皇朝私房火鍋

食蒸海鮮同成班朋友黎就最正，今晚再次黎到蒸氣海鮮鍋既始祖。幾個月前朋友生日已經黎過一次，好食既野梗係要翻轉頭啦👏🏻～餐廳位於橫街小路，門口右邊玻璃貼滿密密麻麻名人合照，睇落好似名人飯堂甘，有架勢👨‍👩‍👧‍👦。一入門口眼見提供各式各樣海鮮可供選擇，全部都係海水缸養住，保持新鮮，信心保證👍🏻。首先食D小食先，叫左單骨雞翼、鳳爪、炸魚腐。炸魚腐尤其好食，香口食落略帶煙韌。開始前大大既蒸爐有兩層，最下面一層放粥底，上面一層放海鮮，蒸食材前會放左塊荷葉係蒸爐內，一來可以隔沙，二來令食材帶有荷葉香味，一舉兩得。😀🍴沙白蜆蜆每粒大小均勻，平時出街食蜆通常都要炒過先好味，但而家就甘清蒸已經好好食。肉嫩爽口、肉汁鮮甜，甚至相比煮蜆、炒蜆更鮮甜，值得一讚。🍴沙蜆沙蜆處理得非常乾淨，連丁點既沙都無，肉味濃，肉質更有咀嚼性。🦐蝦 食落同白灼蝦差唔多，但呢種蒸氣食法相比灼蝦更能保留蝦味。🦀白蟹幾年前係三門仔食過一次，估唔到隔左甘耐第二次食返。煮熟後個樣同花蟹差唔多，但味道一D都唔失禮。白蟹肉質軟滑幼嫩，食起來啖啖肉，味道甘香鮮甜。🐟白板平日係街市都算少見到既一種魚，白板魚熟後肉質較林似石斑，食落啖啖肉，可滿足魚肉迷。🍴扇貝帶子厚實彈牙，食落鮮味十足，而最重要係要飲埋個湯精華，鮮甜到不得之了！🐂牛頸脊事先醃好，蒸熟食起來肉質軟腍嫩滑，肉汁得以鎖住，牛味好濃郁，調味恰到好處。🥒蔬菜類食完一輪優質海鮮後，臘味飯已熟透食得了，但我開始有點飽所以只係食左少少。之後就到蔬菜為主既食物啦。脆肉瓜、冬菇同樣都好新鮮，另外冬菇上有墨魚滑＋蟹子增加口感，墨魚滑亦夠哂彈牙。🐔雞麵麵既食法有好多種，蒸既都真係幾特別。麵條質感軟彈煙韌，而且吸收哂舖係上面既雞汁及雞油。重點係店家秘製既辣椒醬，加埋醬一齊食，提味又惹味。簡既食既都係時令海鮮，最可惜既係今晚無我最愛既瀨尿蝦，不過整體都好新鮮，滿意。飲品叫左洛神花、咸檸七各一壺，仲有天地一號。🍹洛神花：酸中帶微甜，食完甘多野醒胃消滯一流。🍹咸檸七：味道好清新、清甜，忍唔住飲多幾杯。到最後壓軸登場，登登登登～吸收哂所有食材精華熬成既粥底✨，入口微滑，綿密既口感，將所有海鮮精華鎖哂係入面，原汁原味，鮮味十足，明明已經甘飽都忍唔住食左3碗。食海鮮最重要就係新鮮、乾淨，呢度絕對做到，所以簡單反而已非常好食，而且服務員熱情招呼，滿足的一晚。…查看更多

紅磡對我來說是甲級挑戰的區域, 一直不喜歡去紅磡、九龍城或土瓜灣吃晚飯, 地點實在距離我工作的地方及住所太路途遙遠了, 但近來紅磡、九龍城或土瓜灣之地又相繼開了很多特色美味食店, 今晚來吃的皇朝, 也是被其主打新鮮海鮮及以最原始蒸汽鍋烹調吸引。 海鮮之多, 前所未有, 全是新鮮貨式, 由數十元的花甲到接近八百元的東星班也有。不是誇張, 貝類都有十多款, 東望望, 西望望, 究竟今晚食乜好？鍋頂正在冒出大量的蒸汽, 皇朝用不折不扣的蒸汽火鍋來蒸海鮮, 保證原汁原味, 揀好的海鮮, 師傅會以海鮮的味道按次序蒸畀我哋食。沙白蜆體積雖細小, 卻鮮味十足, 火候控制得啱啱好, 蜆肉沒有老掉, 飽滿嫩滑。迷人的衣裳, 跳脫的身軀, 美麗的赤米蝦, 我要放你入口裡了。