光榮冰室 (厚福街)

瓦煲煲仔飯推介指數 ❤️❤️❤️❤️❤️尖沙咀嘅厚福街可以講係口福街！街仔短短，已經幾十間食肆，有茶餐廳、素食、日式丼、韓式、台式等，總有一間岩心水嘅！以前冬天會塊去打邊爐食煲仔飯，而家基本上一年365日都食到啦！已經唔係第一次去光榮食煲仔飯，相比起其他店同自製嘅，哩度嘅煲仔飯有飯焦又脆又唔會太燶！無飯焦點算係煲仔飯？窩蛋牛肉煲仔飯 HKD72即叫即製、新鮮熱辣、生雞蛋另外俾你自己打！總結：-食物 ❤️❤️❤️❤️🤍環境 ❤️❤️❤️❤️🤍服務 ❤️❤️❤️❤️❤️.··餐廳：光榮冰室 (厚福街) (尖沙咀)地址：尖沙咀厚福街5-6號地下6號鋪…查看更多

厚福街可以話係尖沙咀嘅食街，短短一條街仔擁有各式各樣的餐廳，今日就去快食個 #光榮冰室 。普通茶餐廳格局，全部餐牌可以喺牆上見到，夠直接又好方便。見到外面有煲仔飯餐牌，款式眾多，包括：臘味、油鴨髀、排骨、肉餅等等，總有一款適合口味。窩蛋牛肉煲仔飯 $72需要等一段時間，好肚餓的話唔可以叫。熱騰騰上桌，附上一隻生雞蛋畀你自己打落去，牛肉份量算多，亦都好滑又唔會無哂牛肉味。打完隻蛋撈兩撈就熟哂，仲有好多飯焦，豉油成樽上，鍾意落幾多就幾好，整體嚟講都好食。開心餐 $55即係蔥油雞扒飯加3隻蛋，三隻蛋好壯觀，蔥油都好香，不過雞扒有少少鹹，但喺尖沙咀$55連嘢飲，真係無得輸。凍檸茶堂食以外，仲有優惠外賣飯盒，番茄炒蛋飯、粟米肉粒飯、太陽蛋雞中翼飯都只係$31起，平呀！…查看更多

夜媽媽落左堂，媽，好肚餓啊一直聽聞「開心浩園餐」，又未有機會試，今日雖然都一如以往排晒隊，但我同朋友都決定要試！除左開心餐，我地再加多個「窩蛋牛肉煲仔飯」加油加油wow..熱辣辣我唔客氣喇！牛肉唔會老！蛋蛋半熟岩晒feel撈撈撈~啲飯焦好正好香口建議可以重手啲咁落鼓油！我本身都食得清嘅黎講，佢嘅鼓油比較淡味，不過呢啲都係各有自己口味啦登登登凳壓軸嘅「開心浩園餐」！Order嘅時候，朋友難掩激動，waitress姐姐都報以笑容，成個cantee感覺好樂也融融三粒蛋，底下葱油雞扒飯想講...真係唔係單單個名夠駕勢..佢本身都係好高汁啲蛋汁咁樣加鼓油撈飯係..heavenlyhahaa煎雞唔會焦~仲係juicy嘅雞雞葱油好闊綽成碟飯啖啖都有！讚啊！晚上咁樣作結，滿足。Good night…查看更多

近幾個月都好多人支持嘅黃店唔少得光榮冰室啦，大家都排隊幫襯佢地，全因佢地黃到發光，係唔同嘅艱難時刻都撐香港人🤩本身以為光榮係食茶餐，晏晝通常都係叫快餐或者常餐，點知夜晚六點半後係有煲仔飯食嫁喎，咁緊係要叫返個試下啦🤪**********<窩蛋牛肉煲仔飯> $72依個煲仔飯真係有驚喜，無諗過茶記嘅煲仔飯都咁好食，個牛肉加左窩蛋之後更加滑，完全唔老喎🥳個飯用傳統瓦煲煮，所以個底都有好多飯焦，加埋甜豉油真係無得頂！**********<沙嗲牛肉巨型奄列> $32個奄列一上枱真係嚇左一嚇，雖然餐牌寫係巨型姐，但實物真係大到嚇死人😂我諗有平時正常size嘅三四倍，真係要有多幾個人share先好叫！不過個味道都幾好食，個沙嗲牛味道好濃，配奄列都好match！…查看更多

