極尚大喜屋 (銅鑼灣廣場一期)

久唔久都會同屋企人及朋友食下放題，首選梗係人氣日式放題店「極尚大喜屋」，款式選擇眾多之餘，座位寛趟，坐得舒服。我同友人訂了晚上19:45的座位，到達餐廳門口時已經好多人排晒隊🤪放題唔同時段唔同價錢的🥰🔸️午市 $238起，長者有88折優惠 (任飲任食3小時)🔸️晚市 $258起 (任飲任食2小時)我地預訂的時間是 2小時自選時段晚市放題 $298/人入座後，scan QR code落單，好方便👍🏻放題食物種類好多款式，包括刺身、創作刺身、壽司、創作壽司、火炙壽司🍣、手卷、卷物、一品料理、炸物、天婦羅、燒物、串燒及煮物等。除此之外，近門口位置有自助區，提供沙律🥗、前菜、冷盤、熱食、生果🍉🍈、甜品、雪糕、雪條、冷熱飲品等，仲有清酒任飲🍶🔹️創作刺身、刺身 有15款之多，有柚子海蜇、魚子柚子醬章紅魚薄切、泰式虎蝦、三文魚、油甘魚、池魚王、帶子、大赤蝦、甜蝦、赤貝、馬刀貝等，全部都厚切又新鮮，真係不斷encore‼️🔹️創作壽司、火炙壽司、壽司 款式多左，而且食材用料比較貴價，例如海膽三色塔、鵝肝壽司、黑松露油金魚腩、醬油漬左口魚邊等，全部都好精緻，細細舊就唔怕試多啲唔同款式啦🤩🔹️手卷、卷物都值得一試，我叫左海膽和拖羅蓉手卷，細細舊的手卷，一啖可以放入口之餘，又唔怕會太飽。🔹️一品料理我點左黃金軟殼蟹、金湯燴花膠、避風塘瀨尿蝦、瑤柱燴節瓜、花雕醉鮑魚、燒乳鴿全部都好美味🫶仲有海燕窩椰汁燉木瓜，原盅木瓜上桌，好滋潤，必食之選‼️🔹️炸物、天婦羅炸物有芝麻雞翼，脆炸貓山王等🧆天婦羅方邊有蝦🍤、南瓜、帝皇蟹棒、甜蕃薯仔🍠，全部都好喜歡吃🤭🔹️燒物、串燒 🍢燒物有羊鞍🍖、蒲燒鰻魚、比目魚西京燒等；串燒有鹽燒牛舌、翠玉瓜及燒菠蘿😋燒菠蘿甜度好高🍍仲有仲有，好多人叫極品金枕頭榴槤燒，聞到濃濃的榴槤味😂🔹️煮物必點‼️極尚龍蝦湯海鮮鍋、鮑魚皇帝蟹皇粥，呢2款食落真係好鮮甜，唔會好大鍋，唔怕霸住左個肚的位置👍🏻👍🏻😂🔹️甜品有多款蛋糕、雪糕🍨及雪條，仲有Häagen-Dazs任食，回本之選❤️🔹️飲品自助區自取，有清酒、自家製樽裝茶、汽水、仲有熱櫃放著飲品，照顧唔同人的需要🫶總結，放題食物種類眾多，新鮮又好味🤩餐廳毫不吝嗇，好快補上食品，上菜又快，性價比好…查看更多

因為返夜8點先開工，同朋友去食個放題先，食飽好上路🤣🤣🤣就返工地點，所以揀咗銅鑼灣廣場嘅大喜屋。我哋大約5:00到，但原來星期一至四係5:30先開餐，星期五，六，日嘅晚市先係5:00開始。好彩有個伴同我傾住計等，陸續就好多客人到，所以下次食除非早早到排隊，否則一定要先book位（其實唔係我哋唔book位，係下午打去俾人cut咗線，sad）準時5:30入座。出面有飲品，小食，少量熱葷，甜品，生果。啤酒，米酒，梅酒任飲。因為之後要返工，飲咗少少，不過都幾好飲。另外一枝枝嘅冷泡茶都唔錯。食物方面，刺身同壽司，種類多，都新鮮，上餐快。推介迷你手卷，細細件好可愛，一啖一件唔怕食滯。串燒都好好食，燒牛舌，雞翼，菠蘿，真心推介。另外炸榴槤丸都好好食，好似炸糯米糍咁，中間有榴槤，軟糯香甜。…查看更多