脫掉迷人的衣裳, 骨子裡還是很美麗動人的, 皮膚豔麗, 肉質嫩白爽甜, 祇有海蝦才有爽口鮮甜的食味, 吃好東西就不要計較多付數十元了。賴尿蝦也是跳紮紮的新鮮貨識食海鮮的, 瀨尿蝦是必選的item, 以蒸汽鍋清蒸更能保存瀨尿蝦的神粹…....鮮甜。今晚選的大部份海鮮都是我的至愛, 包括這個三點蟹。隻隻新鮮爆糕, 三點蟹蒸得剛剛熟, 黃軟糕甘香嫩滑, 蟹肉爽口彈牙, 帶淡淡的海水鹹香, 鮮甜到爆晒燈, 蟹迷必食。油炸鬼絲、大頭菜粒、蔥花、生菜絲等等, 一睇便知跟住吃什麼。超級無敵海鮮粥, 海鮮的精華全部落了這鍋粥裡, 鹹香味鮮到不得了, 可能我哋今晚食咗幾款蜆, 蜆本身水份較多, 蜆汁也非常鹹鮮, 加埋蟹的鮮甜, 這鍋粥簡直是超級無敵鮮美。…查看更多

一大班朋友飯聚時, 總是為『食』而傷腦筋, 因為每人的口味喜好都不同, 所以吃火鍋算是最佳選擇, 不過我已有點厭倦。朋友說今次飯聚是火鍋, 我已呈現出不願意的樣子, 朋友立即補充是海鮮蒸餾火鍋, 不同平日的『打邊爐』,沒有用湯, 而且最後有個海鮮粥。聽到都覺得概念幾新鮮有趣, 都值得去一試! 不過地點老實說不太方便, 要在紅磡往九龍方向的巴士, 下車再步行10分鐘, 幸好有朋友帶路, 要不是我這路痴一定迷路。約7時多已經到達, 預先訂檯的好處就是有電視看~~~眼看客人很少, 但過半小時已經坐無虛席, 只是平日的晚上。未開始前在檯面及檯底已看到主題的『蒸餾火鍋』的用具。剛在門口看到介紹, 原理就是透過置於檯底的蒸餾水蒸氣機產品高溫 蒸氣, 從下而上分佈於檯上的特製鍋具。而另一主角『海鮮』就我們身後, 一個開放式準備食材地方, 猶如一個小海鮮檔一樣。吃火鍋的飲品繼續是可樂, 而朋友點了天地壹號, 算我見識淺薄還是頭一次見, 他說大陸好出名, 下刪一萬字….天地壹號不是酒, 而是蘋果味醋飲品, 我試過味道甜甜的易入口, 但不算吸引。因為還未齊人, 於是點幾款小食醫肚, 一口雞翼 $28, 即是單骨雞翼, 外皮不夠脆, 有少少油感, 而味道不過不失。炸魚皮 $28: 小食中一個小驚喜, 意想不到很脆口, 像吃薯片一樣。還有玻璃春卷 $35 也是值得一點, 賣相跟平日春卷有點不一樣, 非一般的春卷皮, 一咬口感相當鬆化, 沒有平日的春卷那樣油膩。人齊了終於可以開始, 在特製鍋具內放白米, 然後上面放有密孔鐵板, 放一塊荷葉及海鮮。在蒸煮過程中,食材的精華會倒流到鍋底的白米上, 混成一銅海鮮粥。所以蒸海鮮前要先放一塊荷葉避免海鮮的沙石跌在下層的白米上。每款海鮮的蒸餾時間都不同, 所以食店已預備計時器及說明參照。以蒸餾水蒸出來的海鮮, 全部原汁原味, 是吃得出得的鮮甜味，質地彈牙可口，絕對只有新鮮的海產才能做到。不過吃火鍋沒有那些醬汁豉油的確有點不習慣。花甲 $78/例刀貝 $98/例蕃薯 (特大蜆) $78/例沙白 $68/例有膏瀨尿蝦一早已售完，只好嚐普通版 $68/例，店員將新鮮彈跳的蝦放入蒸爐。也是相當鮮甜，肉質彈牙。海鮮類還有最後的海中蝦 $168 (6隻)、細蟶子 $78/例，中蝦都不錯，相反蟶子體積較小，下次點蟶子皇更好。除了海鮮外，也要點蔬菜類食，還是以蒸餾方法烹調，鮮冬菇釀墨魚滑 $98/例、有機豬肉釀娃娃菜 $98/例、煙肉金菇卷 $88/例, 全部在其他食店的火鍋配料類別較少見到。