堅信號上海生煎皇 (軒尼詩道)

早聞此店雖則是明星開的，負評亦然不少；然而見到有這麼多分店，我們一意孤行，抱著即管一試的心態，吃個午餐。灌湯小籠包就是普通不過的小籠包，絕對不多湯。反而生煎包果然是爆汁的，包底煎得脆是很脆，奇怪的是包面是凍的，店員還聲稱是剛煎出來，小心燙口！上海粗炒似是翻叮出來的貨色，端上桌未幾經已凍晒，難以置信！結果成為一碟油膩到不堪的粗炒，麵條又油又硬，雞肉條及菇片更是此中難尋，最多的就只有椰菜！擔擔麵較為正常，花生味彰顯，上海麵亦滑，只不過小辣等於唔辣而已。可是所謂的秘製豬扒卻完全不是那回事：外表似港式叉燒，吃下也是叉燒，更有兩件咬不開，靭到無命，到底想點？勇於嘗新的我們要了一罐首度相見的宇宙清爽梳打，一試究竟。原來這罐東西是青瓜味的，說明有薄荷，卻又飲不出，離奇古怪，千奇唔好嗌！直接體驗了「明知山有虎，偏向虎山行」的道理！…查看更多

午市套餐有多款選擇，是麵/飯配小食和一杯飲品(部份飲品需加錢)，亦可以不配飲品。今次點了擔擔麵和兩個小籠包，飲品不要。擔擔麵選了小辣。味道不怎樣辣，花生醬/麻醬味偏淡，花生粒也非常少。並不合我的口味。小籠包熱烘烘，皮薄而略有湯汁，算好吃。我沒有點任何飲品。服務中規中矩，環境尚算舒服。下午一時亦未見排隊人龍。…查看更多

同事之前黎過, 今日終於輪到我了.午餐時間有套餐. 包兩粒小籠包. 一個主食同一杯飲品. 我叫左呢個秘製豬扒菜飯$70, 飯order左小飯但都超大碗, 有嚇到.秘製豬扒甜甜地. 好好味. 重點係一d都唔un. 好林.  個菜飯都幾多菜. 但點解少飯都咁大碗. 正常size究竟有幾大碗?套餐內包的小籠包, 呢個等得比較耐, 即叫即蒸, 有晒煙夠晒熱. 小籠包內有湯汁. 食時除左要小心熱之外, 重要小心佢的湯汁會爆出黎.味道不錯而且皮唔算厚. 幾推介.同事超推介呢個生煎包, 套餐可以加$16就有兩隻. 若果normal 一碟係有四隻.睇落去平平無奇, 點知一咬落去. 裡面的汁爆到我d頭髮同個身都係.. 真係好彩身邊無人坐. 咪真心好大鑊. 生煎包其實同小籠包好似, 只不過一個蒸. 一個煎. 同樣係好足料. 個皮都好薄.但大家第日食時真係要小心食.同事叫左擔擔麵套餐, 但男同事話呢個份量就算再加生煎包都係唔夠飽. 另一個就單叫酸辣湯麵, 呢個係無餐. 所以唔夠食就要再加其他小食同飲品. 總結, 食品不錯. 但食飯時間坐位都會幾迫. 同埋食完就即收搭碗碟.  坐唔耐. …查看更多

新開張門面企理，加上大大個餐牌貼門口，本來想買外賣返公司又唔知食乜，見到即刻過去睇下。買咗個擔擔麵餐，有個小食加杯熱綠茶，外賣$62，比錢時見佢啲座位都唔會好迫。買完先知用App order 單點餐牌食物有85 折… 佢有個窗口專攞外賣，好在收銀員見我傻下儍下企喺門口等，提我過去窗口攞，都唔算等得耐。個擔擔麵質地比較濕爽，而且分湯放，唔會淋晒，個醬都幾多肉碎。小食揀咗紅油韭菜餃（兩件），辣香加韭菜，好味！可以外賣預點，下次要試吓生煎包！…查看更多