無麵不歡 - 中華私房粉麵

今日晏就係旺角行街唔知食咩好，甘就google search下啦，見到有幾個pages 同YouTuber 都介紹呢間川味小店。最近推廣緊小食放題，只要嗌碗麵同一杯飲品 再加$38就有得任食小食。見到啲野食賣相唔錯又幾抵，甘就決定食呢間啦。一入到間鋪，已經超大陣螺絲粉味。網上又講到好多人食 又排曬隊甘，但入面只係得個員工。btw ，既然都嚟咗就試下啦。👆桂林米粉👆個人覺得 十分普通 唔係難食 但都唔係稱得上好食👆柳州螺螄粉👆超強烈螺絲粉味！！我朋友唔多仲意呢陣味，佢覺得勁臭😂食左一兩啖就冇食放埋左一邊🙈係麵食方面，我同朋友都幾失望。甘唯有期待下小食方面啦😂-小食方面-但係好可惜 小食方面都麻麻地...👆蒜香B仔雞翼仔👆 （食到一半先記得影相😂🙈）話就話蒜香啦...但就一啲味都冇🤷🏻‍♀️雞翼尖完全唔入味...本人本身係好仲意食雞翼尖，但呢個真係好普通😐我都只係嗌得一次就算嗌...👆紅油木耳&拍青瓜👆木耳同青瓜係ok既 普普通通但係當我想再食多舊青瓜個陣 就見到條頭髮...跟住我地都冇再食啦😂😂👆蛋餃&爆菊花魚旦👆蛋餃熱辣辣 好正🤤魚旦辣得黎入味 麻麻地👍🏻終於食到好食既小食！🤤🤪甘既然呢個係小食放題！甘我地就打算再嗌呢兩款小食（ 因為其他小食都唔係好岩我地口味(´･_･`) ）甘我朋友因為只係食左一兩啖個螺絲粉😂所以佢係超肚餓😂😂甘佢就寫左要十份魚旦同四份蛋餃👀但係！佢只係出左三隻蛋餃同五粒魚旦比我地🤯🤯🤯一開始我地第一次落單小食個陣，寫左一份蛋餃同二份魚旦，佢係比兩隻蛋餃同四粒魚旦架喎？！而家我地寫要四份蛋餃，佢就只係比三隻？十份魚旦就得五粒？😂😂😂😂甘我地就追問個店員點解會甘樣(´･_･`)👤：「我地部電腦每次落單都會限制左落幾多份量 所以我地最多只可以比甘多你地」我地真係好無奈如果每次落單都有限制..甘你唔識落多幾次單咩？如果真係做唔到既 你搞咩小食放題？？☺️總結👇🏻佢地除左蛋餃同魚旦之外 其他唔係冇味就係難食除非你真係好想試下食蛋餃同魚旦啦 如果唔係我都唔會建議大家食😂而我自己都唔會再幫襯啦🌝…查看更多

店舖唔算大, 得幾張枱, 不過都多人幫襯, 好快都坐滿曬😲 重點係一行入去成間舖要頭都係筍既氣味😂, 其實我本身都唔係一個筍既愛好者, 不過呢個氣味可以証明呢間餐廳既食物都係真材實料😎桂林米粉-乾伴($38)桂林米粉其實即係米線😂本身個粉都跟左唔少配料, 例如: 肉末, 酸豆角, 花生, 蔥花, 酸辣筍, 不過本身我食花生所以走左花生🤔 我覺得佢既肉末可以多返少少, 因為個粉食落有D乾🙊 我朋友話好似我果碗仲臭過佢果碗😂 因爲我朋友果碗係螺螄粉, 不過我本身既體質唔太食得筍, 所以俾曬我朋友食, 佢話D筍好好食, 好入味😎柳州螺螄粉(湯)($48)同樣地呢個粉都有配唔少既配料, 螺螄肉, 肉末, 酸豆角, 脆花生, 蔥花, 酸辣筍, 黑木耳, 脆腐竹😌 湯既粉相比之下出色過桂林米粉, 而且螺螄粉夠彈下, 再配埋咁多款既配料, 十分惹味🤩三味爽脆魚皮(原價:$48) (跟餐:$38)出面已經好少見呢款撈魚皮🐟有兩隻味, 一款酸辣, 一款係酸, 魚皮好彈牙, 兩款既味道都好正, 好開胃🤰🏾 我覺得絕對值得一試⚠️餐廳位置有少少難搵, 佢寫就係係威達商業大廈, 但係其實佢係係商業大廈既左手邊行多4個舖位就會見到…查看更多

