得閒飲茶 (MONTEREY Place)

聽朋友推薦，將軍澳海旁嗰邊有間高質嘅點心茶樓，可以望住海景chill住咁歎茶💕 餐廳個名仲幾盞鬼，叫做DHYC，即係得閒飲茶😂😂一於嚟飲啖茶、食個包‼️【鵪鶉蛋松露燒賣】賣相精緻👀 黑松露香口怡人，加粒滑溜溜嘅鵪鶉蛋令燒賣變得不平凡，完全係燒賣界嘅升級版‼️【韭菜金錢蟹盒】
外皮煎到金黃香脆，入面韭菜味道鮮甜足料，香醋令到更加香胃，食完仲想再叫多份😂【瑤柱香茜餃】
餃皮薄得嚟唔會爛，瑤柱鮮味十足，香茜味啱啱好，唔會太濃，啱晒鍾意清新口味嘅人。【焗叉燒包】
外皮焗到微脆，帶少少甜味，入面叉燒餡好香口，唔會太膩，係嗰種一食就停唔到口嘅包🤤🤤【明火例湯】
湯底清甜，絕無添加味精‼️ 材料十足，豬𦟌、老黃瓜全部大大嚿，飲落暖笠笠，好有家嘅感覺💕【蟹肉大良炒鮮奶】
驚喜之作👀 炒得好滑，奶香濃郁但唔會太膩，蟹肉鮮甜，口感好細膩，真係好考功夫嘅一道菜👍🏻…查看更多

得閒飲茶DHYC 食點心，環境乾淨企理，服務員態度好。今次晚飯嚟食，都好高水準😋🍤窩貼蝦多士 外皮炸到金黃香脆，咬落去蝦肉鮮甜彈牙，蝦肉又大又新鮮。多士炸到透，正！蟹肉大良炒鮮奶 滑溜嘅鮮奶蛋白同鮮甜嘅蟹肉🦀完美結合，味道層次豐富口感幼滑，另外可以加啲醋提鮮味🐷焗叉燒包，包皮外層焗到脆，入面充滿叉燒餡甜而不膩😋韭菜金錢蟹盒炸得香炸脆脆，🦀蟹肉鮮甜多汁，夾埋炸得脆卜卜嘅皮，好香口松露雜菌餃，餃皮薄透，入面係鮮嫩雜菌，松露味夠晒岀，食完一件仲想再食明火例湯好飲 唔係味精湯👍🏻湯底熬得夠晒火喉，香濃但唔油膩，每口都暖入心，暖笠笠☺️無論味道還是環境都好滿意，下次一定會再約朋友嚟慢慢歎。推薦！…查看更多

今日在將軍澳放工，約朋友到位於澳南海岸的得閒飲茶DHYC吃晚飯。餐廳對著海景，看到將軍澳跨灣大橋，環境舒適，景觀優美。窩貼蝦多士煎到金黃色的蝦多士口感爽脆，入面的大蝦鮮味彈牙。加上清甜的鮮果沙律，兩者配搭得天衣無縫。明火例湯今期係紅蘿蔔煲粉葛豬腱湯，湯料煲到出味。湯水鮮甜清潤，飲完之後不會口渴，純正老火靚湯，沒有任何味精。鵪鶉蛋松露燒賣以為會是整粒鵪鶉蛋放在上面，上菜先發現蛋仔巧妙收在燒賣入面，口感同味道幾特別，值得一試。韭菜金錢蟹盒用餃子皮包住醃好的韭菜蟹肉餡，經過煎炸之後，將材料的肉汁緊緊包裹在金黃酥脆的外皮之下，清爽可口。XO醬炒腸粉用了自家製的XO醬，少少香辣惹味，不會太鹹太辣。廚師用了很多XO醬炒白腸粉，令本身淡而無味的白腸粉變得鮮香惹味，份量亦非常多。焗叉燒包焗叉燒包很有心思，用了雪山皮去包裹着用玫瑰露酒醃過的叉燒餡，味道層次十分豐富。…查看更多