🌕Hello我係Moon🌕話說都有一排，冇食放題啦！😂見到放題關注組有講到依間放題有乳鴿任食，😝燒乳鴿依樣嘢向來都係中菜，餐廳會見到，🤪估唔到原來放題都可以有乳鴿任食！😎即刻拉大隊一齊去食吓佢嘅乳鴿先！😏食乳鴿之前梗係要做返個例行公事，😍嗌啲刺身食㗎喇！🥰冷盤 刺身，走唔甩㗎喇！😉刺身方面我都幾鍾意佢嘅三文魚刺身，新鮮之餘仲好香魚油味！😌食完刺身，乳鴿就啱啱好到！😗我哋嗌咗幾隻試吓先，😛因為怕放題啲乳鴿可能會唔啱胃口呀嘛！😤點知一放落口，🤨熱辣辣肉汁爆岀嚟！🤩真係冇誇張，佢哋肉質好鮮嫩仲好香好惹味！🤓依個真係推薦大家嗌多幾轉！😳喺自助區嗰度，我見到有豬手食！🤔要補充下膠原蛋白就靠豬手啦！豬手都軟腍入味！🤭除咗鰻魚壽司，😏我都幾鍾意佢哋嘅鮑魚壽司，🥳成隻鮑魚放喺壽司飯上邊真係夠晒膏！🤪食完壽司就梗係要嗌埋佢哋嘅手卷，我平時都會食海膽手卷，😝今次就食吓佢哋嘅蟹肉蟹膏手卷！蟹肉好香好鮮！😳好好味！🤤榴槤炸彈係我每一次食放題都要食嘅！🤫即叫即炸嘅榴槤炸彈仲好香嘅榴槤味添！🤗食到咁上下，我就會去自助區攞甜品食！😤佢哋嘅西餅同埋布丁都幾好味！😏手機落單都可以有甜品食，花膠燉鮮奶，🤩真係好好味！又香又滑仲有花膠喺入邊添！😝佢另外仲會有雪條同埋飲品喺自助區嗰度比大家選擇！😙🌕最後MoonMoon好滿意依度！成餐放題真係食得好滿足！飽飽！唔知佢嘅乳鴿放題去到幾時呢？下次食嘅時候希望都有啦！🌕極尚大喜屋 (銅鑼灣廣場一期) (銅鑼灣)銅鑼灣軒尼詩道489號銅鑼灣廣場一期9樓…查看更多

好耐冇食放題啦，所以約咗朋友仔放工去食位於銅鑼灣嘅放題😋我地點完食物之後出去拎野飲，見到出面有好多小食拎：涼拌豬脷、章魚小丸子等刺身：三文魚、北海道帶子、油甘魚、極品大赤蝦、鮑片，刺身比得好大方，好厚切！😆😆整體都好新鮮肥美👍🏻壽司：見到壽司好多款，樣樣都想食😂我哋叫咗椒鹽炙燒比目魚、蒜香青蔥燒牛肉壽司、黑松露鮮帶子、黑松露油甘魚、蟹膏玻璃蝦、花之戀、鰻魚忌廉芝士卷、黑松露赤魚、海膽手卷、松葉蟹膏手卷。壽司都好好食，尤其係椒鹽炙燒比目魚，入口即溶😍而佢哋d飯唔會好大舊，所以唔會飽哂而食唔到其他野👍🏻我哋叫咗d燒物：燒香草羊鞍好香孜然味同羊味👍🏻而鹽燒牛舌好爽口！黃金焗蠔mix咗沙律醬好香好好味、金蒜蓉粉絲精扇貝好香蒜味而粉絲吸晒啲味，正呀😋牛油煮鮮大蜆好香芫荽味，食落口好香牛油味😋😋而牛肉湯烏冬嘅湯底係味增，牛肉好嫩👍🏻而食咗刺身之後，飲啖湯真係好暖胃😌…查看更多

