士林棧 (已結業)

貢醋豬軟骨陽春麵($45)-豬軟骨嘅份量好多，仲有一隻溏心蛋同菜附送，湯底係牛𦟌湯，味道好濃，令陽春麵更加好食。招牌牛𦟌陽春麵($47)-牛𦟌好軟，咬完好似係口中溶咁，而且牛肉汁嘅鮮味出曬黎，真係好出色！珍珠奶茶(+$9)-好大杯，甜度剛好。…查看更多

今日行完旺角來到大角咀吃晚飯，有一家街坊食店一直都有光顧開，因為她真的為我帶來台灣味該餐廳就是「士林棧」，顧其名主要食台灣菜！街坊店選擇多之餘價錢又親民。食台灣菜當然要點炸雞扒這個炸雞扒嫌不夠邪惡，中間再夾上芝士！雞扒肉質嫩滑，加上每一口都有濃濃芝士味！一個字台灣滷味亦是必點之選，於是點了個滷水雞中翼。雞翼燜得非常入味，味道偏甜，非常惹味！令人食不停口！肉燥又是另一個不可錯過的，士林棧的肉燥茄子我敢話拍得住台灣的味道！茄子先炸過，再淋上非常入味的肉燥，送飯一流最後飯方面點了筋肉雙雄，其實美其名就是牛腩配牛筋，牛腩牛筋都燜得超級入味！牛筋入口即溶，膠質豐富，用個汁撈飯都好好味食得台灣菜怎可錯過珍珠奶茶？士林棧的奶茶一點都不會揸流攤，茶不澀，奶香濃，珍珠又有咬口！$16好抵飲…查看更多

當年係大角咀返工，一直LUNCH都會係返大角咀搵食，其中有一間「士林棧」都係我成日幫襯的。今日重臨舊地，呢度水準仍有水準。由於同女朋友唔算太肚餓，所以我地以小食為主，其中我最愛既就係脆炸芝士雞扒。外皮炸到脆身，入面夾住芝士，芝士拉哂絲入口即溶!雖然好有罪惡感，但呢個絕對係必食之CHOICE再黎滷水雞中翼，雞翼燘得好稔，雖滷水偏甜，但岩岩好我中意甜，所以好合我口味!作為一個健康寶寶，每餐食菜係必需的，唔想太悶就係咁菜就點左個肉燥茄子，又可以送下飯。茄子先炸過，再淋上肉燥。肉燥真心好有台灣味!唔會過咸又唔係太甜!送飯一絕飯方面叫左個「筋肉雙雄」，之所以叫筋肉雙雄其實就係指牛腩同牛筋。本來配陽春面但都可以轉菜飯。食牛腩最怕整得唔夠稔，但士林棧燘得超夠火候，牛腩入口就散開，唔會太痴牙!好食!飲品我地叫左一杯珍珠奶茶同蜜瓜特飲，珍珠奶茶出奇地好味!茶味唔澀，奶又香滑，珍珠彈牙!呢個價錢真係冇得輸!蜜瓜特飲都唔會太大藥水味，蜜瓜味濃!滿足呀!…查看更多

