十三姨 (白加士街)

位於佐敦人流旺盛既街道，就可以搵到呢間餐廳，小店裡面坐滿曬人。分別點咗兩個都係招牌菜，第一個係嚦咕嚦咕配陽春麵，陽春麵配有日式叉燒、溏心蛋、炸雞鎚等等，好豐富啊。第二個係老闆娘鵝肝煎蛋撈飯，接近有三塊大大既鵝肝，再加上煎蛋汁撈飯，簡直口水流啊！400次岩鹽咖啡，岩鹽既味道足夠，咖啡唔會苦，飲落口感順滑。黑牛，可樂底配雪糕帶有忌廉，賣相好靚啊。…查看更多

隱藏係佐敦嘅一間新派港式餐廳到食，裝修幾中式，環境都算乾淨企理👍🏻順帶一提，餐廳服務幾好同有禮貌，值得一讚💪🏻，每枱都有嘅蝦片都好食老闆娘鵝肝煎蛋撈飯😋 (HK$148)用一碗有3大塊左匈牙利鵝肝，煎得岩岩好勁香，外面微焦入面軟滑🫶🏻，自加制XO醬好正，小辣帶咸魚咸香味，重口味人士一定鐘意，再加埋炸紅葱頭同太陽蛋，撈埋一齊食好滿足🤩…查看更多

十三姨的招牌老闆娘鵝肝煎蛋撈飯，鋪在飯面的肥美鵝肝和流心太陽蛋，與微辣的XO醬、乾蔥和秘製醬油拌勻，油香四溢的鵝肝融合辛香調味，讓人回味無窮。此外，店舖亦有多款創新湯麵，「嚦咕嚦咕」湯底濃郁甘甜，裡面有玫瑰雞鎚、雞叉燒及溏心蛋，麵底除了有傳統的米粉、粉絲、銀針粉之外，還提供少見的翠玉瓜麵，口感爽脆，吸附湯汁後更加美味。Nestled in the bustling heart of west kowloon, Lady 13 Kitchen is famous for its Lady Boss Foie Gras on Rice, featuring pan-fried foie gras with its rich oiliness complemented by the yolk of a sunny-side-up. Another must-try is their lineup of innovative noodle soups, such as Champion Chicken Soup. For those seeking a healthier noodle option, you can also choose jade melon noodles.…查看更多

同朋友傾完偈之後夜咗去食飯，去到佐敦睇吓有啲咩食，本來想去對面食麥文記，但係見到呢間餐廳幾得意，同埋俾佢嗰個蟹粉沾麵吸引咗入嚟，點不知個蟹粉得嗰少少，朋友叫咗個飯食，叫做老闆娘鵝肝撈飯，個味道辣辣地，但係有啲太過油膩，再叫咗兩個小食，一個係蓮藕，一個係炸蠔，味道都係正常嘅，講到性價比呢就真係唔係咁好，因為個環境實在太細，坐得好唔舒服，好迫，兩個人食完兩碗嘢一碗係飯一碗係麵加兩個小食要四百幾蚊，食麵都要+1服務費我覺得唔值，早知去對面食麥文記雲吞麵仲好，嗰個蟹粉麵我仲等咗好耐，我朋友碗飯都就嚟食完個麵都未到，今時今日喺香港賣個面咁貴，而且環境一般，應該都唔會再去食第二次。味道係OK嘅，呢間餐廳總括嚟講性價比好低，食完都食唔飽，咁逼夾嘅環境，坐得都幾辛苦…查看更多