除夕夜放早5點幾閃人，即慶約了友人到尖沙咀食飯，因為節日大部分餐廳都full booking，要work in，反正都要等，友人提議不如光榮冰室，良心小店，好提議呢，大約6點已有人排隊，因為時間早唔太多人好快有位。 小小的店子，有懷舊冰室之感。 餐牌，見到有煲仔飯，講起來好耐冇食過煲仔飯，必食了。 叉燒滑蛋飯，$45，似乎係招牌貨，叉燒份量多，半肥瘦都幾香口，蛋尚算幾滑，配上甜豉油更滋味。 窩蛋牛肉煲仔飯，$72，暖笠笠的煲仔飯，牛肉份量十足，但有少許韌，飯粒粒分明有飯焦香味，加上蛋汁同甜豉油好惹味呀。 雜果冰，跟餐+$8，好懷舊既款，正常水準。 凍鴛鴦，跟餐+$10，友人的。 食煲仔飯又多一個選擇，價格合理，良心小店，必支持呢。…查看更多

成日幫襯光榮冰室都係食佢嘅午餐 今次的起心肝一定要食到煲仔飯😤星期五嘅晚上排咗大概半個鐘就有位坐啦🤪食得煲仔飯就預咗要等😊再等多半個鐘 我哋order嘅窩蛋牛肉煲仔飯同鹹蛋肉餅煲仔飯都到啦😍打開煲蓋 完全可以用香噴噴來形容😜加上佢熱辣辣 超級適合依加嘅天氣 食落勁滿足🤩肉餅好香 口感好軟😋牛肉係鮮牛肉片 份量都幾多下🤤肉質鮮嫩 完全唔會過熟而太韌😆隻蛋都唔會因為焗咗陣而流唔到心👍🏻煲仔飯嘅精髓一定係飯蕉 呢度嘅飯蕉都好香脆 但又唔會覺得佢太硬 口感一流 非常惹味～.Finally got to try the famous 光榮冰室 claypot rice! Went on a Friday night and let me tell u the line up was longgggggg, Which was expected because it usully takes a bit of time to make the claypot rice 🍚 got the classic egg and beef claypot rice and also a minced pork pie claypot rice 😋 once u open that lid, all the amazing smells just rushed in your nose 👃 makes me just want to skip the photo and just dive into eating! Minced pork pie was soft and the juices dripped all over the rice 🤤 the beef was still nice and tender, wasnt overcooked at all 😆 the egg was still raw enough for all the yolk to drip into the rice (super amazing with the rice) 👍 last but not least, the best part of claypot rice, the rice crust at the bottom! What a great end to the meal 😂…查看更多

好友兩年前知道我從未食過煲仔飯因而大表驚訝，但講左咁耐都仍然未帶我去食….適蓬今日係尖沙咀行街，一致決定再次支持良心店，順便試埋佢既煲仔飯!!!晚上未到6點到達，當時入座率已有八成。由於lunch食太多，未覺肚餓，所以點左個下午茶漢堡餐。雞扒漢堡餐 $38麵包烘到微焦，食落暖笠笠；半塊雞扒、芝士片、蕃茄片、生菜、沙律醬，入口都豐富，又唔會好乾，係一款平凡既港式漢堡。薯條就唔OK，應該放左一段時間，已經淋左又唔熱，如果肯返炸就好….窩蛋牛肉煲仔飯 $72雖然未到6:30，但職員表示已經可以落柯打，咁我地就揀左個人氣煲仔飯。等左大概3個字就有香噴噴既煲仔飯上枱~~流心蛋為白飯舖上黃金色，牛肉軟淋唔會過熟，最開心係成個底都係飯焦!!! 不過我地反得唔夠多，好多飯焦都變左炭…..😫朋友表示呢度既煲仔飯好有風味，話會再黎幫襯添!!~ 下次揀番個材料油份高少少既試下先，總覺得呢個牛肉飯少左D油香味😏。…查看更多

一到搵餐廳既時間就係打開黃店app 係尖沙咀平價既選擇唔多 聽過光榮冰室但未食過就去左試試禮拜日7點半晚飯時間都有d驚冇位 好彩趕得切唔洗等位 食完出到去就排晒隊喇雖然天氣未到好凍 但見個個都食煲仔飯就嗌個黎試下 兩個人一個飯唔夠飽 就嗌多左個沙嗲牛通茶記最經典既沙嗲牛 份量相當多 而且啲沙嗲汁溝落個湯度勁入味 唔會變左牛肉還牛肉通粉還通粉 牛肉都好嫩滑無筋 $30黎講性價比好高而通粉係用舊式冇坑紋既通粉 個人喜好鍾意有坑紋嗰隻多啲 不過傳統茶記多數都用呢隻煲仔飯又係多牛肉 牛肉一樣咁滑 隻窩蛋撈完之後變咗熟蛋 熱辣辣再加上好味既甜豉油 天氣再凍啲食就更加正整體來講質素都中上 係間值得再懲罰嘅黃店…查看更多