煮打菜打冷小菜館 (已結業)

平時少去東區呢頭，唔係朋友介紹都唔知筲箕灣有間好食既小菜館，於是就特登卜位過黎食啦八點去到門口已經見坐無虛席，卜左位都要等十五分鐘先有得入丫菜式選擇都幾多，凈係睇圖都覺得吸引上菜啦！首先呢，呢度菜既重點一定係帶子，炒得好香，食落又多汁；而蝦亦都好彈牙爽口架而吊燒骨真係俾到我地驚喜，外皮又薄又脆，一咬開就食到香甜既蜜糖味，但肉味同樣濃郁喎，令嗜甜既我不自覺地食左好多舊至於沙薑雞呢，味道就四平八穩啦，無太特別既地方最後係蠔餅，店家用西式薄餅既方式上菜，係幾新穎喎；炸粉一啲都唔厚，食落唔太油膩；裡面落左唔少蠔仔，用料十足，趁熱食就最好啦好耐未試過食得咁痛快了，講緊既係一邊食西一邊同好友吹水到打烊既感覺，爽丫🤤…查看更多

平時冇乜幾可會入筲箕灣，今次入去搵朋友，地膽話食呢間就信佢啦！常見小菜同打冷菜式都有得揀，仲有幾款較有特色ge「煮打菜」。打冷唔想左諗右諗，所以叫左滷水拼盤（小），三個人份量岩岩好，每款都不錯，唔會滷得大鹹，醋、辣椒油同埋魚露任你點，另有芽菜執底，幾爽口。潮式爆花蠔餅擺設好似Pizza，d脆脆真係好爆！食落「索索」聲，非常鬆化，仲一d都唔油，唔會炸到好似食緊薄罉咁咁多麵粉，蠔仔份量合理，都幾大粒，新鮮無沙。蜜椒薯仔牛柳粒就食得多，但蜜椒吊燒骨都係第一次食，排骨肥瘦適中，夠晒淋，炸完再落鑊加埋蜜糖黑椒兜兩兜，排骨掛滿晒蜜椒汁，面頭再灑上腰果碎，極之香口，送酒一流。蝦醬落得岩岩好，香而不鹹，通菜亦夠新鮮爽脆。紅燒茄子排骨煲好足料，茄子拉過油保持到紫色，排骨亦同蜜椒吊燒骨一樣係好貨色，熱辣辣！香噴噴！我地好鍾意食蠔，一碟蠔餅點夠喉，整窩蠔仔肉碎粥先，蠔仔同樣新鮮飽滿，加埋芫荽真係一碗接一碗，最後全窩清晒！…查看更多

同2位朋友行街，其中一位朋友話好攰唔想再行，咁啱路經一間餐廳，於是就入去坐，順便當早D食晚飯。可能係太早嘅關係，餐廳裡面唔算多人，其中一位朋友仲細細聲講間野冇人會唔會中伏架佢主MENU係紫色嗰份，而另外黃色MENU就精選D菜式做廚師推介。最後我同朋友決定叫 紅燒茄子排骨煲($88)、蜜椒吊燒骨($98)、滷水拼盤(小) ($88)、蠔仔肉碎粥(每窩$102)、蝦醬通菜($70)、潮式爆花蠔餅($96)蜜椒吊燒骨呢個食落有驚喜，佢喺排骨表面搽上蜜糖再燒，表層食落有D焦糖香，黏黏地甜甜地，而裡面肉質食落軟滑，肥瘦適中滷水拼盤(小)，裡面有 墨魚、紅腸、腎、腩肉、大腸、生腸、豬耳、鵝腸、喺底下仲有D芽菜。雖然叫做小，但其實份量都唔算細下。味道都OK，但如果可以滷得再入味少少會更加好，佢上菜時跟左3隻醬俾你點黎食蝦醬通菜，炒得好惹味，唔會太重手鹹得濟，水準之上潮式爆花蠔餅上菜時成個PIZZA咁佢唔會好似部分餐廳D蠔餅咁，蛋漿加蠔仔喺平底鍋到煎到扁一扁咁，係會見到佢係有個層次喺到，所以食落口感夠鬆脆，唔會成口油，有少少蔥花調下味，同埋蠔仔數量都算多紅燒茄子排骨煲，茄子同排骨都煮得夠淋夠入味，但始終都係唔及漁香茄子煲嗰種煮法咁惹味蠔仔肉碎粥(一窩)，呢個份量係好大，建議起碼4個人先好嗌除左份量大，落料都好足。成碗粥熱辣辣，食落去好香蠔仔隻鮮甜味，佢莞茜另上，啱晒我呢D唔食莞茜嘅朋友大合照3個人食連埋加一$596.2，雖然價錢算係少少貴，但佢每碟個份量都好大，味道又好有水準，都算值得題外話: 食到咁上下，愈黎愈多人，仲開始要等位，好彩食得早唔駛等…查看更多

