好湯好麵 (名店坊)

🍜 海龍皇湯 HK$140＞藍蟹肉、海蝦尾、北海道魷魚、北海道刺身帶子、廣島蠔肉、蝦頭油、皇湯、陽春麵・味道：蕃茄湯底好重蝦油味🍅，啖啖蝦香🦐。魷魚彈牙🦑，刺身帶子真係啱啱好熟👍🏻。蠔肉新鮮甘甜🦪，陽春面幼身吸湯但唔會淋晒。蟹肉因為碎上所以唔係好食得出味道，海蝦都係～但整體係驚艷嘅！湯底係滿滿海鮮嘅鮮甜清香，會想飲晒湯嘅程度！・口感：清爽但有啖啖海鮮醇香咁，唔heavy但會留有餘韻嘅香氣，讚！・・・・・・・・・・・・・・・・・・・・🤰性價比：高～🤰9衝度：9衝～🤰結論：一直聽過佢大名但都冇食過，不過幾位同事一致話以前更好食，仲話大圍好食啲XD…查看更多

有次打算搵拉麵食，朋友推薦咗呢間麵店，話好過食拉麵，咁我緊係帶住expectations去食啦💭。週六夜晚8點幾嚟食個場都唔full，唔知係咪因為定價偏高呢？老實講一碗海鮮湯底嘅陽春麵值唔值$140以上呢？大家心中自有分數啦😌。⠀嗌咗個被推薦嘅“海龍皇湯”🍜，材料都幾豐富架，有藍蟹肉(好碎好少😅)、兩隻海蝦尾(幾大隻幾彈牙嘅👍🏻)、北海道魷魚(唔韌但冇味)、北海道刺身帶子(幾甜唔韌)、廣島蠔(幾鮮)、蝦頭油、皇湯同陽春麵。講吓湯底，係有新鮮嘅蝦油味，但你話係咪令你想飲晒成碗嗰種，似乎又唔係🤔，不過湯底都算唔錯嘅。講吓個陽春麵，煮得偏腍，份量多，細食嘅女士未必食得晒成碗，不過呢個價錢唔比返咁上吓真材實料你就唔抵食啦，所以份量嚟講絕對合格👍🏻。個人口味嚟講唔算好中意，但對於喜歡陽春麵或者喜歡海鮮蝦湯嘅你應該都會欣賞呢碗精緻嘅麵✨。…查看更多

[ 好湯好麵 | 銅鑼灣 ]I went to their original Tai Wai store two days ago and have been thinking about their insanely delicious noodles soups ever since. I was in Causeway Bay tonight so decided to check out their new branch in Fashion Walk. There are clear differences between each store, this newer one is much more spacious and well-ventilated compared to the cramped and stuffy environment of their first store. However, it does come at a price of a 10% service charge as they also accept credit card payments here in comparison to their cash-only payment at Tai Wai. —— —— 海龍皇湯 $138 Of course, try the broth first and wow, it is probably the best prawn-based seafood soup I’ve had and might even triumph over lobster bisque. It is insanely rich and flavourful without being creamy or heavy and salty. The consistency is perfect for drinking but it also clings onto the noodles well since it’s so flavourful. The addition of prawn oil to the seafood potage increases the aroma and flavour of the broth, adding another dimension of fat for flavour to develop. On to the noodles, this dish uses the thin noodles and I was afraid it wouldn’t be as bouncy and chewy but nope, it still has a great chew and because its diameter is smaller, it is able to absorb the soup much quicker. I also really like how the noodles don’t get soggy despite sitting in the hot broth throughout the meal. That’s how you know for sure they are made by hand. The toppings however were a tad underwhelming. Everything was cooked well but lacked seasoning which is understandable if they wanted to showcase the seafood’s natural taste. The Hokkaido scallop was small and a bit tough, the Hokkaido squid was crunchy and tender but tasteless, the blue crab meat was dry and only gave a small spoonful, the prawn could have been cooked less and did not enjoy peeling it myself but the piece was big. The only seafood that blew me away was the Hiroshima oyster, cooked in the hot broth so it is still semi-raw, the flavours are concentrated and the texture is silky and soft. Very memorable. —— —— 推介 🙆🏻‍♀️💬 Overall, definetly a delicious bowl of noodles and soup but is it worth the price? Perhaps you can try once and decide for yourself. I also recommend going to the Tai Wai shop to avoid the 10% service charge 😂 🗓 Revisit? ✅ / ❎ ❓…查看更多

