稚

我算是這店的常客，偶爾便會前來用餐。以往多數在午餐時段光顧，這次晚市過來，發現菜式更為豐富，難怪晚上都需要排隊等位。汁煮豬軟骨 $84 (定食+$30)午餐時我常選擇香脆內嫩的吉列豬扒。這次避開炸物，改點了汁煮豬軟骨。醬汁濃郁，豬肉入味且軟嫩，軟骨則軟中帶韌，口感層次分明。醬汁與白飯相配，因此加$30升級為定食。定食除了有珍珠米飯，還有前菜、味噌湯及煎茶。前菜類似關東煮，有白蘿蔔、竹輪及年糕福袋，湯頭清甜。味噌湯用料豐富，除昆布與豆腐外，還加入蜆肉與冬菇。西京燒比目魚定食 $94 (定食+$30，另轉貓飯+$10)貓飯是店內招牌之一，以白飯拌入木魚碎、紫菜與牛油，香氣撲鼻，令人滿足。比目魚魚皮香脆，搭配蛋黃醬更添風味；魚肉細嫩油潤，亦非常適合配飯。黃金醬燒蠔 $42午餐時通常只吃定食，很少留意其他菜式。晚餐則發現有多款小食與燒物可選。這道菜是被圖片吸引而點的，實物與照片相符。醬汁濃郁，能提升蠔肉鮮味，令人吃完一隻便想再來一隻。檸檬柚子雞翼 $47檸檬柚子醬帶有清新的甜酸風味，很適合夏天食用。雞翼充份吸收醬汁，煎得香口。這裡的食物可說是我的comfort food，每次吃完都感到非常滿足。主食一向保持水準，但晚市份量會較大，椰菜絲很多，燒物和小食亦令人驚喜，別具風味，值得多來幾次。…查看更多

屋企人去旅行 得返我同妹妹2個 唯有出去撐枱腳 今次揀左間日式餐廳 入到去都好似去左日本咁 牆上面有動漫既壁畫同埋播住輕快既日文歌 冇得去旅行都可以當去左旅行我地都比較鍾意食魚 所以主食都揀左鰻魚同西京燒✨主食♡西京燒比目魚 $94共有2塊比目魚 岩岩好可以每人一塊 比目魚燒得好香 食落甜甜地 而且唔太多魚骨 ♡原條招牌蒲燒鰻魚 $138作為鰻魚愛好者一定係揀食原條 鰻魚真係好大條 淋上鰻魚汁真好好味 非常滿足升級定食 +$30包括有前菜、漬物、煎茶、味噌湯、珍珠米前菜就有關東煮 福袋入面包住麻薯 煙煙韌韌味噌湯入面有菇同埋蜆 增加左鮮味珍珠米轉茶漬飯/烏冬 +$10我地轉左茶漬飯同烏冬 上面有勁多紫菜✨小食♡檸檬柚子雞翼 $46雞翼會切開 每隻都有柚子係上面 咁會方便去食同埋肉入面都可以吸收到檸檬柚子醬♡明太子釀魷魚 $68呢個小食又幾特別 賣相有d似腸仔 每一口都充滿明太子 …查看更多

自從搬咗去元天屯之後，我就開始喺附近搵餐廳，尤其近屯馬綫沿線嘅就更加唔可以錯過🤭今晚嚟到朗屏出名性價比極高嘅和風定食小店「稚」🇯🇵 我仲約埋住錦上路嘅同事一齊，原來佢之前已經嚟過幾次，所以今次佢話食乜就食乜🤤西京燒比目魚配貓飯定食 ⭐️⭐️⭐️⭐️⭐️西京燒真係日本其中一樣最偉大嘅發明😍 呢度嘅西京燒比目魚有兩大塊，啖啖肉嘅魚肉好滑好厚身，配埋貓飯係絕配，如果唔係同同事share食，我應該會1個人食晒2塊🤣滑蛋吉列豬扒配烏冬定食 ⭐️⭐️⭐️⭐️⭐️無諗過原來睇落好平常嘅滑蛋吉列豬扒係可以整得咁好食😍 唔怪得同事一坐低就話食呢個！吉列豬扒不但止炸得好香脆，而且調味一流，上面舖滿滑蛋加埋洋蔥，配埋一齊食真係好滋味，可以話係我食過最好食嘅滑蛋吉列豬扒👍🏻 呢個定食我地轉咗烏冬，諗諗吓應該配飯會夾啲🤣飛驒和牛可樂餅 ⭐️⭐️⭐️⭐️不嬲都好鍾意食可樂餅，見到menu有飛驒和牛梗係要試吓😁 可樂餅有2餅，外層炸到脆卜卜，入面餡料質地比較似薯蓉，牛肉磨得幼細，所以食落好creamy🐂味淋魚干 ⭐️⭐️⭐️⭐️⭐️Menu推介嘅菜式之一，果然係必食之選🥰 平時去居酒屋都會叫魚干配吓酒，今晚雖然係無酒之夜，但同朋友一邊傾計一邊食魚干都非常啱feel，甜甜地食吓食吓都清碟了～…查看更多