我會推介鮮冬菇釀墨魚滑及煙肉金菇卷。還有粟米 $28/例 十分鮮甜, 點了手打麵 $48, 老闆也推介將雞 (半隻 $98) 放在手打麵上, 那手打麵在蒸餾過程將雞肉的精華全部吸走。手打麵味道比預期中好, 除了本身的彈牙外還存在一份雞油香味, 很惹味, 而雞肉也相當嫩滑。在蒸煮過程中, 海鮮、蔬菜等精華會倒流到鍋底的白米上, 就變成現在的精華粥, 雖然有一點雞油, 但店員加入生菜絲再伴勻。粥質地在綿與湯飯之間, 太多生菜影響口感, 味道不算太好。這蒸餾火鍋海鮮類是看得出的新鮮, 食得出的鮮味, 而且也比較健康, 可以帶家人再來一試!…查看更多

皇朝私房火鍋。Well，究竟佢算不算是火鍋呢？與家父慶祝生日，經朋友推介下訂了檯，出發前還特別前來openrice睇食評，心裡面立即充滿了無數個問號。食乜ga？同韓國的九層塔又有咩唔同？得海鮮食夠唔夠飽ga？很久未有帶著這麼多問號去食飯。座落於紅磡大大有名的崇潔街旁(留意返，唔係崇潔街)，店的位子實在唔起眼，但反而令我有一種尋幽探秘的感覺。印象中這裡原是火鍋店，一年多前易手，新店主三月才開始引入這火鍋。誰不知很快便得到正面的回響。這夜我們點了不少海鮮，有鮑魚，扇貝，聖子及雞魚一條，非海鮮類也點了雞件。我們也加錢點了個海鮮粥底，這個我稍後再提。嚴格來說，他這個火鍋是蒸鍋，那麼食材必需要新鮮，不能欺場。點海鮮的過程倒像是海鮮市場般，店子雖不大，種類到算齊全。廚師朋友說海鮮最理想是煮法，除了生食，就是用蒸，可保持海鮮的鮮味。店主早已計好不同的食材需要蒸煮的時間，並附上計時器，令食材不會太生，也「煮過龍」。由於食材都很新鮮，貝殼類亦冇沙，幾乎不用添加調味也覺可口。魚類欠了貝殼類的海水鹹香，但多一分鮮貼魚肉味。肉類方面我們點了雞件，雞件是經過廚師調味炮製。蒸雞之時經老闆特別推介，點了一份粉，誰不知雞件與粉的結合是十分驚人的，十分好味，那些粉到吸收了雞的香味，加上一式辣醬，很回味！最後是之前提及過的粥底，由於它經蒸餾吸收了海鮮的精華，粥底好綿，味道很豐富，很impressive！不過，我們花了太多時間影相 ，以致打開蓋的時間太長，所以底粥有一點乾身，但仍然很美味。…查看更多

呢間蒸餾海鮮打邊爐近黎出晒位, 朋友話試過食到海鮮既新鮮又唔熱氣,最後仲有個粥食返d 精華, 好似幾正咁, 一於黎試下平日8點去到, 高朋滿座, 圍圍都係35知己吹水格局[IMG:11個煲真係幾過癮，高壓蒸汽噴咀係底，會不斷咁噴蒸汽，蒸熟啲海鮮，再將海鮮嘅精華(水)滴返落下面個兜，煮返啲粥....中間果層會放荷葉…放左係度隔沙，唔會污染啲粥老細話自己係本身係水上人, 識揀又有好貨源, 而且佢d 貨大多係本地，因為夠新鮮又抵食呢度d 海鮮有d 係時價, 但大部分都係一份份咁賣, 仲可以親自去望下睇下d 貨靚唔靚, 岩唔岩食, 幾均真揀好海鮮, 處理好之後，就會逐樣上，每種海鮮需要蒸既時間不一, 大多數都要3分鐘, 可以想像下呢餐飯都會食好耐, 因為係被迫慢食, 但咁都有好處，一班人食下, 吹下水, 又食下咁, 唔錯!