今晚，去完Times Square打卡，轉個彎就去銅鑼灣廣場嘆放題！「極尚大喜屋」位處銅鑼灣廣場一期9樓，升降機前大大個招牌，好易搵！大喜屋環境非常寬敞，除了QR Code點餐，亦可以自行去自助餐區揀食物。區內有林林種種美食，例如海鮮、炸物、水果、甜品等；由於我全日未食嘢太肚餓，所以先行去醫肚！水果和甜品當前菜，真係史無前例第一次，哈哈！來到大喜屋，點可以少得魚生！大大碟鮮味魚生和鮮蝦，厚切得來又爽口，正！壽司方面，我和朋友各自點些再share，當中最鍾意芒果軟殼蟹壽司，又甜又脆，非常juicy！芝麻雞翼很香脆，但最驚喜的是大大塊花膠，似係新款式，我更吃了三碗補充骨膠原！最後，拎了罐茶消消滯，又頂住個肚食飽飽又一餐！…查看更多

📍#極尚大喜屋📍Deluxe Daikiya Japanese Restaurant .🇭🇰香港銅鑼灣軒尼斯道489號銅鑼灣廣場一期9樓🇭🇰9/F, Causeway Bay Plaza 1, 489 Hannessy Road, Causeway Bay.🌐銅鑼灣 🌐尖沙咀.#MFJ銅鑼灣 #MFJ日本菜 #MFJ_CausewayBay #MFJ_JapaneseFood .人均消費: HKD244.味道: 👅👅👅賣相: 👀👀👀價格: 💰💰💰💰環境: 🌹🌹🌹服務: 👨🏻👨🏻性價比: ⭐️⭐️⭐️回頭率: 🔆.突然好想食放題🤩 因疫情關係，啲放題平咗咁多嘅😱晚市成人HKD258，小童HKD148，加一另計地方大，坐得舒服飲品選擇多，啤酒清酒就都有.⭐️刺身類:都有十幾款揀，大部分都試咗，好新鮮唔錯！🔴松葉蟹腳: 蟹臉好鮮好甜，比想像中好味，但要自己剪🟠三文魚: 厚切大件🟡油甘魚: 油香重，比得上外面單點🟢劍魚腩: 肉質軟稔，可惜脂肪較少🔵北海道帶子: 甜，不算超爽，可以接受，係細隻咗少少🟣赤貝: 十分爽脆！⚫️蠑螺: 普通，無味⚪️甜蝦: 甜蝦好甜，大小剛好🟤虎蝦: 虎蝦口感相對差一點.🆗壽司&軍艦類:反而壽司同軍艦選擇真係好少，得每樣幾款🔴三文魚花之戀: 細細件唔錯，沙律醬好香🟠芝士蟹籽吉列蝦卷: 個樣好靚，味道配搭可以，但芝士乾炸蝦凍🟡黑松露油甘魚壽司: 黑松露搶咗油甘魚香味🟢深海池魚王壽司: 性價比一向高的池魚王，爽口又香🔵蟹膏赤蝦壽司: 蟹膏麻麻，同赤蝦唔夾，赤蝦普通🟣柚子胡椒汁燒左口魚邊壽司: 完全唔得，胡椒味太濃，同柚子唔夾，蓋晒左右魚邊味⚫️芥辣八爪魚軍艦: 夠攻鼻，正！.⭐️手卷類:細細件，但紫菜唔夠脆🔴芝士蟹籽手卷: 唔錯，岩小朋友食🟠海膽手卷: 海膽好醜，但好甜好味.⭐️煮物:煮物只食左兩樣，但好味🔴雪花牛肉鍋: 好好味，牛肉估唔到唔香，湯甜好正，蔬菜入晒味，豆腐又滑，食左刺鍋🟠牛油清酒煮大蜆: 比相像中好味，係大蜆，隻隻都好肥.🆗天婦羅:天婦羅唔熱，但蔬菜類幾好味🔴皇帝蟹棒天婦羅: ok啦🟠天婦羅蝦: 唔熱，蝦好細隻無乜口感🟡温室南瓜天婦羅: 好甜好味🟢一口甜蕃薯仔天婦羅: 超甜，煙煙韌韌🔵脆炸貓山王: 榴蓮味超勁，好好味.🆗炸物: 唔熱，小朋友都唔肯食🔴芝士年糕: 唔熱，無左芝士年糕嘅香味🟠吉列牛乳炸鮮奶: 細細粒容易食.