雲家小鍋米線 (安寧大廈)

我自己本身都鍾意食米線，一直都有留意開米線關注組，今日終於有機會試吓關注組之一既舖頭-雲家小窩米線，一去到舖頭附近已經聞到陣陣嘅湯頭香味🤤🫶🏻雲家米線米線滑溜彈牙，腐竹同冬菇吸足湯汁，雞絲嫩滑，滷水雞翼入味，魚春卷香脆，螺旋藻添清新健康感，腸仔鹹香有嚼勁，整體味道豐富又協調😋🫶🏻腩肉豬耳酸辣米線湯底酸辣醒胃，腩肉軟爛入味，豬耳爽口，酸辣味平衡得啱啱好，每啖都刺激味覺，令人大呼過癮🤤🫶🏻大推秘製豬頸肉👍🏻豬頸肉燒得外皮焦香，內裡多汁有嚼勁，秘製醬料帶微甜微辣，整條豬頸肉味道濃厚，食得心滿意足🥰🫶🏻手拍青瓜青瓜爽脆鮮甜，加左蒜蓉同辣椒，簡單又爽口😎…Read More

週末脫離中環 又去食我最鍾意嘅米線 今次嚟到雲家 喺荃灣已經聽過佢嘅大名 嚟到元朗都試過幾次 鍾意佢哋嘅份量夠大 而且人情味濃濃 每次去到老闆姐姐都非常好服務 每次都開心咁捧住個肚走-墨魚頭蘿蔔豬軟骨配麻辣小鍋米線：招牌墨魚頭一啲都唔韌 好有咬口；豬軟骨煮得好腍好入味而且唔硬；蘿蔔有四大嚿 冇渣好清甜；麻辣湯係偏酸小小 所以好開胃唔會死辣 配料亦都好多 成碗麵嘅味道同層次都好豐富-雞絲豬扒時菜配麻辣小鍋米線：成碗麵個份量大到一個點 大到姐姐要額外拎個碟俾我地易D食🤣 豬扒惹味 值得一提雞絲份量亦都非常有誠意 而且一啲肥肉都冇 純雞絲 適合唔想食咁肥嘅人士 -秘製豬頸肉：店舖另一招牌！份量十足，非常大碟大塊，而且唔係薄切。表面烤得香脆但肉質依然Juicy 唔會肥 仲要一D都唔柴！如果有幾個朋友一齊食 絕對要嗌一個嚟share😊-手拍青瓜：另一過份量十足嘅小食，青瓜爽脆，辣辣地好開胃。總括來講 份量可以話係我食過數一數二慷慨嘅米線舖！麻辣湯亦唔係平日試到嘅普通辣湯頭 而且凍檸茶亦都驚喜地好飲 絕對值得可以一試！…Read More

外賣咗碗雲家米線同幾個餸，真係抵到爛，份量巨大，招牌雲家米線大碗到可以兩三個人分黎食。兩個大碗裝滿，米線湯底分開放。湯底今次要唔辣，但都好濃味，有好多酸菜同料，味道有深度又唔算油膩。米線幼身爽彈又掛湯，好正。重點係麵同餸嘅比例一比一，真係好多餸！配料包括：大大量腐竹、雞絲、螺旋草、芽菜、酸菜、韮菜、蔥、芫茜，仲有入味炆冬菇、滷水雞翼、彈牙魚春卷、香煎腸仔！淨係食餸都飽。仲手多多加咗$11 腩肉，真係大方到癲咗，加幾蚊俾成十塊，仲要塊塊厚肉入味，食肉獸唔好錯過。難得做外賣仔，當然要加幾個招牌小食，涼拌墨魚頭爽口新，而且處理得好又唔韌，生剁蒜加秘製辣油撈勻，好惹味。秘製豬頸肉，大大片，多汁，肉味醃得恰到好處，燒得香，有配泰式甜辣醬，非常高質素，屋企人大讚。醬拌皮蛋，個人最愛！個醬調得超級好食，有混合剁蒜、醬油同埋少少辣汁，用上黃金皮蛋，味道比黑色皮蛋更溫和，更配合特調醬汁，差啲成兜俾我食晒。…Read More