朋友講左句”得閒飲茶” 令我諗起呢間海景點心店🤩將軍澳望住海景嘆點心～ 見到有啲外國人係度飲茶，真係識chill住食😚fafafoodie 叫左餐牌有「廚師推介」既點心😗#鵪鶉蛋松露燒賣 🥚❣️松露燒賣包住鵪鶉蛋，同傳統鵪鶉蛋燒賣既包法唔同😌燒賣紮實唔多肥肉👍🏻伴隨住淡淡松露味同鵪鶉蛋香☺️HKD55#窩貼蝦多士 🦐🍞❣️❣️蝦多士炸得好鬆脆，一啲都唔油😍蝦膠爽口彈牙🦐🦐仲配個什果沙律🥗夠清新😆大推必點‼️HKD88#蘿蔔絲酥餅 🥕❣️蘿蔔絲軟淋入味，包係酥軟既酥餅入面😋一件都好飽肚～HKD42#韭菜金錢蟹盒 🦀韭菜味濃郁，蟹肉鮮明咁包左係金錢盒頂頂位置😀HKD55#焗叉燒包 🐷🥯焗叉燒包有層薄薄雪山皮，包夠鬆軟，包住鹹甜鹹甜叉燒內餡HKD38#是日明火例湯 🥣職員推介是日例湯～粉葛蘿蔔煲豬𦟌🤗完全冇平時出街飲個啲味精味🫡不知不覺發現原來點左咁多煎炸點心🙈飲返個清熱潤肺、健脾益氣既湯岩晒😉一碗都分到4-5細碗HKD58茶位 $15/位加一服務費#DHYC#fafafoodie_將軍澳…查看更多

得閒飲茶？呢個週末真係搵啱地方！今次嚟到位於TKO海濱嘅「得閒飲茶 DHYC Dimsum」，未食先興奮——180度無敵大海景盡收眼底！🌊 陽光灑落嚟，飲啖茶，望住海，真係「得閒」嘅最高境界～🦐鍋貼蝦多士一上枱就聞到陣陣香氣！金黃酥脆嘅多士底，鋪滿厚厚彈牙嘅蝦膠，配埋水果沙律，真係停唔到口！🍲明火例湯 - 紅蘿蔔粟米豬骨一啖飲落去，即刻feel到「老火」嘅誠意！湯頭清甜潤喉，濃郁嘅粟米甜味同紅蘿蔔嘅自然甘香完美融合。🥟懷舊灌湯餃唔係普通蒸餃咁簡單！呢隻係真·灌湯餃！外皮薄而煙韌，用匙羹輕輕𠝹開，熱辣辣嘅金黃湯汁洶湧而出！😱 一啖湯，一啖餡，傳統手工點心嘅精髓，懷舊控必試！🐖焗叉燒包 外層係焗到金黃酥脆嘅包皮，包身鬆軟，入面係熱辣辣、蜜汁香甜嘅叉燒粒，肥瘦適中。口感同味道層次都超豐富！🦀韭菜金錢蟹盒懷舊手工點心重現！圓碌碌似金幣，炸得通透酥脆，一啲都唔油膩。咬開脆皮，入面係滿滿嘅韭菜、蟹肉絲同豬肉餡，韭菜香氣突出得嚟唔會搶戲，蟹肉鮮味隱約滲出，鹹香惹味！呢款手工菜而家好少見，要珍惜！🌶️XO醬炒腸粉呢碟炒得夠鑊氣！腸粉外皮微焦帶香，口感軟滑得嚟帶點煙韌。重點係自家製XO醬！「得閒飲茶 DHYC Dimsum」絕對係視覺與味覺嘅雙重享受！坐擁無敵海景已經贏晒，點心方面既有精緻懷舊手工款，又有創意爆燈新派款。係假日嘆茶打卡好地方！🥰…查看更多

