轉角

呢間轉角Cafe真係開喺轉角位，成日經過都見到大排長龍，好多人行完山都會嚟食，有一日終於冇咁多人，終於比我食到喇🤩 食完我就明點解成日都咁多人排隊😋😋【吉列豬扒咖喱蛋包飯】$66首先，見到個價錢覺得好親民，份量又多，咖喱汁鋪到成隻碟都係，豬扒好大塊， 60幾蚊食到咁大碟飯已經覺得好抵！味道方面，吉列豬扒炸得好脆，豬扒本身都醃過，好夠味，如果厚返些少就好喇😁 咖喱汁係日式咖喱，味道偏甜，一啲都唔辣，好開胃，好啱我食😋 蛋包飯嘅蛋亦好滑😋【咖喱漢堡扒蛋包飯】$90漢堡扒雖然得一塊，但係好厚身，我試左少少，煎得幾香，肉質唔會好鞋好乾！我中意佢配蘆筍，咖喱汁都係好多，足夠撈晒成個飯。【紫薯鮮奶】（熱跟餐+$17、凍跟餐+$19）我叫咗一杯熱紫薯鮮奶，朋友叫咗一杯凍紫薯鮮奶。凍果杯就影相靚d，而熱果杯飲落就感覺到係真材實料，唔係用粉沖出嚟，飲落有少少紫薯蓉，有淡淡嘅紫薯味，都唔錯！🌟整體來講，性價比都幾高，價錢可接受，又好食，又近行山嘅地點，大家如果行完山都可以去試吓😋✅總評：（5分為滿分）環境：4/5味道：4/5性價比：4/5推薦度：4/5更多食評可follow IG : athena_yanlee …查看更多

難得係雙十爆買日嘅禮拜當然就要盡力食💛店啦~ 嚟間cafe長期多人，之前食都要排一個鐘，今次都唔例外。PS.用餐時間得50分鐘但係等位都要排成個鐘真係好誇張入座前可以先喺門口落單。叫咗兩個餐~ 今次都以舊補咗錢轉特飲(跟餐轉特飲半價)。玫瑰鮮奶咖啡同紫薯鮮奶拉花非常靚，味道唔錯，兩款都唔係死甜同得香精味。平時見到好多人都叫咖喱蛋包飯，我第一次食：真係好好味！香滑嘅蛋包住日本珍珠米飯連埋咖哩一齊食真係好正 咖哩只係好少好少辣但就好香。隔離仲兩大舊炸雞扒，熱辣辣入面好多肉汁又唔怕油！All Day Breakfast之前已經食過次。全部配料都好新鮮(通常睇沙律菜就會知)，味道亦中規中矩，只係今日啲蘑菇炒得有啲燶~ 最中意係佢個包，好有誠意，落咗超級多牛油同砂糖嘅厚多士，極度邪惡整體黎講CP值高，但係下下都要排一個鐘以上真係好令人卻步... 如果可以開多間分店/多啲枱就好啦！…查看更多

係屋企無野做，寫返之前幫襯過嘅小店先。而家佢地好似仲做緊外賣優惠，可以留意下💛政府未停晚市之前，呢間小店夜晚好多人支持，我地食果晚都等左差唔多10枱😎想食晚飯就要早啲去攞飛喇🔆總共叫左3樣野，加$18升級左套餐，多左個沙律、餐湯同餐飲。個湯幾好飲，飲到一半先記得影相😂1️⃣經典卡邦尼意粉賣相討好！ Btw好濃嘅carbonara，但唔會覺得好膩，值得一試🤤2️⃣法式紅酒燉牛肋條（配飯）可能因為價錢貴啲，我見無咩人提起佢，但佢真係值兩個字：出色😍好重酒味，牛肋條煮得好淋、一啲都唔韌👍🏼個餐包一碗白飯，但個汁送飯簡直一流，啲餸又足料!!!! 所以我同屋企人忍唔住，一齊叫多左一碗白飯share😂3️⃣唐揚炸雞咖哩蛋包飯雖然幾廢話，但滑蛋真係好滑🤤炸雞同咖哩就味道正常，無話特別特別驚艷可能因為有燉牛肋條做比較🤣但如果佢作為lunch嘅選擇，係唔錯✅4️⃣紫薯鮮奶有套木色碟仔加匙羹又幾別緻🤭飲落口感幾醇厚，但紫薯味唔夠突出，同埋兩者味道唔太blend，表現一般👻總括嚟講: 主菜表現出色🤩飲品可試叫其他特飲/ 安全款😛…查看更多

華都商場是其中一個我很喜歡的屯門覓食地圖，這裡小店佔了商場一大部份，不少食店更為我帶來意想不到的驚喜，今天也不例外，「轉角」遇上美味的日式咖哩和紫薯鮮奶。轉角這店走簡樸悠閒風，店外店內沒有浮華的佈置，簡單放上十多張桌子和椅子，人流方面不太多，故相對華都的西式食店坐得舒適多了。看看店前的黑板上的午餐餐牌，多款套餐都很吸引，超想通通都吃，現實是我的胃只能容納一個套餐。我靜靜思考三十秒自己最想吃甚麼，所得結論日式咖哩蛋包飯，最後選定咖哩唐揚雞扒蛋包飯，飲品則喝紫薯鮮奶。熱呼呼的咖哩唐揚雞扒蛋包飯香氣四溢，看見嫩黃的蛋包飯更想馬上一親它的滑溜。轉角的雞蛋均採用日本雞蛋，炒起來絲滑無比，當然廚師控制火喉同樣重要。挖開蛋包飯，飯粒粒分明，拌上惹味濃郁的咖哩汁，滋味無窮。唐揚雞扒每一件都頗有重量，份量十足，雞扒外層炸得香脆不油膩，平日少吃炸雞皮的我忍不住將雞皮吃光。內裡雞肉肉質滑嫩，肉汁豐腴，吃時口腔不時爆汁，可口極了。紫薯鮮奶那漸變的紫白色，色澤漂亮，給人賞心悅目的感覺，入口有著濃厚的紫薯甜美，鮮奶醇香，細細品味，悠然自得。…查看更多