四季‧悅 日本餐廳 (遠東金融中心)

高質放題，再次幫襯，全因食物新鮮有水準、賣相精緻、環境乾淨又舒適、服務員態度有禮、食物出得快，唔會浪費時間等候，刺身非常新鮮，天婦羅及炸物類食物炸得好好食，食物種類多…兩星期前有極尚海膽杯送(😋超新鮮美味😋)，還以為仲有得送，原來優惠已完結，希望可以再做送海膽杯優惠😋👍🏻不過今次有新優惠每2位惠顧減$230及加送日本和牛壽喜燒、每位送$100現金優惠券👍。…查看更多

較早前曾與友人來過食日式晚上放題，價錢是 $428 一位聽友人講今次有即劏原條黃鰭吞拿魚表演，會在10月10日舉行，都吸引了我們來觀看及再食放題，而價錢會有不同，這個【原條黃鰭吞拿魚極尚放題】價錢是$1188 ，但是預早訂購可有8折優惠，即是每位是 $950.4，用餐時間都是一樣由6pm-10pm內 4小時任食。而開魚儀式時間由19:00pm至19:30pm，每位可以享用到大拖羅及中拖羅各三件，而且任食赤身及拖羅壽司!之後分別在10月17日及10月27日都會再有即劏原條黃鰭吞拿魚表演，真是不好錯過。解魚表演時間到了，解魚師傅馬上手起刀落，即場解魚，把重30公斤原條黃鰭吞拿魚解剖，讓我們稍後有鮮味的吞拿魚刺身品嚐。先來有大拖羅一片及中拖羅三片，中拖羅油分比大拖羅較少，口感軟嫩細滑，筋也少，有魚味口感十足。而大拖羅呈粉嫩的色澤，雖然未算是好肥美，味道尚算甘香，但都有入口即溶的感覺。放題點菜紙有4張， 有前菜、甜品、飲品、刺身、壽司、卷物、燒物、炸物、煮物、飯、麵及湯。刺身方面先點了三文魚、牡丹蝦、帶子、劍魚腩等，劍魚腩入口即溶之外，油香味重，讓我吃得津津有味，牡丹蝦口感黏身爽滑，蝦肉軟嫩香甜，帶子大粒嫩滑，有彈性。整體刺身非常新鮮。餐前小菜個人都愛食牛蒡漬物，瘦細的牛蒡的膳食纖維都好高，可以幫助排便順暢。它能降壓降膽固醇，它的味道帶酸香且嚼勁，吃起來都幾清爽。先有芝麻醬蕃茄沙律作頭盤，清甜新鮮的蕃茄切成小片，再加入了雜沙律菜及日式的芝麻汁，味道香惹又醒胃。蔥吞拿魚蓉卷的魚蓉剁得幼細，口感軟滑鮮美，魚味濃郁，魚味與飯相襯，。而軟殼蟹卷的軟殼蟹炸得脆口，飯上鋪了蟹籽，而內有青瓜粒可以減輕下軟殼蟹的油膩感，清爽而帶香脆的感覺。:)海膽壽司點了四件先，入口的質感細滑豐腴，味道甘香，海膽份量十足，紫菜都好夠脆身，必食推介。除了海膽壽司再Encore ，另外再點了玉子壽司及三文魚籽壽司，三文魚籽壽司的三文魚籽粒粒晶瑩剔透，把它整件放入口中， 一咬即破，滲出鹹香濕潤及脆卜卜的口感，沒有腥味，味道都真是不錯。蒲燒鰻魚肉質厚身大件，已教人垂涎欲滴，它用上了蒲燒醬汁燒過，上枱時已經香氣四溢，味道香甜，吃起來魚肉都好嫩滑黏糯，又沒有大多魚骨，讓人吃得痛快。銀鱈魚西京燒表面烤至金黃微焦，魚皮都燒得脆口，肉質滑溜鮮美，滲出了魚油香，油脂豐富，而且又有白味噌的甘甜，用白味噌醃過的銀鱈魚可以減去膩滯感，好入味又香甜。熱食我較愛食黑豚生薑燒，它帶少少薑味，洋蔥煮成的薑汁可以減去了豬肉本身的腥味，帶出了黑豚的肉香，有爽口的口感。最後食碟雜錦天婦羅，已有蕃薯、南瓜、秋葵及大蝦天婦羅，整體上炸漿都夠薄身夠脆，炸得乾身香口，吃起來又沒有油膩感，水準一流。甜品有雪糕每位一客，是來自日本的雪糕，口味有咖啡及朱古力，我選擇了咖啡味， 雪糕奶味濃都，質感香滑甜美，散發出啖啖的甘香的咖啡味。自家製甜品是每位一客，今日是芝士餅，芝士味道尚算濃厚，質感都是輕柔滑溜，不過不失。在金鐘區找到一間那麼高質素的日式放題真是難得，而且款式都很多選擇，餐廳環境寬敞，而服務員的服務招呼殷勤，整體上三方面的質素都非常值得推介，最驚喜有解魚表演觀看，已令我大看眼界。:)…查看更多

