得閒飲茶

別讓「得閒飲茶」變成空話，畢竟時間不等人天氣凍會令人想睡到日上三竿😴 睡晚了的週末又想「飲茶」，就要到點心店，全日也有點心、蒸飯、腸粉供應，加上不收加一服務費及芥錢，價錢都付在點心上比較有預算。所以太子這邊幾個街口已開了數家不同的點心店，以前吃開的「徐記」不復存在，友人就介紹這家「得閒飲茶」，原來早在2011年已是得獎熱店🥇，十多年過去，仍能屹立於此戰場，靠的是堅持自己做點心，傳統和創新兩邊一直發展。蒸點是我們最多點的點心，一來沒那麼肥膩，二來變化可以很多。牛肉球十分彈牙，難得沒有很重的芫茜味道，加上爽脆的馬蹄粒，口感豐富。排骨肉多骨少，肉嫩味鮮，最好吃是下面的陳村粉，吸收了排骨和醬油的鮮味，而且層層分明，不會糊口蒸飯也很大份量，飯粒剛熟透，不爛也不硬🍚，也是吸收了肉餅的精華——肉餅肥瘦比例剛好，章魚粒如可多些味道會更濃郁🐙。煎炸點心我們試了推介的菜肉包，果真外脆內軟內裡仍留有肉汁和椰菜的甜，能媲美上海餐館的出品。而春風得意腸則是較新潮的點心，炸身包裹在蒸點裡，要保持春卷的脆皮不腍掉，但外層腸粉仍要完整包好實在不易。內餡有少量碎蝦肉外反而有芫茜、粟米、蟹籽，整條卷物對照價錢來說份量略少。在這新舊交替的行業中，能讓年輕一代也對點心有興趣是很重要的。店內這幅七彩壁畫，也許描繪著獨特的香港色彩，原來有些東西永不過時。希望點心及喝茶文化也能傳承下來，尤其是自家製點心的工藝，不要讓內地一式一樣的廠製產品取代，就再沒有創新點心和手工的特色。-陳村粉蒸排骨🍖($27)山竹牛肉球🐮($25)春風得意腸 ($42)京蔥香煎菜肉包 ($26)🐙章魚肉餅飯🍚($42)-得閒飲茶太子運動場道7B號地舖0700-2300深水埗福榮街116-118號地舖元朗谷亭街13號傑文樓地舖0630-2330…查看更多

平日星期一中午12點前嚟到，等左大概十分鐘就入得。店內一半係本地人，一半係遊客。可能由於時間尚早，未算好多人，所以唔駛同其他食客搭枱。首先打頭陣嘅係得獎蝦餃之王$36/4隻餐廳講明蝦餃得過獎，所以嚟得呢度十枱有十枱都會點佢😏。蝦餃飽滿大隻，餃皮唔算好厚，依然透到入面嘅橙色蝦仁；內餡有兩隻大蝦，食落唔會過份地爽，有番少少蝦肉彈牙口感；由於無筍同豬肉嘅關係，食落味道有少少單調、同埋對我嚟講有少許鹹。沙嗲金錢肚$31我自己好中意食金錢肚，但可惜而家部份酒樓嫌製作麻煩而取消呢款點心😫。金錢肚切到大件，炆到好軟淋，沙嗲醬亦無過份杰。千島醬脆皮蘿蔔糕$33餐牌其中一款圖片放大又有手指公嘅點心，炸衣唔厚，可惜蘿蔔糕太軟、無口感，加上千島醬味太濃，完全食唔到蘿蔔糕嘅味。一款主要食千島醬、又油膩嘅軟淋淋炸物，我地兩個都唔中意😥。蒜香蝦春卷$28呢款春卷色彩繽紛，雖然內餡有甘筍同紫椰菜，但唔食呢D菜嘅朋友都表示無問題😏。春卷香脆，蒜香唔會太濃，但略嫌唔係每件都有蝦仁。原籠牛仔骨蒸飯$46呢個蒸飯好大盤!! 夠哂兩個人食。😯牛仔骨用鬆肉粉拿過，所以預左唔會有牛味，但勝在多肉唔會得D骨，又夠淋；至於個醬汁，我食唔出係咩，只覺得撈飯食嘅話，唔及蒸鳳爪排骨好味🙈陳村粉蒸排骨$27呢個點心望落普通、色水又唔靚，但味道卻好好😋。排骨多肉又軟淋淋，下面D陳村粉夠滑之餘，又吸左少少蒜香，唔錯。春風得意腸$42最後上枱嘅得意腸，賣相最好。最先食左兩舊嘅我，仲以為有兩款口味😂因為第一件有蝦、茜芹味，第二件無蝦無茜芹、但有粟米。食多件先發現原來全部一樣，只係材料唔均勻…🤦整體影相好睇，但味道一般。雖然每款點心單價唔平，但茶錢$6/位，加上全日免加一，我地兩個人飽到夜晚7點都只係$255，性價比都算唔錯。注意餐廳好似只收現金。Openrice好煩，成日唔批食評，話有優惠要申報😑 自費架，無優惠呀！D…查看更多

