//#黃店地圖系列間野叫:BakeOut 手作麵包三文治邊度黎:西環西營盤皇后大道西216號地舖環境點:有種文青悠閒小店的感覺 防疫期間都有提供酒精搓手液供顧客使用🌝:參與罷市 黑板上面有寫 #香港人加油 乃山下黃舍加盟店 @hkeconrim2▪熱溶芝士珍寶腸熱狗 $38(單點) $44(套餐)8.8分芝士包裹係麵包兩側 芝士味香濃 茄汁芥末射到法蘭克福腸腸周圍都係 可惜本人仍然慾求不滿 再自己係counter吱多轉 不過相對地搶左熱溶芝士嘅風頭 所以慾望有時係要適可而止 不得不提 麵包係一大亮點 咬落軟綿 外脆內柔 經過一輪精密嘅資料搜集(openrice) 原來係自家製的 唔怪得咁好食 同來貨質素完全無得比 (留意麵包賣完就收檔 每日限量)▪熱溶芝士肉醬珍寶熱狗 $42(單點) $48(套餐)8.8分至於肉醬熱狗 同樣係不分秋色 肉醬完美覆蓋曬條腸腸 再鋪上滿滿嘅熱溶芝士 極度邪惡 蕃茄味突出 食落就係肉醬意粉嘅熱狗version 另外套餐包埋嘅咖啡 本身以為平平無奇 點知內有乾坤 帶有淡淡炭烤味 香濃順滑 絕非cheap cheap咖啡hea鬼你 ▪炸芝士條 $18/3條(原價) $15/3條(套餐價)8.5分芝士夠鹹香 炸得剛剛好 外層唔會硬 炸粉同裡面嘅芝士係一紗之隔 並不是互不相識 所以即使凍左 都唔會出現分離狀態…查看更多
以上食记乃用户个人意见 , 并不代表OpenRice之观点。
3
推介美食
用餐途径
堂食
人均消费
$50 (午餐)















