嘉寶漢堡 (嘉寶大廈)

芝士牛堡 $36 （套餐+$17）個包望落唔係好大，但係入面塊牛係好厚。唔係好食到有芝士味。生菜同蕃茄都好新鮮。套餐揀咗薯條同可樂，薯條係比較粗，炸到好脆。份量都好多。食成個餐都幾飽。之前都食過其他款，都好好食。個人比較鍾意香辣煙肉磨菇芝士牛堡 ，覺得呢個包juicy 好多，同埋有煙肉係入面香口啲。套餐小食都好多選擇，有薯餅、燒賣、番薯條 、薯條、炸燒賣、凱撒沙律。推薦食炸燒賣，因為出面都好少見。所以間唔中都會去食呢間。…查看更多

嘉寶漢堡餐廳的芝士牛堡套餐絕對是一道美味的餐點，讓人一試難忘。這道牛肉漢堡堆疊著新鮮的生菜、蕃茄和軟嫩的芝士，再淋上特製醬汁，每一口都充滿了豐富的口感和層次。牛肉的烤製程度正好，讓其肉汁豐富且不失嫩度，口感鮮美。配上炸燒賣和罐裝汽水，更是讓整個套餐完美的平衡了各種口味。除了美味的食物，嘉寶漢堡餐廳的服務也非常出色。工作人員總是熱情地迎接客人，並快速地為客人處理點單，點餐後會給你一部機提示你準備好餐點時去自助取餐。整個用餐體驗非常舒適，讓人感受到溫馨和融洽的氛圍。如果你是喜愛漢堡的美食家，嘉寶漢堡餐廳的芝士牛堡套餐絕對值得一試。不僅僅是因為它的美味，也因為它的價格實惠，讓你可以品嚐到高品質的美食，同時不會對你的錢包造成負擔。所以，如果你正在尋找一家優質的漢堡店，我強烈推薦你來嘉寶漢堡餐廳，品嚐這道令人難以忘懷的芝士牛堡套餐。…查看更多

嘉寶漢堡稱得上係我食過性價比最高既漢堡❤️😍試過幾款全部都係勁好食🤩啲肉汁多到爆晒出黎，而且餡料又多😋暫時有三間分店，未食過既朋友一定要去試😎特登去食都好值得 🥳🍔BBQ蛋豬堡（$33）今次係第一次外賣，不過質素一樣好正👍🏻BBQ豬堡都係超正，BBQ醬配埋豬肉一流👻豬肉超Juicy, 一咬落去啲肉汁爆晒出黎🤤加埋隻半熟蛋真係錦上添花🤗不過因為外賣漢堡用盒裝冇另外用紙包住所以食起上黎都有啲狼狽🤣啲汁流到成手都係 😝🍔芝士牛堡（$33）傳統牛堡亦都好正🤪芝士配牛係完美既配搭😌牛肉亦都係超多汁，好正 😍套餐（+$15）🥤汽水＆🍟薯條套餐可以自由選擇配搭，有汽水、支裝飲品等之前我就好中意套餐加薯格，好脆好好食😚但今次淨係可以加薯條，但係薯條個人就覺得麻麻😞薯條係粗扁既，但係唔夠脆，薯仔味唔香😣所以食落去感覺好似冇味既薯蓉咁🥺如果可以加啲調味同炸得香啲就會正好多😜/📌嘉寶漢堡 (嘉寶大廈)葵涌青山公路葵涌段499號嘉寶大廈地下A&B號舖/😋食物質素：8.5/10💰性價比：9/10👣回頭率：9/10…查看更多

疫情之下，冇得入食肆食，餐餐一係外賣一係自己煮，自己煮已經煮都唔知煮咩好，突然諗起嘉寶漢堡，對上一次食已經係上年，諗起都興奮！雖然等單比較耐，因為實在超多人光襯啦！！太好啦！我叫咗最簡單嘅芝士牛堡，好有口感，入面舊牛都超好食，抵食之餘仲要好味又有良心，喺邊度搵呀！屋企人食BBQ味！佢話始終都係芝士牛堡最好食，純粹想試吓BBQ味過癮追加小食+$10就有香脆粟米片雞塊，聽個名幾得意，不過外賣返屋企就冇咁脆了，下次要即刻食左先！升級套餐+$15就有一個小食同嘢飲，抵食！整體感覺食完一定會再返嚟，太好味啦！…查看更多