成日想嘗試螺螄粉，平日搵咗朋友去試。我地午飯時間左右去，餐廳雖然近地鐵站，位置唔易搵。一去到就有位坐。我哋叫咗一碗柳州螺螄粉，一鍋蜆，兩罐汽水share食。柳州螺螄粉賣相好吸引，好多配菜，好多人都話佢嘅味道唔係個個接受到，我都係抱住挑戰一下嘅心態，冇諗過會幾鍾意個味。聞落去其實似係街市經過賣榨菜嘅檔攤果陣味，食落辣辣地，越食越過癮。另外叫嘅一鍋蜆，賣相同樣吸引，湯底禮奶白色，又有粟米同埋好多蜆，味道鹹香，好好味。整體來講，服務良好，侍應主動介紹加錢可以有任食配菜，不過我哋兩個人就冇叫到。食物質素良好，味道好加上分量足夠，性價比高。平均一個人大概食左80 蚊到。…查看更多

今天在附近工作，剛巧好友也在附近有空檔時間，於是我們便相會吃午餐。不過胃口不太好，所以好友便建議吃麵食，我們兩個也很喜歡中國傳統麵食，跟着好友點推薦這家中華私房粉麵。入到去門口就看見很中華傳統文化的裝飾，店內也充斥着一股中華的味道.......它的碗碟也別具特色柳洲螺螄粉很有別的風味，集甜酸苦辣爽脆於一身，甜：蘿白乾；酸：筍；苦：花生；辣：湯底；爽：木耳；脆：炸腐皮。有別於一般雲南 或 桂林米缐味道卜卜蜆花甲粉湯底有點像胡椒豬肚湯再加蜆的味道，鮮甜而不腥，配合金針菇、玉米、蔥花、芹粒、莞茜及椒.......蛋角有特色，用蛋皮包成餃子，真需要點功夫這個黑臭豆腐是我的最愛，入口香而不臭，而且很鬆脆，再配合伴菜是一種新食法，如果食得辣就一定要加秘製辣醬這個炸魚蛋是在店內打卡送的小吃，味道完全有別於港式咖哩魚蛋，是乾食沒有汁，它的辣是從辣椒乾上來 ，真的頗辣辣腐皮很辣這餐真是別有一番風味，忘記了自己身處香港。…查看更多