點心店林立，亦都好多選擇，所對鍾意食點心嘅人來講係開心嘅。由於3點茶樓飲茶好快落場，所以選擇食點心專門店。🏮椒鹽香脆魷魚鬚炸粉唔夠薄，椒鹽味唔夠重。🏮醬皇蒸鳳爪咸左啲，鳳爪都大隻同腍嘅。🏮蜜汁叉燒包麵粉鬆軟，餡料豐富。🏮沙嗲金錢肚入味，唔韌。🏮春風得意腸整體好味，賣相都好靚，口感上未夠脆，可能因為腸粉皮太濕了。🏮得獎蝦餃之王皮薄餡淡左少少。🏮山竹牛肉球不過不失。🏮懷舊香菇燒賣乾身啲，偏咸。🏮紫薯流沙煎堆仔無想像中甜，有驚喜，紫薯面脆脆地味道幾夾。🏮香茜牛肉腸腸粉厚身左啲。🏮家鄉鹹水角還可以。氣氛的確無茶樓咁好，但全日免加一，只收$6茶錢，而且味道唔錯。…查看更多

📍得閒飲茶太子運動場道7B號地舖😎🫔春風得意腸 $42🏅🦐🥟得獎蝦餃之王(4隻) $36🏝🥕千島醬脆皮蘿蔔糕 $33🍄懷舊香菇燒賣 $32🍵🥟灌湯京滬小籠包 $28🥓🍚蠟味糯米飯(細) $35今日接女朋友收工，突然興起想食點心🤣於是搵左呢間夜晚都有得食點心既餐廳😋冬天食熱辣辣♨️既點心真係幾爽😆之前喺其他餐廳都食過春風得意腸😎，腸粉包住春卷皮，入面再包住蝦膠，有齊爽滑、香脆、彈牙既口感😆要整得好食，腸粉同春卷皮都要夠薄，然後蝦膠要足料先得😋叫得做得獎蝦餃之王🏅🦐，一定有番咁上下😎皮薄得黎，啲蝦仲要夠大隻爽口🤤小籠包既皮如果太厚就唔好食，太薄又好易穿，漏晒啲湯汁出黎😪而佢地既小籠包就整得啱啱好😍食過煎同蒸既蘿蔔糕🥕，但未食過炸既蘿蔔糕，再配埋千島醬，幾特別😆再食埋蠟味糯米飯，非常滿足🤤燒賣基本上係每次飲茶都必叫既點心，但要整得好食都唔容易🤕好多連鎖茶樓既點心質素都每況愈下，想食到高質既點心都唔容易🥲所以都幾推薦呢間餐廳比大家😋…查看更多

