Parallel

暴風雨前夕去左依間食半自助餐，餐廳光線柔和，裝潢簡約。前菜海鮮美味，主菜幾有新意，整體唔錯，活動包場仲有9折。半自助晚餐 $325/位粟米忌廉湯忌廉湯順滑，粟米味清甜。湯碟有預熱，保持湯熱度，好有heart。前菜自助吧有沙律、前菜、冷切肉盤、煙三文魚、芝士、青口、翡翠螺、白蝦。當中以軟滑的煙三文魚、彈牙鮮甜的翡翠螺和白蝦，我最為喜愛，配埋雞尾酒醬鮮味提升，好味好味。鹹蛋卡邦尼QQ彈簧麵近期大熱的彈簧麵終於嚐到，口感彈牙，醬汁濃郁，有鹹蛋醬加持鹹香惹味，配料有蘑菇和煙肉碎，豐富了口感，味道唔錯，二人分享無咁膩。意式開心果芝士醬長通粉配布袋流心芝士主菜用上開心果醬實在太前衛，長通粉煙韌且掛汁，有淡淡的果仁香，味道鹹甜滋味。再切開布袋芝士，奶香四溢，令整體更creamy。飲品奶茶和檸水正常發揮~…查看更多

今日難得朋友生日，約佢來到觀塘apm隔壁嘅1亞太中心 3樓嘅parallel食生日飯。之前食過parallel嘅lunch，發現性價比高，店員服務態度良好，於是今次book定檯（因為餐廳座位唔多），試下佢嘅dinner semi-buffet。前菜（⭐️⭐️⭐️⭐️⭐️）前菜選擇沙律居多，沙律菜新鮮爽脆多汁，顏色鮮豔吸引，營養價值十分高，有多款新鮮蔬菜任君選擇，包括一些比較少機會食到嘅蔬菜，例如：紅菜頭、黃瓜。濃郁creamy一點嘅有唔同嘅pasta選擇，有長通粉、意大利粉，意粉食落煙韌，醬汁份量適中，creamy得來配合火腿都好開胃！餐廳仲提供大量新鮮原片/原粒芝士配搭各種食材，芝士奶味濃香，creamy感十足，配合煙三文魚又可以中和三文魚的鹹香味，同時凸顯三文魚滑溜溜的口感。煙三文魚質素到位，油香感十足，每一片厚身富口感，搭配沙律菜、意粉亦可，簡直就係考驗你的創意去創作出新配搭，新口味。另外，餐廳亦提供唔少新鮮冷盤海鮮，例如：青口、翡翠螺、白蝦，可以自由加入檸檬汁、辣椒醬，提升鮮甜味。奈何食完沙律同主菜後已經飽到冇空間食海鮮，只好等下次再黎食過。南瓜忌廉湯（⭐️⭐️⭐️⭐️⭐️）忌廉湯香滑打磨得細膩，不會有粉狀形成，南瓜同忌廉比例適宜，互相配合製作出淡淡清香南瓜又滑膩的口感。最暖心係上菜是店員千叮萬囑唔好掂到碟邊，因碟子也預先預熱，不會分薄熱湯的溫度。意式開心果芝士醬長通粉配布袋流心芝士（⭐️⭐️⭐️⭐️⭐️）近年流行開心果食品，餐廳近日推出新作品，用開心果打磨成意粉醬，作為開心果控必定要試試。開心果味非常濃郁突出，雖則主要用作甜品食材，但甜度不會太高而影響整道菜的柔和感，跟芝士的鹹香，形成鮮明對比。芝士切開後慢慢流出，長通粉蘸上芝士令醬汁更濃稠，果仁跟芝士的配搭又幾特別！煙燻伊比利豚肉配牛油飯（⭐️⭐️⭐️⭐️⭐️）店員有儀式感地慢慢打開蓋子，豚肉已吸滿木氣，幽香中令人彷如置身北歐燒烤的情境，微灼的表層令人食指大動，見到豚肉已經流出誘人嘅肉汁，即刻忍唔住要食！伊比利豚肉軟熟口感像半肥瘦叉燒，精髓在於見好就收，粉紅色肉質係嫩滑嘅象徵，朋友都食到讚不絕口！~~~~~~~Parallel 觀塘觀塘道414號1亞太中心3樓302號舖👍出色味道👍地點方便👍環境舒適…查看更多