功德林上海素食 (北京道一號)

-🦄功德林上海素食 -🌸🥟第0️⃣6️⃣回の餃子日記🥟🌸-豆腐餃子 Hkd118Rating🌕🌕🌕🌑🌑冰鎮秋葵 Hkd68Rating🌕🌕🌕🌑🌑紅棗雙蓮燉陳皮湯 Hkd58Rating🌕🌕🌕🌗🌑-即將為大家送上第6️⃣回嘅餃子日記😜今日食嘅呢款餃子真心好特別🙈有幾特別？睇埋落去就知道喇😆-🌸🥟MIRU餃子日記の私心排名🥟🌸🌸0️⃣1️⃣北方餃子源 木耳香菇素餃🌸0️⃣2️⃣餃掂 野生松茸素餃🌸0️⃣3️⃣北方餃子源 碧綠素菜餃🌸0️⃣4️⃣饃饃饃子 饃饃素餃🌸0️⃣5️⃣餃里 清新素餃🌸0️⃣6️⃣GRAIN OF SALT Soup-er Dumplings🌸0️⃣7️⃣餃掂 大滿貫素餃🌸0️⃣8️⃣功德林 豆腐餃子🌸🌸以上排名只係代表我個人嘅喜好🥰🌸只供參考 亦都會隨住時間而改變😉-♦️豆腐餃子🥟我都係第一次食 用豆腐整成嘅餃子皮嘅餃子😳究竟呢款菜式 要幾花心思 先可以整到出嚟🙈大家都知道 豆腐本身比較淋 較脆弱 易整爛整散但係廚師都可以用豆腐整成餃子皮 再包住啲餡料最緊要係個豆腐皮唔算好厚 比一般餃子皮厚少少🤏🏻食嘅時候 除非你好大力咁對待佢 否則都唔會整散哂有時候 真心唔想食咁多澱粉 唔想食普通嘅餃子皮轉食豆腐餃子都唔錯 不過市面上只見過千張紙餃子好似呢啲用豆腐整成嘅 都真係第一次見到😂味道方面 當然就比較淡 店家無落太多嘅調味料食到嘅都係最原本嘅豆腐味 豆味濃又夠順滑🥰如果唔係靠底層嘅芡汁 應該都真係會好淡味😂餡料方面唔算好爆滿 可能擺滿粒餃就會整爛啲豆腐餡料主要由蔬菜同埋素肉整成 簡單但又不太平凡😉比較驚喜嘅係 底層竟然會舖咗一層生菜🥬生菜食得出好新鮮 翠綠色嘅 好爽脆同時好鮮甜👍🏻雖然呢款豆腐餃子好特別 但係又無話食完之後個腦會叮一聲咁有驚喜🤣不過都值得一試嘅🙈♦️冰鎮秋葵秋葵冰鎮得好夠凍 入口爽脆 唔會煮到好淋睇到又食到 秋葵係新鮮嘅 佢完全無發黑嘅部分當係刺身咁食 點埋芥末豉油真係一流呀😆秋葵本身好有營養 我自己都好鍾意食秋葵❤️♦️紅棗雙蓮燉陳皮湯雖然餐牌入面有好多湯品 但係我見呢個做緊推廣🙈最後都係簡咗佢 陳皮入饌健脾益胃 理氣潤肺👍🏻入口較甘澀 相信店家都無落啲咩調味料又或者味精飲到嘅都係陳皮最原始嘅味道 而且呢碗湯頗足料😌有好多蓮藕 紅棗 蓮子等等嘅中藥材 飲完好舒服🤪-整體來講 功德林的而且確係有好多唔同嘅素菜👍🏻絕大部份都十分之啱我口味 不過略嫌定價稍貴睇嚟下次想食嘅話 都係要一大班人一齊食會好啲🥰-唔知大家一次過最多可以食幾多粒餃子呢🤪又唔知大家有無私心推介嘅餃子店呢😳不過我要有素餃先得😂畢竟我都係海鮮素食者🙈有啲好吸引嘅餃子店 佢哋無素餃簡 真係可惜🥺好歡迎大家係下面留言話我知🙏🏻等我去試吓☺️-…查看更多

