和暢金廚 (南盛街)

錦滷雲吞，過份傳統喇喎﹗細細粒肉仔配大大塊雲吞皮，我要大大舊肉餡細細塊皮架。都唔明點解有朋友要大大塊皮，要豆丁咁細既餡。傳統清淡錦滷汁，微酸微甜不會太濃，少少青紅椒洋蔥味道，悶悶的靜靜的。清炒菜芯，簡單就是美﹗少少鹽少少蒜酥吊吊味，食材鮮爽甜嫩已極具美味！凍檸蜜，天然靚蜜糖，大啖吸啜滋潤透心涼。啫啫雞煲，無豬膶既？無豬膶都係啫啫？只能說是薑蔥爆雞吧，雞皮竟然係脆架喎﹗我想食粉粉的蒜子，但無蒜子提供。雞肉醃味清新，肉嫩吸引美妙，無法挑剔﹗其貌不揚，但食味一流。紅棗糕，要預訂的自家製糕點。已經沽清無一底買呢，好采仲有四件散賣剛剛夠分。食得出非一般手工出品，匠心獨允手藝超卓，軟綿鬆軟啖啖都係紅棗肉，似年糕味道，但更鮮更清新。宜人的甜，不濁不膩，難得難得。老闆娘突然走近稱大財團有意挖角，想買斷師傅帶埋秘方做此紅棗糕，不過師傅一口拒絕，嚮往自由真香港人！懷舊狗仔粉，還以為跟十八座一樣係腍啤啤碎濕濕粗麵，竟然係銀針粉，實在太喜歡亦太感動了﹗先灼汆出透徹乾淨不油膩，烹煮得宜滑嘟嘟帶香甜麵粉香。鮮甜湯底靈魂所在，有老媽客家的味道，菜甜蝦米咸鮮冬菇幽香雞湯清新，全部灌入一滴不溜。釀豆腐湯，釀豆腐及爽甜生菜在淡淡豉油湯浮潛，夾一舊結實豆腐藏著嫩彈魚豬餡，沾上頭抽品嚐更惹味，好食好食。    清蒸馬友，不容置疑蒸煮出色，嫩滑緊緻雪白魚肉，天然魚甜味在齒舌間遊走。蔥花魚汁淡豉油撈埋白飯釀入嘴仔，美極妙哉。腐乳蒸排骨，腐乳醬調得濃稠，咸香撲鼻不嗆不濁，啜得起勁，肉質有趙頭，撈飯一流停不下來。炸豆腐，炸得透徹鬆化，乾爽外脆內嫩，陣陣豆香極香口，無得彈。松茸黑蒜湯，清淡中飲到神秘黑蒜味，甜中帶點酸帶點咸，醇美追住飲。松茸黑蒜湯、滷水鴨片、北菇鴨汁魚唇、兩碗絲苗香飯，味味精彩滿足到不得了！獨居老人的殷物，柔和湯水配搭巧手小菜浮現住家的味道。雖然有食客反映平凡無奇，但非常合我心意，鯨吞兩碗飯都未能平息我的衝動！本想點雙滷水鴨掌做飯後甜品，但剛被隔枱搶先吃掉，陰鬼功。北菇鴨汁魚唇，極奇爽甜的菜芯伴碟。北菇的骰有趣爽彈滑無比，魚唇彷似魚翅裙邊，充滿海味鮮甜，膠黏爽質地十分高檔，蠔汁完全滲透，直頭一小片可以送半碗白飯。滷水鴨片，其貌不揚看似乾爭爭，但鴨肉味濃不羶。滷水清香非凡，嚥韌瘦肉配爽脆油香鴨皮，無論如何都要食多兩啖飯。滷水鴨片炸豆腐，墊底的炸豆腐亦不甘示弱，索盡滷水鴨汁，鬆化微脆，外香內嫩，搭乘鴨片齊齊塞入，食得我舔舔脷。雲苓白术扁豆衣鱆魚粉葛湯，清爽舒服淡淡然的味道，飲完生龍活虎、渾身是勁﹗清湯牛腩，腩肉鬆化滑滑味道清香，蘿蔔非常清甜，軟腍爆出可口湯汁，吃掉整碗飯，湯汁一滴不漏被消滅。陳皮鴨腿湯，極濃豉油滷水湯汁滲入鴨腿內，肉質結實而乾，嚥嚥韌韌，雖然啖啖肉但欠肥美彈滑。味道過濃難以作湯飯，先試兩啖都係吃不消。五珍湯：靈芝、姬松茸、舞茸、猴頭菇、蟲草花，不含半粒味精的靚湯，補身補健，清淡有益，熱騰騰越飲越好味。金蠔皮蛋瘦肉粥，瘦肉竟然係肉碎，嚥韌而味道偏淡，幸好粥底有微微肉甜，搭著可口皮蛋享用仍是不錯。金蠔肥美鮮味透頂，甘香滋味，鬆軟滑滑回香不斷。豉油皇炒麵，芽菜無草青味連我都食得到，爽爽水潤只不過甜味不足。生老抽比例巧到好處，咸香不濁，麵質軟彈。豉油皇炒麵撈金蠔皮蛋瘦肉粥，最愛麵條拼粥水，麵跟粥可遠係天生一對﹗滾熱辣地融合，將威力發揮極至，味道提升千倍萬倍，食得津津大味。椒鹽豬扒，苦等十幾二十分鐘，終於隆重登場。外層微脆咬到索索聲，堅得堅正﹗肉質有咬口，味濃非常出色，配碗菜飯必定不得了﹗看得到的肉汁閃閃發光，外脆內軟美味的選擇。老黃瓜赤小豆排骨湯，不太喜歡黃瓜湯，明白有益都照要吧﹗清淡無味精，熱熱灌入暢快。生滾魚片粥，早粥比夜粥好食得多，有滾水味既？加過水嗎？粥底非常淡近乎白粥味，少有的要我加豉油增味，魚肉有點鞋有點魚鱗。京蔥燒魚，煎封到金黃色，貌似飛起一樣狀甚生猛﹗魚皮焦香極鬆脆格外索汁，晶凝通透紅燒汁，香甜帶著清新京蔥芬芳，魚肉細嫩，淨食可口，撈淡口粥食同樣一絕。北菇螺片魚唇雞湯，菇味特濃又突出，濃郁雞味魚唇味緊隨出動，黏厚的湯汁格外可口，清新住家湯味道，柔和輕甜熱熱不停灌大滿足。滷水拼盤：牛舌、墨魚、生腸，軟綿清香牛舌片，嚥韌甜美墨魚薄切，爽脆清甜鮮生腸片。上湯伊麵，等了又等遲遲未到，隔離四眼肥仔遲來先上岸，已經啜得如火如荼殊殊聲喇！苦候多時終於登陸，滾熱辣看似腍啤啤，大大口吸入竟然彈滑，完整幼幼長啜長有，上湯散發陣陣菇味雞味可口美妙。拖著大量辣椒油狠狠地吸啜，刺激醒神惹味無敵﹗微辣帶甜，香香的帶少少花椒味道，跟伊麵無比匹配。…查看更多

