皇仁書院舊生會﹝中菜部﹞

人生其中一餐最回味的中菜每道菜都好有水準Booking非常full每次食完再預約都要起碼半年後.印象最深刻係糖桂花餞美國桶蠔外表微脆沾滿桂花味桶蠔極新鮮吃得出鮮味真係外脆內軟.原隻鮑魚佛跳牆勁足料全部都係大大件海味淨係食餸都食飽.柚皮生扣鵝掌都係另一水準之作而家出面都好少餐廳可以食到柚皮柚皮竟然可以整到唔似柚皮超入味好似食緊肥豬肉一樣🤤.時令水果係西瓜加梅鹽梅鹽能夠吊出西瓜既清甜係成餐好好既結尾.金玉滿堂宴 $𝟲𝟴𝟴𝟬/ 𝟭𝟮 𝗽𝗮𝘅🍥翡翠鴿片花枝蚌仁🦪糖桂花餞美國桶蠔🍲原隻鮑魚佛跳牆🐟大海斑兩味 • 雲耳腿茸蒸斑球🐟大海斑兩味 • 薑蔥煎焗頭腩🍤椒鹽陳皮中蝦🍋柚皮生扣鵝掌🍖脆皮炸子雞🍚鮮蝦荷葉飯🍜蝦子雜菌伊麵🍨腰果露湯圓🍉時令水果…查看更多

真係估唔到係2022年頭能夠食到呢餐唔係咁易有得食嘅餐廳! 除咗係一年口福嘅好開始,最重要係趕得切喺"禁堂食"前食埋呢次晚餐,真係感恩!今次訂左一圍枱食"金玉滿堂宴"。一家人去食飯除咗開心聚一聚,仲要嘢食水準真係夠好! 唔係誇張,可以話好耐冇食過一餐由頭好食到尾嘅菜式。最難忘嘅包括金蠔,佛跳牆,大海斑兩味,椒鹽陳皮蝦,臘味糯米飯,腰果露…嘩,差唔多講曬出嚟。首先要講過金蠔,老公不嬲對熟咗嘅蠔都麻麻地,今次食完都話食過番尋味,甜甜地又食得出蠔嘅鮮味,其他餐廳都好少食到咁嘅質素。佛跳牆就唔洗講,原個大煲燉,淨係個排場都夠曬你冷! 新鮮鮑魚成串起,山珍海味都有,嗰嚿金華火腿令成煲湯入晒味,就算湯渣都食到舐舐脷😋。跟住海斑兩味,一炸一蒸,炸嘅外脆內嫩,蒸嘅魚肉夠嫩口,兩款都啖啖肉,究竟條魚有幾大呢?一定唔係雪過既魚,真係真材實料,冇得頂👍。係咁以講下隻陳皮蝦,炸到脆卜卜,椒鹽又唔太咸,肉質夠鮮,我連殼都蝕埋。已經好飽嘅情況下,仲可以食多碗臘味糯米飯,簡直係奇蹟。我見佢將臘腸同潤腸剁碎,香味滲入曬糯米飯,做到不油不膩嘅境界。至於甜品嘅腰果露唔係度度有得食,最重要係食得出由腰果磨嘅微粒,唔會太甜,又唔會過稀,近乎完美,真係好想添飲。講到咁出神入法,好似好誇張咁。老實講今餐所有同台食客都好滿意!簡稱冇得彈!唯一嘅缺點就係由訂枱度食飯等咗幾個月,呢d真係叫做等到頸都長。…查看更多

最難卜既中菜廳之一，呢餐飯已經係提前左３個月卜，果日去食時，問下訂位情況，已經要排到五個月後，下年三月先有位！！叫左金玉滿堂宴，每席１２人＄６８８０，茶芥加一全免，亦冇開瓶費。糖桂花餞美國桶蠔，一個字，正！翡翠鴿片花枝蚌仁轉左做南乳脆炸豬手，又係冇得輸。全餐飯既重點！！！！原隻鮑魚佛跳牆，就咁睇相都知有幾正啦！重要一人一定會有２碗湯！大海斑兩味：雲耳腿茸蒸斑球， 薑蔥煎焗頭腩椒鹽陳皮中蝦，陳皮中蝦真係好特別好出色！柚皮生扣鵝掌，鵝掌好霖！重有脆皮炸子雞，鮮蝦荷葉飯，蝦子雜菌伊麵，腰果露湯圓同生果盆。食到個個肚滿腸肥！！！…查看更多