明火煲湯 $58是日湯品係粉葛瘦肉湯，味道濃郁、清甜，好足料，一碗份量足夠2-3人飲—窩貼蝦多士 $88炸蝦多士酥脆唔油，厚薄適中好脆身，仲附有雜果沙律做伴碟豐富整體味道—鵪鶉蛋松露燒賣 $55超級特別嘅燒賣，平時燒賣鵪鶉蛋都係面頭，但呢款燒賣鵪鶉蛋係包喺入邊，仲做到流心蛋嘅效果，食落爆汁，黑松露味好出—焗叉燒包 $38焗包口感同味道都合格，入面叉燒足料，不錯—XO醬炒腸粉 $78炒腸粉好有鑊氣，XO醬微辣香口惹味，腸粉彈牙可口—排骨陳村粉 $48陳村粉同腸粉嘅質地相似，香滑彈牙，配豉油食，味道比較清…查看更多

藏身將軍澳南MONTEREY商場嘅 DHYC Dimsum 粵式點心，環境光猛卡位寬敞，啱晒一家大細。點心即叫即蒸，款式都好多。🐷焗叉燒包 咬落去酥皮嘅，蜜汁叉燒多到漏！熱辣辣上枱最正～ 🦀 韭菜金錢蟹盒 炸得鬆化唔油膩，蟹肉mix韭菜咬開仲有汁 呢個好好食🤤🥟 鹹水角 外脆內糯夠煙靭，佢新鮮炸好熱食最正！ 🥬 菜苗餃 外皮薄到透光，菠菜苗有勁多粒鮮蝦🍤 蝦餃 蝦肉勁大粒彈牙，皮薄師傅手功好好～ 真心正🦑 蒜蓉粉絲蒸鮮魷 蒜香魷魚厚肉彈牙，粉絲索晒啲鮮甜汁🍰 馬拉糕 鬆軟到似海綿黑糖味濃但吾會好甜樣樣都好食，熱辣辣上枱風味十足。對住過海景色，舒服。…查看更多

朋友約我去將軍澳飲茶，我還有點驚訝，原來這裡有間點心專門店，就在MONTEREY Place一樓。餐廳裝修簡約優雅，沒有過多裝飾，但窗邊的位置可以看到將軍澳大橋和一片海景，邊吃邊看，感覺挺新鮮。 我們點了幾款經典點心，蝦餃皮薄彈牙，燒賣扎實鮮甜，菜苗餃清爽不膩。馬拉糕鬆軟帶點淡淡焦香，柱侯金錢肚入味又夠腍，韭菜金錢蟹盒外脆內香，焗叉燒包則是微甜的鬆軟口感。 整體來說，這裡的點心沒有花巧，都是傳統做法，但食材新鮮，味道穩定。加上窗外的海景，這頓飯顯得特別悠閒，真是一個不錯的飲茶地點。…查看更多

大隻仔今次覓食嘅店舖就係💥 DHYC 得閒飲茶 💥大隻仔今日放假，見得閒飲茶，就去咗將軍澳海濱 DHYC 飲茶，餐廳位處海濱長廊，環境清幽寧靜，望住藍天白雲，跨灣大橋，環境優美，日落黃昏時候，柔和陽光照射下，真係好寫意，可以hea 足半日。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 蝦餃 $42蝦餃皮薄餡靚，餃皮夠晒煙靭，入面仲有原隻大蝦，蝦仁新鮮彈牙，點少少辣椒油，非常好食。🔥 菜苗餃 $42菜苗餃外皮晶瑩通透，菜苗夠晒多。🔥 松露雜菌餃 $48雜菌餃啱晒食素嘅朋友，餃皮仲用咗黑松露點綴，增加香味。🔥 鍋貼蝦多士 $88蝦多士即叫即炸，多士炸得香脆，表面鋪滿彈牙蝦膠。🔥 韭菜金錢蟹盒 $55韭菜非常惹味，外皮炸到卜卜脆。🔥 蘿蔔絲酥餅 $42蘿蔔絲酥餅外皮酥脆，內裏充滿一絲絲蘿蔔絲。🔥 焗叉燒包 $38焗叉燒包，用上墨西哥包皮，非常鬆軟。溫馨提示：茶位 $15…查看更多