之前有朋友來這裡用饍, 好像吃得津津有味, 所以我收藏了 😁 訂位出了意外, 幸好員工讓我們入座, 而且照舊安排卡位給我們坐 🫶🏻餐廳即叫即蒸, 所以製作需時, 要耐心等候 🙂 正正因為即叫即蒸, 所有食物全部都旦熱騰騰的 🤩 春風得意腸 $42腸粉皮滑, 內含很多餡, 除了大蝦外, 蟹籽鋪面, 還有很多配菜如油炸鬼, 粟米等等, 滿有口感, 甚有驚喜! 😍蒜香蝦春卷 $28外皮炸到十分脆口, 亳無油膩味! 都有不少配料, 雖然比腸粉少, 但都有洋蔥, 蘿蔔, 生菜跟大蝦, 一樣很有口感! 👍🏻千島醬脆皮蘿蔔糕 $33炸蘿蔔糕真的第一次試, 所以除了上面兩個, 這個都是必點點心! ☺️ 外脆內軟, 蘿蔔糕並不粉糯, 雖然非一絲絲蘿蔔, 不過口感跟味道也不俗。灑了大量千島醬, 另加木魚在面, 一吃會有日本感覺 😚紫薯流沙煎堆仔 $32煎堆“仔”這個名字有誤導成份, 大大個, 口感比平時吃的煎堆硬身, 外面帶微微紫薯味, 入面有奶皇流心, 煎堆皮略帶鹹, 入面就有奶皇甜味, 內外夾擊, 多重享受 😬得獎蝦餃之王 $36蝦還是大大粒, 彈牙爽口又鮮甜, 外皮雖然不是非常厚, 但再薄身一點就更理想 🫠 怎樣說都以得獎點心為賣點, 要求比其他點心高很正常 🤓另外還點了其他點心與一個飯, 但未有太特別, 就不多寫了。 唯一要說的就是朋友吃飯時不停說“金鳳米要食多啲” 🙄香菇燒賣 $32黑金流沙包 $36金針雲耳雞飯 $46餐廳免收加一, 但茶錢每位$5, 餐廳雖然不大, 但很乾淨, 又光鮮 😉 用餐時間限時一小時二十分鐘, 十至十五分鐘等蒸點心, 所以大約一小時用餐。由於餐廳真係座無虛席, 限時都理所當然, 大家“得閒”就來“飲個茶”吧~~…查看更多

🐨成日都好想飲茶，但又成日唔願起身，所以成日都飲唔到🤣 久而久之就萌生咗飲夜茶嘅想法，但香港飲夜茶嘅選擇唔多，要搵間平靚正嘅真係唔容易，而得閒飲茶就係其中一間夜晚都可以飲茶嘅點心鋪喇😉得獎蝦餃之王 $36四個字，皮薄餡靚，餃皮晶瑩剔透，食落有啲煙韌，餡料就係滿滿嘅蝦肉，食落啖啖肉，爽口彈牙，果然係得獎蝦餃王🥇沙嗲金錢肚 $31個沙嗲真係靈魂嚟，辣得過癮之餘又唔會太咸，金錢肚份量適中，都幾淋身，但記得食埋啲豆卜，因為豆卜吸收哂啲靈魂沙嗲汁，嚿嚿都係精華所在🤪春風得意腸 $42呢個顏色非常吸睛，色彩繽紛，係一個變奏版嘅炸兩😂 由腸粉皮包住炸米網，蝦肉，粟米同菜等等，面層再加上蟹籽，食落口感係極度豐富😋千島醬脆皮蘿蔔糕 $33煎蘿蔔糕成日都食到，但炸到脆卜卜嘅蘿蔔糕又真係第一次食，外層炸到好香脆，而且炸衣都幾薄，成件事感覺幾好，再配埋軟糯嘅蘿蔔糕，個口感好特別，面層嘅木魚碎增加咗食落口嘅味道，而千島醬就將成件事變得更惹味👍🏻蒜香蝦春卷 $28一共3條完整嘅春卷，用料都好足，每一條都會有蝦，一樣炸到脆卜卜，蝦肉都係爽口彈牙，蒜香味都幾濃，佢仲有啲菜用嚟增加口感同埋味道，相當唔錯😚呢到似主打街坊生意，所以價錢十分相宜實惠，出品亦都對得住價錢，地理位置都算方便，想飲夜茶真係一個唔錯嘅選擇😉…查看更多