因為識咗個皇仁畢業生，所以有幸成日嚟食呢個「皇仁飯」皇仁舊生會唔止只招待畢業生及其朋友，而且好難book, 起碼要book半年，所以其實一年只能食兩次，雖然咁難book, 又要等咁耐，但值嘅！而且每人大概消費$500，真係性價比好高。佛跳牆呢味餸真係冇得輸呀一畢啲鮑魚出嚟，大家已經嘩嘩聲，再加埋花膠（原本係翅，我地改咗花膠)，金華火腿及其他材料，啲湯好入味舊金華火腿，我地通常拎返屋企再加西蘭花一齊炒，好食！大海斑兩味 - 薑蔥煎焗頭腩其實我本身唔多鍾意食魚，但呢個好脆口，岩晒我呢啲為食人士！大海斑兩味- 雲耳腿茸蒸斑球唔多鍾意食魚嘅我，極愛呢味，因為啖啖肉，最岩我呢啲唔識挑骨嘅懶人椒鹽陳皮中蝦鐘意食蝦嘅我，通常都只係食白灼或茄汁，呢款椒鹽陳皮確實係老派菜，喺出面好少食到，而喺皇仁，佢整得好入味，真係蝦殼都可以食埋！柚皮生扣鵝掌係人都知柚皮唔易整得好食，所以喺出面都好難食到好食嘅柚皮，但呢度個柚皮好好食，冇澀味，加埋鵝掌，加埋個汁，入味到爆！喺出面好難試到呢啲老派菜糖桂花餞美國桶蠔桂花汁好甜，桶蠔好多肉，個汁溝埋啲洋蔥一齊食，基本上每次都清碟到照鏡一樣😂😂翡翠鴿片鴛鴦蚌仁睇呢個擺盤已經very ok喇，再加埋小炒同烹調手法，個鴛鴦蚌好爽口，仲有鴿片，通常食鴿都係原隻乳鴿食，但咁樣一齊炒法，真係只有老派菜先咁做其實只係精選幾款特別嘅餸菜po出嚟，仲有好多餸冇po出嚟，好似炒飯，炒麵，腰果露湯圓，炸子雞未po出嚟，講真，以大概$500一個人可以食到呢啲老派菜，可能皇仁飯係香港性價比最高嘅中菜！…查看更多

一席難求的皇仁書院舊生會中菜部，有幸數次造訪。由從前會員不一定親身出席，到現在必須出席；由從前每圍菜式可以稍作改動，到現在兩圍菜式必須相同。雖然門檻/條件不斷改變，但不變的是，從未讓人失望的食物質素及親切的服務態度，即使每次要提早數月訂坐，仍會令你心甘情願乖乖的等⋯⋯中菜部有提供套餐，但由於每次訂坐都不容易，我們每次都會為自己席身訂造餐單，以求完全符合胃口蟹粉豆腐扒菜心邪惡蟹粉配健康豆腐青菜，濃淡得宜糖桂花餞美國桶蠔炸得香脆而且脹卜卜的桶蠔淋上香香桂花味醬汁翡翠鴛鴦蚌仁珊瑚蚌和貴花蚌非常爽口，配彩椒子薑，味道豐富斑球兩味之花雕蛋白蒸斑球 火候控制適中，蛋白跟魚同樣蒸得滑滑帶花雕香斑球兩味之豉油皇煎焗頭腩 煎封的斑球乾身惹味百花西汁釀油條稍為遜色的一道，個人口味覺得酸甜汁始終跟排骨才是perfect match佛跳牆霸氣原盅佛跳牆，一上枱不禁令全場嘩嘩聲矜貴材料份量十足，鮑魚、魚翅、火瞳、老雞、冬菇⋯⋯燉足火候，味美程度相信不用多說砵酒牛尾牛尾腍滑，再配上蒜蓉包，誓要你連汁都撈埋潮式芋頭炒飯熱辣辣乾身即炒上枱，大家雖然已經吃得飽飽，仍忍不住先試兩啖再把吃淨的打包腰果露湯圓腰果露又香又滑，芝麻湯圓細細粒，但餡料十足…查看更多

