星海薈 (利舞臺廣場)

返左工之後，我係星期六或日寧願係屋企訓耐啲。今日決定不再「頹廢」，同女友係中午12點去到銅鑼灣既譽宴飲茶。譽宴既裝潢相當豪華，天花裝上巨型水晶吊燈，令自己恍如置身星空下，相當夢幻。不過裝潢係其次，食物質素先係最重要。酸薑糖心皮蛋係其他酒樓未食過，每件皮蛋下面有兩三片酸薑，皮蛋充滿黏性，令皮蛋容易沾滿糖。味道層次豐富，令我一食便愛上。翡翠明蝦餃有一點點金箔。雖然餃子皮呈翠綠色但仍然晶瑩剔透，見到皮入面有兩、三隻蝦。食落同一般蝦餃無異，不過蝦特別彈牙。蟹粉小籠包應該叫大籠包，差唔多有我拳頭咁大👊🏻 由於小籠包太大，所以皮唔會太薄，不過食落皮唔會太厚以致影響口感。入面多汁之餘，蟹黃香味係咬開皮既一瞬間釋放出嚟。棉花雞入面嘅雞件超級嫩滑，不過雞油有啲油膩，加左杞子令雞件帶少少甜。豉汁蒸鳳爪係經典點心之一，皮同骨能夠輕易鬆開，而且比其他茶樓嘅鳳爪較多肉。沙薑豬手粒爽口肉質唔硬，加左芝麻更香。雖然人均消費超過$150，不過返工咁辛苦，間唔中要食好啲慰勞一下自己😎…查看更多

DIM SUM are what you want everyDATE🥢Nothing to heal my chinese stomach in Vancouver like dimsum back in uni time - that’s all I want. 粵菜永遠穩佔我心中佳餚之冠🏆 對點心更是毫無抵抗力，誰不喜歡點心？（塞一顆小籠包到你嘴裏再説🥟）生活在香港真的很幸福啊，百家美食共冶一爐，各國美饡轉角街頭就能找到🥡Look at the Har Gow, the plump shrimp dumplings in crystal jade wrappers! Special price for lunch period at weekdays, just $1 for 4 pieces.Juicy XiaoLongBao filled with crab roe and crab meat is life! It has a rich seafood flavor without being overpowering, complete with the natural sweetness of crab meat.Never a fan of pig feet, but I cleared this boneless dish.MY ALL TIME FAVOURITE highlighted with rich source.…查看更多

每星期我都會同屋企人飲茶，大家見下面傾下計，互相交流一下⋯老爸朝朝都去街坊酒樓，見今日天氣咁好，就約佢出黎銅鑼灣飲茶，順便買埋冬天衫。利舞台有好多唔同既食店，誤打誤撞去左5樓既譽宴，主打係婚宴場地，一入門口有長長樓梯，方便婚禮新人拍照留念，都幾靚～飲茶一定會點蝦餃燒賣，呢度既蝦餃用上綠色皮旁邊沾有金箔，未食都已經覺得矜貴；加上皮薄，蒸既時間岩岩好，咬落唔會靱皮！暖烘烘既叉燒餐包好Juicy, 內裡叉燒餡料份量剛剛好，比起蒸叉燒包更好味！呢度既棉花雞除左有一般既魚肚之外，仲添加左山藥(椎山)同少少杞子；同平時食開既棉花雞味道有少少不一樣，呢度係好味d，同埋感覺健康養生d!老爸話呢度點心唔錯，尤其是個黑糖薑汁糕；唔會太甜且帶有薑汁味道，香軟滑又暖胃！平日來飲茶仲可享半價優惠哩！…查看更多