親戚住係「煮打菜」附近 感覺上係間家庭式經營嘅小菜館不過都有唔少明星幫襯過wor！店面都算大 仲會有廂房 啱哂一大班人聚會餐牌都算多選擇 近年好興嘅雞煲都有不過既然係打冷嘅 緊係要食啲潮洲野先啦～於是就嗌左一份潮式爆花蠔餅($96)、滷水鵝雙拼($102)同欖菜肉鬆四季豆($88)蠔餅同平時食開嘅樣子唔一樣 而且用pizza盤上 都幾新穎粉漿好鬆脆香口 唔怪得個名叫「爆花」蠔肉都算大粒 食落好飽肚滷水鵝拼墨魚 鵝片肥瘦適中 墨魚片非常爽口醬汁有酸汁同辣汁揀 好出色！最後就係近排好鍾意食嘅炒四季豆炒得好有火喉 又夠哂惹味 用黎送飯真係一流總括黎講 煮打菜嘅打冷真係唔錯連作為gaginang(潮洲話"自己人")嘅小編都覺得好食喔～…查看更多

之前食過幾間打冷都覺得麻麻地，冇食一排驚又中伏又想食返係電視同雜誌見過唎間食潮州菜打冷既餐廳好多次，特登黎試下餐廳離地鐵站１０分鐘左右，門口貼唒餐牌，價錢都算幾平，款式都多上幾級樓梯見到貼滿明星相，睇黎好多明星黎食過６點幾去到未多人豉油皇鵝腸（＄９２）豉油汁小小甜似蒸魚豉油鵝腸口感爽脆餸飯同淨食都好正潮式爆花蠔餅（＄９６）去到邊，只要有蠔餅既地方，都一定會食蠔餅香脆可口入口十分鬆化外皮炸得酥脆方魚肉碎粥（＄１０２一鍋）水 還 水 、 米 還 米 好傳統既 潮 州 粥一鍋４個人食都幾飽方魚同肉碎既份量都好夠，每一淡都食到有方魚肉碎烏頭魚（＄１０２）潮州凍烏頭好清淡，食到好香魚味，凍食都唔太腥，唔錯…查看更多

筲箕灣好似有啲唔錯嘅餐廳，煮打肉餅攞晒獎，今次終於過黎探朋友有機會一試。門口好多明星合照餐廳係大排檔風格，有冷氣，可以坐得舒服啲。好多人排隊呀，8點去到都排左差唔多半個鐘首先點了拿獎菜品【銀魚蒸肉餅】，肉餅好鮮，多汁，銀魚好多，好大份，肉質滑嫩，鹹淡適中，不愧是拿獎菜品。【潮式爆花蠔餅】蠔肉好大隻，份量超足，外層炸得好脆好香，堅好味。一啲都唔鹹，一啖啖停唔到口。【蜜椒薯仔牛柳粒】牛肉易入口，很鮮嫩，薯仔炸得外皮好脆，入面又十分鬆軟，蜜糖汁有小小甜，甜中帶鹹，送飯一流。埋單兩人$318，好抵食呀！…查看更多