多種蜆類，花甲，沙白同埋蕃薯蜆 啲蜆類好新鮮，肉實彈牙又鮮甜,又無沙…原來花甲有分公"拿" ，"拿"啲肉係甜好多，又多汁同大隻啲…一樣價錢緊係叫花甲"拿"啦…嘩嘩嘩，D蜆蒸黎食真係好正! 啲汁一定會令到個粥好甜! 基圍蝦，上碟時啲蝦仲係生嘅，開蓋掉入去，啲蝦係入面跳黎跳去，真係好生猛(不過感覺有啲殘忍=.=)開蓋一睇，鮮紅色好吸引，睇落原來好多都好細隻，以為無咩肉食啦，點知食落先知呢個size肉質夠好又甜，仲好過食大蝦，反轉左我對蝦要越大越好嘅諗法紅蟹同瀨尿蝦仔，繼續細細件，但係裡面有膏肉嫩，來貨睇得出認真揀，有質素東風螺- 呢樣貝類一向都唔平, 不過我又好like, 一氛咁樣都$12x, 一樣保持解味多汁肉厚, 但係最難得係配左特別既醬料(甜辣醬就必要啦, 仲有麻油) , 的確另有一番風味!食左好似好多海鮮, 但個肚總係空空咁, 唔多實在, 見到在座都有好多男士, 心諗點夠飽... 去個廁所見到有兩大填肚方案, 一個係蒸糯米飯, 一個係蒸雞 (唔知點解會搭埋麵一陣食) 問下老闆, 佢話我地食既具類都好夠，d 汁可以令到個粥好甜啦,見我地仲乎飽就推介左個蒸雞配手打麵....原來d 雞一早醃好, 蒸時出晒d 雞油, d麵撈埋d  雞油加埋麻辣醬一陣食, 咁真係勁好食wo! 必食推介! 講真海鮮無咩技巧，只要有好貨源, 你又識揀就得。呢度既食法總係令你有驚喜。個煲啦, 蒸雞麵啦, 最後仲有大家都好期待既.....粥!呢個粥集合晒所有海鮮既精華, 臨尾仲有雞油同荷香點綴下，一打開真係"嘩" 左一樣, 加返D 生菜同蔥花，令到個粥底無咁"漏" 之餘, 仲幾FRESH。老闆一早準備好配菜 (炸菜, 羅白之類的醃菜) 仲我比較喜歡食淨粥, 因為用海鮮汁煲既粥真係好甜AR! 正! 一食要至少食2大碗, 好開心, 好滿足呢!…查看更多

我甚少在紅磡這區搵食，就算食，一般都係去酒樓，或者當年人來人往的「加太賀」。加記現在已人龍不再，但附近仍然好熱鬧，尤其火鍋店更是成行成市。多得土瓜灣地膽帶路，便來到崇志街小巷，找到這間皇朝私房火鍋，吃了頗有趣的蒸餾火鍋。何謂蒸餾火鍋? 我都係第一次見識，原理是利用放於枱底的蒸餾水，加熱將之揮發成蒸氣，當上面放著鍋子時，便可將食物蒸熟。這做法的優點是蒸煮時不用加水，一樽蒸餾水可以用足超過一晚，亦不用加任何有調味的湯底，只鋪一片荷葉，蓋上若干分鐘，便能將食物完全煮熟而又能保持原味。而鍋子有兩層，上層蒸食物，下層亦有乾坤，究竟是什麼? 看到最後一段就有分曉!這種蒸餾方法，最適合用來煮海鮮，所以店內亦有野生捕獲海產供應。餐牌上除了價錢外，還標明每款食物蒸熟需要的時間，海鮮類平均兩至三分鐘，雞件和蟹要耐一點，成條烏頭魚便要蒸10分鐘了。每放上食物後，就Set好時間，那就不會擔心煮過生或太熟了。糯米飯蒸煮需時，所以要一早先放，蒸出來的飯混和了海鮮的香味。而我們同時放幾隻海中蝦，配合荷葉的質感，蒸出來的蝦令我感到有鄉村風味。一次過倒下花甲、沙蜆和大蟶子，反正都是蒸三分鐘。這樣煮的蟶子啖啖香甜爽口，好過擺在肉餅上吧!番薯蜆肉質肥美鮮甜，但精華郤在泡水內，所以一滴也不要漏呀!很少吃蒸生蠔，原來效果一樣咁鮮甜。瀨尿蝦盛上時還是生猛的，監粗將其放在鍋內蒸，雖然有點殘忍，但確實這樣才最新鮮又多汁。