牛陣 (iSQUARE國際廣場)

今日和朋友往尖沙咀牛陣食火鍋, 我們點了新推出的冬蔭功火鍋。冬蔭功湯底火鍋, 內有蝦, 魷魚和和牛脂肪, 配上子彈椒, 泰式蔬菜盤, 職員教我們先將和牛脂肪煎香, 煎香慘透油脂後, 再將蝦和魷魚煎香後, 職員加上冬蔭功湯底, 再加上子彈椒和泰式蔬菜盤放進鍋內, 食落酸酸辣辣, 味道開胃, 之後職員奉上豚肉, 牛肉、海鮮盤和牛舌。泰式蔬菜有青檸, 車厘茄和菜等, 食落新鮮爽口；豚肉食落有油花；牛肉和牛舌味道香濃, 入口即熔；海鮮盤有魷魚, 生蠔和帆立貝, 魷魚和帆立貝食落新鮮鮮甜；而生蠔大大隻, 食落肥美鮮甜；豚肉, 牛肉、海鮮盤和牛舌食完可叫職員再奉上；火鍋取了以上配料外, 出面自助吧有很多火鍋配料, 有唐生菜, 金菇、芋絲、秋葵、椰菜花、白蘿蔔、魚蛋、墨魚丸、芝士豆腐、芝士腸、獅子狗和豆卜。唐生菜, 秋葵和椰菜花食落新鮮；金菇和芋絲爽口；白蘿蔔軟腍；魚蛋和墨魚丸食落彈牙；芝士豆腐芝士香濃；芝士腸食落爽口；獅子狗和豆卜食落爽口；除了火鍋外, 這裡自助吧有泰色紅咖喱飯,蝦chips和薯格, 泰色紅咖喱飯辣度適中, 牛肉食落軟腍, 食落口感十足；蝦chips食落香脆爽口, 佐酒一流；薯格炸得金黃香脆；飲品方面有烏龍茶, 解茶和可樂；最後甜品有Haagen-dazs雪糕, 有咖啡, 綠茶和朱古力味。餐廳座位舒適, 價錢合理,冬蔭功火鍋食落惹味, 口感十足, 而且第一次食火鍋是先落和牛脂肪和海鮮, 感覺特別新鮮, 而火鍋配料新鮮而款式甚多, 而且飲品和甜品多選揀, 泰色紅咖喱飯,蝦chips和薯格食落惹味高質, 我和朋友食了一頓美味冬蔭功火鍋。…查看更多

友人慶祝我考到車牌，就提議食正宗壽喜燒慶祝。我地點左餐後侍應好快就拎左鐵鍋同埋食物上枱。食物方面有和牛、黑毛豬、牛舌、海鮮拼盤同蔬菜拼盤。仲有唔少得壽喜燒甘露同埋日式清湯各一瓶。侍應首先教我地將隻鮮雞蛋打落隻碗搞勻先，陣間用嚟蘸肉食。等個鍋燒熱後，先將和牛脂肪塗勻鍋底，再炒香洋蔥同京蔥，跟住就可以放和牛落鍋燒。和牛每面燒約兩秒，然後淋上壽喜燒甘露就食得。和牛就咁食已經好嫩滑，蘸埋雞蛋汁令肉味更突出，其他肉類同海鮮就咁燒都好好食。我地食燒肉食到有啲滯滯地，就加日式清湯溝埋壽喜燒甘露調味轉做日式火鍋繼續大食一餐。重點係湯底冇味精，食得健康！出面有大量自助火鍋配料任拎，特別嘅係有羽衣甘藍、冰菜同秋葵較少見蔬菜食。最後我地食埋Haagen-Dazs雪糕先肯收手，真係相當滿足嘅一餐。…查看更多

