定食 Doraya (厚福街)

魚生、丼飯，一直以來都係我地既摯愛。偷偷睇到叮叮既bookmark，佢想試下依間既丼丼，原來我都有bookmark，咁就一定要試啦，咁有名氣！ 藍鰭吞拿魚扒丼每一件平均厚切，口感非常好。就好似食緊靚牛扒簡左medium rare，冇血汁，冇腥味，加上鋪面既芝麻，錦上添花。 藍鰭吞拿魚大腩+魚腩蓉丼油脂分佈平均，又香又滑，入口即融。大腩就相比於A5和牛，是吞拿魚既極品。相比起魚腩蓉，餘韻較少。 如果有Excellent既評語，我諗我會比左佢。首先，藍鰭吞拿魚唔係度度有得食，同埋處理得咁好。叮叮唔太食平時既吞拿魚，要新鮮、甘甜同埋唔腥先會食，有溫飯或者壽司飯你簡，配合客人口味。另外，環境方面都叫寬敞，唔會傾下偈都比人聽到，空間我覺得幾好。而且成個格局裝修都好日系，上至一枱一木，下至員工locker。最後，員工既服務好好。唔會做咩門面野，但你會感覺到佢真心推介是日精選底者簡咩野食岩自己。例如，我叮叮本身想食$168既中腩，但因為缺貨所以就冇得食，介紹左大腩$198，果絕讚不絕口！員工既細心，簡短而清晰既服務令依一餐非常非常好。 叮叮同我係依一餐飯，完完全全搵唔到有暇疵既。每一分每一秒都享受著，員工既體貼、食物既質素同埋空間感，真係無懈可擊。令我同叮叮充滿力量，相信口碑而去接受唔同既嘗試，食飽飽有哂力氣去歷史博物館行街街。…查看更多

食過幾次銅鑼灣老店，覺得佢嘅吞拿魚丼多年來水準都唔錯，今次係第一次幫襯尖沙咀店。星期六午市時間唔多人，唔需要等位。藍鰭吞拿魚扒丼定食($138)定食除咗有飯，仲有漬物、茶碗蒸同麵豉湯。飯可以選擇熱飯或者壽司飯。個人較為鍾意壽司飯。茶碗蒸幾滑，但味道淡左啲。吞拿魚扒屬厚切，外面輕輕燒過，食落味道濃郁油潤，新鮮冇腥味，冇筋。火燒平目魚& 藍鰭吞拿魚赤身丼定食($168)平目魚充滿油香吞拿魚赤身口感較結實，味道比吞拿魚扒較淡，相比起藍鰭吞拿魚扒的確係比較遜色。近年來多咗好多食海鮮丼嘅餐廳，呢間絕對係性價比高同品質穩定之選。…查看更多

餐廳晚市真係長期都好full, 最好早少少黎食, 入坐時店員都講明限時90分鐘其實佢出名係魚生新鮮, 但我因為對魚生普通 所以叫左藍鰭吞拿魚扒丼 因為佢係用火炙過, 但我特地叫店員幫我炙熟少少藍鰭吞拿魚扒丼一上台就好靚, 好岩我自己, 當然佢本身係生好多, 我呢個版本係同大家唔同雖然係咁但材料都一樣, 只係生熟程度不同但而且吞拿魚扒好肥美, 因為我呢個炙熟既程度多d, 就算單一塊食哂食落都唔會太膩, 都依然好肥美好好食.吞拿魚扒都厚身而且味道濃郁, 一食個d油脂真心好正!至於跟套餐既茶碗蒸都做得好好, 好滑嫩無過老既情況!而且清湯入哂味, 估唔到佢地茶碗蒸做得幾好, 以為只係魚生靚點知有驚喜!下次再黎會試魚生丼!!!!另外就係雖然限時, 但90分鐘都絕對ok既!…查看更多

天氣開始熱，食日本野就最啱。今日午餐來到吞拿魚專門店Doraya。日元貶值，所以吞拿魚扒丼同葱吞拿魚腩蓉丼都會免費增量20%。因此無理由唔叫返個吞拿魚扒丼定食。 所有定身都包茶碗蛋、前菜、潰物、味增湯、綠茶奶凍。味增湯唔會太濃味，仲有大量紫菜同豆腐。茶碗蛋亦夠哂滑溜，都幾大碗，有菇、蟹柳、日式魚蛋片。吞拿魚扒丼定食由上枱個刻就知無得輸。塊塊魚扒都係厚切，差唔多2cm厚，大約十二塊鋪滿係面，色澤紅潤，好新鮮。吞拿魚扒脂肪比例好平均，入口嫩滑，用脷已經可以將肉輕輕推開，唔會鞋。師傅將吞拿魚扒邊略為煎一煎，火喉恰到好處，將吞拿魚油脂逼出，更加可以帶出吞拿魚嘅香味。而且確保到無影響中間嘅肉質，所以依然係刺身嘅口感。揀左配壽司飯，淋上左燒吞拿魚汁，燒汁帶有魚香嘅鮮甜味，撈飯食好正！接住係期間限定嘅横切吞拿魚三色刺身定食。一整條厚切刺身，包括色澤較深嘅赤身，粉紅色嘅中腩，同粉嫩程度更高嘅大腩。由淡至濃味食起，赤身正常，香味較欠奉，好嘅係無咩根。中腩油脂比例剛好，適量嘅脂肪帶出魚香，入口嫩滑，水準高。大腩魚油味更重，更滑，更肥美。不過由於脂肪較多，淺嚐幾塊已足夠，否則太過了。中腩嘅肉質同口感最平易近人，食多幾塊亦可。一頓飯亦以美好嘅甜品結尾。:)綠茶奶凍夠細滑，淡淡嘅日式綠茶香可以解解膩。奶凍底部有一層抹茶粉，要一次不到底連埋奶凍一齊食，令抹茶味再提升。而且一杯都幾大，今餐夠哂滿足！比較個價錢、質素同份量，個人認為吞拿魚扒丼定食性價比較高。港人食得最多同最愛都係三文魚，如果食得悶，不妨試下吞拿魚。…查看更多