餐廳：DHYC Dimsum Restaurant地點：將軍澳澳南海岸菜式：點心小菜餐牌：時令廚師精選，晚市精選，煎焗炸點、蒸點、腸粉、素食、益新臻品、小食、青菜、粉麵飯、甜品糖水，多款茶，無酒精飲品，酒精飲品，飲品。茶位每位$15，包括陳皮普洱茶及其他汁醬小食。窩貼蝦多士 $88 另加一窩貼蝦多士一客五件，賣相唔錯。多士好脆口又香口，蝦味濃又彈牙，好味道，感覺唔會太油膩。伴有水果沙律可解膩，好貼心。焗叉燒包 $38 另加一焗叉燒包一客三件，熱辣辣上枱，整得皮脆餡多，唔會太乾。蒜蓉粉絲蒸鮮魷 $55 另加一蒜蓉粉絲蒸鮮魷熱辣辣上枱。超嫩口滑溜鮮魷配惹味蒜蓉汁，味道少少辣。粉絲吸嗮d汁，好正。韭菜金錢蟹盒 $55 另加一韭菜金錢蟹盒一客三件，整得好似金錢形狀，好意頭。炸得外皮香脆，咬落去韭菜味香，仲食到爽口蝦肉，口感味道豐富。菜苗餃 $42 另加一菜苗餃一客三件，熱辣辣蒸起。餃子皮晶瑩透亮，明顯見到入面嫩綠菜苗同蝦肉。食落係外滑內爽脆，蝦肉一咬就開，係好正既口感，而入面豆苗真係好新鮮。蟹肉大良炒鮮奶 $148 另加一蟹肉大良炒鮮奶超滑溜，肉眼都見到好多蟹肉，仲加有蘑菇片加添爽脆口感。另上酸甜黑醋，調味之後更好食。瑤柱蛋白炒飯 $128 另加一瑤柱蛋白炒飯好大碟，乾身炒飯加有菜段同蛋白加蔥花，面頭加上脆口乾瑤柱仲可以加添口感。今餐食物質素高，值得一讚係所有菜式都係熱辣辣上枱。餐廳走新式點心路線，裝修舒適，面對開揚景色食飯感覺好chill。…查看更多

難得平日放假，天氣又好好☀️，梗係要黎海旁Chill下啦！ 平時好少兩口子去飲茶，今日就黎個"得閒飲茶"啦😋！門面走比較西式既路線，岩晒我地呢d年輕人！我地被安排望住海飲茶😍 環境唔會好似傳統酒樓咁擠迫同埋嘈吵。可以靜靜咁傾下計，嘆下茶！前面枱有隻狗仔同主人黎一齊飲茶！好cute!!!鬆脆既墨西哥皮配上叉燒餐包，幾時都係冇得輸！！叉燒餡夠晒多，唔會得醬喺入面！ 讚！蘿蔔千絲酥唔係度度都有得食！做起上黎應該好巧功夫！炸得酥脆既外皮，配上甜甜軟軟的蘿蔔絲，呢個鮮明既對比係我既最愛！！😋姐姐好好咁提我地影完相就好襯熱食喇😂 入面超多湯！好好味呀！！補上爆湯相😋😋好脆好脆！岩晒鐘意食炸物既你地！飲茶必點！睇到餐牌介紹，呢個牛肉球既牛肉係店家親自入手新鮮牛肉，再喺店度絞肉！新落肉質係彈牙d! 🐂 唔錯！！呢個蝦多士一定要介紹！！我地食完成碟，嗰張吸油紙係冇油喺上面咁濟！！！ 炸得好靚！ 食落都唔會覺得油膩，再配上生果沙津醬，開胃！金錢肚炆得好入味！好怕d金錢肚超多醬，呢個醬汁既比例岩岩好！ 下面墊底既蘿蔔好清甜😋總結，如果大家怕左去傳統酒樓既環境，但又想食點心，呢度的確係一個好好既選擇！環境好，食物唔錯，每一樣點心都係新鮮滾熱辣！服務都好好！仲可以帶埋毛孩🐶一齊飲茶！ …查看更多