閒日早上 11點半左右入坐，時間尚早餐廳內只有3枱人，人少少清清靜靜，從餐廳內的落地玻璃遠望文化中心，維港海景舒服又爽！與友人二人行，點了“咕嚕肉”、“上海粗炒”、“素春卷”、“豆腐餃子”、“清炒菜苗”，咕嚕肉我最喜歡，口感外脆內軟不油膩，醬汁甜酸恰到好處，帶出咕嚕肉更鮮味，真要一讚 豆腐餃子喜歡吃清淡的朋友會適合一些味道較淡，餃子外皮是豆腐做，內在餡料是清菜，清清淡淡也不錯，手工也值得欣賞！上海粗炒炒得比較油膩，而且味道偏咸，麵也很碎不是一條一條，有點失望。春卷炸得香而不膩，也是可以！食完又炸又炒之食物，食番清炒菜苗，飲番啖茶，傾下計欣賞維港美景，也是一樂之事。感覺雖然功德林菜式沒以往出色，但服務加上餐廳景觀也給人舒服感覺。…查看更多

偶而茹素，未嘗不可，尤其現代素食，少油之外，仿肉之真度極高，不少地方美食，亦可用素材料做出，例如今日到的功德林素食，是家上海素食店，在上海有近百年歷史，在港也許亦有廿年。現在的素食其實已達化境，麵筋做成的肉，除了味道之外，質感亦能做出，曾經吃過出色的，肉的紋理竟亦可見！利用三菇六耳、新鮮蔬菜、菌類及豆類為主要材料，做出細膩及美侖美奐的上海菜，就是功德林的賣點。今晚我們家常飯局，選址北京道一號的店，走中高價路線的功德林，迎賓處及裝潢並不浮誇，反而是簡潔高雅，跟佛學宗旨協調，但亦不忘擺設一些巨型古董，提昇身價。如果沒有心水選菜，可以挑二、四或六人菜單，散點餐牌上亦有標註廚師推薦。一行三人，吃得豐富，選擇了的皆是餐牌上的廚師推薦及得獎菜。餐前小吃不一樣的鹹花生，用了綠色的岩鹽醃味，比粗鹽幼細但餐桌鹽大粒，鹹味討好，吃了幾粒都不會即時覺得口乾。上海烤夫麵筋做的烤夫本來就是無肉，上海菜的前菜，配上雲耳及青豆，功夫考究在陳醋調味，並不難做，只需用上乘陳醋便成，這個酸度適中及自然，成功醒胃。香濃三絲魚翅羹因為環保，不少酒家已經改用素翅，其實吃翅主要喝高湯，因此，素食做法不能用老雞火腿久熬而成的湯頭，始終失了靈魂，欠濃醇之感，精彩欠奉。素翅的份量亦不多，三絲口感卻差不多，我認為不過不失而已。南瓜蟹粉魚翅羹色澤橙黃對辦，但看來不夠黏稠，見有幾粒橙色物體，以南瓜粒扮蟹粉。因為喝過更加濃郁的南瓜湯，這個未如期望，而且其怪地有頗強烈的麻油味，蓋過了南瓜之香，整體味道一般，若然能夠多加一點南瓜肉熬湯就好。野羊肚菌竹笙燉百合盅我選了一個最貴的湯，珍貴在材料上，野羊肚菌有3粒，有貴重的黃耳，亦有不少竹笙、百合及杞子，喝一口，濃濃的棗味，湯清香醇。素肉鬆配叉子燒餅味道不弱於鴨鬆或鴿鬆，因為調味濃郁，甜酸鹹味的混合，而且素肉切成幼粒，配合其材料如荳芽、松子、紅蘿蔔、青蔥粒等，容易混水摸魚，口感似足含肉。叉子燒餅新鮮香脆，佈滿白芝麻，香而帶甜，匹配的好拍檔，口感豐富滋味。若然不喜歡叉子燒餅，可以配薄餅或生菜。咕嚕肉與一般咕嚕肉做法一樣，配菜是青椒及菠蘿，甜酸汁醃味，以炸漿包裏素肉來炸。甜多於酸的版本味道算不錯，炸漿很薄，但咕嚕肉肉質軟腍不夠實，似密度高的糕點，仿肉真度不夠高。砂窩獅子頭得獎菜式，實至名歸。賣點似足被濃油醬醋醃了味的巨型免治豬肉球，葷食本來就是吃其軟滑口感，素獅子頭以豆腐作主要成份，沒有不滑的道理，亦煎香了外層，更富口感。以小棠菜、紹菜、竹荀及冬菇伴之，亦是一般的做法，多吃菜有益。豆腐餃子貌不驚人，但確是一道手工菜，把易碎的豆腐做成三角形的荷包，內藏青菜及豆粒餡料，完整無缺，就是功夫。餡料為豆腐提味，薑絲增辛香，冬菇亦是適合的配搭，是味道頗清的一道。油雞菌本地豆苗油雞菌能做到有金牽華火腿絲之口感及類似的鹹香，有意外驚喜，豆苖新鮮翠綠，味道豐富。薑茶湯丸薑湯勁辣，合我心意，芝麻湯丸新鮮軟滑煙韌，美味可口。香蕉高力豆沙上海菜之著名甜點，即叫即做，蛋白麵粉球炸至脹卜如餐包，但內空心，其實皮薄，微甜的豆沙蓉及香蕉增味道，吃得輕鬆不膩，不怕增磅！功德林上海素食，大集團的水準，以這晚經驗來說，出不了錯但欠驚喜，令我感到不介意再來，但無強烈意慾；若希望在環境舒適下茹素，但郤是個好選擇。…查看更多