同事日講夜講依間舖既湯麵真係好好食，終於有機會試到啦!我地試左蠔皇豬豬同餐廳推薦既海龍皇湯，一試我係冇失望，都係我第一次食完碗麵會飲埋碗湯，飲完都唔口渴，唔油唔鹹冇乜味精，4個人隻碗都見底，好湯!蠔皇豬豬既龍蝦牛油湯味好香，未飲都聞到好濃牛油味，而海龍皇湯係用蝦頭油熬，有海鮮鮮甜味而不漏，所以大家都好積極飲湯lol 餐廳麵食以陽春麵.扁陽春麵為主，麵條唔太淋唔太硬都好掛汁，好麵!至於配料呢，我覺得不過不失，希望好湯好麵之餘有更好既料，帶來更多驚喜啦~蠔皇豬豬既豚肉有4塊到，肉質軟淋帶油脂，鳳尾蝦普通鮮蝦海龍皇湯既海鮮配料，刺身帶子係新鮮，藍蟹肉量可以，北海道魷魚海蝦尾冇乜特別試埋個小食，涼拌麻辣手工豆腐，豆腐夠凍，麻辣醬夠辣而醬汁量唔算多，食唔到辣既朋友可以撥走d醬…查看更多

平時出街都會選擇食麵，因為份量適中唔會過多，食落又唔會有罪惡感，夜晚食比較輕盈。星期日到銅鑼灣行街，買完一輪衫換季，身心疲累，經過好湯好麵既店見到麻雀雖小，入面客人滿滿。聽朋友講大圍好湯好麵 再上榜《香港澳門米芝蓮指南 2022》，而家係銅鑼灣再開分店實在太好了。平時出街都好少入大圍咁遠，而家不用特別排隊就可以入去食。我就點左海龍皇湯麵。賣相已經好有食欲，望落個湯好濃味，加上有海蝦、帶子、蠔同蟹肉等，十分足料。飲落個湯濃郁鮮甜，唔會油膩又唔會過咸，連埋個上海麵全碗清哂，飲後無感覺到落左味精既口渴。佢地揀上海麵做麵底好夾個湯，唔會滯之餘又唔會搶左個味，下次一定會回頭再試其他湯底！…查看更多

好湯好麵由大圍開到黎銅鑼灣，呢間看似普通既麵舖其實大有來頭，其中一位老闆係四季酒店米芝蓮三星法國餐廳Caprice前副主廚黎德榮，店舖既12款湯麵都是由黎師傅精心打造，每款湯麵都各具特色銅鑼灣店唔算大，整個格局同裝修都帶有港式麵店既影子，枱放得好密，就好似平時去雲吞麵店咁，所以唔算得上係坐得舒服海龍皇湯海龍皇湯係其中一款人氣湯底，湯底用上魚、蝦、蜆、龍蝦頭等等既海鮮熬製，再加入熬足17小時既高湯而成，最後仲會淋上蝦油先飲啖湯，飲到好鮮甜既海鮮，加左蝦油令到個湯味更加濃，但整碗既湯係好清一d都唔油，麵就選用老字號粉麵廠張榮記既陽春麵，麵質彈牙唔會黏住一餅野咁，不過d海鮮就相對失色，食得出係急凍既海鮮，沒有鮮味可言，最後我真的飲晒成碗海龍皇湯雖然d海鮮比較失色同價錢都唔平，但無可否認湯底真係造得非常出色，呢度侍應都好有禮貌，會不停幫你加茶，下次再黎會試下其餘既11款湯麵😋…查看更多

之前去過大圍總店排左半個鐘一嚐棉花雞湯麵，湯底濃郁好出色。今次趁睇完戲差唔多六點，一於排定隊等吃~揀左推介嘅海龍皇湯，擺盤超吸睛！一嚐湯底即刻覺得值回票價，真係厚實鮮甜，蝦味濃郁，令人愛不釋手！藍蟹肉、海蝦尾、刺身帶子、廣島蠔肉用料上盛，加掛汁而軟綿綿嘅陽春麵真係好正~作為小食嘅意大利黑醋蒜香海蜇頭都有驚喜，海蜇頭索索聲，黑醋酸酸好開胃。加多杯熱雪梨黑豆水，十分滋潤，今餐真係養生又健康~Menu -…查看更多