十三姨由四位老闆娘合資開返，從菜式來看她們除了對食有要求外，還特別喜歡打麻雀🀄️😵‍💫。在香港現時開設了三間分店，分別是旺角、佐敦及尖沙咀，均是排長隊的人氣食店。 無論佐敦還是旺角，都光顧了好幾次，可以講係充滿回憶拌伴多年的店舖。食店裝修以木系中式為主，主打粉麵，好食抵食，光顧每檯均會免費送一杯蝦片。缺點係排太長隊時間等太久，有時讓我停止了腳步，想幫襯但肚子太餓等不了🤢，令我又愛又恨～～恨係食唔到。 老闆娘鵝肝煎蛋撈飯：私心推介，真的幾足料，係有三至四片煎香了的鵝肝啊啊啊！！外脆內creamy油香味十足，再拌以菜甫、瑤柱、蝦乾、香蔥、京蔥、蛋、肉碎加以秘製醬油拌飯，有少少辣，有點韓食feel之餘又保留返港式，是一個經常賣斷貨的食品，呢個價錢食呢個飯係無得輸。飯可加錢轉椰菜花飯。 椒鹽魷魚鬚：正常的，生炸乾身見口不油，但個人口味較喜歡有醬粉的炸魷魚鬚。 西多雞翼：煎香至脆口，再加入蜜糖的單骨雞翼，非常甜香，而且單骨食落非常方便。 十三飛：以安格斯牛肩肉、牛肋條、糖心蛋及粉絲拼米粉組成，可加錢轉其他麵如翠玉瓜麵、銀針粉及陽春麵等。砂鍋湯頭以牛肉湯為主，再加入共十三種材料淆製，味道略濃，食前再加入青檸汁。 串燒：買四送一的串燒，當天點了雞腿肉、雞軟骨及雞腎，味道不過不失，勝在抵食。 鵝肝多士：老實講份量及價格完勝，可惜最新menu已經沒有了。佢係之前某次的舊相。😂…查看更多

只要講起鵝肝飯好多人就會諗起呢間位於旺角長期都有條人龍既小店，今次專程去試下佢地係佐敦既分店。❈ 老闆娘鵝肝煎蛋撈飯 HK$138鵝肝肥美豐腴入口油潤甘香(3塊)，飯裡面仲有流心煎蛋，蔥，菜脯，乾蔥同埋辣椒xo醬，鵝油味好香濃再加埋秘制飯豉油， 整體十分令人回味。…查看更多

Happy Friday收工想食返啲好嘢，聽朋友講話十三姨好好食，就去咗左敦分店試下😚蝦片 免費一嚟到menu 都未開始睇，店員已經先俾咗呢碗蝦片我地食，係兒時回憶呀🫶🏻🥹手作話梅可樂 $24檸檬可樂就飲得多，話梅可樂真係第一次飲，出奇地同可樂好夾，酸酸地嘅話梅中和返可樂嘅甜度，夏天一飲即刻GUR 哂🫧🤭麻辣牛脷土豆絲 $48呢碟小食一定係惹味之選👅牛脷煮得好淋，土豆絲索哂下面嘅麻辣汁，如果有白飯我應該可以餸哂成碗飯🤣西多雞翼 $38呢個一定係邪惡之選😈餐廳好貼心咁將雞翼剪左一半，食得冇咁狼狽，雞翼煎得啱啱好，加埋平時食開嘅西多醬，冇得輸，嚟到一定要試！蒜蓉拍青瓜 $28青瓜夠哂fresh，加埋蒜蓉一齊醃，特別入味，超級開胃🥒老闆娘鵝肝煎蛋撈飯 $138終於到咗萬眾期待嘅鵝肝飯，咁嘅價錢有2 塊大鵝肝真係好超值🥹佢有個秘笈教你點食，就係一定要加埋佢地嘅秘制嘅醬油一齊撈，將所有ingredients 撈埋一齊就可以食啦🤤 每一啖都好香，所有材料配搭得啱啱好，所以食哂都唔覺得油膩🥰.總括而言，呢間餐廳所有食物都超出我所預期，下次會再嚟試下佢其他主食😋…查看更多