東區收工既朋友要搵個多嘢食既地方食飯，唔係鰂魚涌既話就係筲箕灣喇。聽住既同事介紹過佢屋企樓下有間好食既打冷，而我又好耐無食過，所以今日就特登約咗都係港島區做嘢朋友一齊去。星期一既平日去，唔算太多人，不過我地坐低咗之後都慢慢開始多人。打冷就梗係要個滷水拼盤做前菜，我地都叫咗個細嚟食下，好快就到咗，而且料都幾多，每樣都有四五塊左右，啲豬大腸都幾好食。叫條魚係必然嫁喇，我地就叫咗條「大眼雞」，佢係時價，我地食既當日就係做緊$158。好多魚肉！再叫咗個打冷必點既蠔餅，「潮式爆花蠔餅」，個餅入面既蠔有好多，而且又好大隻。最後就係咗「啫啫通菜煲」，一嚟到就聞到好香，食落去都好好味！…查看更多

同男朋友收工唔知去邊食飯好，打比住係筲箕灣個朋友諗住叫埋佢一齊食，點知佢出差⋯ 佢就介紹我地去佢屋企附近、又有得泊車係街嘅小菜館比我地試下。我地見有小菜又有潮州嘢食，就即管入去「潮」吓～鹵水鵝片$88: 好入味！唔會太鹹，唔點醋都好好味連墊底個豆腐都好入味、又夠滑、豆味濃！$88碟，份量都幾多，抵食！蠔仔肉碎粥$42: 啲蠔仔唔細粒，而且好新鮮！煮得岩岩好，唔會太熟！兩個人叫一碗就夠，都大碗，可以盛滿小碗子幾次。潮式爆花蠔餅$78: 蠔仔肥美，岩岩好，好脆，無油淋淋！Good!蜜椒吊燒骨$88: 連D骨都係脆架~ 甜甜地~ 仲好juicy餐廳環境同價前一樣大眾化，光猛企理，我咁岩有卡位坐，所以食得好舒服，惟抽風唔夠，有少許油煙味~…查看更多

早果排聽朋友講呢度有間打冷好得，今終於有機會黎試下！四人行，叫左四個送一個麵，共約六百蚊，食到飽晒！潮式爆花蠔餅剛炸起，脆卜卜！加入葱花，多一重“”清香“”既味道！係廟街食果啲多粉少蠔，呢度啖啖蠔！又大只！味道剛好，雖然係炸，唔會係好熱氣既感覺。大拼盤鹵水拼盤，有紅腸，大腸，生腸，鵝肉，鹵蛋等共十種食物！每樣食物都好入味，但又唔會係咸果種，鹵水又香又好味，唔會係平時買鹵水汁果啲超香但假既味道！大拼盤款式多，一次過滿足唔同人既願望！正！避風塘老虎蝦顧名思義，只蝦超大只！好好肉！只只大過手指公！師傅炒得夠鑊氣，辣辣地好惹味！銀芽肉絲炒麵上面軟熟多汁，下面脆卜卜，配合得剛好！生福白鱔煲呢個我超愛！！！一定要試！魚唔“”老“”，唔“”鞋“”，熟度剛剛好，好幼滑！一煲好大煲！加埋果皮同勁多葱蒜，帶出鮮味，好好好食！呀媽連蒜頭都食埋！是日糖水，喳咋係送的！！！足料，唔係太甜，細細碗，份量剛好！總括黎講，呢度啲野食高水準，款式多，最緊要味道剛好，唔會太咸，食完無成日飲水！值得一試！…查看更多

