極之拉麵

朋友介紹話呢度啲拉麵正，知我鍾意食日本嘢就一於捉我嚟試～果然冇介紹錯！🤤🦪極之真牡蠣櫻花蝦醬油湯底拉麵湯底真係濃到冇朋友！一上枱已經聞到超香櫻花蝦味，仲要鋪滿成碗麵，睇見都流口水～配料多到嚇親：叉燒軟淋、筍爽脆、溏心蛋流心正到爆！最驚喜係有成幾粒肥嘟嘟嘅牡蠣同埋磯煮鮑魚，鮮味十足，每啖都係享受！🐟真鯛魚白湯拉麵魚湯控必點！個湯又滑又濃，飲落完全冇腥味，仲有陣陣奶香。魚肉嫩滑到夾都夾唔起，入口即化～🍜追加彩蛋個湯底咁正，一份麵真係會唔夠喉！如果想加麵，碗邊會比個「叮叮掣」，㩒一㩒就有替玉送到，真係忍唔住encore多個麵，記住食完先好㩒，掛湯力一流！🍹飲品都要讚下提子同蜜瓜梳打都係日本直送，氣夠足又唔會太甜，同濃湯拉麵超夾～🎁每日驚喜叫一碗拉麵就有嘢送，今晚店家送咗杏仁奶凍同紅豆大判燒，奶凍滑溜溜，大判燒外脆內軟，為成餐飯畫上完美句號～總結：湯底贏晒！配料十足！麵質勁正！一定會再encore～👏🏻…查看更多

今次聽友人介紹，來到依間好特別的拉麵店，小店播著我最愛的男兒當入樽主題曲 – 直到世界的盡頭，店內鋪滿鬼滅之刃，海賊王等的動漫元素，感覺不錯。 女友叫了真鯛白湯拉麵，有鯛魚片，叉燒，魚皮，個魚湯湯底真係超好飲，飲得出來好足料，不會口渴，鯛魚片好爽口，叉燒好食，拉麵口感也非常好。 我就叫左牡蠣拉麵，牡蠣和鮑魚好新鮮，個湯底係用牡蠣煮的，女友不鍾意食牡蠣，但都覺得湯底非常鮮味。 依兩款拉麵的煮法，係香港較為小見，但我係日本旅行時，就嚐過這味道，當時都好鍾意，依家係香港竟然可以再次嚐到，真係好開心。 頭四十分鐘進餐時間，我覺得是我食過最好食的拉麵，但四十分鐘過後，拉麵的口感就沒有最初的彈口，下次再來，我都係不好食得太慢啦。 …查看更多

極之拉麵 (長沙灣).真鯛白湯同牡蠣醬油湯都係店家嘅誠意之作，兩款湯底都十分濃稠。真鯛白湯用十幾個鐘自家熬製而牡蠣醬油湯就由大量牡蠣熬煮9個鐘。.兩款拉麵都係店家王牌，配料大致上都一樣相當豐富。極之真牡蠣醬油拉麵有半殼醬漬鮑魚感覺更高級抵食。.真鯛白湯拉麵🍜配有溏心蛋+慢煮叉燒+增量鯛魚片+炸魚皮) $ 98魚湯杰身呈奶白色，香甜有濃厚魚味但唔會腥。魚片份量好多。以份量同心機嚟計，性價比好高。喜歡佢嘅慢煮叉燒，好香肉味而且有好香甜嘅肉汁。.極之真牡蠣醬油拉麵🍜配有溏心蛋+半殼醬漬鮑魚+醬漬牡蠣+慢煮叉燒) $ 99極之真牡蠣醬油相比起魚湯會清澈點，蠔🦪同醬油完美混合，如果兩個湯底相比，個人更偏好呢個。.明太子雞翼 $36雞翼包果住辣口嘅明太子，整體比較乾身，唔食呢個都無損失。.…查看更多