星期六既中午剛剛喺大角咀體育館打完波，兩小口子閒着走下走下不其然又黎番呢個熟悉既地方開餐！食物方面已經叫慣叫熟，一人一麵再加杯少甜少冰既「珍珠奶茶」已經係指定動作，只不過今日出完一身汗之後真係太肚餓喇，所以決定叫多個小食醫肚！珍珠奶茶 ($16)：由於加野飲只係$9既關係，「叫杯珍珠奶茶」已經成為指定動作，只係$9就有咁大杯野飲真係無野可以complain！筋肉雙雄麵 ($48)：所謂「筋肉雙雄」其實就係牛𦟌同埋牛筋。作為其中一款「士林皇牌」，主食方面可以選擇「陽春麵」、「米線」、「菜飯」同埋「白飯」做主食，又或者加多兩蚊轉「陽春麵」，實有一款啱你！湯底方面非常特別，同平時常見既牛肉麵唔同，佢有牛肉濃烈既味道之餘重有淡淡既酸味，感覺特別得黎又零舍醒神！牛筋同牛𦟌方面，除左炆得好腍之餘亦都十分有咬口，誠意推介。皇柚雞扒 ($43)：雞扒煎得非常香脆可口，醬汁因為用上白柚子同埋菜蜜，所以酸酸甜甜得黎之餘亦都非常惹味醒神。另外，值得留意既係柚子既營養功效比橙強兩倍以上，除左清脂、健脾胃等等既功效之外更加可以有美顏、嫩膚既效用！除左「牛𦟌湯」之外亦都可以選擇「蕃茄湯」同「清湯」做湯底架！梅貴豬扒 ($43)：所謂梅頭其實就係豬既上肩肉，特點係肉質鮮嫩幼滑，佢既脂肪潔白細緻，好似梅花點咁分佈喺肌肉上，堪稱「豬肉中的和牛」！由於用上比豬扒貴最少一半既一級梅頭豬扒，再加上用梅子同埋精選香料烹調，所以既開胃又醒神，真係不可不試！總括黎講，畢竟大角咀區始終係做街坊生意為主，租金應該唔似其他旺區咁貴，所以餐廳可以專注喺食物既質素上面。再加上定價方面非常合理，「性價比」一流！下次有機會真係要試埋佢地既「古早級牛肉麵」！…查看更多

踏進大角咀這個小區，發現原來有很多隱世小店，這間台式食店便是其中之一。餐廳內外貼滿報章雜誌的推介；廚師學藝於台北著名的「永康牛肉麵」，回流後希望能將獨特的風味帶給食客品嚐。餐廳還標榜著不添加味精，相比一般油膩的台灣美食更健康呢！<皇柚雞扒配菜飯>大大塊的雞扒採用台南盛產的頂級大白柚加菜蜜烹制而成，多肉多汁，味道清甜。雞扒肉質也算嫩滑，脂肪不多。菜飯拌上少量肉臊，健康得來又惹味。 <牛家盛會>食材豐富，包括有牛𦟌、牛筋、牛脷和牛肋條。牛味濃郁，全都炆得非常軟腍入味，甚有水準！ <珍珠奶茶>始終少不了一杯台式飲品作總結吧！味道較像港式奶茶，但甜度剛好，珍珠煙韌彈牙。 …查看更多

10月1號紅日放假,到處也是人山人海,旺角比較擠逼,便與友人到大角嘴附近覓食。經過士林棧, 門面並沒有太多花巧裝飾, 只有貼上很多雜誌推介的報導又很久沒有到過台灣, 有點想念台灣的食物, 所以便想試試看店家外面已經提供了餐牌, 這是很窩心的做法, 因為不用進去了才知道每樣東西的價錢更能在等候的時間預先想定吃什麼。 不過今天6時左右時間尚早不用排隊, 更好:)入面的座位不多, 雖然時間尚早, 但進去的時候已有數枱客人了這是餐牌的照片。皇牌推介的食物多以牛為主, 但其他選項也有不少。除了台式的食品, 比較意外的是更有港式的。有時候大家只想吃台灣食物但未必喜歡台灣飲品, 這裡便可滿足你的需要:)不過本人特別鍾情珍珠奶茶, 所以還是不點不心息XD 另外友人一直祟尚健康, 故他點了秋梨飲。先說珍珠奶茶, 甜度不高, 可能是配合香港人口味的關係?! 反正這個甜度剛好, 也不會感到甜膩珍珠方面煮得也不錯, 不會煮太過黏在一起也保留了其口感接著是友人的秋梨飲, 試了一口很是驚喜。味道天然而不做作, 入口清新, 是解膩之選主食方面點了三款。首先是皇柚雞扒。雞扒表面並不是油層, 而是被滿滿的柚子汁包圍著, 而汁是比較濃稠的那種, 所以能掛在雞扒上。肉質鮮嫩, 雞皮也不會過厚, 脂肪比例剛好。加上柚子汁酸酸甜甜的感覺, 可以令雞肉的膩感得以中和 接著是梅貴豬扒。梅貴用了"食字"的技倆故吸引了我去點。豬扒比一般的來得薄, 以切件的方式呈上。這個相比起雞扒的來得多油, 味道沒有特別之處。有主食當然+15$要一個陽春麵。我選了比較健康的蕃茄湯底, 湯比較稀卻帶住蕃茄的自然香, 沒有人工茄膏的味道。值得一提的是麵質還挺彈牙, 加入了蔥花和木耳絲更是討喜。最後還是忍不住叫了一客牛家盛會。當中有牛展, 牛筋, 牛脷和牛肋條。一次滿足多個願望:) 牛筋爽口彈牙不黏膩, 牛展和牛脷不會過老但入味。 牛肋條並不是四處也有, 值得一試。總結來說, 這間餐廳提供的台式食物選择多, 以上的埋單都只是$164元, 十分划算。但始終有些也是與台灣地道的味道不大相同, 因為因應了香港人的口味而有所改良吧, 整體性價比其實也算是不錯了…查看更多