蒸魚肉(海火點)但不用調味，煮出來沒有太明顯的腥味，不過，我始終覺得沾一點豉油較好。這樣蒸煮牛肉，顯然有點家常小菜的感覺，如果加點薑蔥就更好味。荷葉蒸雞，聽起來都吸引吧，真正吃起來更滋味，這樣蒸煮能鎖住雞油，效果更加滑溜。開估了! 鍋底的秘密是一煲粥，開始時只需放白米，水也不用下，每次蒸煮時，海鮮和其他肉類的汁液就跟蒸汽一齊滴落米鍋內，經過約兩小時後，便成為一鍋粥。粥的味道好在乎當晚吃的食物，像這夜多海產，便是一煲清甜而並不太濃郁的海鮮粥，嫌淡的話，建議吃時落少少鹽就更好，這煲粥是一定要吃的，因為是精華所在，吃完才頓覺滿足。這間屬於街坊店，員工親切得令我有點驚訝，其實店員跟客人唔係應該是這樣的嗎? 這店顯然令我印象難忘，下次定要跟家人再來! …查看更多

說到食海鮮，BeautySearch 最掛念的，莫過於布袋澳，可能因為位置偏遠，除了朋友揸車，相信也很少會千里迢迢去到清水灣食海鮮... 前排看到電視的旅遊節目，發現，原來日本除了刺身，還有清蒸海鮮，感覺既新鮮又健康！與朋友閒談，才知道他前排係facebook見到「全港首創蒸餾火鍋」，感覺非常相似，於是，便約同幾位朋友，一同向紅磡出發。「紅磨鏡」，名字有點陌生，原來一年裡，只得三、四月先有嘅本地水產，今晚我們有口福了... 但不知道與平時 BeautySearch 食扇貝，有何分別呢？我比較笨，只懂吃，不懂辨別...…查看更多

響facebook度見到皇朝個廣告，寫住「全港首創蒸餾火鍋」，即本去試下。以前覺得打邊爐，湯底好唔好味係好緊要。但係試左呢個蒸餾火鍋之後，先真係覺得火鍋料新鮮至係最重要。初頭以為蒸餾火鍋，湯底用蒸餾水餚製無乜特别。去到先知蒸餾火鍋原來全靠枱底果個爐，煲滾D蒸餾水o黎蒸熟D食物。同廣告寫o既有「海鮮粥」食一樣，店員會在開爐前，放D白米落去個鍋度，再響上面裝上蒸籠同舖荷葉，重同我地講要將D火鍋料舖響上面，免得黏底。而打邊爐時，海鮮o既精華，會隨住蒸氣滴溜往鍋底，結集成一鍋鲜味而有咸香o既海鮮粥。同行班友仔都幾識食，又龍躉又沙白蜆又三點蟹、赤米蝦、瀬尿蝦，但餐牌上有樣叫「紅磨鏡」，大家都唔知係乜，經店員解釋紅磨鏡一年裡面，衹得三、四月先有o既本地水產，今晚有口福了。水滾！食左D蜆、赤米先！呢個蒸餾火鍋都幾好玩幾搞野！由於係游水海鮮，將蝦仔放入鍋果時，上演左一幕「生蝦咁跳」。大家就忙住「執生」(所以無影相) ！ 而今晚好玩o既係，「放食物前要先計時，夠鐘大家又嘩嘩聲」！因為一拎起鍋蓋o既場面太「壯觀」(因為大家都小入廚房)游水海鮮固然鮮味，但由於蒸餾火鍋無湯滾住，而係「隔水蒸」，所有食物都可保持原汁原味！當晚我最回味o既有鱔、龍躉同鮮雞件。白鱔以胡椒調味後以厚切件上，經數分鐘蒸煮後，鱔件有嚼口，更覺肉質肥厚水潤，龍蠆皮質嫩滑而有咸香，皮下脂肪更有咬勁。而鮮雞件亦令我回味的(但緊記要連皮食)！因經高温蒸煮過的雞件油脂完全溶化，鲜嫩肉滑，件件離骨而啖啖雞油香。食盡火鍋配料後，係時侯食層次豐富(集齊全晚食材精華)o既鮮粥喇！經兩小時蒸溜而成o既海鮮粥，粥底绵而色澤帶微黃，但油份略多。由於精華共冶一爐，固已無需加任何調味，鮮味至極。眾人重食到無得淨添！…查看更多