得閒飲茶呢個term成日都聽到到底幾時先真系得閒去飲啖茶 食個包🤭擇日不如撞日😎今次去到太子嘅一間小店廢話唔多講 我哋入正題🤪-茶芥 $5/位.Order咗之後等大概10-15分鐘食物就陸續嚟到不得不讚嘅系佢哋所有點心嚟嘅時候都系熱辣辣嘅全部都即叫即整呢點加好多分😆.👍🏿得獎蝦餃之王(4隻) $36佢哋嘅蝦餃稱王 講到咁勁 唔系唔試吖嘛😎餃皮厚薄適中 晶瑩剔透 食落煙韌有咬口😆蝦肉飽滿 爽口彈牙最驚喜嘅系佢帶有少少汁令成粒蝦餃唔會好乾身的確好食 對得住佢個名😎味道: 9/10性價比: 7.5/10.👍🏿春風得意腸 $40賣相幾靚仔😎薄薄嘅腸粉皮捲住一層炸米網軟糯嘅口感中又有炸物嘅香脆中間包住彈牙嘅蝦肉 椰菜 粟米 好似仲有馬蹄 食到有啲爽口嘅嘢🤣口感豐富 食落好有層次感加埋面頭嘅蟹籽點綴色彩繽紛 打卡一流🤭味道: 8/10性價比: 7.5/10.👍🏿千島醬脆皮蘿蔔糕 $33煎蘿蔔糕就食得多啦 炸真系好少食🤭影完相蘿蔔糕依然熱辣辣薄而酥鬆嘅炸衣配搭軟糯嘅蘿蔔糕兩種截然不同嘅口感相映成趣 幾得意😚略嫌外層偏油🙌🏿上面仲落咗千島醬 食落好惹味😛可惜木魚碎同佢唔系好match有種畫蛇添足嘅感覺味道: 7.5/10性價比: 7/10.👍🏿灌湯京滬小籠飽 $28咬開個頂 見到佢勁多湯汁😍大大啖吸完之後再食埋個包豬肉油脂豐富 所以食落真系好juicy濃味得嚟又唔會過鹹餡料整得唔錯包皮…ok再嚟過😂小籠包皮唔算太厚 唔會好易穿但佢唔算話好薄 如果再整薄啲會更加好食好彩餡料夠多汁 所以即使佢個皮厚少少都冇太影響口感整體都系好食嘅🤪味道: 8/10性價比: 7/10.👍🏿黑金流沙包(三隻) $36喺點心入面 流沙包永遠都系史努比必嗌嘅嘢食😚啱啱蒸起熱辣辣搣開奶黃流出嚟個下真系好治癒😍個包夠鬆軟奶黃餡唔會太多太甜食得出鹹蛋黃嘅香味稀杰度正常 唔會太稀太水👍🏿亦有啲沙沙嘅口感可惜咬到一啲明顯嘅鹹蛋黃粒應該系整嘅時候未將鹹蛋黃完全壓碎就mix埋牛油落去食落唔夠smooth呢度扣咗啲分😗但Overall系唔錯嘅🙌🏿味道: 7.5/10性價比: 7.5/10.👍🏿蒜香蝦香卷 $28佢將3條春卷對半 所以睇落有6條春卷炸得超香脆 而且夠乾爽唔會好淋油春卷皮厚薄適中 餡料超級飽滿🤩蝦肉爽口彈牙 夾雜住少少紫椰菜令味道更豐富😚調味亦系啱啱好～唔使點豉油都好夠味真正做到皮薄餡靚🤪味道: 8.5/10性價比: 8/10.👍🏿紫薯流沙煎堆仔 $32煎堆圓碌碌脹卜卜🤭炸得好香口 食落好脆😳個皮煙煙韌韌 幾有咬口不過史努比唔系特別鐘意 因為佢都偏厚中間流心超級熱🤣系奶黃嚟架!真系好邪惡😈味道唔錯 淺嘗就好食得多會好飽好滯😂味道: 7.5/10性價比: 8/10.史努比個肚仔有限 食唔得多😂跟住落嚟嘅review由屋企人provide🙌🏿不過冇評分😛只有性價比.👌🏿懷舊香菇燒賣 $32有蝦餃點可以冇燒賣!皮夠薄 蝦肉彈牙味道唔錯嘅但比較普通 不過不失～性價比: 8/10.👍🏿香煎菜肉飽 $26菜肉飽嘅上下兩面都煎到金黃色 外面香脆 入面鬆軟🤤肉嘅肥瘦比例啱啱好食落好juicy🤭美中不足嘅系餡料偏少 多啲就更加正😝性價比: 8/10.👍🏿沙嗲金錢肚 $31金錢肚煮得夠淋食落惹味得嚟唔會太鹹不過份量唔多 有啲貴豆卜索晒啲沙嗲汁真系精粹🤭性價比: 6/10.👍🏿秘制牛柏葉 $35牛柏葉好爽口 個汁甜甜地幾好食同樣份量偏少 因為佢比咗好多豆卜😂不過豆卜索汁好勁 好食😏性價比: 6/10.👌🏿椰香黃金糕 $20黃金糕一定要趁熱食 凍咗就會變硬就唔好食架啦但啱啱蒸好嘅時候熱辣辣食系唔錯嘅甜甜地煙煙韌韌咁細佬覺得好好食😂性價比: 8/10.仲有兩款糕品系細佬嗌嘅～比個價錢大家做個reference↣ 薑汁千層糕(三件) 20↣ 3.6牛乳太陽蛋 $26呢個其實系布甸嚟嘅🤣-呢間唔收加一服務費我哋嗌咁多嘢人均都系一百鬆啲其實本身唔系嗌咁多嘅 不過叫個幾樣質素都唔錯就決定加單🤭真系食到超級無敵飽🤰🏿整體所有嘢質素都幾好 推薦大家去試下😆.整體評分：味道: 8.5/10環境: 6/10服務: 6/10衛生: 5/10抵食: 8/10回頭率: 8/10-想睇更多關於史努比嘅food diary 歡迎follow IG😚♥️👉🏿 @snoopy._.eating 🙌🏿🙌🏿 …查看更多