處女座的甜魔媽媽，特多巨蟹座的好朋友；這個七月，真的生日飯不絕！今天也一口氣補記上週五六兩頓有水準的生日飯，首先是只限會員訂位，一席難求的皇仁書院舊生會～  皇仁書院舊生會 位於銅鑼灣近天后，菜式非常紮實，水準極高令人難忘；真要多得爐兄大搞五圍，讓大家可以重溫美味。忘了拍門面，不過這裡從來重食物遠多於環境，先來的 翡翠鴿片鴛鴦蚌仁 色彩繽紛，貴花蚌鮮甜，但更吸引是又嫩又甜的鴿片，子薑也幼嫩無渣，好吃！ 然後到萬眾期待、非常足料的 原盅鮑魚佛跳牆；以筷子破開宣紙後，香氣撲鼻來，滿滿的湯料也令人嘩然側目！ 除了鮑魚、肥厚冬菇、原隻火瞳、雞及豬肉，還有大量粗身魚翅... 是的，這佛跳牆是含翅的，唯有與不吃翅的友人商量好，大家都不碰翅就是，至於翅湯，萬不能浪費掉！ 巨大的佛跳牆足可以分出每人兩滿碗燉湯，另加超大量湯料；不是講笑，胃口小的女生，吃完這個大概也夠飽了！如此足料下，燉湯鮮濃芳香、不好喝才怪，是必吃的一味～ 接著是 雲耳腿茸蒸班球，份量又是超足，很喜歡班球鮮嫩彈甜之餘，又有腿茸鹹香及杞子香甜；而底下吸引魚鮮及醬汁的雲耳也非常美味，我只恨自己胃納遠不及肚腩大，未能清碟！ 除了佛跳牆，這裡的 糖桂花餞美國桶蠔 也讓我深深深掛念，很開心這晚又可以重溫～外脆內嫩、又鮮又甜的蜜餞蠔，實在比生蠔好吃太多；還好個子夠大，否則一隻下還真不夠滿足！如果生蠔也有這般滋味，我將會是徹徹底底一個蠔迷～ 來到 柚皮生扣鵝掌，其實我不愛鵝掌，但這裡的確做得不錯，軟腍而不糜爛；柚皮也非常入味好吃，連同清爽的生菜，更加合我胃口～ 接著是見仁見智的 椒鹽陳皮中蝦，有朋友嫌它太甜，沒有椒鹽或陳皮味，我也覺得菜式可減甜，但蝦隻的新鮮度、香脆度及火候都很完美，熱熨熨卻帶鮮嫩的質感，吃到我大呼過癮！ 爐兄特色，蔬菜也要選邪惡的 鮮蟹粉豆腐時蔬；蟹粉不是最好，不過豆腐就非常滿，加上超嫩甜的菜芯，大致還是滿意的。 早前在 惠州 吃了太好吃的走地雞，回來後覺得香港的雞都是無味。不過這 脆皮炸子雞 實在皮香脆肉嫩，單是口感都迷死人，也忍不住吃了兩大件～ 而原來墊式還有超好吃的蜜餞子薑，重點是仍然熱熨熨的，味道不得了，大家都瘋狂搶呀！吃呀！侍者大概看我們太狼了，後來靜靜送來一碗加料，感動啊～～～ 押尾還有蝦籽雜菌伊麵及潮式炒飯，兩款都試了一點，炒飯非常好吃，但時間不容慢慢細味，因為要出去準備蛋糕了～ 飯局離爐兄生日只有兩天，我們一眾院友，決定靜靜訂個蛋糕，在甜品環節推出來，與大家共享～朋友仔又好，院友又好，生日快樂！最緊要身體健康、和氣開心～   推完蛋糕拍完照，回到飯檯上，美味的腰果露及水果已經準備好！腰果露比多年前印象中減甜了，應該是遷就現代人新口味，香滑程度則沒變，仍舊迷人；吃完再咬件西瓜，超飽了～ 不計宴請壽星，單是飯錢連額外貼士（餐廳本身不收加一），每位$480，物超所值！再次謝謝爐兄及PJ辛苦安排了～…查看更多