煮打菜呢間菜館我之前和同事食過兩次，覺得呢度D野食好好食同好地道，所以今次就特意帶男朋友的家人前來試試。我地總共點了5個菜及2個炒粉麵。滷水拼盤拼盤食物種類很多，而且排得整整齊齊，有豬耳、八爪魚，雞腎，大腸，豬腩肉等等。整體味道不錯，但略嫌鵝肉太肥。蜜椒吊燒骨佢個蜜糖醬汁調配得好好，甜甜地，幾開胃，而肉質都好鮮嫩，唔會話太肥或者太瘦。豉油皇大蝦豉油皇大蝦最緊要一定係個豉油啦，而佢的確整得好好，醬汁惹味，有少少甜甜地，但略嫌上菜時不夠熱。潮式爆花蠔餅蠔餅炸得非常香口而且鬆脆，而裡面亦有好多隻蠔，隻隻都好飽滿，十分足料。籠仔荷香蒸爆牙肉餅今晚既主角終於黎啦，呢個肉餅佢有好多配料俾你簡，包括鹹魚，鹹蛋，土魷等等。而我地就簡左銀魚仔。佢地既肉餅比一般餐廳整既肉餅彈牙好多，肉餅之間亦都加入豬耳，令彈牙之餘亦會有爽口既口感，高度推薦 雪菜肉絲炆米及揚州炒飯份量十足，鑊氣十足，我地一行六人叫左兩碟粉麵都好夠飽。食完晚飯之後，最驚喜既就係竟然仲有糖水送，成個"家的感覺"即刻出哂黎。而我男朋友的家人對呢間餐廳都有讚無彈，所以下次我一定要再帶他們來吃。…查看更多

真芝士拉絲蝦丸，上枱嗰陣仲熱辣辣嘅，炸得勁脆，蝦肉夠曬彈牙，入面嗰啲芝士真係拉到絲故喎，仲拉到勁長添啊。蒜蓉牛油焗蜆88，蒜蓉同牛油都勁香，喺中式餐廳食到呢樣有小小西式感覺嘅餸菜，有少少 fushion 嘅感覺。蜜椒吊燒骨，雖然每一舊嘅 size 都唔算好大，不過就真係勁惹味，甜甜地爆得又夠香，全晚最鍾意就係呢碟餸，瞬間就俾所有朋友清哂。魚湯海味浸菜心，個魚湯真係勁鮮甜，真係好有魚味，菜心新鮮爽甜，面頭嗰啲炸魚仔更加係畫龍點睛，令到成個餸都好味好多啊。潮式爆花蠔餅，啲蠔仔勁大粒又飽滿，唔會煎得太老，食落中間仲好 juicy，外層有夠脆口，好好食。蒜蓉果皮生煏大白鱔，大白鱔煲一上枱吱吱聲 煲入麵包香咗嘅蒜頭痛紅蔥頭飄來陣陣的香味 白線都算多，用嚟送飯一流。芝士焗大蝦伊麵，芝士味濃，蝦亦都十分之大隻。攞個芝士汁撈埋啲伊麵一齊食就啱哂啦，不過如果啲伊麵唔好咁諗同埋可以唔好咁濕就更加好喇。籠仔鹹蛋肉餅88，之前都睇過報道話呢度既肉餅之所以叫爆牙係因為加埋一啲切碎左既豬耳入去啲肉餅度一齊打嘅 ，咁樣會爽口好多喎，今日一試果然名不虛傳，個肉餅真係勁爽口彈牙，加左豬耳一齊真係爽好多啊，不過如果個肉餅可以再肥多少少就好喇。…查看更多