前幾日約左朋友去嘆茶，佢就建議去呢間銅鑼灣既譽宴·星海食下午茶，話又抵又好食！雖然茶樓位於旺區核心地帶，但平日午市同下午茶價錢以地點、裝潢、服務同埋最重要既食物質素黎講，絕對係非常出色，絕無誇張之言！呢到午茶仲可以用$1享用蟹籽燒賣皇，真係好抵！黎到呢個當然要試佢既招牌翡翠明蝦餃，賣相好別緻，蒸得晶瑩剔透，裡面包住2-3隻蝦，肉質新鮮彈牙，必點！蟹迷點可以錯過蟹粉小籠包！？呢到蟹粉小籠包好大隻，一咬d蟹黃油爆哂出黎，超超超好食！！酸薑糖心皮蛋都係同樣出色，加埋糖一齊食，味道酸酸甜甜，同皮蛋本身獨特既味道竟然十分夾，中間仲要流心，真係不得了～鵝肝煎鍋貼份量足料，每隻都係大大隻，好飽滿～而且煎得好香口，食落埋陣鵝肝味即湧哂出黎！！棉花雞加左好多杞子，味道清清甜甜，中和左雞既油膩～而魚肚好厚身，亦浸滿湯汁，非常好食！最後點少得我最喜愛既馬拉糕！？熱辣辣蒸出黎十分鬆軟～雖然我已經食得好飽，但都忍唔住食左大半個…查看更多

久違嘅週末拍拖日，返完半日工同先生去銅鑼灣行街，本來打算食日本菜，喺利舞臺等𨋢嘅時候見呢到有茶樓，不如兩公婆休閑啲飲返個茶😉一坐低就見到午市茶位費做緊優惠半價，好抵👍🏻由於會用嚟做婚宴場地，裝修非常精美，除咗有大大個stage之外，天花設計都非常精緻，驟眼睇以為係普通嘅水晶吊燈，細心一望原來係由無數條魚仔組合而成嘅河流，非常有動感❤️香片茶味芬芳，味道清香，係我哋每次飲茶嘅不二之選😊首先上枱嘅係翡翠名蝦餃，翠綠色嘅表皮望眼欲穿，係睇得見嘅薄皮，加上金色顏料點綴，倍覺矜貴👍🏻一咬落去果然同眼見一樣咁薄皮，蝦肉鮮甜彈牙，難怪眼見每枱都叫😋蘿蔔絲脆網腸粉看似簡單，其實極考功架，外面嘅腸粉細嫩軟滑，配上入面清甜多汁嘅白蘿蔔絲同鬆化嘅脆網，沾上甜豉油，帶嚟味覺同口感嘅衝擊😉平日喺茶樓食鮮竹卷同雞扎，最怕蒸到乾爭爭，底部一啲汁都冇，呢味龍蝦湯鮮竹卷就符合晒我要求，鮮竹卷用鮮濃微稠嘅龍蝦湯浸住，保持濕潤嘅口感，為本來已經鮮甜嘅鮮竹卷再添鮮味😋法國鵝肝煎鍋貼底部煎得香口，配上脆網增加口感，皮薄餡料多，沾上餃子醋同食更加解膩開胃👍🏻美中不足嘅係鵝肝嘅味道唔太突出。最後係壓軸出場嘅香滑紫薯冬菇包，之前見過朋友影相打卡，已經好好奇係咩嚟，一直想試，今日終於可以一償心願😉冬菇包做得非常精緻，形神俱備，連表皮嘅質感都做得好似，賣相同質感真係無懈可擊😍咬開一啖，入面係滿滿嘅紫薯蓉，冇過多嘅調味，食得出紫薯本身清甜嘅味道，喜歡紫薯嘅朋友千祈唔好錯過😛呢到嘅午市好抵食，茶點精緻得嚟質素又高，價錢同屋邨茶樓比較之下又唔係貴好多，而且地點就腳，係喺銅鑼灣飲茶嘅好選擇👍🏻…查看更多

