吉豚屋吉列豬扒專門店

同先生行魚街，半途肚餓決定食個下午茶，本來想食車仔麵，行到去先發現冇開門，揸唔定主意嘅我哋揀咗半條魚街，最後行入咗呢間吉列豬扒專門店。下午茶選擇唔多，價位大概四到五十，價錢唔算平，但尚算合理。下午茶餐嘅吉列豬扒有80克，以呢個價位嚟講算係大方，配有白飯同麵豉湯各一碗同兩色醬汁。吉列豬扒外層嘅炸漿炸得酥脆，厚薄適中，豬扒亦夠厚，肉質軟腍，唔會太乾，幾有驚喜。泡飯湯底係麵豉湯，加上雞蛋同海苔成為泡飯，雖然簡單，但味道唔錯。唐揚炸雞有四件，外脆內嫩，而且咬落帶少少肉汁，質素中上，但略嫌細舊咗少少。跟餐飲品有四款選擇，我哋揀咗巨峰乳酸特飲，以跟餐飲品嚟講算唔錯。以下午茶嚟講呢度嘅食物質素中上，雖然要加一，但價錢依然合理，有時食厭咗茶餐廳同車仔麵，轉下新意思都係一個唔錯嘅選擇。…Read More

呢間吉列專門店下午茶時段去食真係非常抵食，而且食物水準都幾好，價錢又平， 吉列炸得好酥脆，唔會油膩，食完唔會成口油味👍🏻吉列豬扒定食 😋 加一隻蝦 吉列炸蝦定食😋😋除左吉列野好食，啲椰菜絲都好爽口好fresh,有胡麻醬可以撈埋食😍 味噌湯夠香濃， 可以任飲就正😁係日本食吉列專門店好多都可以任加白飯，味噌湯及椰菜絲，不過呢間咁平咁抵食當然唔會有啦。每次食完埋單時，職員都會送張coupon 比你下次再去食，不過coupon 有限期架…Read More

今日經過旺角，見到呢間連鎖店，上網搵下有關它的資料，知道它有超過210間分店，便走入去試下。由於以前响澳洲 Sydney 住近 Bondi Junction，果度有好多日本食店，而吉列豬扒定食都係我大部分時間會點的食物之一。所以呢次都唔例外，都點左呢個。而太太就點左吉列三重奏烏冬，因為她喜歡烏東多過飯。雖然說它是連鎖店，但不像麥當勞、吉野家、肯德基、大家樂…咁，要先排隊買票再自取，反而它像連鎖茶餐廳，先座下，有waiter服務的。個吉列豬扒d粉麻麻地，又缺醬汁，d飯ok。吉列三重奏烏冬，多左吉列蝦和吉列雞，但係都係d粉麻麻地。由於d炸粉麻麻地，完全影響晒成件吉野乜乜的口感。不過以連鎖店來說，不過不失。如果要响香港搵間好食點的吉列豬扒，通常都要$150至$200，所以呢個價錢算ok，無得要求咁高的。唯一有點失望係，居然要加一服務費，有點唔習慣。…Read More

香蔥辣味醬炸蝦雞扒飯 $55 配飲品兩隻大蝦，兩件雞扒，加辣醬大蝦都幾大隻，唔會空有炸粉。呢度嘅吉列當然就唔夠丼吉勝博殿呢啲好食，但勝在平得黎味道又唔錯。唔會整啲港式吉列，塊皮又硬又乾，舉個例就係附近嘅#宮葉 吉列豬扒定食 $45 配野菜豚肉湯熱食嘅野一定要夠熱，野菜豚肉湯夠哂熱，個湯都唔算hea，起碼唔是開水沖，仲有幾塊豚肉食下。個人認為吉列雞扒會比豬扒好食，豬扒唔多唔少肉會有啲實。由於係正常餐，所以飯嘅份量都係足夠的。滑蛋雞扒飯 $27下午茶餐，所以三十蚊唔洗食到個飯真係仲想點。飯嘅份量就係比較少，所以男士會唔夠，女仔食就還好。 喺度食晏冇伏過，唔係推介咁嚴重，不過不失為一個食lunch嘅選擇。…Read More