星期六有時間便跟家人一起出外食下素食，因為家人都有食素既習慣就揀左素食餐廳食午飯。豆腐餃子($98)豆腐餃子呢個菜色真係好考心機，一定要慢慢整先可以整得咁好，咬落口十分幼滑，加上湯汁是十分清淡的，給人一個十分清新既感覺。餃子同埋湯都十分夾，令人十分回味。粟米三絲炒飯($88)第一件事就是飯粒，粒粒分明而且十分大粒，亦有好足夠既飯香，炒飯最重要既係乾身，呢碟炒飯就做得好好，配料方面十分充足，啖啖都有好多配料，而家炒得均勻，鑊氣十分足夠。回鍋肉炒年糕($88)年糕係無咩味道既材料，但年糕有豐富既口感，用回鍋肉黎炒年糕就可以互相發揮到所長，吸收左不同材料既優點，濃味既回鍋肉加上有口感既年糕，配搭起上黎原來係咁好既，另外炒得亦十分出色，年糕都完全吸收左回鍋肉的味道。…查看更多

放工於尖沙咀會合女朋友往功德林食素菜,我們點了羅漢果桂圓杞子蜜, 咕嚕肉、豆腐餃子、砂鍋咸肉菜飯、芙蓉木耳豆苗和高力豆沙配香蕉。羅漢果桂園杞子蜜好好飲, 入面有桂圓內和杞子, 飲落好清甜, 芝潤和消暑；咕嚕肉酸甜度剛剛好, 配上的青椒和菠蘿好爽口, 咕嚕肉用猴頭菇製. 食落去好彈牙和美味；豆腐餃子很有心思的送菜, 豆腐包著菜釀成餃子, 豆腐好香滑, 菜好新鮮, 配上冬菇食落有多種層次；砂鍋咸肉菜飯菜飯夠熱, 有飯焦的香味, 菜飯炒得乾身, 咸肉口感一流, 食落不覺口乾, 好食；芙蓉木耳豆苗, 有蛋白, 木耳絲, 蛋白好香滑配上爽口木耳絲及新鮮豆苗, 食落口感清新；最後高力豆沙配香蕉, 上桌時熱辣辣高力豆沙乾身, 甜度適中, 香蕉香甜, 餐廳食物精緻, 其中豆腐餃子很考廚師功力的小菜, 食物好好食, 食了一頓美味素菜。…查看更多

不知由何時起，跟着家人逢初一十五時齋戒，祈福又好，清腸胃又好，環保都好，食素確實對身體有益無害！尖沙咀功德林確實不太起眼，可能我好少行到北京道那邊，今次經朋友介紹下，可以一試！可惜聞說的美景因昨晚天雨關係，未能享受，不過食物卻不錯，有點舊上海舖的風味！我們兩人共點了: 兩個湯、凍茄子、上海冷麵、豆腐餃子、竹笙扒豆苗。湯: 清淡，暖一暖肚，不錯！凍茄子: 開胃小菜，凍凍、辣辣！上海冷麵: 帶有舊上海舖味道，好懷念！豆腐餃子: 豆腐不夠滑，但好重豆香味，不錯！ 竹笙豆苗: 不過不失，正正常常！…查看更多