XO仔八月買咗對新跳舞鞋，但係要等到上週五去到筲箕灣先有得攞。既然已決定收咗工由灣仔去到筲箕灣咁遠，咁梗係要搵埋別號為「人肉飲食地圖」o既契妹一齊去食野啦 ！原來佢心目中一早已鎖好目標，想去探索一家贏咗今年「美食之最大賞」肉餅組銀奬o既「煮打菜打冷小菜館」 ；聽見打冷店o既蒸肉餅攞奬喎，當然係要一試真偽。OpenRice上有關前往方法o既資料都幾準，由地鐡筲箕灣站A3出口行8分鐘啱啱好到步。喺地鐡站出口都已經見到餐店o既廣告，似乎真係有啲料到喎！食店門外貼有奬狀及告示。亦有黑板及易拉架列出廚師推介菜式。當然係唔少得主打得奬菜「爆牙肉餅」o既報導同推廣啦！小肥六點五到達，被安排坐較為舒適o既四人卡位，亦留意到散座大多為十多人o既大圓枱。嘩，真係估唔七點未到，唔多起眼o既打冷小菜館已座無虛席 ！雖然店子用上膠造餐具，但如下圖所示，碗碟上一啲污漬都冇，感覺都好衛生。為咗要試多幾味餸菜，契妹專登叫埋佢大佬一齊黎，實行大玩三人行。大家簡單睇過餐牌，好快就決定要食滷水雙拼、得奬o既「爆牙肉餅」、及同樣咁爆o既「潮式爆花蠔餅」。   滷水鵝片拼鵝腸（$118）：滷水鵝片肥瘦均勻，肉質軟嫩可口 ，味道濃得黎又唔會過咸。已去肥膏o既鵝腸則爽脆無比，食落仲好健康添，不過如果可以再浸咸少少應該會更加美味。 潮式爆花蠔餅（$72）：師傅將傳統潮菜煎蠔餅炸出新潮o既爆花效果，真係可稱得上為潮中帶潮 ！蠔餅除咗外表爆哂花，好有睇頭之外，金黃色o既皮層鬆化、香脆、又乾身，入口一樣咁掂！餅中更內藏勁多蠔隻，每隻都同樣咁鮮甜飽滿，當真足料又抵食 ！ 必吃蒸選之土魷籠仔荷香蒸爆牙肉餅（$82）：煮打名菜「爆牙肉餅」雖然厚身，但意外地餅質一啲都唔硬唔實，食落就知個餸名係點樣黎，因為真係脆到爆牙呀！笑容燦爛o既靚女姐姐解釋，肉餅不但係由人手每日新鮮打製，餡料中因加插咗豬耳碎同蛋白蒸煮，所以先能產生脆爆又嫩滑o既效果；配搭如此新穎美味，唔怪得知會得奬啦 ！（食完咁出色o既銀奬肉餅，小肥真係好想試埋金奬得主囉，了解一吓佢究竟輸喺邊度 。）品嚐過「煮打菜」o既招牌爆花爆牙潮菜，三人結果最後以追加蠔粥同炒菜作終結。 蠔仔肉碎粥（$42/碗）：蠔仔粥個碗仲大過契妹哥哥個頭，真係幾誇張！粥水清甜濃郁，熱辣足料，肉碎軟脆，蠔仔更為肥美滑溜， 爆！ 腐乳炒通菜（$60）：契妹大讚通菜翠綠又脆嫩，搞到XO仔都忍唔住要試咗幾著。通菜果然嫩口，一啲渣都冇，而且鮮香惹味，細佬唔鍾意食菜都食咗成三分一碟，真係唔講得笑！契妹愛閱讀o既習慣（包括報章雜誌，以及網上媒體）原來真係可以有驚人大發現架 ，認識到「煮打菜打冷小菜館」就係一個好例子！隱居於筲箕灣o既「煮打菜」小本經營，環境尚算整潔企理，店員友善有禮，大廚用心地將傳統o既潮州菜式加入咗新潮o既烹調技巧，重新演繹出爆牙及爆花o既口味，獨特o既組合精彩o既同時，又能為食客帶黎新鮮感，獲香港旅遊發展局頒發「美食之最大賞」肉餅組銀奬可真為實至名歸，難怪小店客似雲來，不斷翻枱。…查看更多