年初時，大食會其中一位會員收到風，話「皇仁書院舊生會」個中餐超好食，每晚爆場爆到訂位都起碼要等幾個月先有位 。無奈舊生會只招待會員，即舊生，小肥要千辛萬苦搵到個皇仁舊生先可以安排飯局。原來「皇仁書院舊生會」屬「皇仁書院」一部份，中菜部午飯時間負責為學生提供餐飲服務。舊生會正門內外都舖有紅地毯 ，腳踏上去差啲真係以為自己變咗個重要人物 。一入門口已經見到牆上o既金屬板上刻有兩位大慈善家o既大名。不過入到去廂房一刻就覺得室內比較迫，狹窄嘈雜o既環境頓失之前原有o既氣派 ，幸好服務生尚算勤奮有禮，成功挽回不少好感。寫餸重任由代表皇仁o既IQ Uncle全權負責，菜單屬「皇仁御宴」o既進化版，由十二人份量改為十三人，故價錢亦有所調整。 人未到齊，叔叔先呈上兩碟炸魚皮小食俾大家一邊送酒，一邊等朋友。魚皮炸到好似薯片咁乾身薄脆，香口惹味 。 糖桂花餞美國桶蠔：肥厚o既桶蠔皮層香脆，以糖桂花蜜餞效果清香甜美，不過個人略嫌唔夠熱同鮮。 紫薑鴛鴦蚌仁鮮鴿片：小肥係大食會會員中輩份最低o既，好自然地亦係最後一個夾餸食，當鴿片轉到細佬面前，碟上只剩紫薑、幾塊桂花蚌同一件鴿片，似乎份量唔多夠 ，好在桂花蚌爽脆非常，鴿片軟腍嫩滑，黏上紫薑炒煮更覺鮮甜，質素補番條數。 原鼎火瞳雞燉翅：雞湯原鼎上，翅則分開上，以示真材實料。翅質軟脆，不過個雞湯底過清，唔係好夠味。 東星斑兩味之菜心炒球：光滑o既斑球鮮甜幼嫩，就連伴碟o既菜心都翠綠柔軟，一啲渣都冇，係全晚o既代表作 ！ 原隻鮑魚柚皮扣鵝掌：鮑魚鮮滑，但可惜唔夠腍，有幾位長輩都覺得咬嚼時有啲吃力 :( ；鵝掌則香軟腍滑；未輪到小肥柚皮都已經冇哂，好明顯一件係唔夠十三人分囉 ！ 蛋黃金沙中蝦：黃金蝦又乾又嚡又瘦，除咗咸蛋黃加多咗膽固醇之外，蝦隻真係好似營養不良咁，極為失色 ！ 東星斑兩味之薑蔥煎焗頭腩：小肥怕骨冇食，不過大食會全體人員都激讚頭腩同魚球一樣咁鮮甜，而且頭腩煎焗得好夠乾脆，實屬意料之外咁美味喎！ 脆皮炸子雞：炸子雞皮層香脆，不過雞肉略為偏乾，而且雞味欠奉，食到兩位雞王會員都不斷搖頭 。 鮮蝦荷葉飯：荷葉飯清香濕潤，只係唔多夠咸。 羌蔥蝦子撈麵：蝦子麵香滑且唔油膩，撈得唔錯。 杏汁蛋白湯圓：L姐話生磨o既杏仁茶香甜，湯丸都好軟滑，比合格好，但又未好到要俾滿分。 合時生果盆：鮮紅色o既西瓜清甜多汁，越食越消暑。只招待舊生會員o既「皇仁書院舊生會﹝中菜部﹞」地方有限，晚市只可以做幾枱客，故訂位超級艱難。大食會要先搵到皇仁舊生友人，再耐心等待上半年，方才有機會一試，可能大家都過於期待，當發現食物水準只屬一般，價錢又一啲都唔算平時，各人都抱感失望之心而回 。…查看更多

