定食 Doraya (厚福街)

約咗舊同事去doraya, 其實我哋一直都係去開中環分店，不過同事而家轉左喺尖沙咀返工，所以我哋就約好去尖沙咀分店懷緬吓。同樣中午12:30 ，尖沙咀分店明顯少好多人，大約只係得三成座椅坐滿。午市套餐同中環一樣，不過我至愛嘅doraya午市定食就未能提供加錢將白飯轉烏冬嘅服務，呢方面確實有少少失望。不過都有讚嘅地方，食物質素OK，百多元可以食勻茶碗蒸、刺身、炸雞、炸蠔、麵豉湯，同埋白飯。作為午餐，真係好滿足同好飽👍🏻👍🏻…Read More

呢日要去尖沙咀做嘢，可以去食下尖沙咀Doraya !公司般咗去中環之後都好耐冇黎尖沙咀食飯！尖沙咀0既Lunch都係咁多人！不過位多，而我又一個人，所以都好快有位。點咗個午餐定食$128，性價比高到爆燈！睇相都知！味道同質素真係令人驚喜，炸雞外脆內嫩，入口脆得黎又唔會膩，食落超滿足。刺身都出色，油甘魚、三文魚同吞拿魚都好味，絕對對得住個價錢。午餐仲包咗茶碗蒸、味噌湯同前菜，茶碗蒸好滑，成個餐豐富到不得了！👍👍👍個飯都係超好食0既！樓面話而家係用緊北海道七星米煮。食完真係有種去咗日本嘅感覺！hahaha服務態度都OK，店員有禮貌又有效率，雖然午市人多，但上菜都好快，仲會主動問你有咩需要，態度親切得來唔過分，感覺好舒服。餐廳環境乾淨企理，不過如果你係一個人既話！要搭枱既機會都應該幾高！不過係尖沙咀咁忙亂嘅地方都有間「Doraya」真係好。…Read More

據說老闆以前是做吞拿魚批發 所以能拿到品質好價低的吞拿魚。這次點的是藍鰭吞拿魚扒丼配溫泉蛋，吞拿魚質素真心無得頂，新鮮到不得了。魚扒灼燒了一下，拌上溫泉蛋、蔥花醬油一口超級滿足！魚扒肥瘦適中，但我喜歡再肥美一點價錢唔算平，但同質素比起來絕對係超值，$200內有得食到咁高質嘅刺身，喺尖沙咀旺區真係難得。環境好有日式小店feel，簡約舒服，氣氛夠chill。服務態度都幾好，店員好有禮貌，上菜快手。下次想試下食4色呑拿魚丼！…Read More

已經食左好多年，由有任食沙律吧，去到疫情，到捱過左疫情。明明間餐廳唔多人，係門口話一位，都可以唔理個客人。講左左兩次先應我。結果叫左一個吞拿魚扒飯，間餐廳有一半以上空枱，等左二十分鐘都未有，後來嘅客人都食緊，要催兩次先有。侍應不停傾偈，即係唔係唔俾你講。但講到勁大聲。客人催單都愛理不理嘅樣。平時多人都唔使等咁耐，擺明漏單。份量已經比以前少，塊扒已經比以前薄。壽司飯無以前咁好食，硬到隔夜飯咁。好希望老闆關注一下員工服務同食物質素。希望唔係最後一次嚟幫襯。真心失望。好耐未試過未食完就寫食評。…Read More

星期六特登想去呢間食因為係兒時回憶細個成日同老公拍拖食呢間嗰時質素好好今日食午餐午餐唔會因為咁而平咗但係份量就少咗一半變相加咗價唔知佢夜晚係咪都咁總之嗰次食午餐啲飯仲多過刺身啲刺身仲要係啲邊邊角角唔會再幫伏伏伏伏伏伏伏伏伏伏🤢🤢🤢🤢🤢🤢🤢🤢🤢🤢🤢同埋明明有好多座位，但係侍應都會夾硬塞啲人同你搭枱仲要食完我同老公第二日都肚痾，你話關唔關事我就覺得關事囉…Read More