星期日book咗位2:30pm，果日我地2:05pm早到咗，諗住睇吓如果早有位就早d入去，如果未有位就諗住係附近行下，2:30pm再返去鋪頭。門口負責帶位的男士同我地說已經有人埋咗單，話等一陣就入得。於是我地就無行開，一直企係門口等。我發現那位帶位的男士，原來對任何剛到的客人都會同佢地講已有枱埋單，轉頭就有位。如是者，我地在門口一等就半個鐘。雖然比我地book位時間只係遲左5分鐘入，但如果佢一早同我地講2:30pm先有枱，咁我地可以在附近逛下，唔洗在門口呆等。我地入到去，職員就比咗一壺茶我地。我地點咗4款點心：焗叉燒包、蘿蔔絲酥餅、黑松露醃春蛋燒賣、蒜蓉粉絲蒸魷魚。焗叉燒包、蘿蔔絲酥餅味道都唔錯的，黑松露醃春蛋燒賣就略嫌乾咗D。蒸蒜蓉粉絲蒸魷魚的魷魚吃落去感覺是落了很多生粉去醃製，有點杰嘅感覺。我地夾魷魚下的粉絲來吃，更凝固了一塊（如圖），是不夠熱所致還是太多生粉容易凝固？於是我地將情況告訴職員，他都即刻講唔好意思，並換咗一籠新的比我地。新的一籠比較好，但仍有少量粉絲跟汁一起凝固了的情況，不過我地都照食了。呢間店是寵物友善的，如果帶寵物來坐戶外位吃點心都是不錯。但食物選擇並不算多，而當日2點幾來都有2-3款熱門的點心售罄，而且茗茶的茶類不能自選？（我地當時無為意，食完之後再睇網上的menu見到有不同的茶葉，唔肯定係咪可以自選，職員當時也沒問我地飲乜野茶就送上一壺茶。）至於店內環境，如一般cafe的枱凳，跟隔離枱的距離也比較近，但尚算舒適的。不過飲茶而言，自己都係鍾意好似酒樓咁一張圓枱，跟隔離枱不太近，傾計會自在一點。…查看更多

去完朋友屋企，佢帶我去呢間可以食點心餐廳，可以看到無敵大靚景好chill，適逢呢一晚係三號風球🤣叫咗幾個小餸和點心吃😍陳皮普洱茶啲陳皮味好勁好香，茶葉質地好滑。啫啫大澳蝦乾椰菜苗- 聞到勁香蝦醬味道，幾條蝦乾超大條，大澳蝦乾果然好味🤤椰菜苗我第一次食，但係非常好味好爽口新鮮。脆炸魚柳配粟米汁及糖醋汁- 炸粉炸得剛剛好，外層脆口，魚柳每一條份量適中，配上自家製糖醋汁及粟米汁兩種味道配搭都好味，個人喜歡糖醋汁，因為酸酸甜甜開胃。鵪鶉蛋松露燒賣-中西合璧配搭松露，咬一啖已見到成粒鵪鶉蛋，味道唔會鹹。招牌小籠包- 真係做皮薄餡靚，小籠包琅琅下又唔會穿出來。焗叉燒包- 菠蘿包皮焗至香口，叉燒肥厚適中。 蒜蓉粉絲蒸鮮魷- 蝦醬好香，鮮魷很大片新鮮彈牙好入味，粉絲吸滿蝦醬的味道。…查看更多