網路發達，比起以前的口耳相傳，又或單靠報章雜誌的報導我等為食之仕要覓食尋味都比以前簡單得多做得好, 自然多人知道......不少從前的隱世小店，現在都變成長龍名店想吃好料，資訊是找到了但往往要訂位排隊，要吃到卻不容易......這天來到的中菜廳，可謂久仰大名一直未能一嚐其美味，卻非單單由於有太多人前往餐廳以會所型式經營，只接受會員的訂座！多年來只能望門輕嘆……直至本年初跟友人偶然提到才知道有人可以幫忙訂座！立即安排！結果還因為太多人於周末用餐而要再多等三個半月！苦候多時，到這天，終於踏入這張大門，只希望不會來一招希望愈大，失望愈大就好……用餐的地方不大，分隔成數個包廂好像每晚最多只能招待六枱客人難怪只限會員，訂座客人仍須大排長龍......第一道菜已來一招先聲奪人~~!!作為招牌菜之一, 完全是色、香、味俱全!!將桶蠔稍為酥炸後再裹上桂花蜜，一上桌已是滿室花香入口甜度比想像中低， 不會過份濃膩而蔽蓋蠔的鮮味桶蠔炸得外脆內嫩，果然是十分出色的第一道菜有說這兒的燉湯為全城最佳，果真名不虛傳，佛跳牆最重點的香氣，直達爆發性的等級！揭開巨大燉盅上蓋的同時，香氣沿沿湧出，絕對能令所有人口水直流清澈深琥珀色的湯水...材料當然十分豐富除了每人一隻的鮑魚外，還有花膠, 瑤柱, 魚翅, 火腿, 冬菇, 雞腳等等深沉濃郁的香氣，極濃縮的鮮味盡在其中味道天然不油不膩，讓在座每人都可以連乾三碗酒香十足，入口味道卻比預期較為清淡斑片有一點點過熟, 不過尚算嫩滑味道不差，只是沒有其他菜式精彩可說是桂花翅的變奏版, 換成了更吸味的魚肚但沒有一點桂花翅的賣相, 並無細碎的蛋花感覺比較像是魚肚銀芽炒蛋味道倒是十分不錯~~~同樣是香氣撲鼻而來看似有點乾身, 其實炒得不油不膩, 外鬆內軟不知情的話完全會以為是咕嚕肉......其實那一塊塊的 "肉" ，是以蝦膠釀入油條中間再酥炸而成儘管每一塊都完全包裹上那香甜醬汁, 還是能保持著一點點的酥脆以罐裝蜜桃取代咕嚕肉中的菠蘿，使得這道菜的甜度更加提升，但又不失平衡終於來一道菜不是一進包廂立感香氣撲鼻而至的了XDD當然是相對的味道清淡，算是來一個中場休息吧吸滿了湯汁的魚肚，跟剛剛乾炒的口感截然不同一爽一綿，難得在同一餐吃到在常見的椒鹽蝦之中加入份量不少的陳皮細抺令本來已是以香味見稱的一道尋常椒鹽菜式更上一層樓香氣完全是爆發性兼高度誘惑的那種牙齒和胃部都受得了的話絕對要直接用手連殼食用~~!!香口椒鹽中帶著一絲絲果皮的甘甜...咸中帶辣...辣中帶甜...再加上個頭偏小但鮮甜且帶蝦膏香味的中蝦......必須用心細味每一啖，食完再將手指啜乾淨方感滿足......相對紅酒的味道， 反而是蕃茄的酸甜味超級突出牛尾每件都炆得輕輕一撥已可以骨肉分離肉味尚可，膠質豐富一點更佳......配角的蒜蓉包十分出色~~外脆內軟，味道香濃而不膩本應是沾著牛尾的醬汁食用，但大家都覺得直接吃掉更覺其出色雖是常見菜式，但卻同樣是店家的招牌菜式之一，當然有其出色之處皮極脆，油脂極薄，雞味濃郁，肉質嫩滑多汁，味道咸香透骨可說是一切應有的優點皆盡在其中~~在我來說，好的炒飯必須要做到粒粒分明，每一顆飯粒都帶點油潤但整體口感乾爽這裡的炒飯完完全全乎合小弟的喜好......100分!!