浪谷 (AIRSIDE)

营业中

休息中

Airside有好多餐廳，真係眼花撩亂，唔知點揀。朋友介紹呢間喺商場6樓，同室內滑浪場結合嘅餐廳。咁又幾特別喎，真係要開下眼界。餐廳分開幾個區域，如果想近距離睇人滑浪可以選擇前排嘅枱。而其他區域裝修都好靚，座位舒服，空間又夠。佢嘅午市套餐最平$100都唔使，有前菜加主菜仲有一杯嘢飲，真係幾抵。佢啲前菜比較迷你，不過味道都唔錯。主菜我就揀咗泰式醉鬼炒河粉。佢唔會炒得太油，河粉質地夠煙靭，都有幾多肉片，調味亦夠惹味，好食。不過要留意返，如果有人玩滑浪啲水聲都幾大，唔係好適合傾偈。

由泰國人星級主廚 Chef Packey主理AIRSIDE泰菜主理Chef Packey曾係多家米芝蓮餐廳擔任主廚 帶黎最正宗嘅泰北風味Groundswell內另一大特點係樓底高 空間感十足內裏仲特設室內衝浪設施 整個空間玩得又食到正完泰國菜烤雞肉沙爹雞肉烤得肉嫩多汁配搭充滿花生香嘅沙爹醬好惹味!帶子柚子沙律酸酸辣辣嘅柚子沙律好開胃配上米通食 口感更香脆 帶出另一種風味馬沙文咖哩牛肋骨咖哩濃稠惹味 同時帶點甘甜牛肋骨煮得軟腍同時又不失嚼勁咖哩汁再配搭印度薄餅 極速清晒咖哩汁泰式醉鬼炒河粉充滿獲氣嘅炒河粉 加入雞蛋後味道更香!!用上超闊河粉 質感好滑又煙韌彈牙經典芒果糯米飯芒味攞盤好靚砌成一個花型芒果好甜完全唔酸 配上芒味糯米飯perfect match 椰子冰淇淋同係泰國食一樣咁正配搭粟米。椰子肉。花生碎 層次豐富Three Color Drink食泰國菜當然唔少得三色冰椰汁再加上滑溜啫喱同香甜紅豆 好解渴又冰凍

今日同大家繼續去啟德食好野。感覺Airside 有唔少特色餐廳。6️⃣樓有一間可以室內沖浪既餐廳酒吧。呢度寬敞，坐得舒服。餐廳用上藤椅梳化再加上大綠色植身。而水池前兩座大型燈具，外型十足一個帳篷，好似置身東南亞度假feel，亦為現場增添現代感。🍽️［三文魚刺身配泰式辣汁］🇭🇰HKD88前菜點左呢一款「三文魚刺身配泰式辣汁」。刺身入口軟滑，味道幾鮮甜，配埋泰式辣汁，食落更香辣開胃🤤。🍽️［泰式醉鬼炒河粉］🇭🇰HKD108比起一般嘅Pad Thai，今次呢就想試吓呢個泰式炒河粉。炒河粉唔算好油膩，配上青胡椒，蒜蓉，九層塔🌿，聞落都幾香。入面仲有D脆炸蔬菜🥬，口感幾豐富👍🏻。🍽️［泰式大蝦粉絲煲］🇭🇰HKD128我好鐘意呢一款菜。大蝦大隻，又爽口彈牙。採用左泰國香草同花椒，香味吸引。下層粉絲吸收湯汁同大蝦精華，都幾入味，用嚟送飯一流👍🏻。🍽️［泰式炒通菜］🇭🇰HKD72通菜用左辣椒🌶️、蒜蓉同豉油一齊炒，熱辣辣又惹味。🍽️［芒果糯米飯］🇭🇰HKD68食泰國嘢又點可以少得芒果糯米飯？芒果軟腍香滑，同暖椰漿好夾，糯米幾黏口，如果煮耐D會更好味😋。整體嚟講，我幾鐘意呢度既環境，樓底高，坐得舒服😌，又有D度假Fee