❇️位置小編在大埔再轉巴士，大約15分鐘就會到達.本來小編係見到個「紅棗糕」非常吸引，所以決定去試一試！點知去到後，第一個餐太好食！即時叫多一個餐👍🏼👍🏼👍🏼❇️超值套餐 $50[主食+例湯+白飯］仲可以以優惠價加小食.小編叫左：1️⃣客家鹹雞套餐 $50-例湯-令小編找番家的味道，城市人太忙，唔係太多時間去煮飯，所以小編飲到一口熱熱的住家湯味道，都好感動-鹹雞-個雞好滑好入味，令平日唔太食飯既小編都想食多幾口飯.2️⃣煎釀豆腐 $12即叫即煎既熱野，外脆內軟加埋小小豉油，無得頂.3️⃣紅棗糕 $7小編係食之前，見到有評論話好似芝士蛋糕，食完後，完全明白了解會咁形容佢的口感，確實係入口即化，好軟身，帶一點點黏的感覺啖啖都好重紅棗味相信小編好快會想再尼食！…查看更多

朋友前一晚特登打電話俾餐廳預留胡椒雞豬肚湯，因為餐廳當日要一早去街市買材料。廚師係我地面前係湯入面夾左一嚿豬肚出黎，然後剪開豬肚，將豬肚入面既雞肉拎出黎，再將豬肚剪成細細塊。個湯胡椒味好濃，但又唔會覺得太辣，岩岩好！餐廳應該熬個湯熬左好耐，雖然要成三百幾蚊一煲湯（成餐飯最貴就係呢個湯），但絕對係誠意之作！ 成餐飯我最鍾意就係紅棗糕！好食到我想過幾日就再黎食過紅棗味香濃，但最正係口感，唔知點解餐廳可以將口感做到黏黏糯糯煙煙韌韌😍家鄉蠔缽超特別！！無係另外一間餐廳食過，佢有d似西班牙蛋餅，但就落左芫荽同埋蠔仔，朋友話餐廳係將成個缽拎去炸過，所以家鄉蠔缽既外表係脆卜卜😍😍😍另外黃金蟹盒又係好特別！又係第二間餐廳冇見過！黃金蟹盒外型好似炸豆腐，但入面竟然係超級多既蟹肉碎，好足料！！其他炸物都好好食，但相對上述食物就冇咁有驚喜，因為第二d餐廳都有。成餐飯三個人人均只係$204，好抵😱😱…查看更多