大熱大圍湯麵店「好湯好麵」由前四季酒店法國餐廳🇫🇷副主廚ɢᴀʀʏ主理，開業3年，2年前已得米芝連推介⭐️。最近終於衝出大圍，分店開到嚟港島區啦！.海龍皇湯(藍蟹肉 | 海蝦尾 | 北海道魷魚 | 日本剌身帶子 | 廣島蠔肉 | 蝦頭油 | 皇湯 | 陽春麵) $135嚟到好湯好麵一定要叫依個海龍皇湯，湯底用龍蝦湯🦞、蝦頭油🦐同多款海鮮熬成，飲落係有多層次鮮味龍蝦湯，口感無法式龍蝦湯咁滑（因為法式龍蝦湯會加忌廉），但都唔會好似法式龍蝦湯咁有些少腥味。廚師會根據每款湯底，揀選適合嘅麵條，而海龍皇湯就係配幼陽春麵，雖然係幼麵，但都好掛汁，如果係粗麵反而可能略嫌飽滯。面頭仲有蟹肉🦀、帶子、廣島蠔🦪等海鮮，份量都幾多。.黑口黑麵 $90(北海道魷魚 | 墨魚滑 | 墨魚濃湯 | 扁陽春麵)一睇個名就知黑口黑麵⚫️用墨魚汁🐙做湯底啦，雖然睇落黑鼆鼆（黑蚊蚊），但質感唔算好厚，飲落都有海鮮嘅清甜味，唔太覺有腥味，不過👩🏻就飲到有啲似係陽春麵嘅麵粉味，覺得有少少怪怪哋。配料方面有魷魚🦑同墨魚滑，墨魚滑好大嚿，而且超彈牙，現成墨魚丸絕對同依度嘅墨魚滑無得比。.上菜前侍應會問係邊位叫咗黑口黑麵，會提供返圍裙，防止件衫彈到湯汁，但其實我哋發現就算食海龍皇湯都會彈到有湯汁🥲。.一開始見到要成$1xx/碗麵，我哋都覺得好貴，但見到咁多海鮮，湯底又咁濃郁，諗落其實都只係一碗拉麵嘅價錢，其實又唔係想像中咁貴。味道嚟講，海龍皇湯確實係出色，👩🏻仲飲晒成個湯添，黑口黑麵就普普通通，無太大嘅驚喜。同埋建議大家一定要趁熱食，如果唔係陽春麵好易變得漿口就唔好食啦！如果大家想嚟試吓前四季大廚嘅手勢或者米芝連推介食肆嘅話，必點海龍皇湯。…查看更多

Trying out this insanely popular noodle restaurant has recently opened their second store at Fashion walk! Opened by ex-sous chef at Caprice, this noodle spot has been all over my Instagram lately! Pic 1️⃣&2️⃣: 海龍皇湯 - $138 hkd🦞🦐 🦀🍜 — The broth makes use of an abundance of seafood including blue crab meat, Hiroshima oyster, prawn tail and prawn oil to create an incredibly rich seafood soup base. The prawn flavour in the broth is definitely the most prominent and the touch of prawn oil makes it that extra bit more fragrant. Though personally, I thought the broth could’ve been slightly saltier. Portion size is quite decent considering its steep price point. The seafood is slightly overcooked and lacked any seasoning, but the broth does help with flavour. Personally not a fan of thin noodles but its totally understandable why they would go for it because of how well it soaks up the broth and holds onto liquid. Pic 3️⃣: 蕃茄蛋牛 - $83 hkd 🍅🍳 — Was quite disappointed with this honestly 😢 The broth was unnecessarily sweet to a point that it tasted like syrup! The consistency of the broth is rich and you can tell its full of tomato goodness but simply too sweet. The double boiled ox tongue was also quite underwhelming, there were only 2 small slices and also really lacked flavour. Overall rating: 😋Taste: Really steep prices for noodles that weren’t extraordinary. Think this place is quite overhyped because of the chef’s culinary background. ⭐️Would visit again?: Try once…查看更多

晏晝兩點幾,因為星期六關係,都要等一等.店員非常nice,兩三分鐘已經安排好,跟手可以即刻落單等食前菜叫咗泡椒豬手同海蜇頭,叫咗三碗麵:- 海龍皇湯- 黑口黑面- 蕃茄蛋牛最先到嘅係蕃茄蛋牛,有啲失望,湯太甜,牛舌煮得唔夠耐😔,但係麵底幾好跟住係黑口黑面,因為湯底係黑色,店員好體貼咁offer圍裙👍🏻👍🏻;講番個麵,湯雖然係黑色,但飲落好清,呢個係配扁麵,索晒D湯,幾好食😍,可惜魷魚好硬,煮耐咗…另外有兩件魷魚滑,可惜亦唔算係好食….最後到海龍皇湯,湯一入口,好濃嘅蝦味,亦都好鮮,成碗蟹肉都好夠,仲有兩隻大蝦,呢個係三個裡面最出色嘅!!成碗湯同麵一滴都冇剩🤭,如果呢個可以配扁麵的話就無敵!! 😍至於前菜…..可以唔駛提….😅…查看更多