用料以炒飯來說亦非常見......欖菜, 芋頭, 豬肉, 雞蛋, 蝦米和蔥...全都很香!!欖菜, 芋頭, 豬肉都切得極細，但仍能保留其個別口感真的...很久未有吃到如此高質的炒飯了......腰果露加湯丸如此精彩的一餐最後當然要有一個美味甜品劃上完美句號~~~以自家磨成粉的腰果煮成，味道極度濃郁香氣在口腔中歷久不散相對甜度屬偏低，因此味道雖濃，亦能再下兩城~~!!湯丸內包芝麻餡，整體感覺亦較一般輕，不黏不膩不會為了已經吃得超飽的大家帶來過重的負擔此餐過後，絕對能感受到其為何如此享負盛名......果真是 " 聞名不如見面 " !!絕對是本年度最喜愛最滿足的一餐~~~~~早已對其期望極高，結果仍舊驚喜連連......同席的朋友們都高度希望可以再次光顧......只可惜......下一次再能夠訂得一席都不知要待至何年何日了......…查看更多

期待期待又期待，12月book 4月先有得食。今次食完又要即刻book定下次 9月再嚟。Book呢間嘢前唔洗夾定人架，只要一出聲，萬千對手都高舉，唔洗驚凑唔夠人 。首先佢嘅好處係每枱都有間房仔，大家可以好free。一開始時有friend話，間房隔音好渣喎，隔離好噪。。。唉！洗乜驚，我地去到邊都係最噪果枱，人地咪仲驚？！開飯喇！！第一味。。。我唔食，因為係乳鴿，評唔到 第二味。。估都估唔到係炒飯lei! 因為有小朋友，先上D平易近人及老少咸宜嘅硬嘢頂下肚先！炒到d飯粒粒分明經已唔簡單，仲唔油果下令人食落感覺好健康呢！跟住係好鬼馬嘅釀油條。呢個好特別，要即食(我地嘅指標係3秒內即食)。我地連食野都要達標，果然係一班好出色嘅銀行員工   。。唔知係邊間呢？！再落係我嘅至愛。。美國桶蠔。蜜糖甜、桂花香、桶蠔肥，配搭絕。全晚票選(其實得我自己落票;P ) 第三名!飲湯喇！第二名(又係得我落票;P) 係湯，睇下d湯渣就知份量足，個湯清甜到呢。。。呢個肺湯暫時係我飲過至巧味嘅！跟住果兩味唔想講，鵝掌無食，無得講。但d friend 就讚口不絕，咁應該係好味嘅。 條魚就errrrr, 蒸耐咗囉，唔知係咪養魚所以無魚嘅鮮味，但唔係專門食海鮮嘅地方，蒸魚一般都係呢個水準，所以我唔太失望。登燈done櫈!!!票選第一，我投呢碟蝦！我唔建議剝殼食，成隻連殼食(蝦頭除外) 先有意思。呢個真係不得了，估唔到陳皮可以配蝦，又脆又香，陳皮嘅香從喉嚨入，鼻孔出。。。(今次失約嘅朋友，你地走寶喇！)上雞喇！須然已經好飽，但見到反光嘅雞皮，不得不上一件。呢個算係普通得嚟又不失水準的一道菜，算ok嫁！麵、飯(經已食咗)、甜品等standard 一定有啦，都係好好味！！全晚最失敗係個friend 帶得一支紅酒，十幾人分一支酒緊係唔夠啦！唯有現場叫一支開啦，失敗中之失敗，完全要俾零分。大家記住酒係要多幾支傍身先得嫁！ …查看更多