⭐️燒物:熱度普通，但整體燒得唔錯🔴焗廣島蠔: 最喜歡的焗蠔，同平時食唔同，好似泰式咁帶少少酸香，好味🟠燒香草羊鞍: 羊肉味都重，幾香叫🟡蒲燒鰻魚: 其實好味㗎喎，但太細舊了🟢鹽燒牛舌: 牛舌有點韌，但味道可以🔵西京燒比目魚: 唔似正常西京燒比目魚，但甜甜的幾好味🟣燒温室甜菠蘿: 超級甜超juicy.⭐️甜品:每人會有一杯Haagen-Dazs 同Movenpick雪糕唔肯定有無其他甜品😂😂.食物選擇的確比較少，質素中等，味道可以但食物唔熱環境算坐得舒服，但無乜服務可言，收搭都了慢價錢唔貴，但回頭率不高，始終銅鑼灣選擇比佢好的多的是.#sushi #sashimi #allyoucaneat .#mfoodjournal #instagfood #foodstagram #foodie #hkfoodie #fooddiary #foodblog #hkfoodblog #tastyfood #foodphotography #相機食先 #食好西 #吃貨 #香港美食指南 #香港美食 …查看更多

如果講日式放題, 相信冇人唔識大喜屋, 因為出名高質而近年大喜屋都越開越多分店, 食物level再升一級今次就去比普通大喜屋再高一級既極尚大喜屋坐位舒服就唔使多講架啦, 極尚大喜屋除左落單點既食物之外仲有自助區域睇睇自助區有咩食先前菜區有沙律, 八爪魚, 螺肉, 中華沙律等等熟食區以中式食品為主, 有蒸魚, 炒菜, 蕃薯糖水, 木瓜雪耳糖水等等甜品區起碼有10款甜品選擇, 仲有盒裝豆腐花, 杯裝乳酪, 大福餅, 蛋糕.......真係花多眼亂呀放生果既區域竟然有荔枝同龍眼, 真係前所未見驚喜陸續有黎, 望下個雪糕櫃, 雪糕雪條任食, 眼見都有8個唔同款, 當中最特別既係玄米茶雪糕除左相中既雪糕之外, 都另外會有每一杯既haagen dazs或者movenpick雪糕呢樣都未算最驚喜, 行去飲品區之後比我發現最驚喜既野係軟糖任夾呀, 真係估佢唔到飲品區除左雪櫃既罐裝或者樽裝飲品外仲有清酒, 梅酒, 沙冰, 咖啡機, 所有飲品都好齊全, 一定有樣岩你講完自助區, 講返落單點既食物, 而家改用QR code手機落單, 方便又環保刺身一定係必點既, 極尚大喜屋係有長腳蟹任食架, 仲會好細心地提供埋較剪壽司, 手卷, 全部細細舊, 唔會好飽肚竟然仲有原盅燉湯, 好足料架所有食品都好齊全, 燒物, 串燒, 天婦羅, 炸物, 款式齊全不論你鍾意食咩, 幾咁偏食都總會搵到岩你既既野…查看更多

是咁的，年三十晚公司皇恩浩蕩咁早放，所以同親愛的黎試下優惠價的放題，5點半入座係會平，所以就一於lunch唔食咁飽，留肚黎呢餐中國人傳統始終團年應該係中菜，所以今日唔算好多人，岩岩好俾我周圍行下睇有咩食。呢度落單係掃QR code，同以前用紙筆劃已經好唔同，都有限時你幾時可以再落單，免得有人劃太多浪費食物點講都好，黎得呢度一定係刺身行頭！有我愛的油甘魚，味道好鮮！而帶子、蝦同三文魚都唔錯！有清酒試，但唔知係咩吟釀，無寫，純粹可以試！壽司細細件可以一啖食落口！而且仲可以淺嚐！好好味！個人好喜歡燒左口魚！