灘五郷

跟朋友到灣仔的灘五鄉食週末早午餐, 店鋪未開門, 已經排了人龍, 各年齡層都有, 認真犀利~ 到底這個餐有甚麼抵食呢? 前菜、沙律、卷物、天婦羅、揚物、爐端燒、主食, 都好飽!  若要飲品(兩小時無限飲), 則需每位另加HK$88暢飲日本蘋果汁及汽水;  或HK$228 暢飲酒精飲品. 我以氣泡酒作為這餐的第一杯飲品, 而朋友則選了清酒, 也是不錯的選擇. 前菜(六選四) - 鰻魚玉子燒、煙豬肝配胡麻鹽、螢光魷魚漬、辣鱈魚腸.   玉子燒弄得幾軟熟; 豬肝沾了特製醬汁, 幾夾, 但就比想像中硬. 螢光魷魚漬的味道幾濃, 好味! 以為辣鱈魚腸會是很大條, 不過這樣小口的也方便吃, 幾煙韌, 辣度適中. 沙律(二選一) – 田園沙律或自家製煙燻豚肉薯仔沙律 , 必選後者, 貪其較香口.  卷物(四選二) - 加州卷、青瓜卷, 每款三件, 正常發揮~ 串燒(七選二) – 每款兩串, 我們選了明太子紫蘇豚肉卷、自家製月見日本免治雞肉棒, 其實雞翼及雞膝軟骨都好吸引, 若果可以有四款選擇, 各一串也是不錯~ Anyway… 紫蘇葉獨特的味道與豚肉超夾, 很香口, 再配有少少明太子, 整體很讚.  而免治雞肉棒, 若果燒得金黃一點會較好, 不過現時都是滋味的, 因為有蛋黃及甜醬油拌著, 而且幾軟滑. 爐端燒(三選二) – 先來魷魚一夜乾, 幾香口, 易咬不黏牙, 無論沾不沾醬都好味. 另一款是照燒雞扒, 超讚! 雞皮薄脆, 雞肉彈牙有肉汁, 碟上的醬汁也可試試, 會吃出幾款不同口味.天婦羅拼盤是固定的, 不需選~ 有魚、蝦及蓮藕, 天婦羅漿不會過厚, 不錯~已經很飽了, 但還有揚物及主食~  揚物(三選二) - 土佐豆腐、吉列廣島蠔.    土佐豆腐內嫩外脆, 略嫌外層有少少實, 吃豆腐時也吃淡醬汁, 幾舒服的. 廣島蠔不算大隻, 但一咬下, 內裏熱呼呼又嫩滑, 有驚喜~主食, 每人自選一款, 我與朋友必然點一個茶漬飯及一碗木魚湯烏冬.    茶漬飯有梅子味, 最喜歡是加入芥辣, 當然要立即吃, 否則放涼了飯粒會淋~  簡簡單單的木魚湯烏冬, 湯頭清澈, 烏東又彈牙.   周末早午餐HK$588 兩位用,  難怪到埗當日座無虛席~ …查看更多

🎏實在係太耐太耐太耐無同B豬出黎食飯，咁難得肯應約，當然要揀間睇得上眼又美味可口的日本餐廳先襯得起佢。📌灣仔船街多野食到都可以話出名係食街，各國的美食雲集、中、西、泰、日、酒吧餐廳樣樣有，而《灘五鄉》更位於船街中央位置，零零舍舍一間掛滿燈籠🏮的日式餐廳絕對搶哂眼。📌掛上日式燈籠的日式餐廳就知一定係居酒屋。門口係排滿一個個寫上字的燈籠，居酒屋應有的刺身、壽司、燒肉、天婦羅、爐端燒等等，簡單易明，一目了然又有設計，确實夠特別。📌黎到星期六，營營役役左一個星期，終於放下假。放假當然要輕鬆下，餐廳都迎合呢個放假氣氛出左個weekend brunch，簡直係延續週末遲起身的美好時光！📌呢個二人前的weekend brunch係好多野食，可以話係8道菜午餐，包前菜6選4，卷物4選2，沙律2選1，串燒7選2，天婦羅拼盤，炸物3選2，爐端燒3選2及主食2款，$588兩位價，真心抵到爛，另加$228有任飲酒精飲品放題，千杯不醉的B豬即刻心心眼😍。Weekend Brunch，$588/二人前前菜鰻魚玉子燒剛燒起的玉子燒包裹住厚切鰻肉，鰻魚肉係淋身款，慢慢滲入鰻魚汁係玉子燒，淡淡的蛋香再食出濃烈的鰻魚口感，熱辣辣夾埋一齊食确實滋味。芥末八爪魚螢光魷魚漬辣鱈魚腸沙律自家製煙燻豚肉薯仔沙律驚艷到熊妹同B豬都一致認為係成套餐的MVP！別怪它其貌不揚，望落平平無奇，一碗好普通的薯仔沙律，筆一啖入口，真係不！得！了！係充滿多重層次感的一道前菜，薯仔蓉係充滿超香濃的煙燻味，鹹香與酸味交織再帶點攻鼻的味道，原來加入了法式芥末粒，口感超豐富，而這層次分明的味道會由口腔昇華致鼻腔內縈繞著又揮之不去，after taste味道更勝一籌，令人不捨得吃掉，係熊妹同B豬暫時吃過最出色的薯仔沙律！卷物加州卷滿滿蟹籽的加州卷仲有最愛的牛油果！😻鐵火卷即使包係卷物內的吞拿魚都好新鮮，絕不hea貨！串燒明太子紫蘇葉豚肉卷一串兩件的豚肉卷燒得好香口，帶點肥肉的豚肉咬落去會爆油脂汁，紫蘇葉又能中和油膩感。自家製月見日本免治雞肉棒從來都係熊妹最愛的日本串燒，雞肉棒燒到完全不見焦但又完全熟透，加入了雞軟骨增添了爽脆口感，點埋帶甜的日本蛋黃月見汁，成件事美味到極點😋。天婦羅拼盤有沙𩺬魚、南瓜同海老，每樣兩件。剛炸起的天婦羅炸皮唔厚又唔油膩；海老非常彈牙，有海蝦味，沙𩺬魚係成片魚柳無骨，食落啖啖肉；日本南瓜味道甜甜，薄薄一片軟綿綿。炸物吉列廣島蠔吉列酥炸皮沾滿麵包糠好酥脆，唔係好大隻但炸到鎖住蠔汁，咬落去炸皮超脆口，點埋沙律醬食夠滋味。土佐豆腐係其中一樣熊妹同B豬都愛的日本小食，經油炸過的水豆腐再浸入特製醬汁，豆腐勁嫩滑，細膩嘅味道就可以反映出師傅每一步細緻的烹飪步驟，大讚！爐端燒魷魚一夜乾有B豬在，一定要點魷魚乾。魷魚燒到乾身又唔燶，口感好有嚼勁，慢慢咀嚼慢慢食出魷魚香味，熊妹同B豬都認為唔需要點醬汁蓋過原味道。照燒雞扒上碟擺盤好靚，切成四等份的雞扒雞皮燒到收乾油脂，雞肉嫩滑，燒烤味香濃，啖啖肉無骨食落大快朵頤！主食茶漬飯類似泡飯的茶漬飯連湯底一齊食，比較濕潤易入口。木魚湯烏冬木魚湯加入了海帶比較鹹一點，但湯底好清，烏冬煮得非常彈牙！食落係Q彈口感！Alcoholic Drinks Free Flow ，$228/ person有Asahi、House Sake、House Whisky、Highball、Red Wine、White Wine and Sparkling Wine，暢飲兩小時真係岩哂班酒鬼們👻。📌靚境、靚裝、靚食材、靚氣氛，仲要包咁多野食，Weekend Brunch二人價真心抵，性價比咁高，絕對為呢個weenkend起了一個愉快的開始。…查看更多

