發達叉燒

营业中

休息中

最近人氣店灣仔新開嘅「發達叉燒」係鋒膳私房菜老闆開的一間長期排隊嘅燒味專門店，價錢親民但係米芝蓮質素💯店內可以見到開放式廚房嘅玻璃掛住好靚燒味，見到已經知道質素唔錯👍🏻叉燒雙蘭王蛋飯 $88賣相好靚，叉燒份量都幾多，仲要係厚切，店員介紹叉燒用料係用西班牙栗子豬，肥瘦均勻，肉質鬆軟夠腍，肉味濃，蜜糖剛剛好，唔會過多唔會太甜，叉燒燒到有少少燶邊😋 ；配埋燶邊日本蘭王蛋顏色又靚又蛋味濃👍🏻燒味飯仲配送埋老火例湯，今次係我至愛嘅霸王花老火湯，完全冇味精，又多料，湯超甜，店員話佢哋都係用西班牙豬肉嚟煲湯，唔怪之得湯入面啲肉都係咁腍咁好味😋明爐燒鵝下莊 $190賣相一流，鵝髀超大隻，燒得顏色好靚，皮少少脆，鵝肉夠嫩，又唔多肥膏，調味夠入味，超高質💯價錢比一般燒味店高少少，但質素唔錯，都抵食，下次一定要再嚟試埋茅台醬油雞，好期待推薦💯

係蘭杜街中間但離遠就見到排隊人龍店內裝修明亮新式茶餐廳格局晚飯時間排緊有8人但十分鐘左右就有位全靠簡潔既菜單及出菜速度快價格雖略為中上但出品高質值回票價!味道地道正宗仲幾有功架特別係厚切叉燒出色 半肥瘦好滿足難怪最近期人氣爆升仲日日排長龍叉燒雙蘭黃蛋飯 $88濃邊叉燒切得厚實 邊緣焦香帶脆仲帶點肥肉質嫩滑不柴 蜜汁滲進肉裡 甜鹹交織爆晒汁蘭黃蛋既蛋香一流 撈埋白飯充滿豐盈口感飯粒仲吸收晒叉燒油脂 每一啖都係享受即使價錢稍為中上 但呢個質素難能可貴!茅台醬油雞燒鵝飯 $80一上枱就散發滿滿既鵝油香氣鵝皮金脆油亮 肉質軟嫩多汁只有最新鮮燒出嚟先有呢個級數份量正常始終本身都係較高價之物相比油雞表現正常亦不過不失雞肉滑嫩而有陣酒味既餘韻鵝汁西蘭花苗 $66選用最鮮嫩甜脆既西蘭花苗是西蘭花與芥蘭的混合體清脆爽口帶點咬勁合乎香港人對芥蘭既偏愛又有西蘭花既超高營養價值淋上濃郁鵝汁卻不搶味雖然價位較高但值得一試老火例湯每個飯都附送一大碗老火例湯雖然用料一般但味道清甜湯色清澈帶點金黃 溫潤順喉回甘不膩正宗煲左超過三小時以上既無味精湯飯前飯後飲都咁岩 係燒味飯既良伴

環境5分：燒味店都算好光線企理，卡位舒服冇野可以嘈，廚房落地玻璃，可以睇住大廚斬大舊叉燒同斬燒鵝，好有快感，食慾大增，可以畀滿分。衛生5分：枱面乾淨，枱上有筷子，匙羮，紙巾，牙籤，調味料任用，不經人手，自助形式，非常乾淨，滿分。服務5分：服務員爽手唔囉唆，落單上菜非常快手，都畀滿分！味道5分：1)     叫餐即送老火例湯一碗，青蘿蔔紅蘿蔔煲豬肉，清甜無味精，真材實料。2)     叉燒雙蛋飯有六大舊叉燒配兩隻太陽蛋，將啲蛋黃撈埋一齊食，非常惹味，叉燒厚身同好爽嫩，碗飯仲配埋油菜中和一下味道同口腔。3)     明爐燒鵝1/4隻下莊皮脆肉鬆非常有油香。4)     豬油撈飯以為好肥膩但食落好香口。抵食5分：百幾蚊有靚叉又有四份一隻下莊連燒鵝肶，非常豐富飽肚，真係同餐廳名一樣咁發達，抵食滿分。

如果你喜歡吃「鋒膳 Flower Drum」的叉燒煎雙蛋飯，那麼一定不要錯過這家位於灣仔新開張的「發達叉燒」。這家專注以叉燒燒味的食店是鋒膳旗下的新品牌，提供菜品如叉燒、茅台醬油雞及明爐燒鵝都是必點的美味選擇！ 叉燒雙蛋飯($80）用上西班牙栗子豬燒成的叉燒，肉質非常鬆軟，肉味香濃，油脂入口即化，加上少少的燶邊，口感和味道遠勝一般坊間的叉燒，加上兩隻太陽煎雙蛋和翠綠的時蔬，令一碟平平無奇的叉燒飯帶出更高的層次！茅台醬油雞飯($65)這個醬油雞飯的特色是加入了貴州的茅台王子酒，酒香令油雞的味道大大提升。此外，所有雞件已預先起骨，令食客吃得更方便。明爐燒鵝（$190/下莊）經過傳統明爐燒烤的燒鵝，外皮香脆，色澤均勻，鵝肉質感細緻鮮嫩，肉汁豐腴，做出皮脆肉嫩、充滿鵝油香氣的效果。老火例湯（免費）無味精老火例湯，夠火喉，用料足，味道濃厚。StorefrontInteriorMenu