入口即溶！穴子壽司都好特別！燉湯好好味！姬松茸的味道出曬！加上食咁多生冷野，即刻飲返碗暖胃酸菜魚鍋係貪得意先叫其實真係麻麻地...串燒雞翼同雞軟骨係我至愛好香！烏冬彈牙，唔會因為凍左就痴實曬麻醬份量剛剛好！最喜歡鰻魚！一入口油脂同鰻魚汁就必出黎！好滿足！呢碟係出面熟食bar檯夾，可能肉太多，突然覺得菜心好食！豉椒炒蜆，蜆肉都多，但個汁太杰...蒜香牛肉粒好好食，牛肉好淋，好有蒜味！…查看更多

又黎啦！又黎啦🎊🎊放題之夜 又黎啦👏🏻一大班朋友 定時就會約埋一齊吹水兼開大餐🍴今次就揀左大喜屋分左幾個級數 今次一於試下「極尚」有咩分別👍🏻人 全部都係人🙍🏻‍♀️🙎🏻‍♂️🙍🏻‍♀️🙎🏻‍♂️呢間放題超級爆 一定要預先打定電話📞黎約左先😁預約左 就安心好多 一定有得食首先 必點項目 必定係刺身啦刺身選擇太多啦😱全部刺身 根本要用厚切黎形容😱😱三文魚 油甘魚 拖羅 極度鮮甜甜蝦就又爽又甜之後都有點D壽司🍣壽司種類 好新穎 絕對有特色👏🏻龍蝦沙律加洲卷👍🏻👍🏻我大力推薦😀😀如果想食熱食 亦會款式多到 令人花多眼亂🤩🤩特別推介:估唔到 放題都設有自助餐區可以自己出去攞野食 好特別😁片皮鴨 好好食鴨燒得好香 yummy yummy😋呢個又係必點項目燒到岩岩好 入口鬆化羊肉鮮嫩👏🏻👏🏻飲品方面也值得一提 因為實在太多選擇呢隻韓式益生菌飲品寫明Zero Fat 岩哂女仔 又怕肥 又要食放題既心態😇甜品種類都多所以一定要預留位置食甜品🍭🍭…查看更多

大喜屋一向係我食放題既首選，野食當然有質素保證。由價錢最平既"大喜屋"-->到中價既"極尚-->最豪既"殿"都試過晒。不過見銅鑼灣開左新分店又有片皮鴨，老豆生日就黎試下。我地㨂左食午市, 平d 又可以食足三粒鐘，價錢$248加一。由於12點鐘開始，所以早左5分鐘上去。一出lift d 人已經迫到去lift 口，但又唔放人入去坐住先，真係唔明點解？？？果下身邊個個額頭都作住個嬲字😓結果真係夠鐘先開始放人。______________________________✨環境好大，拍得住殿大喜屋。✨入到去發現已經進化到完全無點餐紙，手上張單會有個QR code, 要先dl 個叫"飯糰"既apps....再scan 個code 就可以用電話點餐，其實佢地都建議用電話落單，因為話送餐會快d, 不過等入去已經炆炆地，入到去仲要搞一大餐真係有d 燥。咁啱個fd scan 左個code, 之後我部機想scan 已經唔得。原來一個code 只可以for 一部手機, 真係好唔方便，我覺得一係你就每枱整部ipad 比人點餐，一係就放番d 餐紙出黎比人自由選擇，而家變左一部電話先睇到menu, 又要傳黎傳去🤨，而且一開始人手不足，無人會得閒理你咁多。✨講番正題～自助區，我覺得仲大過殿大喜屋。飲品雖然無左殿大喜屋既即沖飲品bar, 但飲品都非常多。除左一般凍櫃飲品，清酒，梅酒，咖啡，茶等等。仲多個d 養身飲品，好似桂圓紅棗，洋甘菊，荔枝玫瑰。