忙碌過後放工過黎試試見食評話芝士雞扒好食 就即管嗌黎食配陽春湯麵 個麵同湯好香另一個係豬軟骨蔥油撈麵前者比個like椰子特飲都唔錯見食客嗌豬脾 賣相都幾吸引 可惜太遲啦已經落左單~…查看更多

之前看到資深食家們推介, 一直好想試試標榜沒有下味精的士林棧唔知點解, 好味、出名而又達到『地道』的台灣食店真是不多,初初以為好遠, 原來由奧海行過去好方便------------------------------餐牌上有起碼超過20幾個選擇…..一向選擇困難症的我, 今次目標很清晰,叫了梅貴豬扒米線 和招牌牛𦟌米線------------------------------梅貴豬扒係碎上, 看落去….hmm,咁深色o既,一試…. WOW, 比想像中鬆軟, 而且很juicy, 搭真D的確有梅子啖啖的味道…米線配料足夠:木耳絲、芽菜、唐生菜, 其他專賣米線的店也未提供到差不多的份量唷 ! (除非比錢lorrr =.= “)------------------------------D食評人成日話 『不得不試』的招牌牛𦟌米線, 最令人眼前一亮 的地方，是牛𦟌厚切得黎一D都唔”UN”, 一D都唔乾柴, 又軟又林, 牛味濃郁, 筋肉條理分明, 筋是Q彈 配上蘿蔔和紅椒, 蘿蔔好入味, 湯頭有點紅椒碎, 但唔覺辛辣, 適合大眾食客------------------------------老闆還關心下問下o岩食嗎….. 我說: 我都是看了open rice 阿少爺介紹好味,特登行過來吃…. 之後佢好開心多謝我們!唯一 :( 的, 就是珍珠奶茶是用港式的沖法調製的,否則不會發生不夠奶及苦澀的味道的情況~~ 不過食品質數搭夠, 會繼續支持小店 :) 請繼續用心經營…查看更多

星期日, 7:00pm, 去到岩岩有幾個人排緊, 不過排隊有位坐, 好快就過左10 分鐘啦.安排左我地坐4人枱 (答枱), 店內冷氣夠大, 夏天岩哂, 而且唔算好迫, 都食得舒服.由於當日冇哂糖心蛋, 所以冇叫$62個set (包小食), 叫左$40 set.2者分別除左多個小食, 原來個雞酒食有分別的, 前者係一煲上, 後者係一碗上. 不過我同友人食碗裝都夠.- 士林招牌牛展, 菜飯 ($40)招牌牛展, 果然冇令我地失望. 半肥瘦牛展, 一咬落去, 肉質好鬆化, 連帶肥肉入口即溶. 牛展好入味, 而且肉味濃郁. 一碗有4塊及1-2舊蘿白. 分量岩岩好. 個汁少少甜, 配上菜飯更好味.- 日式漢方雞酒食, 菜飯 ($40)驚喜, 原本黎試個牛展, 但見人人都叫煲雞酒食, 就順便試試. 一黎到就試啖湯, 嘩. 好正. 個雞湯好清唔油膩, 仲有濃濃藥材味, 既易入口, 又唔會令人怕. (因為本人都怕藥材味重)d雞肉嫩滑, 而且藥材味滲哂入雞度, 好健康丫.- 珍珠奶茶 (+$9)睇落冇咩特別, 但就有齊必有既氣件. 茶味濃白, 順滑夠凍, 珍珠煮得岩岩好, 好QQ.…查看更多