大隻仔今次覓食嘅店舖就係💥 雲家小鍋米線（元朗安寧大廈） 💥大隻仔今次介紹呢間餐廳非常有名氣，荃灣米線大比拼Top 3 永遠都會見到呢間餐廳名字，就係「雲家小鍋米線」，原來「雲家」係元朗有分店，仲要冇咁多人，唔想排隊一個鐘先食到「雲家小鍋米線」，元朗分店係一個好好嘅選擇，位置就係元朗體育館附近。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ❎⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 秘製豬頸肉 $48 鎮店之寶，超級好食，看似普通，咬一啖，滿口油香，做到外脆內軟，帶少少蜜糖甜味，豬頸肉夠爽口，經高溫油炸過後，有少少蕉香，非常好食，超級推介秘製豬頸肉。🔥 涼拌墨魚頭 $47墨魚頭夠爽口，配上大量蒜蓉，非常滋味。🔥 麻辣金錢肚 $48麻辣金錢肚份量好多，而且係薄切，所以好入味，金錢肚軟腍，麻辣味道突出，幾好食。🔥 小鍋米線 $32 （麻辣/小小辣）加配炸醬 $11豬軟骨 $11豬大腸 $11咸檸七 $11麻辣小小辣小鍋米線，份量好多，係大隻仔暫時食過份量最多嘅米線店，米線不會太腍，湯底唔會太過強烈，做到平衡，不會特別麻特別辣，係食到最後都仲可以飲嘅湯底。炸醬經過1小時不停翻抄非常入味，但肉質比較結實，浸入湯內更加好食，豬軟骨非常軟腍，一夾即散，豬大腸滷得入味，而且夠曬腍。跟餐特飲平$5，咸檸七只係 $11，有好大粒咸檸檬，夏天飲岩曬，十分消暑解渴。🔥 小鍋紅薯粉 $36 （酸辣/小小辣）加配豬扒 $16肥牛 $16跟餐 檸檬可樂 $11份量好多，紅薯粉煙韌，比起麻辣，大隻仔更加鍾意酸辣，酸辣湯底加埋肥牛好好食，肥牛份量好多，煮到岩岩好，唔乾唔柴，豬扒好大塊，不過就係一早炸起既。跟餐特飲檸檬可樂 $11，夠曬冰凍，夏天解暑飲品。…Read More

之前經常都去荃灣店食，但因為每次都要排隊所以就好少去了😥依家難得係咁近我既元朗開咗間😍即刻去試一試睇下同荃灣有冇咩唔同先❗我同朋友18:30左右到，裡面都有啲客人不過都唔洗等位就可以直接入去，入面環境唔夠荃灣大，相對上比較狹窄。不過真係要讚一讚啲員工，真係好有禮貌👍🏻，好有耐性👍🏻，好親切👍🏻，見到佢地對住啲唔係好識點樣落單既客人都好有耐心咁解答同提供建議👍🏻👍🏻服務一流👍🏻首先我就叫左一碗 小鍋米線+肥牛+腩肉+豬大腸 $66🤩🤩✨湯底係麻小辣🌶️，對於食得辣既我黎講就唔算太辣，下次會試下叫中辣❗✨肥牛既肉質比較結實又爽滑，好有口感，牛肉味都好濃郁，好高質❗✨腩肉睇落去唔算好肥，有啲瘦，但食落去又唔會好鞋好乾，而係又腍又滑🤤🤤唔怪得寫住係每日限量，真係好好食❗✨豬大腸好乾淨，無異味，有口感，好食❗✨配料份量十足，真係食極都仲有😂好抵食❗朋友就叫左一碗 小鍋紅薯粉+金錢肚+豬軟骨+魚腐 $67🤩🤩✨湯底係酸少少辣🌶️，朋友表示如果酸味會再重少少會比較好🤏🏻✨金錢肚冇腥味，十分爽口有嚼口👍🏻✨豬軟骨食落去啲肉質十分之嫩口🤤🤤啲軟骨又唔會太硬，軟腍入味勁易入口勁入味，大推❗❗✨魚腐好彈牙👍🏻之後我地仲叫左秘製豬頸肉 $46✨我每次食雲家都好少會叫小食，因為食完碗米線都已經好得鬼死飽🤣但呢個係朋友超級推薦，叫我一定要叫❗果然冇令我失望🤤✨豬頸肉肥瘦適中，肉質爽嫩又唔油膩👍🏻食落去香口又惹味，一流👍🏻配埋個酸辣汁真係食到停唔到口🤤🤤我比100分💯下次會想試埋涼拌墨魚頭❗❗🔥整體黎講味道都係可以KEEP住咁高質，份量多價錢又親民，係我心目中最好食既米線舖❤️❤️…Read More