😊呢日難得Daddy有空～就『得閒👉🏻飲茶🫖』啦呢間餐廳主打傳統&特色創意點心，所有點心即叫即蒸♨️。用心製作，點心價錢💰又夠親民。老闆曾擔任大酒樓點心部總廚，有30多年做點心經驗。曾經參加香港旅遊發局主辦既比賽「2011美食之最大賞」榮獲至高榮譽金獎、甜品創意大獎、蝦餃之王美譽。最近更獲得香港著名飲食傳媒﹣飲食男女，Yahoo Food 採訪。 聽完當然即時聞風而至啦^^果然有驚喜，非常有創意的…查看更多

得閒飲茶😋😋😋店名真係名副其實「得閒飲茶」帶點懷舊色彩、仿古色檯椅、牆掛一張懷舊色彩的香港風景、望落去好懷舊港式茶居、配上現代化的即叫即做嘅點心賣點！最緊要食物cp質素極高、廚師細心構思、創造新配搭👍🏻👍🏻紫薯流心煎堆仔、外層嘅紫薯包裹着流心蛋黃、炸成煎堆仔、圓碌碌、鬆脆、紫🍠味香、內含流心蛋黃汁、外脆內軟、好juice!春風得意腸、香滑的米薄皮卷著脆脆雲吞皮、腸粉內仲有鮮蝦、好精緻、好好味！😘黑金流沙包、竹炭的黑、食用金色沾上包面、吸引我的眼球、黑暗中發光、加上內含流沙旦黃汁、超juice! yummy yummy 😋😋#中式點心#飲茶#cp值高#得閒飲茶太子運動場道7b號地鋪港鐵太子站A出口、步行2分鐘…查看更多