行完山黎到出名多美食既大埔，花左20分鐘search 下有咩野值得一試，最後搵到和𣈱金廚支竹蝴蝶腩唔係好燶醬汁嗰種炆腩肉，個汁清清地但係好入味， 蝴蝶腩炆得夠琳客家煎釀豆腐，炸得超香脆，唔肯定中間釀既係豬肉定係魚肉，但係足滿鹹香味，幾蚊一件價錢好相宜，但係比較細件，每人一件唔係好夠喉素鵝腐皮有豆香味，好香口一啲都唔漏，餡料滿滿，又唔會話脆到𠝹口原本想食滷水生腸，但係已經賣晒，店員介紹滷水墨魚片，果然冇介紹錯，滷水入味，墨魚爽口唔會過靭，上面有少少麻油，非常惹味碗仔翅非一般貨色，見個樣比較淺色，又冇冬菇木耳，以為好削，點知一啖落口已經食到有海味香味，入面仲有魚唇，大愛客家苦瓜釀魚肉魚肉比例十足，好香口，配埋個煮過既汁（並非一般豉汁/ 豉油），送飯首選見人人都推介紅棗糕，果然同市面上一般煙靭驚紅棗糕唔同，介乎棗泥與西式蛋糕之間嘅口感，突破咗我對紅棗糕嘅認知，食完忍唔住買咗一盒8件帶走比屋企人試總括而言，今餐非常滿足，碟頭比較細，可以試多幾款菜，晚上8:00 已經有好多嘢售罄，店員10分有禮，充滿人情味💛 有機會一定會再黎2人點了共9樣菜：四臣湯兩碗（細）枝竹炆蝴蝶腩客家煎釀豆腐兩件滷水墨魚片客家苦瓜釀魚肉（兩件）碗仔翅紅棗糕一盒素鵝加白飯一碗共$295…查看更多

假日約了友人到大埔食lunch，大埔之友推介和暢金廚，主打客家菜，據聞紅棗糕及蝴蝶腩好出名，下午時段去到要等位，果然受歡迎!等緊果陣睇下簡介，原來店子來頭唔細，老闆係人稱大埔霍元甲的名廚吳永皓師傅的徒弟，有師父教路冇得輸，而且仲要係一間良心小店，必食!餐廳座位唔多，但唔算好迫，坐得都舒服，牆上掛有畫作及字畫。餐牌，假日時段都有超值套餐，$50，主菜配白飯及例湯，小食都幾平，抵食。是日例湯，四臣湯，材料有蓮子、淮山、茯苓及茨實，好足料。客家鹹雞套餐，$50。雞肉夠滑，少少鹹香，好味。支竹蝴蝶腩套餐，$50，名物之一，好奇一試。蝴蝶腩，即係豬肺裙，賣相有筋有肉，筋膜爽口，肉質鬆化又香口，食落有點似牛腩，枝竹入味，個南乳麵豉汁送飯一流。蜆介綾魚球(5粒)，$22，口感外酥脆內彈牙有鮮味，不俗。家鄉蠔缽，$50，蠔味比較淡，芫茜味較重。紅棗糕，$7一件，又係名物之一，口感柔韌細膩，少少濕潤，紅棗味清香，甜而不膩，果然好味呢!陳年金桔蜜，$20，香甜潤喉。熱情果，$20，友人的。食物有水準好味，仲要好抵食，服務態度親切，仲要不收加一，原來可電話訂座，下次可以BOOK定位先，仲有好多菜式想試，下次一於食晚餐呢。…查看更多

好日唔好去一次大埔，誤打誤撞搵到好嘢食🤩 首先嗌咗兩個超值套餐🥳蘿蔔清湯腩($50) 蘿蔔超入味，清湯腩就中規中矩；客家鹹雞($50) 完全係送飯首選，雞有雞味🤤 超值套餐份量唔大，不過包湯包飯都算幾抵食🥰我哋梗係唔夠喉，要追加啲小食啦🤪 先嗌左特價小食客家釀豆腐($10)，即煎好香口🤤甜品方面就有出名嘅紅棗糕($7)，同一般酒樓食到嘅紅棗糕唔同，睇落似cheese cake，食落個質感都有啲似😜 有衝動想打包一盒走呢😆…查看更多

同一大班同事去食lunch，大埔呢頭真係好多小店，佢地帶我食呢間和暢金廚，睇openrice唔算多食評，我就幫大家試試佢啦係南盛街中間，舖頭唔太大，得幾張枱，都係做街坊生意。餐牌點菜就交比同事，我只負責影相同食十二個人都叫左幾多野食，每樣都係細細碟咁，可以揀多d款。我都唔好意思逐樣影相，所以只影左部分。同埋同事叫左d內臟好似生腸仲有豬手豬紅，我都係唔食嘅，所以就無影鹹雞幾滑，雞味濃，只係雞肉下面太多紅色同血水，有少少驚釀豆腐平時我都唔多好呢味，但岩岩做起幾好食鯪魚球一般啦，有d腥味蠔缽第一次見呢樣野，係連埋d蛋蒸嘅，適合配飯食鹹魚蒸肉餅我幾中意佢薄薄地口感唔會太實，又係撈飯一流嘅紅棗糕高度推介！一定要趁熱食呀，好香紅棗味，甜度剛好，聽講無加水無加油，口感綿密，食密個下我已經想再買做下午茶$7件唔算平，但我覺得值嘅仲有幾味食完我覺得需要推介但係無圖嘅櫻花香蔥餅：夠薄有脆邊蠔仔粥：同事話粥底係有瑤柱，食落真係鮮甜，同埋都有唔少嘅蠔仔幾乎一更一粒總結：整體都有水準，大推紅棗糕！…查看更多