之前一直都好想試下大圍嘅好湯好麵，聽聞其中一個老闆係前四季酒店法國餐廳嘅Sous Chef😮 但一直都未有機會🙈 宜家難得喺銅鑼灣開左分店，即刻去試下係咪好似啲人講到咁正湯底咁好飲先！涼拌麻油海蜇頭 ($55)：海蜇頭好爽口，味道偏清淡涼拌麻辣茄子 ($40)：茄子夠乾身，麻辣汁份量啱啱好，一齊食完全唔會油膩，微辣嘅味道幾開胃海龍皇湯 ($135)：依款麵係其中一款餐廳嘅推介。湯頭飲得出係落足料煲嘅，好香而且有好濃郁嘅龍蝦鮮味👍🏻 麵底方面，餐廳就用左陽春麵黎配海龍皇湯，麵質偏腍不過好掛湯配料算係幾豐富，有藍蟹肉、海蝦尾、北海道魷魚、日本刺身帶子、廣島螺肉等等，海鮮味道不過不失啦，不過嗰兩隻大蝦嘅味道就似係雪藏嘅海鮮，冇乜鮮味。蠔皇豬豬 ($104)：湯底係豬骨湯底，味道一樣濃郁，麵底係用扁陽春麵，食落會較幼身嘅陽春麵爽口。配料有廣島蠔肉、鳳尾蝦、日本黑豚五花腩片、炒豬肉碎等等。海鮮一樣都係雪藏嘅，冇乜鮮味，都係湯底搭救😂總括黎講湯底係好飲同真材實料，起碼飲哂成確湯之後唔覺得口渴😂 不過以依個定價黎講，如果海鮮配材嘅質素可以改善下會更好~…查看更多

之前大圍店已經知好多人排隊，但住得較遠，所以未去過，見到銅鑼灣開咗，終於可以食到，叫左個海龍皇及潤牛湯麵，一黎到先試啖湯先，飲得出冇味精，超鮮甜，啲配料食得出係新鮮的，尤其個鵝肝同個牛，好特別，再叫手工豆腐及麻醬雞粉皮，因為第一個上菜就食晒，太好味忘記影相，個手工豆腐醬，好食到一人可以叫一份的，整體所有對得起個價錢，下次出開去必定會再食，仲有好多湯都好想試（聽到隔籬枱話個棉花雞及黑口黑色都好好食）下次必定試…查看更多

吃過總店一次，那次叫了黑口黑面，除了等的時間過長，那次食物質素不錯。先說銅鑼灣分店食物質素，上菜算快。雞絲粉皮（$46）絕對是一大伏，本人吃過最難食的雞絲粉皮，粉皮居然是黏在一起，咬起來像橡膠般，而且很明顯沒有瀝乾水份，完全地稀釋了芝麻醬！青瓜絲也比雞絲多太多了。海龍皇湯（$135）算是皇牌之一，很多人叫。湯底是純天然，雖然不致於像自家煲湯的香濃鮮甜，起碼過後不會讓人口渴。陽春麵有點糊口，不知是否過冷河處理得不佳。配料方便，蝦，帶子和蠔合格。魷魚只是幼幼的兩條鬚和兩小條魷魚身，加起來一塊正常份量也沒有。藍蟹肉是分佈在麵裡湯底的一些蟹肉碎。有少量蔥絲和芽菜作點綴，薑絲也有一些。環境方面，選址fashion walk，價錢跟得上該地段，但店舖格局絕非該帶食店應有讓人坐得舒服，chill的風格。店鋪不大，座位過多，細小逼夾，以膠板隔開四人枱讓2人坐，根本是米線/茶記風格，大家都是快快吃完就走，但竟進取至收取加一。$199 在fashion walk 一帶可以吃到不少lunch set 包湯/沙律，主菜和飲品，而且坐得舒服！題外話，最初是上錯了其他湯麵，其中一位侍應竟不查看是否其他食客點的就說煮錯左拎入去倒左佢，若真有其事就太浪費了！只收取現金，說來不及安裝卡機。…查看更多