對於台灣美食，我想絕不抗拒的! 小妹常會看看有沒有什麼新的過江龍到港，而這次發現大角咀這間「士林棧」售賣無味精的台灣美食，所以放工後便和D小姐一同到來。由旺角行過去大約6分鐘，不算遠，但位置確實偏了點。.餐廳內的坐位不多，裝潢簡約，牆上貼了一些店內所售的食物照片。.再看看餐牌，麵和飯的價位係$3X~$4X，相當抵食~而小食有分精選與士林皇牌 (每款$23及$25)：有南乳雞件、糖心蛋、貢醋豬軟骨、芝心雞扒、皇柚雞扒、滷水三寶 (豬腸、豬頸肉和雞翼尖)、士林招牌牛展和日式漢方雞酒食等等，選擇很多，價錢不貴。.招牌士林牛展米線/陽春麵 $40來到這裡，當然要試試這裡的招牌牛展米線，不過我和D小姐都喜歡幼麵身，所以轉了陽春麵 (需+$2)。這碗米線看來滿豐富的，除了牛展外，也有白蘿蔔、木耳和菜等。啡色的湯底，看上去沒什麼油份，用了牛骨、雞骨、雞肉和豬骨熬足十二小時，也沿用了日本慣常用的大豆和鰹魚所餚製，有別於傳統的台灣牛肉麵，湯底的味道會較清；另外也特別選用巴西牛展，把牛展切成條狀，筋肉相連食落鬆化牛味重；蘿蔔也煮得很腍，滲入了湯底的味道，清甜美味；整體來說這碗招牌麵是相當不錯的，但請不要以傳統台式牛肉麵來比較，因為它所標榜的就是這種與別不同的味道，最重要係沒有味精，食得健康。.日式漢方雞酒食 $25雞酒食相傳係日本古老能強身健體的藥饍，用上淮山、蔘鬚、黃耆、川芎及米酒所煮(燉)，據說這湯能「袪濕、加強血氣循環及增強活力」。對於女士們，飲用此湯能有效地改善冬天時常有手腳冰冷的問題，更重要係「補而不燥」。雖然這湯只賣$25，但用料上不會將貨就價，飲落有很香的蔘味，再來係雞湯的鮮甜味，雞肉份量也很多，小妹和D小姐都很喜歡這湯，回味無窮，配麵餐也只是四十多元，相當抵食。.士林紅燒牛脷 $25內裡有4-5件切得很厚身的牛脷，雖然用上小碗盛載卻份量十足。厚身的牛脷咬落去很有口感，不會鞋口，但食多件會開始覺得滯，因這始終是伴麵的小食，建議牛脷如可切到薄身一片片會更好，.芝心雞扒 $25未前來時，已留意到這裡的芝心雞扒，平時看到的大多係豬扒配流心芝士，很少看到雞扒的，固看到圖片時已覺滿吸引。面層的雞扒炸至脆身，一夾起看到內裡有著滿滿的半溶車打芝士，芝味濃郁，不過這芝心雞扒提議還是與人分享較好，一個人食會相當飽滯，但喜歡芝士的絕對可一試。.梅貴豬扒 $25豬扒切成條狀，再輕輕煎過，食落除了香口外，也食到淡淡的梅香味，感覺平衡了一般炸豬扒的油膩感，配麵一流。.糖心蛋 $23一碟有6隻半開糖心蛋 (即三粒蛋)，每隻蛋的中間呈現著半熟狀態，有著濃郁蛋香，確實不錯。.珍珠奶茶 $25我們選擇了少甜，甜度恰到好處，但略嫌奶味稍重，如果茶的比例可多返點會更好。…查看更多