今次嚟到 Doraya，為咗可以同時食到吞拿魚同三文魚，試咗佢哋嘅特選海之幸壽司丼定食(๑¯∀¯๑)#### 1. 特選海之幸壽司丼定食- **價格**：$178- **評價**：魚生切得厚薄適中，口感滑嫩，特別係三文魚同吞拿魚，食完之後都有種鮮甜嘅回味。定食仲配有小菜同味噌湯，整體感覺好有日式風味，值得推薦！(｡・ω・｡)價錢方面，$178 雖然唔算平，但以佢哋嘅食材質素同服務質素黎講，都算合理。總括嚟講，無論係食材定係環境都令人滿意ε(*´･∀･｀)зﾞ…Read More

之前常聽說「定食Doraya」的吞拿魚質素不錯，不過始終無緣到訪。這天難得來到厚福街附近，便趁機一試。平日午市套餐有各種吞拿魚迷你丼配烏冬/蕎麥麵，也有其他不是吞拿魚的刺身或熟食套餐。因為一心想吃吞拿魚，所以點了主餐牌中的定食，刺身的份量會比午市套餐多。吞拿魚扒定食 $157（連加一）吞拿魚扒定食共有8片吞拿魚，其中有4片赤身，魚味濃郁，肉質細滑，吃得出是只有新鮮吞拿魚才有的質感；另外兩片的部位近中拖羅，魚油香更出眾；最後兩片是尾部，刺身的切面呈扁長的圓形，頭圓尾尖細長的一條，血色比赤身更濃重（已接近紫紅色）。最初一看，心想一份定食有這些頭頭尾尾的「下欄位」也無可厚非，這種深沈的血色，也令人有魚肉會很腥的觀感；不料刺身一入口，不但全無腥味，魚味甚至比赤身更濃更甜，而且比起赤身的軟滑，尾部的肉質爽口彈牙，出乎意料的好吃。還是第一次吃到這部位，覺得甚至比中拖羅和赤身更美味呢。雖然每片刺身都有條筋，但無阻享受吞拿魚滑嫩的口感。定食可選配白飯或壽司飯（醋飯），我選了後者，飯是室溫的，醋味溫和，飯粒分明而富彈性，和吞拿魚很配。畢竟吞拿魚對鮮度的要求比其他魚都要高，稍一不夠新鮮，質感很容易會變得粉粉的、如橡皮刷般難吃，魚腥味也會很明顯；這裡的吞拿魚不但鮮度足夠，套餐還包括茶碗蒸、麵豉湯、沙律、前菜和泡菜，能以這個價錢吃到新鮮高質的吞拿魚真的很棒，值得吞拿魚愛好者來嚐一嚐呢。…Read More

如果你未試過就真係miss out左！真心喺香港食過最美味嘅吞拿魚刺身！吞拿魚魚生控一定要試一下😩❛ 藍鰭吞拿魚扒丼定食 bluefin tuna steak bowl set ($143)藍鰭吞拿魚新鮮同埋夠厚切！肥瘦適中，肉質鮮嫩軟腍，最喜歡吞拿魚扒灼燒嘅味道同埋口感，灼燒過逼到啲油脂出來好香！白飯用上日本米好香綿密濕潤❛ 吞拿魚蓉&三文魚籽丼定食 minced fatty bluefin tuna & salmon roe bowl set ($168)勁厚一層吞拿魚蓉蓋過成碗飯！好誇張！魚蓉鮮嫩肥美，啖啖肉配綿密嘅白飯真係好滿足🥰 三文魚籽鮮甜爆汁，加左隻溫泉蛋 (+$15) 勁大隻同埋滑！撈埋一齊食更滑更美味🤤所有套餐都包茶碗蒸、味噌湯同埋小菜茶碗蒸滑溜多料 – 有軟腍嘅瘦肉同埋蘑菇；味噌湯唔會太鹹有粒粒滑豆腐以呢個價格、質素同埋份量真係好抵食！但係請有心理準備繁忙時段可能要排隊—ʜᴋᴅ $150-200 𝗉𝗉 𝙧𝙚𝙨𝙚𝙧𝙫𝙖𝙩𝙞𝙤𝙣𝙨: no𝙧𝙚𝙫𝙞𝙨𝙞𝙩? yes𝙤𝙫𝙚𝙧𝙖𝙡𝙡: 8/10—📍 定食 Doraya尖沙咀厚福街8號H8 6樓…Read More