唔知大家鍾唔鍾意食鵝肝, 小編就好鍾意食燒鵝肝加上我喺雞蛋控一知道有鵝肝煎蛋呢個組合， 我就知道我一定要嚟試下！老闆娘鵝肝煎蛋撈飯（$128）（ 可以+$20轉椰菜花飯）有三大塊燒鵝肝，燒得剛好，配菜有太陽蛋，有自家製辣菜脯，大量乾蒜，蔥等。所有配料與枱上面既十三姨秘製豉油（應該係加左花雕嘅豉油）撈埋一齊食，口感一流，味道豐富，好惹味！一口鵝肝，配一口飯，鵝肝油香加上很有口感既撈飯，好滿足。辣菜脯可以解一解油膩，真係幾好既配搭！花雕啫喱番茄（$32）中間既啫喱應該係花雕豉油做既啫喱，新鮮蕃茄片加上啫喱少少咸味和花雕香味，幾refreshing!大三元 （$72）炙燒手撕雞拌雞油飯+炙燒雞叉燒+溏心蛋手撕雞肉很多，飯不會很油，雞油份量適中。配了些脆脆乾蒜和蔥，挺香口，口感挺好的。炙燒雞叉燒味道淡淡的，有雞味，但味道一般～西多雞翼 （$38）係用咗糖漿喺面既單骨雞翼，味道甜甜的，有點像蜜糖雞翼～不算很特別～椒鹽素白飯魚（$36）這款不是平時吃的椒鹽白飯魚， 而係用椰青肉扮白飯魚椒鹽鹹鹹地， 不太吃到椰青味，不說會以為是普通白飯魚， 口感脆脆的，頗有趣的～味道比平常吃的椒鹽餸菜咸一點。總括嚟講小編最喜歡鵝肝煎蛋撈飯，口感十足，味道豐富。大三元則適合味道較清淡嘅人士。小食花雕啫喱番茄加分！📍 每一枱都會有茶同埋蝦片供應，員工時不時都來加茶，幾好幾好！唯獨是地方不大。鵝肝控可以翻桌～…查看更多

期待已久既十三姨鵝肝飯今日終於比我食到啦😍今日lunch12:40去到唔洗等位，店鋪細細地，坐左一陣就已經滿坐，出面仲排緊隊，好彩早左黎，唔係係出面熱死😂裝修環境偏向中式風格，枱與枱之前比較迫，但可以接受～餐牌總類都算多，但我係因為鵝肝飯而黎，所以2話不說就點個老闆娘鵝肝煎蛋撈飯😋😋😋一入到去首先有兜彩色蝦片做餐前小食，略厭唔夠脆，好似放耐左小小，不過無所謂，都係過下口癮😂今日既主角🥰老闆娘鵝肝煎蛋撈飯😍$128呢個真係好出色，份量多之餘，味道的確出色 撈埋蔥，菜圃，乾蔥 大陽蛋，再加埋佢地既秘制豉油，成個飯立即升華左另一個層次🥹🥹🥹4件鵝肝又大件，誠意推薦👍🏼👍🏼👍🏼蜂蜜蘋果茶🍎好彩有呢杯飲品解一解膩😂飲品不錯，仲有果肉總結：食到後尾其實好濟😂好飽，下次會繼續去😂試埋其他食物，因為今日既鵝肝飯比較膩，會隔一排先再食呢個飯，但真係好好食😍大家食鵝肝既話可以一試😋加埋1，每人$140左右～…查看更多

今日同生酮嘅朋友出去食飯，所以就揀咗呢一間餐廳。餐廳係滿座，二人座位就比較迫。一坐低就送咗一份炸蝦餅做小食。叫咗老闆娘鵝肝煎蛋撈飯加咗$20轉咗個椰菜花飯。個賣相唔錯，入邊有三舊鵝肝，我地將所有配料撈晒再兩個人分黎食。鵝肝唔錯，但係啲配料呢令到個飯過喊😖另外再叫咗一個十三飛轉左翠玉瓜麵。我同朋友比較喜歡過個麵，翠玉瓜麵爽口，有驚喜，牛肉都幾淋叫左兩杯飲品岩鹽咖啡，會俾樽岩鹽你，叫你自己落㗎😆味道都唔錯，加$18都值。另外我叫咗杯鴛鴦，但係就沒有特別。雖然可以食到生酮餐單，但價錢比較偏貴🫣…查看更多