夜晚放工自己一個人，今晚要食自己啊！經過旺角的金魚街發現一間日式吉列店，未食過入去試試吧！一入店內，環境裝修很日本風，而且人數不多，幾乎全部都是剛放工的單身族，此刻感覺很像身處日本的毒男飯堂呢！😆😆店內主打都是吉列炸物啦，主要都是豬或雞！而且可視乎自己喜好選擇滑蛋、咖哩、鐵板等等⋯⋯另加八元還可配一隻炸大蝦啊，數量不限！定食是不包括飲品的，另加八元亦有很多飲品選擇，一般奶茶咖啡檸茶汽水都有，但既然吉列是熱氣之物，就點了柑桔檸檬潤潤喉嚨吧！😃😃眼花繚亂之下點了餐廳招牌主打，吉列豬扒定食！一上菜賣相很吸引呢！大大塊豬扒不在話下，而且飯和湯亦很大碗抵吃！豬扒的炸粉不多，但出奇地炸得香軟鬆脆，而且豬扒彈牙有咬口，炸前應該俾人「揼到一身散」吧😆😆 吃完吉列覺得熱氣的話，可再吃配菜的椰菜絲，點上芝麻醬吃更加開胃好味食慾大增！最難我驚喜的是豚肉湯呢！起初還以為是普通的味精湯，細飲之下配料十足，又有蘿蔔又有豚肉，而且味道香濃，絕對合我口味，很想飲多幾碗呢！ …Read More

今午踩單車踩了三小時，到下午當然饑腸轆轆了，回到旺角東後，見朋友對商場內餐廳都不太有興趣，我就想起附近有間吉豬店，於是就行多幾步落去花園街。下午四點幾是完全不需等位，店員見到我們入店也立即上前帶位，之後都好快拿水給我們，咕嚕咕嚕好快乾杯了，要她們不斷來添水也沒黑臉什麼的。正好遇上有下午茶餐，平時的定食都算平，點知下午茶再平多廿幾元，簡直是窮人福音。XD 由於大家都好肚餓了所以一同選擇吉列豬扒定食$45，另加飲品$6。我記得菊花蜜好好飲，今次再回味，清甜潤喉兼解渴，正﹗大大份定食未開動已經心動了﹗吉豬非常大塊(還以為下午茶會縮水添 XD)，外層金黃鬆脆，吃落不油膩，肉是厚厚的，肉佔98%，並不是肥膏比肉仲多那些可惡情況~自問喜歡吃瘦肉所以這裡的豬扒是合我口味的，況且這個價錢都不會有太多要求了吧﹖沾上甜甜酸酸的豬扒醬更令人食得開懷﹗墊底的椰菜有半飯碗量，雖然吃不到菜甜但可以加添麻醬配合都是不錯的配搭呢。野菜豚肉湯的配料依舊豐富，洋蔥﹑菜﹑紅蘿蔔加好多豬肉片，湯汁不會油膩膩，反而夠肉味，這碗湯都令大家滿意。實在是豐富都不行鳥的下午茶餐，到晚飯時我都吃不到太多了啊﹗…Read More

隨意逛逛太子金魚街，對我來說是件頗relax的活動。這日又逛完，便到隔離新開的吉豚屋食個午飯。從偏窄的門面看還以為吉豚屋鋪位不大，原來鋪位深長，座位頗多有四十多個。店內裝修簡約，打理得企理乾淨，印象不錯。這裡的menu以吉列炸物為主，除了主打的吉列豬扒，還有吉列雞扒和吉列蝦。選好肉類，再按自己肚餓度選肉的份量，及飯要不要配咖喱或滑蛋。我這日選的是吉列豬扒定食($65)。定食包有一件120g的吉列豬扒，一碗野菜豬肉湯和白飯。另加$6可配飲品，可選茶，啡，檸檬茶，巨峰乳酸特飲或汽水。我就加了杯熱奶茶。熱奶茶轉眼就熱辣辣送到，看起來茶色不錯。果然飲落有茶香又滑，不比一般茶記差，這杯奶茶有點驚喜呢。再過不用10分鐘，我的吉列豬扒定食有得食啦。吉列豬扒配椰菜絲，野菜豬肉湯和白飯用一托盤送上，賣相乾淨整齊。先說主角吉列豬扒，淺金黃色的豬扒算頗厚切，吃起來外表鬆脆兼一點不油膩，炸得不錯。豬扒雖然肉香偏淡，但至少肉的質感不嚡、不乾。鋪在吉列豬扒下面的椰菜絲新鮮爽脆，不過如果椰菜能更鮮甜和冰凍些會更理想。白飯的質感軟硬適中，不錯。吉列豬扒加了吉列醬汁後，很好送飯。野菜豬肉湯的料頗多，有豬肉片，紅蘿蔔，白蘿蔔等，味道都幾鮮甜不過就偏油膩，湯面浮著一層油。環境乾淨衛生，服務有禮又有效率 。而以這定價，食物可說交足功課有餘，食得滿足！…Read More