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻👍🏻📸打卡指數： 👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻咁岩得閒，所以去左''得閒飲茶''食點心傳統高質點心。想知道又靚又好玩地方?    fai.lok.mode仲會係社交平台分享相片同攝影心得 ______________________________ 第一次黎，都係叫"餐廳推介"就最好，得獎蝦餃之王  ( $34 )可能心理作用，見到佢有得獎過，好似都特別好食，皮薄餡靚，推介。香茹燒賣  ( $28 )燒賣大大粒，肉餡都好實淨，好抵食。春風得意腸 ( $38 )春風得意腸 就係腸粉包住春卷，上面放左少少蟹籽，中間個春卷蝦餡都大隻。龍蝦湯鮮竹卷  ( $31 )本身係因為龍蝦湯汁，所以先叫鮮竹卷，但淨係點龍蝦湯，個鮮竹卷無咩龍蝦湯味，要淨飲龍蝦湯汁先有味。千島醬脆皮蘿蔔榚 ( $30 )雖然好新穎配搭，但感覺唔係好夾，有啲失色係個脆皮炸得少少硬同乾。牛仔骨蒸飯  ( $44 )鍾意食牛的朋友仔要必點，fai.lok一般飲茶食點心，都會叫一個飯，牛仔骨蒸飯就真係好少有，牛仔骨煮得一點都唔韌，肉質鮮嫩。fai.lok小總結:二百幾蚊兩個人飲茶，食得好滿足，餐廳好多新穎點心，值得一試!…查看更多

成日同人講🗣得閒飲茶啦❗真係估唔到真係有間店叫「得閒飲茶」🤣 好多老一輩👵🏻👴🏻都鐘意飲茶，但年輕既一代👧🏻🧑🏻未必鐘意去酒樓飲茶☕，而依間餐廳主打傳統及特色創意既點心，我哋去個日仲有啲學生係度食，所以啱曬所有年紀既人去👵🏻👴🏻👧🏻🧑🏻 同埋，我哋去個日係平日，而且過左食lunch 🕓 時間去都好多人🥵 整體服務質素幾好👍 點心都好有質素架⁉️ 老闆曾經係大酒樓做過點心部總廚，而且依間餐廳既食物獲得唔少既獎項，例如: 「2011美食之最大賞」﹣榮獲至高榮譽金獎🏆、甜品創意大獎🏅、蝦餃之王美譽🏅 ==============================🏅得獎蝦餃之王 💲34 蝦餃皮薄，而且都幾煙韌，餡料爆滿，每隻蝦🦐都好彈牙👍🏻 名副其實既蝦餃之王👑 🥟灌湯京滬小籠包 💲26一咬好多湯汁流出嚟😍😍 而且夠熱同好清甜👍🏻小籠包既皮厚度適中，入面既豬肉肥瘦適中👍🏻🥢春風得意腸 💲38依款菜式好特別，似平時食開既炸兩腸，但依款口感及餡料更加豐富😍 最外層係腸粉皮，第二層係脆米網，應該係即叫即炸，因為都幾熱同好脆口👍🏻最入面有蝦🦐、椰菜🥬、粟米🌽 頂層仲有蟹籽😍 🥢千島醬脆皮蘿蔔糕 💲30依款好有日本feel😂😂 最上層有木魚🤤🌬，如果千島醬份量多少少就好喇～😍 同埋炸得好脆😋蘿蔔糕都幾足料，咬落真係有一條條既蘿蔔絲🥕係入面 🌼 3.6牛乳太陽蛋💲25蛋黃係啫喱製成的，而蛋白係奶凍，食落唔太甜，牛奶味🥛都幾濃同埋好滑🤤，整體係幾特別🤩 ⭐ 茶位每位💲5 …查看更多