岩岩由泰國返黎, 仍然相當掛念當地食物, 尤其係冬蔭功嘅酸辣味道, 口水直流,  友人知道呢間火鍋放題店有個期間限定湯底, 係咁叫我要同佢去試下喎!  OK, 見天氣又微涼, 火鍋都唔錯喎!有幾款唔同價錢放題火鍋套餐選擇, 價錢由百幾蚊起跳凡晚市惠顧$219或以上放題套餐, 可選擇期間限定"冬蔭美鍋"套餐, 哦............謎底解開左啦............特式湯底係DIY泰式冬蔭功, 由侍應代勞, 先落豬油然後再將所需香料及海鮮落鍋炒香跟住就倒入湯, 滾起就可以開始火鍋時間我地選擇$219嘅澳洲上級長期穀飼牛套餐, 肉色靚仔, 脂肪分佈平均, 切成薄片, 烚幾秒就食得肉質入口幾滑, 肉味都幾出, 多食都唔覺好肥膩牛舌多數都係用黎燒烤, 原來用黎火鍋都得喎, 薄切成圓形狀, 又係拖幾拖就食得入口有牛舌香味, 質感滑中又有D爽脆感, 不禁食完一盤又追加!除左有牛, 仲有黑豚肉, 肉色又係靚仔嘅, 仲要唔多脂肪, 咁就食得健康啦!而呢3款海鮮 : 鮮魷筒, 帆立貝, 廣島蠔都可以追加至於丸類, 蔬菜及麵食類可以出去自己拎, 種類都唔少架, 要食多幾ROUND先可以試晒估唔到仲有呢個DIY青木瓜絲沙律, 真係"泰"有FEEL啦.................食到咁上下, 又到甜品時間, 呢度有哈記雪糕供應, 有4隻味道, 有我喜愛嘅朱古力味, 當然要整返幾球啦..............壓軸登場...........................iSEEiSEE泰式芒果糥米雪條, 真材實料, 食到粒粒糥米, 口感幾過癮!  估唔到呢個冰凍版泰式芒果糥米又OK喎!任飲任食100分鐘, 有肉有菜有海鮮有甜品, 仲有泰式冬蔭功湯底, 呢餐相當滿足呀!!…查看更多

天氣漸涼，火鍋是近期熱門選擇。因中式火鍋吃得多，所以今期的家庭聚餐選了較少品嘗的日式火鍋。 因人數眾多，所以要提早訂枱及下訂金。未知是否我們溝通能力不佳，負責接電話的同事在多次溝通後還好似不太明白我們的要求與安排。 每節火鍋放題限時 90 分鐘，此項要求的執行十分嚴格，我們在訂枱、入座前及用餐中都被多番溫馨提示。 放題的價格視乎所選的牛肉級數而定，由普通的牛陣嚴選牛肉（$179），到日本產特選黑毛和牛（$329），以至最頂級的神戶牛肉（$6xx)，豐儉由人。而是晚的選擇是中價的日本產黑毛和牛。吃火鍋的首個任務當然是挑選湯底，餐廳總共提供了八款選擇。因太太喜愛豆製品，所以挑選了一個豆乳湯底。奶白色的湯底，口味清甜，頗適合襯上菜蔬食材，亦適合配上海鮮。店方用上清湯作後加湯底，或多或少沖淡了豆乳的清香本味，建議考慮添加專屬口味的湯底。 湯底送來的同時，不同的肉類食材也同時送上。先吃是晚的焦點和牛。和牛之所以矜貴，在於牛隻由配種至飼養餵食方式皆有嚴格要求，營養比一般牛肉佳，脂肪紋理分佈平均，肉質細嫩。是晚的日本產黑毛和牛，肉色紅潤新鮮，但脂肪含量不及預期般高。因和牛切得薄薄，放湯輕輕一炙已合適食用。濃郁的牛香合乎預期，鬆軟度則普通喇，始終選材不屬最肥香的一類。 牛舌是另一牛肉選擇，相比之前的和牛，牛舌肉質較富質感，牛味略輕，並泛着一股鹹香。豬柳及豬肋肉雙拼，肉色雖比和牛淡一點，但肉香依然濃郁。兩款豬肉比較，筆者喜愛豬柳多一點，很大原因是豬肋肉內含一些軟骨片，吃時有點不便。以上的肉類食材吃畢可以再追加，但當然要緊記「別浪費」這原則，否則店方有權根據剩下的食材按重量收費。其餘的火鍋生料，可自行自助拿取。生料以菜蔬食材為主，綠葉菜有生菜、油墨菜、小棠菜... 菇菌類有冬菇、雞脾菇、秀珍菇... 瓜品豆類有南瓜、冬瓜、豆卜等等。整體來說，各生料選材甚有質素，賣相食味俱佳。雜項類的生料有魚蛋、墨丸、芝士腸、雞肉腸、龍脷柳等等，雖不及菜蔬生料出眾，但仍富一定水準，特別建議試試彈牙魚蛋。飯後甜品有四款 H 記雪糕選擇，是另一驚喜點，亦見店方誠意。飲品可於飲品表隨意選擇，唯獨酒品只可選 Asahi 啤酒一款。 回顧整頓飯，筆者對各款火鍋生料的質素挺滿意，主角和牛水準亦合理，難怪門外等位者眾。至於店員接待方面，希望可作留意改善。 …查看更多