坊間好多放題嘅質素都麻麻，而且坐位太多，迫迫劫劫，食得都幾辛苦，唔知大家有無同感呢？之但係，去到大時大節，慶祝生日等，放題永遠都係其中一個必然選擇！個個都放題，唔通個個都想食放題咩？今日就等我A姐介紹一個高質素嘅放題選擇畀大家，記住bookmark金鐘四季悅，呢度除咗食物質素同環境一流之外，最重要係有成4個鐘嘅超長任食時間，咁下次成班friend約去放題就識揀啦！呢度嘅選擇分為刺身、壽司、卷物及燒物、鐵板燒及串燒、炸物及煮物、飯麵湯、前菜沙律及甜品7大類，合共87款選擇，好老實，選擇雖然唔多，但點都好過日、韓、台、泰款款都有，結果樣樣都麻麻哋。雪場蟹腳一坐低，餐廳就送上雪場蟹腳，除咗有濃濃嘅海水味，仲係啖啖肉㗎！肉質爽口，絲絲蟹肉，味道鮮甜。刺身連放題一向少見嘅油甘魚、劍魚腩都有，最重要係夠晒新鮮，好有口感。壽司壽司一向唔係放題人仕嘅熱點項目，但呢度嘅海膽壽司就不得不點！海膽嘅味道濃郁，連一向唔食海膽嘅M佬都一試難忘，好鮮甜呀！燒物至於4款燒魚都各有特色，我A姐就強烈推介銀鱈魚西京燒同蒲燒鰻魚！銀鱈魚西京燒銀鱈魚嘅魚肉好滑，魚味好豐富，最重要係個外皮燒到脆卜卜，燒香之後油脂豐富。蒲燒鰻魚鰻魚肉夠晒厚，連少少碎骨都無，當然，個鰻魚汁調味啱啱好！燒牛舌厚切嘅牛舌好有口感，好惹味！最後食埋甜品，呢餐真係非常唔錯！…查看更多

臨近情人節，餐廳都推出唔同的套餐，我就覺得食放題都唔錯，一來價錢固定易預算，二來比套餐更多選擇及份量多，實行餵飽情人。呢度放題由晚上六點至十點，任飲任食四小時，可以慢慢食慢慢傾計，而且仲送冰鎮磯煮鮑魚及燒羊架，情人節仲送甜品。地方很大很夠空間，而且較寧靜舒適，下單至上菜都非常迅速，亦沒有漏單的情況，職員收搭也很勤快，服務令人滿意。飲品有橙汁及蜜桃茶任添，也有熱水提供。蟹籽沙律冰凍脆口，好清爽開胃。呢度每款食物都精巧細份，可以食多幾款都唔怕飽。再來日式蒸蛋，熱辣辣又滑溜的蒸蛋，材料很豐富，有雞肉、冬菇、蝦仁、銀杏等，味道很好。反而一口甜薯又凍又乾，味道不夠串燒煮法好。冰鎮磯煮鮑魚是附送每人一隻，擺盤精緻優雅，睇落好名貴。近影鮑魚已經覺得好味，已細心切開，鮑魚都算大隻。好彈牙的質感，鮑魚味不算很重，但有陣陣酒香，煮得也夠入味。刺身有7款，先點部份來食，之後再點第二轉，其中三文魚、吞拿魚、油甘魚、劍魚腩及甜蝦。三文魚較好食，肥美鮮嫩，魚油豐富。油甘魚同劍魚都較普通，但甜蝦真係好正，鮮嫩甜美。之後壽司都來啦，一排海膽及帆立貝太吸引了。海膽壽司有滿滿海膽，鮮橙色一排引誘著食客，海膽甘甜味濃，紫菜仲脆卜卜，飯也較細，相對材料比例多。帆立貝超嫩滑軟腍，入口鮮甜味化開，雪白厚身肉質十分抵食，必點之選。蔥吞拿魚蓉壽司，魚蓉入口開始溶開魚脂，甘香鮮潤，軟綿綿無筋入口快要溶開的質感好正。醋鯖魚壽司，飲質札實有彈性，酸味偏少，魚味較重。很快燒羊架都來，雖然係送，但味道也很好。好厚身的羊架，羶味有少少，但加左甜甜地的薄菏醬，味道提升了。羊架都幾肥，食完有點膩。跟住到熟食很快上菜，隨即一枱都是美食，花光眼亂唔知食邊款先。雜錦天婦羅才有的蝦，還有南瓜、茄子、蕃薯等等，另外還點了蟹棒。炸衣好薄好酥香，也不油膩，做得幾好。蟹棒也炸得唔乾，味道清淡簡樸，食到食材味道。銀鱈魚西京燒超嫩超滑的魚肉，一點也不腥，一絲絲魚肉很札實，燒得微焦，帶有獨特香味。蒲燒鰻魚較軟腍，肉質鬆綿，雖然夠入味，燒得又香，但很快凍。軟殻蟹卷也偏腍，幸好用料幾多。一口牛柳粒好有咬感，牛味濃又多肉汁，熱辣辣好惹味。炸一口豚比較乾身較硬，都炸得脆口，如果醬汁再多點更好。牛舌串厚切，經串燒特別香口，質感爽彈，味道很好。薄燒野菜牛肉卷就是肥牛卷著野菜，肥牛一定好味，野菜份量再多就更好。黑椒豚肉串，呢個估唔到咁好味，豚肉又嫩，仲好彈好有肉味，黑椒微辣，刺激中又帶帶燒烤香味。燒菠蘿是我必點，用新鮮菠蘿來燒，唔乾仲保持濕潤，咬下勁多果汁，微酸可以清掉串燒的油膩感。最後甜品有明治雪糕條，好磯冇食，脆卜卜朱古力脆皮包著雲尼拿雪糕，兒時已經覺得好正，脆皮仲有花生碎。雖然價錢較貴，但時間較長，可慢慢食慢慢傾，加上食物擺盤精巧，上菜快又服務周到，食物款式也算多，環境開揚廣闊坐得舒服。…查看更多