好耐冇食點心 諗住去食一點心 但係實在太多人排隊所以果斷放棄🤣去咗食隔離嘅呢間 得閒飲茶🤭排咗一陣就入到去～呢間嘅點心都係即叫即蒸 全部熱辣辣😛😛而且茶位都係$4一位 又唔使加一 好抵食!▪️得獎蝦餃之王 $34👅：8.5/10蝦餃絕對係飲茶必叫😍😍呢間嘅蝦餃非常出色皮好薄 好煙韌 隻蝦好大隻飽滿同爽口調味亦都啱啱好▪️醬皇蒸鳳爪 $23👅:6.7/10調味偏辣 但係好惹味好入味 鳳爪都蒸得好淋份量同普通茶樓差唔多 三四隻左右▪️灌湯京滬小籠包$26👅:7/10個皮好煙韌而且唔會好厚 唔會食落成口粉嘅感覺一咬開啲湯汁全部流晒出嚟😍 好有鮮味入邊嘅肉肥瘦適中 食到好香嘅油脂味▪️黑金流沙包$33👅:9/10俾佢賣相吸引咗😍好吸引呀😆一咬落去熱辣辣嘅奶黃餡即刻流晒出嚟～個餡好好食 好香鹹蛋味▪️春風得意腸$37👅:7.5/10個名好搞笑😂其實就類似炸兩腸粉 腸粉入面包住油炸鬼 入面再包住蝦肉～口感非常豐富 油炸鬼非常脆口 蝦肉亦都非常彈牙👏🏻▪️千島醬脆皮蘿蔔糕 $30👅:7/10外脆內軟😍蘿蔔糕炸得好香脆 另外仲食到啲蘿蔔絲 好有口感 唔似平時茶樓嗰啲蘿蔔糕咁將蘿蔔絲全部搞碎🙈再配上千島醬同木魚絲 有少少覺得自己食緊章魚小丸子嘅感覺🤣🤣兩個人去食 平均一個人$100都唔使!! 好抵食👅📍得閒飲茶 太子運動場道7B號地舖元朗谷亭街13號傑文樓地舖…查看更多

成日同人講 「得閒飲茶」🫖今日真係去 得閒飲茶·Let’s YUM CHA 嘆點心🧆4個人，叫左一人一盎燉湯+成檯點心🧆蝦餃，燒賣，黃金糕，蘿蔔糕，龍蝦汁鮮竹卷，椒鹽魷魚鬚，兩款腸粉！！蝦餃，燒賣基本上是飲茶必點之品，「得閒飲茶」做得出色，皮薄餡靚，絕不似茶樓機做之感👍🏻👍🏻最有特色的是千島醬脆皮蘿蔔糕🤤外脆內嫩，食到一絲絲蘿蔔，一上檯熱辣辣食的話，口感最佳，忍唔住食完又食，叫左兩碟，所以一定要試脆皮蘿蔔糕🌟🌟🌟🌟最後叫左個3.6牛乳太陽蛋甜品作結，完美🌹❤️據說蒸飯都好食，但今天以點心為主，留待下次試😌…查看更多