*芝士牛堡($33)好juicy，超級大個！大到唔可一啖咬曬咁多層😵😵😵食完個包已經飽咗🤰🏻*黑松露芝士牛堡($46)毫不留手嘅黑松露醬，好濃嘅黑松露味（煤氣味！🤣每個包可以加$15轉套餐(小食+飲品)*薯條 係粗薯條🍟🤤少少鹹味，炸得岩岩好，出乎意料好味 👍🏻 *炸燒賣好脆不過無咩味，下次應該唔會再叫🙊*薯餅($8/塊)好味過麥xx🤣🤣🤣值得一讚嘅係套餐飲品可以揀支裝水👍🏻埋單$125，果然係好平又好味…查看更多

「嘉寶漢堡」個名聽就聽得多，岀晒名多人排隊。難得今日經過見無乜人等，就等我試下有幾好食先😂😂漢堡既種類多，有牛、雞、豬、蝦、羊和素。我簡左芝士牛堡+$15升級套餐（小食有薯條、燒賣、炸燒賣、薯格、番薯條加$4和沙律加$4）。飲品有罐裝汽水、支裝水、熱飲、凍飲加兩蚊。芝士牛堡入面有一塊芝士，牛堡咬落去好Juicy，麵包很鬆軟。😊😊小息我揀咗炸燒賣，炸得香脆，口感偏向彈牙，律好吃😊😊😊^_^…查看更多

好多人～好多人～好多人～‼️‼️重要事情講三次‼️‼️食嘉寶漢堡要過三關斬六仗餐廳開12點 12點即刻去The GULU拎飛結果都係等左50分鐘🥲🥲終於入座 等食物又等左20-25分鐘有多可能因為好多外賣單 而且製作需時坐位的確比較少 眼見食客都自律食完都會快手走人～👍🏼👍🏼👏🏻冇計啦😂嘉寶漢堡的確值得幫襯食物方面都出色 價錢合理 CP值高但下次會叫外賣🥡因為唔洗再曬咁多時間起到等候～兩個人埋單$88 未話真係食到好飽好飽但係都係滿足既～B2)芝士牛堡+炒蘑菇 $40好有水份 飽皮仲好軟身😉生日菜好新鮮 食落仲sharp sharp聲蘑菇味都好出色👍🏼下次試埋大啡菇先B2) 芝士牛堡 + set 薯條🍟& 可樂 $48半自助架～飲品可以自行起雪櫃自取汁醬都係自取😙😙 …查看更多

「嘉寶漢堡」係一間位於葵涌超高人氣嘅Burger店，每次經過都見到店外排哂長龍。我哋當日5點半到，去到已經見到好多人係門口等緊位，但輪位速度都還算快，等咗大概15分鐘就入到。試咗芝士牛堡同日式芥辣雞堡，兩款burger都大大個，肉大塊又厚身，醬汁都落得好多，價錢好親民，性價比超高！+$15就可以升級套餐，包一杯野飲同一款小食，凱撒沙律再+多$4。仲可以再追加小食，作為芝士控嘅我毫不猶豫揀咗炸芝士~炸芝士超拉絲，不過有少少可惜嘅係芝士味唔太出，食唔太到有奶香味，得一種鹹味。 🧡芝士牛堡（$33）🧡日式芥辣雞堡（$29）🧡凱撒沙律+汽水（升級套餐+$19）🧡炸芝士（+$10）…查看更多

經常經過這家💛店，都總是大排長龍。今天決定的起心肝來這裏排隊，想一試這裏的漢堡。吃過後，就明白為什麼會有這麼多人大排長龍。真的都是抵食、好食夾大件！共點了三份餐，每個漢堡都爆汁又肉厚，吃完就不想再吃M記的。漢堡看起來不大，但因為肉厚juicy，又有配菜，再加上我們都加了小食和飲品升級做套餐，所以都吃得飽肚又心滿意足☺️☺️☺️🍔芝士牛堡加炸燒賣 ($33+15)🍔脆薯牛堡加薯格 ($35+17)🍔經典牛堡加薯條 ($35+15)…查看更多

由於晚市禁堂食，放工去左買外賣，叫左個burger 返屋企食。一去到見到好多人排隊，而且casher 一路都有人打電話訂，所以決定試下，叫完個包，等左十幾分鐘先有得拎。芝士牛堡 $31返到屋企切開見到個包中間有蕃茄、生菜同埋芝士，牛漢堡既肉質都幾彈牙，呢個價錢呢講都幾抵食，芝士味好濃，而且蕃茄水分控制得幾好。…查看更多

一改以往尖沙咀店的壞印象 !三年前幫襯過尖沙咀店，印像很差，三個店員亂七八糟，又唔識收錢，又只得兩三款漢堡包，又黑口黑面，加錢要套餐薯條又賣曬，三年來都唔敢再去幫襯佢。直到近期見葵涌店大排長龍，一定有啲嘢，比次機會自己再次嘗試下，店員全部都係後生仔，帶住口罩都覺得佢有笑容和有禮貌。~漢堡包的包面有烘過所以脆脆地。~漢堡牛肉有牛味唔鞋也不會太實。~芝士溶曬喺漢堡牛肉上面。~ 番薯條，外脆內軟味濃厚。小店以這個價錢超抵食(平均每人$50~)，超好味，超級推薦👍…查看更多

