幸腹滿屋日本料理

老婆同我都係荔枝角返工, 是日為結婚週年記念, 想搵間好食又抵食嘅日本壽司店, 價性比最高就係依間幸腹滿屋, 是晚一試係值得一試嘅：廣島生蠔刺身蠔肥大肉厚, 鮮甜, 有蠔味, 但海水味唔重, creamy, 酸汁唔太酸偏辣, 好吃。牡丹蝦刺身好甜, 熔雪處理做得好好, 肉質彈牙爽口, 蝦子甘甜, 配合得宜, 好吃。炸牡丹蝦頭炸得剛好, 脆卜卜, 鹽花比例剛好, 好吃。秋刀魚刺身10-12係秋刀魚最靚嘅日子, 剛晚嘅秋刀魚肥美, 肉甜, 師傳刀工好好秋刀魚多細骨, 佢起得好仔細刀法利落, ,配酸汁同吃絶品！炸秋刀魚尾秋刀魚二食, 炸剛好, 脆卜卜, 鹽巴落得適宜, 好吃。赤貝刺身新鮮貨, 好吃, 肉質爽脆, 食味鮮甜。海膽壽司當晚係北海道赤海膽, creamy, 好甜, 海膽分量好多, 紫菜係有烘過, 脆口, 好吃。金龍卷其實係加洲卷改版, 有蝦肉, 食味豐富, 蟹籽, 玉子, 熟蝦配合得宜, 同樣好吃。蟹籽魷魚魷魚唔粉, 新鮮貨, 爽口, 鮮甜, 好吃。燒玉子一般般, 正正常常, 唔會死實, 上枱時係熱辣辣嘅。牛旁麵豉湯唔太鹹, 足料炸大蔥唔淋油, 內裡蔥件還清新爽口有辛辣味, 好吃。免治雞肉串日本蛋好香蛋味, 免治雞肉串內有雞軟骨, 有增口感, 好吃。當晚訂枱時我係特等同店員講話想座BAR位同係結婚記念日, 佢哋特別安排留返啲新鮮貨俾我哋先可以咁好食。埋單960, 食咁多靚貨, 係好抵食。…查看更多

生活要幸福，胃納要幸腹。幸福需用心去感受，辛腹比較實在，直接送到胃納裡便成！店名叫做幸腹滿屋，真想得到，能夠無限添加吞拿魚肉盡情地吃，想到已經幸福滿瀉！著名的藍鰭吞拿魚已經頻臨絕種，大家只好放牠一馬，亦早已禁止出口；但黃鰭充裕，據說現在亦有養殖的，今日3點空運到店的這一條、重40kg、來自沖繩的黃鰭，堂前劏魚表演大概7時半開始。開張不到兩個月的幸腹滿屋日本料理，位於荔枝角地鐵站旁，不難找，但有趣地、門面不見店名！甫進店內，巨魚面前現身，匆忙報上訂位名字，未曾坐下來，我們已經爭取時間拍照。店內裝潢簡約，走街坊親民路綫，可容35人。料理店以原條呑拿魚宴打嚮名堂真有計，把我們這些區外客亦吸引到來。貌似日本人的師傅出場，胖胖身型，樣子嚴肅，若不說話，以為他真是日藉師傅。看他手起刀落，純熟流暢，不一會兒，魚頭、魚鰭、魚骨皆起；同時乾淨企理，沒有一滴血水流出，可知新鮮程度，亦不會令人有難堪之感。特別之夜只做幸福呑拿魚宴，每位實收$800，看看餐單，除了呑拿魚外，亦有其他刺身及燒物，不會只有單一食品呑拿魚那麼孤單！日本番茄原個番茄無添加，但造型提升身價。略為雕塑，似朵含苞待放的鮮花，且有綠葉相托。吃之，香甜不酸，水份豐富，有助喚醒味蕾。日本海葡萄醋物同樣來自沖繩，海葡萄獨有的外型容易認出，新鮮爽脆，配合青瓜及調味酸汁，非常稱職的開胃前菜。赤身、中拖羅拼盤（首輪）圖中見到的是二人份量，慷慨吸引。刺身色澤亮麗，紅的通紅，粉的全粉，沒有瑕疵，完美有光澤。脂肪已經入侵肌肉，顔色辨別程度，紅的不及粉紅肥美，但同樣入口軟熟，室溫口感，完全未有經過冷凍失味；啖啖肉，回甘鮮美香甜。蘸一些刺身甜鼓油，可令鮮甜回甘之味悠久一點。服務員查詢，我們確實追加，很快送上第二輪。第二回的中拖羅顏色略淺，似乎來自更肥的部位，中央方型的數件，更有嚼頭，而右方的幾片，呈七節紋理，近似稍後詳述的大拖羅。大拖羅 （首輪）先來兩片，顏色更淺，見切法有別，魚片上明顯分成七段，每段緊密細膩的肉質皆被密度較低的脂肪筋分隔，見色澤有變化，同一片上呈紅一點及粉一些的顏色，入口略為咀嚼，慢慢溶化，少許筋反增嚼頭，並無殘渣，非常討好，滿嚼魚油，豐膄鮮香。大拖羅 （次回）吃完全部刺身之後，客人可以繼續追加大拖羅，這回的散件沒有筋，入口即溶，同樣吃得滿足。生開日本岩蠔肉厚味濃巨型岩蠔一人一只，以蘿蔔蓉、蔥及酸汁調味，吃法添新意，但依我口味，無需添加更能嚐到生蠔的自然鮮甜。牡丹蝦刺身巨型牡丹蝦，香甜肉彈，厚肉有份量，但欠蝦膏，而且也許已經雪藏了一陣子，鮮味稍遜。鮑魚刺身以鮑魚膽汁做成羔身滋味的醬汁，塗在鮑魚上，成功提味，增添了濃郁鮑魚之香，口感柔韌，美味佳餚！拿起鮑魚殻仔細看看，貝殼反面依然沾著軟熟的寄生物，可知新鮮程度！吞拿魚火鍋並非明爐上，而是一鍋煮物，連骨吞拿魚件及素菜煮之，湯鮮肉嫩。燒物接下來是3款燒物，鹽燒白鱔、厚燒牛舌及招牌名古屋雞翼，燒功皆恰到好處，味道豐富；白鱔皮脆肉嫩，但魚皮焦處的少許苦味，牛舌肉厚富黑椒香，雞翼香脆肉滑。海膽炒飯胃納尚容得下的話，主食是海膽炒飯，炒得乾身，米飯粒粒分明，但材料不多，只有少許海膽甘香，味道比較清，作為結尾，亦好。牛乳奶凍幼滑富奶香，甜味適中。原條吞拿現真身，師傅面前劏魚，極盡娛樂而且新鮮無比，絕對有賣點，$800/位價錢合理，可是並非真正可以選擇任何部位及盡情地吃，店方早已設定程序，環境及服務合理，主題有趣，不妨一試。…查看更多