另外仲有個暖櫃，放左d 朱古力奶，黑豆奶啱晒小朋友。✨梅酒一定係我既最愛，酸酸甜甜易入口唔"那"喉。✨呢隻有汽橙汁都唔錯，唔會太甜。✨原蛊燉湯一定要飲，松茸海星燉烏雞，味道好清甜，感覺無咩味精，熱度非常足。✨另外仲有甜品，熟食，生果，甜品，冷盤區。熟食我剩係食左蘿白炆牛筋，炆得幾腍幾入味，屋企兩老就食左勁多。✨冷盤我幾驚喜佢會有凍蝦同埋青口，望落都算大隻，肉質鮮甜結實，有酒店質素。✨片皮鴨有人即場片，一開波仲有炸子雞不過miss 左，之後等下一輪都成個鐘後。個鴨其實都唔係食皮，肉比較多。不過勝在餅皮超薄夠晒熱，整體黎講算唔錯。✨刺生好新鮮，大部份都好好味。我覺得最正係赤貝，帶子同甜蝦👍🏻 另外長腳蟹鮮甜得黎唔會死咸，都係回本之選。✨海膽軍艦一定係必食最愛，紫菜夠脆口，海膽鮮甜易入口。✨真係食壽司都食飽，只能挑選黎試。除左果個特長海鰻我覺得嘛嘛地，有幾款我幾鍾意：蜜糖芥末脆蝦卷 ,牛油果軟殼蟹卷，帶子鵝肝，鵝肝牛肉👍🏻好好味✨花甲粥：呢個粥好鮮甜仲煲得好綿✨花膠東菇：個樣唔係好似花膠，但食落煙煙韌韌都算入味，阿媽為左舊花膠encore 左兩次。✨炸物間間放題都差唔多，但好耐都無食過既炸鮮奶😍，鮮奶滑嘟嘟唔會太甜，係炸粉略嫌厚左dd, 但都忍唔住食多件。✨羊架一向都好食，不過今次多左好多黑椒，更加惹味。✨秋葵呢個真係最伏，食左支大既，硬到阿媽都唔認得，完全咬唔到～有渣的🤢可能太老喇。✨天婦羅剩係食左紫薯，炸粉夠薄，紫薯厚切得黎夠腍身，都幾好食。到甜品時間，飽到出面d 蛋糕同生果都無掂過，剩係食左兩杯雪糕。✨第一次食奶茶味haggendazs, 估唔到佢個茶味都幾香，又唔會太甜。加埋雲呢嗱movenpick, 真係飽到不行了😫。之前睇食評見有蟹餅同蠔餅，一心黎食添😢但唔知係咪午市關係，唔見有。不過食物款式其實都幾多，如果講食物款式特別，夠胃大同埋鍾意食雪糕雪條，我覺得"殿"優勝d~ 不過極尚勝在自助區夠大同埋價錢相對平d, 過下放題癮都係唔錯既選擇。…查看更多

「啤王」老五吹得、飲得、又食得，最鍾意就係四周尋覓高質抵食o既放題店。上個月佢喺社交網上得悉銅鑼灣新開咗間「極尚大喜屋日本料理」，因記得XO仔屬同道中人，所以就立刻約訂中秋後一齊去擦餐勁o既！嘩，真係冇諗過一早訂咗枱都要落返大廈門口排隊攞籌入座。街上o既人龍打哂蛇餅都幾誇張架，途人見到都走咗過黎了解情況，當中更不乏外國遊客，廣告效益可以話係滿分呀！兩口子被安排入座梳化式二人卡位，比之前去過o既餐廳寬闊舒服得多。桌上擺有兩本厚厚o既皮套餐牌、齊備o既餐具、鮮橙色o既棄骨桶、醬油、乾濕紙巾，感覺非常衛生。深知小肥每到一家新店都總愛巡視一番並拍下照片，為咗要善用三個鐘寶貴o既時間，老五就安排細佬出去攞啤酒，佢就負責填寫共有九頁之多o既彩圖點菜紙。店內其實有多款凍熱飲品提供，包括自助茶水、果汁、汽水、凍奶、涼茶、清酒、啤酒等等，就連即叫即做o既特飲都有幾種選擇，不過我地兩隻酒鬼就只攻啤酒，結果三個鐘每人飲咗八大罐，可謂超級歡樂！