九十番地居酒屋

屋企人同我講原來君怡酒店入面有間日式料理，想去試下。我地就搵日放工一齊去試下。串燒（五花腩、牛肋肉、雞頸肉、雞翼）五花腩油脂幾豐富，但又唔會覺得好油膩，而入口覺得好香滑，仲有啲煙燻香味。牛肋肉都幾大塊，牛味幾濃郁。雞翼外脆內軟，雞皮燒得香脆好好食。雞頸肉肉質同味道都好唔錯！牛油果軟殼蟹反卷每一件反卷上面都鋪滿牛油果，賣相好吸引。軟殼蟹炸得酥脆同香軟醋飯口感形成強烈對比！一入口都有好重牛油果香味，岩晒鐘意食牛油果既朋友！青蘋果乳酸梳打清新爽口，酸甜平衡，唔會太甜或者太酸。青蘋果味都幾突出，都幾好飲。熱情果乳酸梳打顏色清新好吸引，口感同樣清新爽口，熱情果味香濃。山口縣瓦片牛肉蕎麥麵蕎麥麵底部煎成一大塊香脆既麵餅，所以要用刀將佢切開先得，都幾特別！之後再沾上蕎麥麵汁食就更加好食！牛肉牛味都幾濃，份量都唔少。燒明太子味道鹹香配埋青瓜一齊食，就可以岩岩中和到明太子鹹味。鰻魚壽司鰻魚色澤幾靚，口感唔錯幾滑嫩，醬汁味道香濃，醋飯味道微酸，夾埋一食好好食！…查看更多

復活節留港消費，帶媽咪爹哋食呢間酒店入面嘅居酒屋🏮門面佈置充滿燈籠，仲有隻黑色招財貓餐牌比一般居酒屋更多選擇，眼花撩亂▶️ 雜錦刺身沙律 ($108)唔係講笑，刺身同沙律比例接近一比一刺身係各式各樣魚類🐟食落新鮮唔韌另外仲有玉子蛋、車厘茄、青瓜沙律醋汁帶山葵味🥗清新又配襯沙律菜▶️ 胡麻醬魚生米紙卷 ($68)近排興用米紙做新穎嘅菜式呢度將米紙取代米飯，包住玉子蛋、蟹柳絲、青瓜、魚生米紙又黏又韌，成個口感好唔錯👍🏻簡單配上芝麻醬已經好夠味絕對係輕盈版壽司▶️ 月見元貝燒 ($48)月見免治雞肉串就見得多，配帆立貝真係第一次見元貝燒至全熟，size有返咁上下蛋黃漿狀可以黏住香蔥略嫌調味淡咗啲🤏🏻如果加返少許醬油會更好▶️ 大蔥雞肉串 ($32)|日本雞肉 ($26)雞肉整得啱啱好🐔又香又juicy仲要冇雞皮冇肥膏大蔥咬落爽脆且香口，照燒汁惹味▶️ 日本雞腎 ($26)咬落爽彈，不過可能自己食唔慣內臟，覺得有啲臭味😀▶️ 薄牛肩 ($38)呢個有驚喜！入口超軟腍又重牛味配合燒牛肉汁，好正🐂▶️ 番薯天婦羅 ($88)一客五件，天婦羅粉薄薄一層可以點鹽同埋有白蘿蔔嘅汁，減去油膩感🍠▶️ 牛油果軟殼蟹反卷 ($108)賣相唔錯，一客六件一片片牛油果勁熟，有牛油果香之餘口感creamy🥑另外配上蟹籽同沙律醬唯一係軟殼蟹比預期細，同唔夠香脆▶️ 山口縣瓦片牛肉蕎麥麵 ($138)✨特式菜✨綠色嘅蕎麥麵預先炒過再煎香，呢個製法都係第一次食本身蕎麥麵彈牙煙韌，煎完之後脆脆地似飯焦口感😍牛肉份量慷慨，好腍，調味似韓式醃牛肉加上雞蛋絲同紫菜碎作點綴鍾意可以將蕎麥麵點豉油食，係另一番風味個人覺得呢個菜式好值得試❣️完全改變我對蕎麥麵嘅認識▶️ 啤酒 ($19x2)七點前落單做happy hour優惠爹哋見咁抵，一次過飲咗兩杯🍻-三個人叫咗十樣嘢好夠食最難忘一定係 「山口縣瓦片牛肉蕎麥麵」✨前菜同串燒都做得好唔錯環境有feel，周圍嘅裝飾好昭和風🇯🇵服務態度幾好，侍應醒目有禮貌，上菜又快手性價比高，用openrice book枱可享85折，加一後平均$250/人，抵食！…查看更多