荃灣一向是米線集中地，超級多出名有好吃的米線店，知道雲家在元朗開的時候十分開心( ´▽` )ﾉ不用走到荃灣也能吃到了！環境店舖面積較少，大家坐得親密一點囉！餐牌 小鍋米線(酸辣) $31選了雞絲(+$9)、螺旋草(+$9)及腩肉(+$10)，配酸辣小辣湯底。份量十分驚人！假如胃口少的女生，建議兩個人share一碗便可以。螺旋草配酸辣湯很搭，因為能掛汁，加上爽脆口感，混合雞絲和米線一起吃，口腔滿滿的幸福感！必點腩肉，用上辣醬炒香，肉質結實得來又帶焾身，很好吃！如果吃得辣的話，不妨把辣度再提高，我覺得小辣不夠喉！ 小鍋米線(麻辣) $31選了豬紅(+$9)、雞翼(+$9)及墨魚頭(+$15)，配麻辣小辣湯底。湯底同樣很濃郁，和酸辣一樣，假如能吃辣的可以點中辣以上。墨魚頭很Q彈，也比較少米線店有這款配料，不妨一試，雞翼如果是炸雞翼的話會更香口。 秘製豬頸肉 $46店內另一招牌是豬頸肉，我們想吃多一點，就直接點了小吃，有大約十塊，每塊外貌看上去都十分吸引！肉質厚而飽滿，吃上去又不失嚼勁，再沾上泰式甜辣醬，很惹味！…Read More

米線相信係唔少香港人嘅摯愛，而米線嘅口感，湯底都係影響住佢嘅發揮！呢間係荃灣已經響噹噹嘅米線舖開埋入元朗，令更多人享福啦🤩米線質感煮到恰到好處，入口順滑！唔會淋同易斷，好正👍🏻 碗碗米線都有芽菜、韮菜、蔥等配料。✨腩肉小鍋麻辣米線($41)腩肉本身都少少辣，舊舊都係厚身而且唔係好多肥豬肉，係肥瘦適中，而且份量都幾多！麻辣湯底夠濃郁，係口中會帶啲麻麻感覺，夾埋小小辣，夠晒過癮😆✨豬扒小鍋酸辣米線 ($46)豬扒大大份擺係面頭，煎到好香脆。食落口除咗淡淡肉，夠晒厚身外仲好鬆軟。酸辣湯底聞落好香！飲落酸酸辣辣，係酸味中又帶點辣，好出色🤤✨涼拌墨魚頭 ($45)大大碟墨魚頭，每舊都好爽口彈牙，唔會有腥味之餘仲食到鮮味！面頭有大量蒜蓉，夾埋一齊食夠晒惹味😋✨秘製豬頸肉 ($46)份量超級多！外皮顏色燒到好靚，而肉就粉嫩。咬落口係少少爽口得黎但又夠淋，唔會乾同柴。調味都好夠，食到肉味，點埋辣醬夠晒過癮😗🥤凍檸茶 (跟餐+$8)🥤豆漿 (跟餐+$8)————————————————————————💰加一：❌⏰限時：❌…Read More