同b🐷講左咁耐要去大角咀搵食，今日終於順路入去呢個美食天堂🤪原本我地既正餐係朝住一間台式餐廳進發。豈料到我地買完雕魚燒，見到隔離有一間好具風味既菜式既餐廳🤔原本係福建家鄉菜 - 好姐永安粿條🤭。1. 招牌活肉 (4.5/5) $59擺盤用隻鐵碟分開放肉，旁邊就一大碗湯粿條，風味非常，見到都想試😳 肉既分量都唔少，又大塊，絕對夠送成碗粿條🫶活肉即係豬臉肉，肉質非常嫩滑得嚟又爽脆，肥瘦均衡，仲有佢個辣豉油都超開胃。列入encore之選呀🫰。2. 家鄉扁食湯（平使）(4/5) $38湯裏的紫菜配芝麻等香料，再加上扁肉餃浸出嚟既肉油令湯底相當濃郁美味😳扁肉餃都一粒一口香肉，忍唔住一粒一粒咁拍曬入口，需要按制自己進食速度🤣如果你鐘意食莆x的招牌扁肉湯，相信好姐既扁食湯一定唔會令你失望😎。地點：相信大定都知大角咀唔係沿線地鐵站，不過唔緊要，旺角有大量小巴入去，就算係朗豪坊行過去都只需15分鐘。要搵好野食係要負出少少代價😜。環境：坐位都闊落，枱與枱之間唔會太逼，係實力派風味裝修。價錢：小編覺得招牌動肉呢個價錢有呢個味道同份量係相當抵😋其餘食身價錢都很合理！服務：店員好明顯係餐廳老闆，超級落力，效率很高，溝通十分良好！小店經營值得支持！🤘…Read More