與姊妹們晚膳，選擇了我最喜愛的功德林。除了因為我喜歡吃素、上海菜也是我較鍾愛的中菜之一，更重要的是大部分的素菜都適合孕婦食用。我可以隨意選擇鱔、鴨，都無人阻止。今晚，我們點了6道菜。1）香煎脆鱔：鱔是用菇代替，炸得很香脆，外面包了一層酸甜醬汁，很惹味。2）南瓜蟹柳魚翅盅：新鮮南瓜磨成茸，湯很鮮甜。3）豆腐餃子：豆腐很嫩滑，包著蔬菜粒，很特別。4）甜酸松子魚：炸芋頭魚配甜酸醬，不錯。5）羅漢齋炒麵：炸麵上淋上羅漢齋，不過不失。6）蛋白雲耳炒菜苗：每次光顧的必叫菜色。…查看更多

我爸爸係一個信佛的人，過時過節都會食素，佢的生日都唔例外，所以我地就請咗佢去功德林食個飯慶祝下。我兄弟當中，有個無肉不歡，食素對佢來講係一定唔會飽，但係今次佢食完都對素食改觀（因為飽囉）。我地叫咗素鵝，茄子，豆腐餃子，炒菜，麵，炒飯，當然仲有壽飽啦。（啲餸名唔記得咗，真係唔好意思）素鵝係用腐皮做的，唔知點解食落真係有啲似鵝，仲要有鵝味。茄子係一般出面食到的茄子，所以無乜驚喜。豆腐餃子係個未食都要好好欣賞的菜，佢用豆腐來做餃子皮，好薄好靚；食的時候，有好重的豆味，讚。炒菜其實係麵條炒豆，佢用的好似係茴香豆，好少會係出面食到。麵係擔擔麵，佢比出面食的好味啲，因為佢的麵質好啲，個花生醬味道剛剛好，唔會太搶，比起某某轉門食擔擔麵的餐廳仲要出色。炒飯係午餐肉炒飯，啲午餐肉好似真的咁，一啲都食唔出係素食品。最後出場的係壽飽，佢無落蛋，但係啲蓮蓉都唔會＂行＂，油份好足，好食。大家都好滿意呢餐飯，爸爸話下次食素都會來呢到。…查看更多

七月份頭吃了很多肉類, 想清一下腸胃, 打後的一星期幾乎都吃素跟斷食其中一晚去了功德林, 地點比較就腳三人胃口一般, 叫了三菜兩湯冬瓜排骨湯, 雜菌湯本身想素湯應該沒有很好的湯頭味道, 但原來也蠻好喝的兩款的湯都有清甜的菜味, 後者更有菌香湯料也很好吃, 有不少菌類跟冬瓜在裡頭前菜拼盤(小)有幾個前菜都想吃, 就點了這個每道都可以試試素鵝皮脆不油, 裡面的餡料都切得很細, 一整個不錯吃三絲粉皮的麻醬份量下得剛好, 味道也很討喜香舂豆腐有豆香, 豆腐滑嫩, 舂菜味道淡淡香香的蠻清新脆鱔不太行, 粉類很多, 吃起來很粉不夠脆, 唯獨外面的醬料蜜味香很夠味烤麩很入味, 最好吃的前菜算這個了豆腐餃子很特別的一道, 用上豆腐做成皮, 裡面包了菜餡用上豆腐做皮, 讓這餃子吃起來想在吃很嫩的煮豆腐菜餡切得很幼細, 菜味很突出, 配著豆腐一起吃非常清新可口南瓜豆腐茄子煲這個煲是我朋友最喜歡吃的, 吃完後就知道原因南瓜跟茄子都很入味, 煮得夠軟腍很好吃排骨質感蠻像肉的, 吃起來也很有味道, 這個下飯很不錯其實功德林的素菜蠻好吃的, 可能是夜叫的菜比較合自己的胃口吧偶一為之吃個素其實很有益, 還想要試其他多的素菜餐廳…查看更多