周末約了老best食brunch👯‍♂️當然要食好啲啦😆我們去了位於灣仔的「灘五鄉」吃weekend brunch🥢居酒屋是以日本清酒聖地命名，集正宗爐端燒、博多串燒及和食等。由多位擅長各領域的師傅主理，包括燒鳥串燒、和食及天婦羅、及融匯關東煮、釜飯、串燒手藝🤩居酒屋用餐環境舒適寬敞，設有室內及室外座位，裝修充滿日本風情🎋🎏門面仲掛了不少日式燈籠🎎𝗪𝗲𝗲𝗸𝗲𝗻𝗱 𝗕𝗿𝘂𝗻𝗰𝗵 $588/2人+𝗗𝗿𝗶𝗻𝗸𝘀 𝗳𝗿𝗲𝗲 𝗳𝗹𝗼𝘄 (𝟮小時) $228/人🔹️前菜 (6選4)鰻魚玉子燒玉子燒口感柔軟嫩滑🥚，蛋香味濃郁，帶著微微的甘甜👍🏻芥末八爪魚八爪魚粒彈牙🐙，加入辛辣的芥末拌勻🌶，很開胃。螢光魷魚漬螢光魷魚漬🦑外層帶爽脆感，味道帶點咸香，鮮味十足🥰 辣雪魚腸雪魚腸口感滑溜爽脆，加入辛辣的泡菜醬拌勻🌶，味道鹹香又惹味。🔹️沙律 (2選1)自家製煙燻豚肉薯仔沙律薯仔沙律薯仔切成一粒粒🥔，口感軟腍滑溜，加入煙燻豚肉🐷，味道豐富。🔹️卷物 (4選2)鐵火卷赤身魚味濃郁🐟，口感幼細香滑，好鮮味。加州卷加州卷味道清新，口感豐富😍🔹️串燒 (7選2)明太子紫蘇業豚肉卷雞中翼日式串燒師傅駐場，🤪串燒即叫即燒，全部都燒得好香口👍🏻🔹️天婦羅雜錦天婦羅包含了沙𩺬魚、蝦🦐、南瓜🎃、蕃薯🍠 及 舞茸菇🍄‍🟫，即叫即炸🤗，上枱時熱辣辣❣️天婦羅入口清爽毫無油膩感，蘸上天婦羅汁及白蘿蔔蓉，香脆美味。🔹️揚物 (3選2)吉列廣島蠔吉列廣島蠔🦪外皮炸至金黃酥脆，內裡肉質細膩柔軟，口感滑順。吉列豬扒吉列豬扒🐷外皮炸至金黃酥脆，內裡還保持肉質細嫩多汁，口感充滿層次。🔹️爐端燒 (3選2)魷魚一夜干經過一夜風乾，魷魚🦑的肉質變得更紮實有彈性，味道更濃郁鮮甜。照燒雞扒雞皮🐔煎得略帶焦脆，加入照燒汁調味，味道鹹甜。🔹️主食木魚湯烏冬烏冬口感煙韌，入口彈牙，配搭鮮味的木魚湯，yummy❗️🔹️Drinks free flow店內有供應日本啤酒🍺、清酒🍶、highball🥃、紅酒🍷、白酒、香檳🍾、蘋果汁🍎及汽水🥤等…查看更多