點心店傳統同特色創意點心都有🤣所有點心即叫即蒸，價錢又平民化。茶位都係$4/位，又免加一，佢地既蝦餃仲有「蝦餃之王」既美譽。中午唔知食咩好，又好耐冇食點心，就黎左飲過靚茶🤣。-💕得獎蝦餃之王 $32💕黑金流沙包 $32💕春風得意腸 $37💕千島醬脆皮蘿蔔糕 $30💕牛仔骨蒸飯 $44✨茶位$4✨免加一-💕 得獎蝦餃之王👅好味指數：7/10蝦餃整粒都好飽滿，皮厚薄適中煙韌口感，蝦比一般店既大粒小小調味都剛好。-💕 黑金流沙包👅好味指數：9.5/10拍片滅開既時候都估佢唔到會爆汁🤣🤣❗️嚇到我彈左彈😂🤣🤣真係熱辣辣，即叫即整❗️滅開仲岀哂煙☺️香甜奶黃餡，完全冇顆粒感，必食‼️-💕 春風得意腸👅好味指數：6.8/10創意作春風得意腸用傳統腸粉皮，包住脆米網、蝦、粟米、粒粒蟹子，脆卜卜口感係幾正既，有啲似日式炸蝦卷但如果唔加粟米，將佢整成一個真係中式炸蝦卷咁反而更好更吸引😆-💕千島醬脆皮蘿蔔糕👅好味指數：8/10有小驚喜😳！外型柴魚加上千島醬真係做得好似章魚小丸子🤣外層香脆口感😳，又唔會過厚，配埋千島醬同柴魚，不諗口感真係似食緊小丸子咁🤣蘿蔔糕內仲食到小小既蘿蔔絲，並唔係完全攪溶反而更有口感😳不錯！-💕牛仔骨蒸飯👅好味指數：9.8/10依個真係驚艷到我❗️以為個飯好細，點知都中size ，食完點心食佢真係飽飽地😂牛仔骨份量都多，味道足夠惹味！肉質鮮嫩，黑椒味香，味道就似中式牛柳咁用荷葉做底，嫩肉牛仔骨加上香辣黑椒汁，再配上荷葉嘅香味，真係好值得一試‼️-環境：7/10服務：5/10整體味道：7/10回頭率：7/10…查看更多

🦈 蟲草花魚翅灌湯餃 $32💯 評分：🌕🌕🌕🌕🌗 (4.5/5)💬 蟲草花爽脆有咬口，亦食得到有少量嘅魚翅。灌湯餃皮薄、餡料味道都唔錯，啲湯喺個盅入面熱辣辣，唔太鹹飲晒都唔會口渴。😚🦐 得獎蝦餃之王 $32💯 評分：🌕🌕🌕🌕🌕 (5/5)💬 水晶外皮薄得嚟不失煙韌口感，內餡飽滿十分足料，更加入咗原隻蝦仔製造出豐富嘅層次。😄🥟 灌湯小籠包 $26💯 評分：🌕🌕🌕🌕🌑 (4/5)💬 湯汁不出所料地多到一咬就噴出嚟，皮都夠煙韌唔會一夾即爛。豬肉粒肥瘦尚算均勻，食落有滿滿肉同油脂嘅香味。😌🥐 黑金流沙包 $32💯 評分：🌕🌕🌕🌕🌕 (5/5)💬 賣相非常吸引，「烏卒卒」啱晒影相打卡！奶黃餡頗流心仲熱辣辣，一咬落去即刻爆汁，細細個食完都唔覺得膩。😍🥥 椰香黃金糕 $20💯 評分：🌕🌕🌕🌕🌑 (4/5)💬 口感煙韌彈牙，散發淡淡椰香，食落甜而不膩。😉🍤 春風得意腸 $37💯 評分：🌕🌕🌕🌕🌕 (5/5)💬 腸粉皮既薄又夠濕潤，包住有蝦等嘅脆卜卜內餡，上面仲有啲蟹籽令口感更添層次。😋🥬 白灼菜芯 $19💯 評分：🌕🌕🌕🌑🌑 (3.5/5)💬 菜芯相當新鮮，條條都水份充足。😃🥕 千島醬脆皮蘿蔔糕 $30💯 評分：🌕🌕🌕🌕🌑 (4/5)💬 蘿蔔糕入口即溶，外皮香脆熱辣辣，配上千島醬酸酸甜甜，既開胃又具滿足感。🤤…查看更多