中秋連假既最後一日, 同長輩們去佐敦行街~長輩想食齋, 搵左幾間餐廳, 最尾揀左呢間, 因為見佢門面好有傳統齋鋪feel 😂5點零鐘入坐 (個lunch 其實都未落曬格 😂) , 嗰陣餐廳未係好多人, 姐姐得閒推介下有咩好食😂 同埋啲餸都上得好快~首先叫左個 ❤️ 齋鹵味 ($40) ❤️仲特意叫姐姐唔要咁多咖哩齋, 要多啲酸齋 😂因為遲左影相, 所以已經比人夾走左 1,2舊 😂😂😂個齋幾好食~ 有我至愛既酸齋, 咖哩齋, 素叉燒, 素鮑魚…等.跟住就有 ❤️ 五柳仙班 ($85) ❤️啱啱炸起就拎過黎, 個皮幾鬆化, 好食!!加上, 有大大碟酸甜醬, 可以瘋狂點醬食芋頭魚, 勁開心!! 😂 最後, 仲有個 ❤️ 羅漢上齋 ($95) ❤️我覺得幾足料丫, 有唔同既菇菌類, 又有竹笙黃耳雪耳雲耳, 馬蹄髪菜等等 (好耐冇食過髪菜啦 😂).鐘意濃味既人可能會覺得佢有啲淡, 但我就覺得啱啱好~如果唔係本身飽飽地, 都好想試下出面啲酥餅 😍 下次如果再黎食想試下啲豆腐同蠔~整體黎講, 今餐都唔錯丫, 呢排日日大魚大肉, 食返清淡啲都幾好呀!!同埋呢間齋鋪, 有服務之餘冇加一 (姐姐話 初一十五先有), 每位茶錢$7, 都OK 丫~ P.s. 食完呢餐之後, 到訓覺都冇再肚餓過 😂😂😂…查看更多
果日放左學同3個同學仔去食..本身因為屋企都係肉獸~所以平時食齋既機會真係好少今次去到呢間, 食咁多樣野都好好味~ 而且好多野都有"肉"味~~ 真係好正開頭去到見到個景都覺得已經好懷old~ 係而家呢個年代更有少見少去到果陣都幾爆場, 好彩我地有book 位咋~ 如果唔係位都冇~~咁多個送之中, 我最鐘意既係"金湯海皇翅"~~
