯提供豬油同豉油同埋蔥粒，自行調配比例香煎黑松露手打蓮藕墨魚餅黑松露味重，加入蓮藕粒好有口感，熱到辣親個口西楚霸王雞(半隻)避風塘鮮魷好大條鮮魷，好咬口好惹味，乾蒜味好香，滿到瀉，推薦腐竹雞蛋糖水沙冰偏甜，夠凍…查看更多

不想煮飯，想來想去，就選了這間口碑唔錯。訂咗6點，七點要交場。雖然只有一個鐘，但時間是足夠我家的習慣！要好食，快上菜！吃完可以做其他事情！用手機點菜，非常方便，埋單就要出去俾。店舖分了火煱區和小菜區。感覺火煱的坐位舒服啲！…查看更多

🌟楚撚記-西環📍西環石塘咀皇后大道西554-560號日富里百好大廈地下1號舖📍Shop 1, G/F, Pak Hoo Mansion, Yat Fu Lane, 554-560 Queen's Road West, Shek Tong Tsui, Western District==============================👤人數：3💰埋單：$451一定要提預訂!！超級full booking的，第一次吃在室內的大排檔，別有風味，室內模仿以前舊式室外大排檔裝修，好用心，食物性價比相對比較高，味道都挺有鑊氣的，三個人把6個菜全部都吃了。🥢豬油撈飯 $23 ⭐⭐⭐⭐同事知道我要去吃這家店就強烈推薦一定要吃豬油撈飯，確實很好吃哈哈，超級香的豬油味，加上不咸的醬油，加點蔥花，葱花能中和了豬油的油膩，帶點清新，整個飯吃起來很順滑🥢菠蘿拔絲咕嚕肉(梅頭) $113 ⭐⭐⭐⭐好神奇，居然有幾塊蜂蜜鋪在表面上，還以是什麼哈哈，咕嚕肉炸得很脆可口，鹹度剛剛好，但吃到最後有一點點偏甜🥢七味黃金炸一口金磚豆腐 $75 ⭐⭐⭐⭐⭐材料是豆腐來說有點貴，但真的好好吃，咬下去是脆的，但咬到中間心的時候很滑很軟棉，如果有白醋可以沾應該會更好吃🥢啫啫生菜煲 $83 ⭐⭐⭐⭐裡面有蝦米，應該用了蝦醬來調味，所以整個味道鹹香，很野味的生菜煲🥢鑊氣豉椒炒蜆 $99 ⭐⭐⭐⭐這個小編感覺無功無過，喜歡吃炒蜆的朋友可以點一個🥢 脆皮燒BB鴿 $58 ⭐⭐⭐⭐皮沒有想象中那麼脆，但肉是挺嫩的，不錯的#sikla #香港 #香港美食 #香港美食指南 #香港美食日記 #香港美食推介 #香港美食地圖 #香港美食推薦 #hkfoodie #hkfood #hkfoodblogger #hkfoodstagram #hkfoodlover…查看更多

一行六人食飯，一早book咗枱先有得食💪🏻 準時到場排排隊，哥仔一個一個嘟好電話就可以入坐！菜乾豬肺湯 （大）6位每人可飲2碗😊 味道剛好，唔太咸無味精感覺👍🏻 非常足料，菜乾豬肺都食埋😋粟米班塊上盤很精緻，粟米汁非常濃郁，仔仔要來撈飯，食咗成碗😝 班塊就相對地乾咗少少🤏豬油撈飯（必食）豬油香而不膩，加入薑、芫茜、煮過嘅豉油，倒入白飯，好味到不得了，平時唔鐘意食飯嘅我都食咗大半碗飯👍🏻椒鹽九肚魚大排檔菜式必食，外脆內軟，味道剛好！黃金椒鹽粟米椒鹽嘅香味帶出粟米嘅甜味，椒鹽完全可以更加提升粟米嘅爽甜😍…查看更多

同朋友食飯（特別係男仔）梗係要食大排擋，簡直係男人既浪漫。不過而家天氣咁熱，坐戶外真係會出曬汗，所以最後揀左裝潢充滿大排檔特色既楚撚記🤩七點嘅時候餐廳已經接近滿座，可見其受歡迎程度。- 啫啫唐生菜煲生菜新鮮爽脆，放係熱鍋保持熱辣辣，加左蝦醬令生菜加添獨特鹹香，風味十足。- 豉椒鵝腸我朋友點左豉椒鵝腸，果然係麻甩佬🤣。鵝腸份量幾多，口感煙韌仲好入味，豉椒味非常香濃。- 香爆黑椒牛仔骨煲牛仔骨好大件，肉質鬆軟，熱鍋令牛仔骨散發更濃郁既黑椒香氣，其他配料仲有紅椒、青椒、洋蔥。- 豬油撈飯細細個成日聽老豆話豬油撈飯，今日終於有機會親身嘗試下。餐廳提供豬油、豉油、葱花同芫荽，自己將所有材料撈埋一齊，油脂非常濃郁，令人食慾大增😍最後仲附送番薯糖水。總括而言，裝潢充滿懷舊風，每一道菜都好有鑊氣👍🏻…查看更多