今日lunch同同事去左飲茶，呢間酒樓有專屬的電梯上樓層，不用等長長的人龍搭電梯!上到酒樓就見到好有飲宴的架勢，非常華麗!提前訂座，午市時間茗茶還會半價呢!看看餐單，選擇都算幾多!法國鵝肝煎鍋貼，這款鍋貼餡料配搭非常新穎，除了有平時鍋貼的餡料，豬肉、菜等，還用上了鵝肝，味道特別!而且鍋貼都幾大粒，餡料十足!龍蝦湯鮮竹卷，平時出面酒樓通常都是雞湯的鮮竹卷，但是這裡是用上龍蝦湯，湯的味道濃郁，跟鮮竹卷好夾，很創新的配搭!翡翠明蝦餃，因為我好少食燒賣，所以就點了蝦餃，皮夠薄夠晶瑩，蝦肉大粒又爽口彈牙!金銀蒜蒸娃娃菜，娃娃菜有好濃的蒜蓉味，但味道又不會太咸，非常惹味。還有杞子和木耳，感覺更健康!這裡午市點心都不算太貴，下次可以再考慮跟同事來食lunch!…查看更多

今日約左uncle有事商討，所以找間好一點的酒樓，飲住茶傾，我選了在利舞臺的這間上到一樓見到很多人在排隊等lift，而我哋竟然有獨立進出門口同lift，感覺好Grand酒店級婚宴場地飲茶，環境一流，很有氣派布拉白腸粉（中）- 很滑，滑得嚟有點煙韌，腸粉面加入大量芝麻，令整條腸粉充滿芝麻香配合豉油、麻醬、甜醬一齊食更好味酥皮焗叉燒餐包（$42）- 包面酥皮非常酥脆，叉燒餐包鬆軟，包皮軟滑、纖薄，餡料超多汁，口感豐富，吃落好有層次灌湯小籠包（大）- 有三隻，每隻也用獨特的器皿載着，方便拿取，皮薄又多汁，高水準翡翠明蝦餃（特）- 上菜後先知原來翡翠是指指蝦餃是翠綠色的，賣相吸引，外皮煙韌，蝦量超多，咬落有汁福建炒飯 （$101）- 炒飯粒粒分明，而且每粒飯也沾滿蛋漿，另外用料豐富，有鴨胸，雞柳，蝦，冬菇，菜心，材料同醬汁佈滿飯面，能沾到每一粒飯，濕潤又好吃，高水準之作…查看更多

譽宴‧星海薈，交通很方便，就在時代廣場附近的利舞臺廣場5樓，裝修富麗堂皇，以高貴金色做主調，門口有一條旋轉形雲石樓梯，中央位置放置了婚禮花門，樓梯兩旁佈滿裝飾花朵，，極具浪漫氣氛。室內樓底超高，天花有多盞華麗閃爍的水晶燈，氣派十足。連枱布顏色都昰金黃色，餐具精緻，用餐環境優雅高檔。下午茶時間，2人點了6款點心，2款糖水，合共$300，每位平均消費都只不過是$150，環境很好，服務也好，算是物有所值吧！翡翠明蝦餃 $35，賣相精緻，真的做到了皮薄餡靚，皮是半透明的，蝦很大隻爽口。黑魚子燒賣皇 $35，黑魚子令平凡的燒賣增添了不少貴氣，味道不錯。養生山藥杞子棉花雞 $30，雞肉很滑，魚肚浸滿了湯汁，口感很軟綿，散發著淡淡的杞子香味。蜂巢雞粒野菌芋角 $30，蜂巢賣相精美，十分鬆化，餡料豐富，真材實料，芋蓉超好食！黑金流沙包 $30，不單是外表有型格，原來也很有內涵！甜中帶鹹，鹹中帶點甜，奶黃流沙是甜甜的，而鹹蛋則帶鹹，流沙口感，層次感非常豐富。灌湯小籠包(三隻) $30，賣相滿分，湯汁香甜美味，肉餡鮮嫩！陳皮紅豆沙 $25，這家酒樓的紅豆沙很特別，我是第一次食沒有渣的紅豆沙，不是偷工減料，原來陳皮跟紅豆已經融為一體，所以糖水很杰身，口感很綿很細滑，加上蓮子和淡淡的陳皮味道，更是錦上添花。萬壽果燉桃膠 $25，木瓜甜美可口，配上口感似燕窩的桃膠，不單營養豐富，而且美味養顏。…查看更多