平時去酒店食飯通常一般價格都非親民 有次意外發現原來呢間居酒屋就腳又選擇多 魚生壽司夠新鮮極力推薦❣️ 本鮪中拖羅（2切） $118脂肪比例高 恰到好處嘅魚油脂非常甘香 肥瘦程度介乎赤身同大拖羅之間 啱晒啲初嘗者❣️ 本鮪大拖羅（2切） $148極粉紅嘅大拖羅油脂超重 似雪花般入口即溶 魚味濃厚而不膩 神級滿足🐟❣️ 師傅發辦壽司（5點） $158今日師傅準備咗油甘魚 帆立貝 本鮪赤身 鰻魚 深海池魚🍣件件新鮮 晶瑩剔透十分吸睛 最正係油甘魚肉質甜美 脂膏豐腴 油脂充斥整個口腔❣️ 雞軟骨 $16脆卜卜有咬口嘅雞軟骨略略調味燒香 簡簡單單就已經最好味❣️ 鮮冬菇 $18冬菇燒過之後水份滿瀉食落好juicy 加埋燒汁同木魚碎相當香甜🍄‍🟫❣️ 薄牛肩 $38高溫烹調過嘅牛肩柔嫩而美味 冇用太多調味料去醃製 保留原有牛味 鮮味而多汁❣️ 大蔥雞肉 $32雞肉相當入味而大蔥燒過之後更加香甜 嫩滑雞肉加埋清甜嘅大蔥非常match❣️ 山海鍋 $218本身個鍋已經有好多蔬菜 加上大大盤豬雞魚同蠔粒 份量絕對大方 鯇魚肉鮮甜爽脆 而蠔粒洗得好乾淨 超級抵食❣️ 山口縣瓦片牛肉蕎麥麵 $138山口縣當地特產嘅瓦片蕎麥麵估唔到香港都有 炒香咗嘅蕎麥麵恍似脆餅 撘配肥牛一齊食超好味❣️ 熱情果梳打 $38香甜嘅熱情果味加入氣泡水嘅衝擊夠fresh夠解膩🍹…查看更多

成日去尖沙咀嘅我，最近發現咗君怡酒店入面有間新開嘅居酒屋，真係一試愛上！入門口已經充滿日式氣氛，掛滿咗燈籠，仲有隻巨大嘅招財貓迎接你，好有Feel！ 松葉蟹肉三色杯 🦀一上枱已經超吸睛，松葉蟹肉同埋三文魚籽放係隻水晶杯入面！蟹肉新鮮鮮甜，加埋外形飽既滿三文魚籽，口感層次分明，輕輕鬆鬆就食哂～ 師傅發辦壽司（5件）🍣每件都好有誠意！魚生新鮮，拖羅油脂豐富，飯細細舊唔怕太飽肚 串燒 🍢（大蔥雞肉 / 菠蘿 / 雞翼 / 秋葵）必點菠蘿串燒，菠蘿表面以焦糖燒過，甜甜酸酸，仲有少少燒焦嘅香味。雞翼又嫩滑又juicy，外脆內嫩亦都幾好食 壽喜燒牛肉鍋 🍲天冷必食！壽喜燒湯底香甜濃郁，牛肉有足足一大碟，吸哂湯汁嘅精華，配埋啲蔬菜，食完暖哂個胃山口縣瓦片牛肉蕎麥麵 🍜呢個都好正，我都係第一次食！蕎麥麵個底輕輕煎過變得脆身，而且用瓦片上碟有助保留麵既溫度，配埋牛肉點埋的汁一齊食，食完一啖又一啖 飲品 🍹：熱情果乳酸梳打，野梅梳打 refreshing level 💯 唔會太甜成杯飲落去好爽口甜品 🍨： 水鏡餅 🥮水晶餅好靚，清甜又唔膩 綠茶雪糕 🍵🍦抹茶味道濃郁，簡單但好滿足總結 🌟：呢間居酒屋每款菜式都好有心思，氣氛又正，CP值高！好啱放工同朋友一齊聚會～下次一定再嚟試其他菜式！🍣🍶✨…查看更多