原來DHYC 係得閒飲茶既拼音縮寫。而且餐廳位於海傍，對住個海景食點心都幾舒服。焗叉燒包有別於茶樓既叉燒包，佢地係焗製，包面有一層薄脆，食落似菠蘿包。蘿蔔絲酥餅外皮唔厚身，咬落酥脆唔油膩👍🏻入面既白蘿蔔絲好juicy及香甜，食落唔膩口。咁精緻又清甜嘅酥餅都係第一次食到🤩懷舊灌湯餃一籠兩大粒，比傳統中式茶樓既大好多，我地都俾個尺寸嚇親😯皮薄餡多，一咬就爆湯汁！入面都好足料，雖然唔太識分，但有蝦仁同其他配料，飲落湯頭鮮甜感覺好養顏😍加上佢係「餃包湯」，咁懷舊真係值得一試！鵪鶉蛋松露燒賣燒賣底部有粒少少流心既鵪鶉蛋，口感好嫩口😋松露唔止係面頭，燒賣肉都有混入，夾埋一齊食好香濃既松露味！韭菜金錢蟹盒呢個係店員推介，鐘意食韭菜既朋友一定唔可以錯過，韭菜既香濃同蟹肉既鮮甜味好配合，食落好舒服，而且炸漿上得好薄。菠蘿咕嚕肉醬汁酸甜度好平衡，幾開胃。有啲咕嚕肉係用排骨黎整，呢間食落似係用半肥瘦既梅肉咕嚕肉炸得啱啱好，就算加左汁，都食得出外脆內軟。總結黎講，由店名到裝潢已經見到老闆好著重中西fusion。我都係一個好鐘意飲茶食點心既人，但依家好多傳統酒樓既點心一式一樣，而老闆係傳統既點心上都會加入自己既創意，呢點係好難得，值得再支持。仲有仲有，佢係pet friendly既餐廳，可以帶竉物黎將軍澳海旁行街順便飲茶都好正☺️…查看更多

望住海景🏝️吹住海風🌬️飲茶食點心🥢將軍澳真係太多餐廳，俾我搵到呢間可以望住海景慢慢chill住食點心🫖有得坐戶外或者室內😎為咗望海景揀咗坐室外😝雖然天氣咁熱，但都唔驚！因為有海風同埋每張枱都會有個風扇對住～有別於一般酒樓🗣️🗣️靜靜地真係幾舒服😌仲見到有人帶埋狗狗一齊食添🐶Pet-friendly 呢#窩貼蝦多士 🍤🍞❣️用咗蝦膠代替原隻蝦放多士上，可以每一啖都食到蝦膠同多士😚蝦膠彈牙多士脆口🤩炸得乾身唔油膩～唔會一咬成口油！仲要配左個雜果沙律，代替一般沙律醬🤗呢個配搭一流🤤HKD88#鵪鶉蛋松露燒賣 🪺❣️鵪鶉蛋燒賣就見過😃鵪鶉蛋松露燒賣真係第一次見🤩重點係入邊嘅鵪鶉蛋係流心㗎～～～～ 首先食到松露味，跟住就食到好香濃嘅鵪鶉蛋味😍小心爆蛋汁🤣HKD55#懷舊灌湯餃 🥟呢度嘅灌湯餃係真係行懷舊風，一般酒樓都係將隻餃放入湯度再蒸🙈正宗懷舊嘅灌湯餃，應該係將啲湯罐喺餃入邊😌第一次食正宗懷舊灌湯餃😎好特別😗HKD68#焗叉燒包 叉燒包既皮唔厚，叉燒半肥瘦～HKD38#韭菜金錢蟹盒 🦀見到一絲絲蟹肉，但韭菜味超濃郁，所以有啲蓋過咗蟹肉味😝HKD55#鮮竹卷 🫔鮮竹卷係fafafoodie鐘意既少肉多菜餡料，仲有啲蝦仁添🦐HKD32#潮州粉果 🥟fafafoodie覺得潮州粉果既精髓係佢嘅花生😗佢花生夠脆口😍粉果皮再薄啲就perfect 喇～～～HKD38#排骨 🐖有蒜香味～排骨半肥瘦～HKD32茶位$15 包陳皮普洱😌都幾香陳皮味，唔苦澀☺️仲可以加錢轉其他唔同茶😉例如玫瑰烏龍、桂花觀音、人蔘烏龍、碧螺春、四季春等等加一服務費DHYC Dimsum#fafafoodie_將軍澳…查看更多