Doraya有三間分店，分別喺中環，銅鑼灣，同尖沙咀，尖沙咀呢間最寬敞，最多位置，食物質素亦一貫幾好。真係好鍾意呢間嘅魚生飯，魚生新鮮、鮮甜，壽司飯亦做得恰到好處，用真正日本買又有少少香醋味。最重要嘅係價錢合理，豐儉由人。…Read More

Lunch time 我來到一間專門供應日本魚生飯的餐廳，對於喜歡生魚的我來說，這裡簡直是個天堂。餐廳的魚生新鮮，每一片都切得恰到好處，搭配的醬汁更是美味。我點了一碗魚生飯定食，米飯的軟硬度適中，口感非常棒。飯量上，其實對於一般女生來說是足夠的，但如果我那天肚子特別餓，可能會覺得有點不足。不過，這碗飯的魚生份量也算豐富，每一口都充滿了海鮮的鮮味。環境方面，餐廳簡約而舒適，讓人感到放鬆，適合與朋友一起享用美食。整體來說，這次的用餐體驗讓我十分滿意，如果你喜歡新鮮的魚生飯，這裡絕對值得一試！期待下次再來探索更多美味的選擇！…Read More

好多年前開始定期都會去食Doraya。特別係疫情時無得出關，成鬼日走去食。自從開返關就少左去食。今日咁岩同朋友去開尖沙咀，就順便去幫襯下😋同朋友大約13:00上到去，果然都係排晒長龍，好彩等左唔係好耐就可以入座😌見到有個新出menu吞拿魚他他丼定食$198。一食好有驚喜！甜甜地既汁加上薑汁，成件事好夾。加埋隻生雞蛋🥚諗起都想再試😍😋吞拿魚既份量都俾得好足，CP值好高。朋友就叫左銀鱈魚西京燒定食$178。魚都好嫩滑，個汁都一樣係甜甜地好味～隔咗咁多無食，Doraya一樣keep到質素，唯一美中不足既係10年不變既排長龍🙈🙈🙈…Read More

呢間老字號最出名係日本吞拿魚飯！聽就聽得多，終於第一次去。🍱粒粒海鮮丼定食- $158細細粒一口一啖非常足料，配壽司飯食好開胃定食套餐有埋蒸蛋，湯同漬物～🍱特選海之幸壽司丼定食- $178首先砌得好靚，即刻打卡影相先🤣有唔同款嘅刺身，每片刺身都切到好厚身，好新鮮！Order完好快上菜，講真呢個價錢食到咁高質魚生，CP值超高。下次會再去👍🏻PS：店員態度好有禮貌，特地安排方便放bb車嘅座位俾我哋😊…Read More

每一次都唔會失望，質素始終如一！試左個新Menu 他他丼吞拿魚的油脂含量超晒標！日本生雞蛋胖飯！真係冇得輸。。。。同個茶碗蒸都好好食！好似話攞左個咩大陸獎！又多咗人等位！！！呢個真係唔開心！唔好攪我個飯堂啦…Read More

由三年前到而家，隔幾個月就會去幫襯一次的餐廳。今次去完之後好失望，食物質差咗好多，份量都越來越少。在電話相簿搵翻曾經影低的相片，擺埋一齊做對比～～食物質素降低到真係令人好失望。今年以來，時不時有食開的餐廳唔見咗，除咗多咗好多人北上消費，我哋本地餐廳係咪都出咗問題？冇加價，但係變相降低質素及減少份量。一個定食258+10%服務費，又應該係點樣嘅質素？下次如有機會再幫襯，希望餐廳會變翻以前的質素🙏🙏…Read More

🍣 **菜式介紹**最近喺尖沙咀發現了一間日本餐廳，佢哋主打各種新鮮海鮮料理。今次我試左佢哋的**吞拿魚扒刺身定食**，真係要大力推薦俾大家！- **吞拿魚扒刺身**：呢個套餐入面最吸引人既當然就係呢份厚切的吞拿魚扒啦！每片都非常新鮮，而且口感嫩滑，一啲腥味都冇。- **海鮮蒸蛋**：另外仲有一碗海鮮蒸蛋，上面鋪滿了蝦仁、蟹肉同埋貝柱，每一口都有濃郁的海洋風味，非常美味。- 其他配菜包括白飯、醬油漬物和湯品，全套下來份量相當豐富整體用餐經驗非常愉快。侍應生態度親切友善，而且上菜速度亦十分迅速。…Read More