是晚去左幸腹既吞拿魚宴，早前在FB專頁見到餐廳剛好會辦一場吞拿魚宴，$800/位 。餐廳會集合一些有愛好者或包場人士，湊夠人數才會舉辦一次。近來成了吞拿魚控，放題/普通壽司店的刺身已滿足不到口腹，雖然魚宴價錢不算平，但可即嚐即剖吞拿魚是頗吸引，所以便拉了老公一齊去滿足一下，最重要係可以看到師傅表演即剖吞拿魚，在香港這真的不多。原來這間位於荔枝角的日本餐廳只開業了約一個月，也有做午市套餐和晚市（部份餐牌在文末)，環境和佈置與平時的日本餐廳差不多。訂位時說了七點會正式開始吞拿魚宴，小妹六點幾到了便先坐坐和拍拍照，更可以同這條剛落機的黃鰭吞拿魚來個合照！坐無虛席由於要等齊人，魚宴便約七時多先開始，師傅正準備開始剖魚，個個都拎定手機相機準備影相和錄影，小妹都不例外呢！師傅刀工十分利落，大約數分鐘便將整條黃鰭吞拿魚剖好，小妹第一次睇現場剖魚，真係頗壯觀呢！（餐廳用的係黃鰭吞拿魚，屬於中型魚，佔市場上的比例很高，也很受歡迎！更可防止老化、血管硬化等疾病，又有藉口可以食多點啦！）先付上即磨山葵，配刺身一流啊!即剖表演完畢後，師傅就開始讓大家品嚐即剖的赤身，中拖羅同大拖羅，超期待啊！第一輪先來了赤身和中拖羅（前），因部位的問題，首輪兩者的顏色都很相似，赤身不像平時的紅潤，偏似拖羅顏色，兩者入口都充滿魚香，赤身的魚香亦比平時食到的濃；中拖羅更係無得輸，集濃郁魚香和魚油味在內，令人食指大動！其後再添加的赤身和中拖羅有明顯分別。呈粉嫩色佈滿油花的大拖羅，叫人如何抵擋!? 魚質入口細緻油潤，油脂味很重，看到有白色的筋，入口卻無渣，食得小妹超滋味，都唔捨得飲茶沖走陣餘香！平時出去餐廳單點拖羅食都要數百元幾片，絕不便宜，今餐真係大飽口腹！（如果想再食可向店家查看，店家會再看看剩餘數量是否能再添加）品嚐完一輪即剖的吞拿魚後，便陸續品嚐其他時令刺身和日本料理。即開岩蠔（每位1隻）岩蠔入口鮮甜，蠔肉肥美豐滿，配搭醬油、辣蘿蔔蓉和蔥後更覺惹味，連一向怕蠔腥的小妹都覺好食！活赤貝刺身及牡丹蝦刺身（每位各1隻）連殼上的活赤貝，赤貝咬落爽口鮮甜，感覺新鮮！牡丹蝦刺身咬落鮮甜，肉質帶爽，蝦味濃郁。新鮮無花果的芒果水菜沙律中間會有個沙律清清味蕾，無花果頗甜，不過芒果真的很酸 （酸到起雞皮)，芒果現在不是時令，建議轉換其實水果較好。鹽燒頂級牛小排牛小排相信約燒至幾五成熟，富肉香，不過味道較平淡就是，就欠缺了惹味感，有點可惜，所以就點些左邊的芥辣籽提味。招牌名古屋雞翼 （每位2隻）其賣相同名古屋的「世界の山ちゃん」很相似，同樣是落了味粉和白芝麻，外皮咬落脆脆的，帶微甜，幾岩小妹胃口，調味簡單得來又好食。醬油茄子茄子煮得夠腍夠入味，不會過鹹，送飯一流。燒厚切牛舌及燒菠蘿這裡的串燒火喉都掌握得不錯，牛舌咬落頗爽不乾柴，上面仲加左點黑椒提升味道；燒菠蘿通常無得輸，咬落香甜多汁！吞拿魚火鍋就好似吞拿魚版的壽喜燒火鍋，一鍋份量頗多，用上餘下的吞拿魚骨（連肉）、豆腐、蔬菜和芋絲等一同烹煮，湯底清甜，煮熟的吞拿魚肉質感小韌，但味道是可以的，不過小妹更喜歡食裡頭的豆腐和蔬菜。最後來碗油揚湯稻庭烏冬，烏冬質感滑溜，配上清甜的湯底、腐皮同魚片昆布，好食！部分餐牌…查看更多