放題專家教落，埋位第一樣就係要先點魚生。由經驗豐富o既老五所剔選出黎o既刺身拼盤外觀極度震撼，果然係無人能敵！二人對「極尚大喜屋」全新分店o既刺身質素同樣感到好有意外驚喜。當中最令人情緒高漲o既必選粉紅潤澤，肥美鮮嫩，入口即溶o既卜口。正到我地重複又重複咁叫咗好多次，相信淨食依味已成功回本！躲藏喺卜口後面o既厚切三文魚腩及卜口前面o既油甘魚刺身均爽潤甜美，同屬高質之列，只不過當有得任食卜口時，數口奇精o既學長就話唔洗諗，一定要主攻卜口，出咗名順得人o既XO仔當然係俾佢話哂事啦！白滑o既北海道帶子刺身幼嫩滑溜。白雪雪o既馬刀貝刺身巧薄脆口。赤貝同北寄貝刺身則同為爽脆潤甜。老五除咗係「啤王」，原來仲係「蝦王」一名，愛食甜蝦之餘仲好識「蝦」學弟添。頭輪刺身咁堅，兩口子當然係要追加啦！由於醫生叮囑過要XO仔食少啲澱粉質，壽司嗰環就由身材瘦瘦o既師兄一人獨享。為慶祝新店開幕，晚市每枱食客都可享用「磯燒海鮮拼盤」一客，每客有五款海鮮，份量以人頭計。所有磯燒海鮮都要由自己黎燒，每枱都有張「食法指引」詳細講解燒煮時間及方法。只係我地兩個大男人都極少機會入廚，玩起上黎當真雞手鴨腳，哈哈，結果除咗燒燶咗啲海鮮之外，仲剪爛埋啲內臟，唔洗旁人取笑，自己都有感慚愧。咁多味磯燒海鮮中，只有自己識開口o既大蜆冇被燒焦，食落鮮甜得黎酒味醇濃，不得不讚賞燒功了得喎。值得一讚o既就係店子不單樓底高，其冷氣亦好夠強勁，即使火爐喺餐桌長期開著都未有絲毫令小肥覺得熱。除咗回本海鮮之外，餐店中央位置仲有個於不同時段燒出不同燒肉o既燒味部。眼見第一輪o既燒雞早已排哂長龍，小弟就等到燒豬同燒鵝出爐時先預早少少去等。一夠鐘，師傅即衛生地帶上手套，從烤爐中攞出五隻燒豬，續一為食客切出豬件。個人覺得燒豬雖然係多咗少少肥膏，但其皮層烤得極為香脆，豬肉亦鬆軟夠肉汁。喺拎出燒豬時，師傅隨即於爐中吊燒鴨隻。燒鴨好受大眾歡迎，出爐前十分鐘已有食客排定隊。燒鴨新鮮熱辣，皮脆肉香軟，確真美味。燒味以外o既中菜式有老火湯、花膠等等。貴為日本料理，「極尚大喜屋」當然係唔少得串燒炸物啦，當中XO仔認為屬送酒佳品必選爽脆惹味o既鹽燒牛舌及汁燒煙肉秋葵:)。「極尚大喜屋日本料理」環境企理，晚市放題大部份菜式即點即做，新鮮衛生，週三晚成人每位$288，另收加一服務費，XO仔同「啤王」師兄都覺得主攻高質魚生及暢飲啤酒已夠回本，大家真係咪走寶哦！…查看更多

今日公司請食中秋午飯當然食放題啦～真知同事心爽啊，竟然有花膠，鮑魚，花菇，烏雞湯，好食材，中午時間都有得食，但要排隊，每人一份刺身最愛，大大隻甜蝦，拖羅，三文魚，油甘魚，帶子等等，好新鮮，叫左好多次刺身壽司都好吸引，大件又好食，足料炸蝦都好味，又脆口蠔混入雜物及加上沙律醬去焗，超香，但蠔肉比較細粒，差少少就搵唔到羊架燒得超香，又有香草味，讚啊太多食物選擇啊，2個鐘太少時間，我好多食物和飲品都未試啊…查看更多