全港十八區每區都有它們各自的食街，旺角內最有名的食街莫過於其中一條通菜街即是女人街，中間的通道主要做遊客生意，內則兩旁則可算是一條平民食街，食店不但多樣化，而且價錢都非常大眾化。.旺角雖然多美食，但廣西粉麵店卻不多，所以當發現通菜街內有一間朋友食過都話可以encore的一間成都粉麵店就挑起了我的興趣，趁Happy Friday就飯都唔煮，跟他一齊試下。店舖是威達商業大廈內的一間地舖，非常易找到，入面位置不大，枱也只有八九張，幸好當晚剛好不用等位。一入到去有一陣籠罩住成都柳州螺螄粉既味道，適應了一會便沒有太濃烈，幸好我一點也不抗拒。是坐下再看看餐牌才發現之前在太子已吃過一次，但記錄模糊，亦不防再來一次，餐牌是畫圈圈的，非常環保♻️劃錯了也可以抹走再劃...餐紙上簡單易明亦非常多麵款選擇，每種都好特別，湯麵、拌麵都有，外面真係未見過！小食價錢又相當吸引！都心思思左一會兒。最後選擇點多一兩樣野食開心Share。總共點了一個粉，追加了一個配菜及五個小食！可以試多點不同的味道呀！正！.主食點了柳州螺螄粉 $48外型好討好啊，因為好似眼望有好多唔同既野食，面頭啲料擺得都略顯心機，可以影下相呃下Like！間舖咁大陣味，上枱又冇覺得任何味道怪異，究竟懂異味道從何來呢？配料包括有「螺絲肉、脆腐竹、肉末，脆花生、酸豆角，蔥花，酸辣筍，黑木耳」!入面配料量一點也不少，款款都唔錯，很喜歡它的配料好似特殊醃製的香筍同脆腐竹口感脆脆的！螺絲粉好滑好好食...烹調時間拿捏得啱啱好! 湯底層次豐富好香，可能酸辣一直都好喜歡, 呢碗嘢我食下食下就同朋友食曬了，真係幾惹味！出奇地好吃！加上各種配菜，份量超大份！足夠兩人吃 ，因為麵真的很多很多很多..追加配料 豬軟骨$12椒鹽鍋巴土豆$26土豆，一心以為係一塊塊一片片既椒鹽薯仔又或者是一條條幼身的土豆絲，點知係薯條，雖然都覺得好好食好惹味，炸得通透又夠熱辣辣，調味仲非常惹味，椒鹽十足，但完全跟土豆好有出入，哈哈。三味爽脆魚皮 $48開胃嘅前菜，出面已經唔多涼拌魚皮食了，（ 酸辣、香辣、泡椒）！晶瑩半透的魚皮，整體爽口惹味，爽的滑的脆的夠嚼勁的，少麻少辣吊吊癮。仲可以做得出有三味，個人最喜歡的是泡椒，較為特別。麻辣手撕雞 $38雞肉撕成肉絲，再拌入香濃的醬汁，手撕雞啖啖肉好入味，麻辣醬汁配上嫩滑雞肉非常惹味！ 簡簡單單完成的一道小菜, 鹹辣鮮香都包了!蛋餃 $18用蛋皮包制而成的一種美食，餃皮以新鮮雞蛋製成，真材實料，口感細緻，蛋香十足；肉餡則採用新鮮豬肉，風味鮮美，營養豐富，相信小朋友也很愛的料理。有5隻，都幾抵食。煎出顏色均勻完整不破的，味道唔錯啊，好推介呢！【無麵不歡】24小時通宵營業！真係咩時間都食到！我對麵食既喜愛度好高，呢間對我黎講都合格有餘了， 價錢非常平民化又抵食，全部大份又飽肚，款式又特別！ 老闆特意到廣西學師！所以特色麵條來說應該算係好正宗！呢種風味暫時好難係第二度食到！唔好比門口陣味搞到抗拒了，只要踏誰這門口你就會想不到這巷子竟然有令人驚喜的麵食了。俾次機會試下咁特別既【中華私房粉麵】啦！ …查看更多

近排呢間無麵不歡好似好hit咁，晚晚都排哂長龍，所以決定排埋一份睇下係咪真係咁值得食。🍜·叫咗佢地最出名嘅柳州螺螄粉（$48）同宜賓燃麵（$38），同埋一份麻辣手撕雞（$28）。首先要講嘅係佢地嘅麵真係好大碗😂食咗半碗已經好飽！先講下螺螄粉，滿心期待希望可以食到又酸又臭嘅螺螄粉，但結果都幾失望🙍🏻，湯底酸酸地但唔香唔濃；螺螄肉好少好少好少...；如果當佢係一碗普通嘅米線食都唔錯嘅😕。·相反佢地嘅宜賓燃麵好有驚喜😍，燃麵用嘅係蛋麵，滑得嚟充滿蛋香，撈埋佢地嘅汁同肉碎一齊食係幾正😆。佢嘅份量同螺螄粉一樣都係好多，細食嘅人一碗麵加一個小食share食都好夠飽。·至於麻辣手撕雞就無乜特別，同其他地方嘅手撕雞差唔多（覺得厚興x記略勝一籌），不過雞肉稍嚡，勝在性價比高😚！…查看更多

近日發掘了這間隱藏在旺角小街, 吃正宗中國麵線的小店~ 小店把各種特色麵線帶到香港。這裏的座位不多, 所以要早去才不用排隊。餐牌上有多款麵線供選擇, 如果吃完麵還覺得不夠飽, 可以配上其他配料和小食。我認為這裡的食物的價錢親民，而且份量多。//柳州螺螄粉//麵線上配料多, 排得整齊, 只看賣相已經覺得很吸引人。螺螄粉有點兒像米線, 但它比米線粗身少少，質感爽口彈牙。配料有螺螄肉、肉碎、酸豆角、脆花生、酸辣筍、黑木耳、脆腐竹。湯底帶適度的酸辣味, 很惹味。五穀漁粉的配料有鯇魚片、滑豆腐、脆黃豆、蔥花、酸菜、莞茜。這碗麵用上的麵條質感彈牙, 有微煙韌的口感, 好吃! 麵的分量非常多, 好像吃極也吃不完, 它的湯底頗鮮甜的。涼拌秋葵配了一些辣油，很惹味。…查看更多