平時好少會行過黎呢頭，最多搭車經過，但每經過都見呢間burger店有人排隊，佢係有得堂食，位都唔少，但都要排長龍證明都有d料到今日見係附近，決定同啊媽細佬試試佢。我地大概6點去到，店外都唔少人等緊外賣，但未有龍，所以我地order完都算快有得食我地order左三個包，加左一個餐which要加13蚊，有多份薯條同飲品，我地要左杯熱柚子蜜。媽媽食雞堡，佢覺得唔算太濃味所以佢鍾意，塊扒都算厚，開心嘅之後仲追加多個外賣比老豆食，相信係好食。細佬食牛堡，佢係勁快消滅左個burger佢表示舊肉都幾juicy, 而且都大方唔會話薄薄一片，但芝士味可以再重啲！呢個truffle就係我order嘅，我對於truffle基本上係冇抵抗力哈哈！我覺得truffle醬同啲cheese同塊牛真係幾夾啊，食完係岩岩好，唔會話好濟！佢隻truffle唔會好勁gas味..唔知係好定唔好呢，總之我就ok佢呢個level嘅味啦，我開心咪得囉跟餐嘅粗薯條，我最鍾意就係呢種肥薯條架啦！開心但細佬話佢食到有d未熟透，中間仲有d硬~~另外薯格就正常水準啦，食完個咀好似有d想腫太熱氣..但佢係惹味嘅，但真係唔食得多..太濃味~~我地食完，追加比老豆嘅時候，外面已經排滿晒人啦，係長龍....犀利！所以下次我黎食會早少少黎係啊~! 我係會再翻check…查看更多

之前喺呢度返工嘅時候，同事就帶過嚟呢度食漢堡，真係超級高質，今日就帶男朋友嚟呢度食。佢嘅看到款式都有差唔多30種，第一次嚟嘅時候真係會揀咗好耐架。平時我就鍾意食蜜糖芥茉菠蘿豬堡，今次就試吓新野啦，叫咗一個BBQ豬蛋堡$31，一個芝士牛堡$31，兩個都加咗套餐，另外再買多兩隻原味雞翼樂園order之後店員會比一個牌你整好嘅時候佢就會震動你跟住佢去拎，汽水就自己喺個汽水櫃度拎嘅。因為佢所有漢堡都係即叫即整，所以都要等一段時間先會上枱，但相信我呢個等待係絕對值得嘅！你睇吓芝士牛堡芝士係幾咁吸引呢！以佢嘅牛肉豬肉同埋雞肉都係手打嘅漢堡扒，同連鎖店嗰啲好唔同㗎而我呢個豬蛋堡，咬開蛋仲係留心添架，咁嘅價錢真係好高質素，如果係中環嗰啲漢堡店應該要過百蚊強烈推介大家要黎試下，咁多種款式我都唔知幾時可以試完啦哈哈…查看更多

咁啱約左朋友要去附近拎野，未去過呢區，最多都係搭車經過。我本來對於漢堡包唔係咁大興趣，不過朋友話當食下午茶就一齊啦。叫咗個芝士漢堡加個薯條汽水，原來佢啲野係即叫即做，喺度等嘅時候已經聞到好香，到拎咗餐埋位開始食嘅時候真係不得了，因為我平時食開嘅漢堡包都係好頹，個包又扁，啲嘢又飛晒出嚟.....但呢個好大對比！個包好鬆軟仲係熱既！嗰塊肉好香 夾住芝士有少少溶，蕃茄同埋生菜都好爽，好新鮮，再加埋啲肉汁真係不得了！個薯條原來係厚切嘅，食到薯仔肉，原來漢堡包都可以咁好食，真係要多謝朋友帶我嚟呢度！…查看更多

經常會黎光輝圍轉巴士原來附近有近咁出名既漢堡仲要係平民價格,一入到去 見到好多學生哥, 00後 都黎食可想然知係幾咁平叫左外賣拎走  等左10分鐘單叫漢堡先$31, 加埋餐都係+$13本身想飲涷檸茶 點知冇, 加左津路$5個漢堡值得一試, 好JUICY, 芝士溶哂入個包度個牛都係誠意之作個麵包偏軟, 係我中意既包, 有點似中環果間漢堡店炸燒賣:我建議返可以加椒鹽, 完全冇咩咸味 DRYDRY地配蕃茄醬好似唔係好襯~見到人地薯條係粗薯條 我諗我下次會試下可以ENCORE…查看更多