平時放工都見到好多人排呢間十三姨，咁我當然過去睇吓咩環境先😂望一望個餐牌，雖然嘢食嘅種類唔多，但好多樣都好似幾好食咁，咁就臨時決定食呢間試吓。入到去嗌左個老闆娘鵝肝撈飯，黎到個樣都好靚仔😍入邊有三舊鵝肝，我地兩個人食，都覺得夠🤩令我最驚艷嘅反而係個芝士年糕😚又甜又咸香，真係好夾🤤🤤…查看更多

女小編超鍾意食鵝肝 近排見到呢間餐廳有鵝肝蛋飯 所以就即刻去試吓佢哋嘅午餐 唔知好唔好食呢😚👅老闆娘鵝肝煎蛋撈飯 $120呢個真係超級推介‼️佢有三大塊鵝肝 啲鵝肝都幾厚 而味道都幾濃郁 入口即溶🤩再加埋流心太陽蛋 同埋蔥加其他辣辣地嘅配料 撈飯食真係一流 超正😋👅十三飛 $74入面嘅配料有安格斯牛肩胛 牛肋條 溏心蛋🍳而小編揀咗陽春麵 佢嘅牛肩胛好淋 一啲都唔韌 陽春麵正正常常 成個配搭同湯底有啲似食緊越南生牛肉湯河 加埋佢嘅秘製辣醬更加好食😛👅西多雞翼 $34雞翼外皮表面脆脆地 淋左啲蜜糖喺雞翼上面 唔錯🤓👅爆漿芝士煉奶炸年糕 $32一咬就勁多芝士爆出嚟 芝士控一定要食🧀🧀再加埋煉奶同埋年糕上面多一塊芝士 真係超級邪惡 不過就略嫌年糕嘅外皮淋咗少少同埋唔夠熱🤨👅黑牛 （跟餐）+22朱古力雪糕味道算濃郁 仲有好多cream 不錯😝👅金牛 （跟餐）+22呢個係芒果雪糕加忌廉 味道正正常常😙同埋特別一讚呢間餐廳嘅服務幾好🥰總括嚟講呢間餐廳嘅食物水準幾高😚鍾意食鵝肝嘅一定要嚟試吓‼️😋 好味：8.79/10🤑 價錢：8.21/10🤗 服務：8.30/10😝 環境：7.98/10😚 衞生：6.76/10🤩 整體：8.51/10…查看更多

最近去左佐敦staycation住EATON HK，咁啱朋友話原來十三姨黎左佐敦，一於去試下。我哋叫左兩個招牌菜，老闆娘鵝肝煎蛋撈飯、十三飛。兩樣都無令我失望，鵝肝入口即溶，再加上秘製撈飯醬油，味道濃郁。十三飛個湯好飲，米粉都好入味，而且啲牛肉好鮮嫩，值得一試!最後飲品叫左個忌廉鮮奶，奶味濃郁，我特別鐘意個杯的設計，很有特色…查看更多

一直以為十三姨只係得旺角鋪，點知今晚行行下佐敦發現左原來呢度都開左😆即刻入左去～入到去都多人，就被安排到近門口位置；啲位都好闊落，唔洗搭枱 2個人坐4人枱必點既有呢個老闆娘鵝肝煎蛋撈飯鵝肝有3舊，仲有辣椒XO醬🤤店員上菜前仲會提醒落埋枱上既秘制飯豉油！超惹味如果食唔到辣既話，可以拎走小小XO醬另外仲點左湯麵- 嚦咕嚦咕麵類有幾款選擇，仲有為生酮朋友而設既翠肉瓜麵西多雞翼類似蜜糖雞翼，炸得脆身唔油膩想食既可以參考下其他食物📍小食📍飯類📍湯麵…查看更多