楚撚記大排檔到底點解咁犀利長期都可以咁多人架呢。無論6點幾到9點幾，都仲係大排長龍。價錢吾貴，但係超有獲氣。可以話， 既有曬大排檔小炒味道，又有超強冷氣同服務。先叫了個啫啫唐生菜煲超香口，上台時佢仲係熱辣辣，未食已經聞到佢既香味。加上蝦米，蒜頭等等。 個香味出曬黎。個個汁好香濃。香煎黑松露手打蓮藕墨魚餅墨魚餅，真係好足料。咬落去 。十分彈牙。黑松露吊起個味，然後啖啖墨魚。也煎得相當甘香。原隻脆皮炸豬手見到每一台都有叫這個炸豬手。就知係必叫。真係好脆好脆。而且好香。雖然係炸，但完全吾覺得油，佢已經起左骨。方便一大班人share黎食。而佢真係好香，難怪會大排出龍豬油撈飯又香又滑。以前酒樓可能仲有得食，而家真係買少見少。所以相當吸引。邪惡 但好好食…查看更多

之前幫襯過土瓜灣店覺得好好味，唯一缺點係太難book位，walk-in又唔知等到幾時。有日諗起想食，就試下上網book西環分店，好好彩預早一個星期就book到。餐牌有好多選擇，其中有幾款係西環分店限定菜式。落咗單等咗幾分鐘就開始上菜，好有效率。首先上枱嘅係港式煎蠔餅，雖然寫住係煎，但其實係近乎炸嘅半煎炸。蠔餅非常酥脆，食落唔算油膩。蠔仔細細粒好甜好鮮味，而且份量都唔少黃金九肚魚表面沾滿鹹蛋黃，啖啖香濃鹹蛋黃味炸得夠乾身酥脆，魚肉嫩滑完全無腥味。食大排檔必點嘅黑椒薯仔牛柳粒，牛柳夠腍唔會太韌，黑椒味突出得嚟唔會太鹹。薯仔切到細細粒，似乎無乜炸過唔夠香口。黑椒薯仔牛柳粒始終都係始祖萬發最好味。拔絲咕嚕肉賣相比一般嘅特別，除咗有拔絲仲有一塊焦糖脆脆，但同咕嚕肉唔係好夾。咕嚕肉炸得酥脆，醬汁稍為甜咗少少。乾炒牛河好有鑊氣，河粉條條分明，牛肉同河粉份量都唔少見到有邪惡嘅豬油撈飯梗係要叫一碗，豉油同豬油另上，自己想落幾多都得。鍾意食蔥的話仲可以再加埋蔥花同芫茜，如果唔係要留肚食其他餸，我一個人食一碗都唔係問題整體嚟講楚撚記真係好味又抵食，次次幫襯都好滿意。四個人食到飽埋單只係$500，仲有蕃薯糖水送…查看更多

🥘楚撚記🧆以前細個唔識嘢最唔鐘意去大排檔覺得又熱又多數要去街市大個咗、麻甩咗先知大排檔係寶簡直係香港文化特色添依家多數都有裝冷氣無論係鑊氣同氣氛定菜式種類都係其他類型餐廳冇得比最開心係同班朋友好耐無見有得啤一啤佢(ﾟ(ﾟω(ﾟωﾟ(☆ω☆)ﾟωﾟ)ωﾟ)ﾟ)嗰種氣氛都無咩餐廳可以俾到今次第一次食楚撚記只可以講又令大排檔喺我心目中嘅地位昇華咗～呢到除咗有比較創新嘅菜式例如黑松露墨魚餅、菠蘿脆皮大腸、腐竹蛋糖水沙冰等黑松露墨魚餅彈牙鮮香得嚟又食到黑松露勁惹味⸜(ّᶿॕധّᶿॕ)⸝大腸果然皮好脆同菠蘿好夾腐竹蛋糖水沙冰真係好似食緊糖水咁仲要勁大榨好抵飲(ᗒᗨᗕ)大排檔傳統撚手小菜都唔少得好似避風塘炒鮮魷、豬油撈飯、咕嚕雞球、沙拉骨之類炒鮮魷唔會出現粉同鮮魷分離仲要好惹味唔會死鹹豬油撈飯我第一次食但原來都無想像中油膩仲要幾香口啵其他兩樣就正常發揮不過不失～聽講楚撚記都好難book下大家如果想食記得早啲打去留位！(☞ﾟヮﾟ)☞ ☜(ﾟヮﾟ☜)地址：西環石塘咀皇后大道西554-560號日富里百好大廈地下1號舖荃灣川龍街118號百悅坊地下-1樓土瓜灣馬頭圍道187號地下2及4號舖…查看更多