一進店，店內裝潢從牆壁到擺設皆以日漫為主，從龍珠、死神到海賊王，全是伴你成長的熱門作品，童心未泯的我很大感受🤭。而店家就像媽媽，永遠在家準備一手好家常菜等你回家，這是家的味道。香煎和牛漢堡扒 (照燒汁) $94 (爆推🌟🌟🌟🌟🌟) 手工漢煲扒，非常大塊。採用和牛製作，肉味既香且濃，表面微焦具有點點脂香。一啖咬落去，肉汁傾瀉而岀😍😍😍，肥瘦比例恰到好處，口感豐富❤️。淋上照燒汁，甜咸交替，口中盡是滿足😋😋。西京燒比目魚 $94 (爆推🌟🌟🌟🌟🌟) 朋友話非常好吃😋表皮剪得香脆脆但肉非常軟腍，不會太乾。而且調味剛剛好，不會太淡。最重要是同時保留魚獨有的鮮味😍，我見朋友食到舔舔脷🤭。每份主食加$30 升級定食 (爆推🌟🌟🌟🌟🌟) 升級定食有前菜，漬物，煎茶，味噌湯，珍珠飯。🤩每一道也非常高質，盡見店家誠意，推薦大家一定要升級。味噌湯：自家制，原來十分足料，小小湯內有大量蜆及不同菇類，超級鮮味。前菜：關冬煮，巨型獅子狗，大根，最重要有不常見的年糕福袋❤️❤️❤️。腐皮吸收晒鰹魚清湯的湯汁，配上入面煙煙韌韌的年糕，是簡單的溫暖滋味。貓飯(加$10） (爆推🌟🌟🌟🌟🌟) 貓飯這個名字很特別，記得在日劇深夜食堂見過，估不到可親身體會😁🙌🏻。貓飯的由來是因為貓咪愛吃鰹魚，人們喜歡用鰹魚混合飯菜來餵貓，故稱「貓飯」。店家放一小塊牛油於白飯中，並放大量鰹節（木魚花）及紫菜碎於白飯上，上枱後會提醒客人以白飯的熱力盡快伴勻。牛油香伴微咸的木魚花，整碗貓飯好食到不得之了😍，真的很想舉手要多一碗🙌🏻🙌🏻。章魚小丸子（6粒） $42小丸子面放滿大量紫菜絲及鰹魚片，份量非常澎湃。小丸子足料夠份量，熱辣辣，配上醬汁，好食😋😋😋。熊本和牛串$32一串有4粒，厚身正方形骰子狀 ,微微焦香，肉質非常嫩滑，不錯👍🏻。從前菜到主菜也感受到店家滿滿的誠意，這樣高質的日式小店，值得支持。…查看更多

「你最近快樂嗎？」 稚，譯名為「Childhood」。希望用赤誠之心做出最純粹的東西，若你能夠從食物中尋找到當初的愉悅，更好。 (1) 香煎和牛漢堡扒（照燒／日式咖喱）肉質較鬆散。 (2) 西京燒比目魚 (3) 蔥燒牛舌 (4) 貓飯源於日本，在拌勻過後，口感跟餵飼小花貓的軟餐一樣。雖然製作過程簡單，但可以跟隨自己的喜好，在白飯拌入味噌湯，或加入柴魚花、紫菜、以及醬油，成為一道為自己所控的驚喜料理。 (5) 雞腎串燒和風定食是日式小餐館的招牌，每間都會有自家的風味，味道既淳樸，又純正。總是像微風輕輕吹拂你面龐，和暖的晨光映照出山巒綿延不休，這種感覺可以維持很久很久⋯⋯…查看更多

大胃都去咗唔少次元朗，原來冇乜幾可嚟到食日本嘢夜媽媽仲喺度先知，都有唔少深夜食堂feel嘅低調餐廳，連招牌都唔係好覺眼地方細細，入嚟可能要等一等呢度主打小菜，呢間推介嘅比目魚，厚肉多汁，外皮燒得香脆，配沙律醬食好唔錯，伴碟都好豐富，有沙律又有玉子燒加$30就會變成定食，有前菜、煎茶、味噌湯同珍珠米飯飯粒粒珠圓玉潤，上面有啲飯素，就咁食相信都可以食清光前菜係豆腐玉子同帶子裙邊，開胃又舒服味噌湯裡面有幾粒蜆，粒粒都有肉，鮮香溫和生薑豚肉冇大胃想像中咁激烈，薑味係頓悟人生後嘅存在不搶豚肉風頭，渾成佳餚，都係好適合靜靜地咁食嘅晚餐:)玉子燒戲份唔夠，一於嗌多份。今次大大嚿，更試到佢嘅淡香清甜，同時作為小食同甜品都得…查看更多