囍越 (屯門市廣場)

雖然每次去屯門市中心, 個感覺都係好多人, 不過其實除咗多人, 都有好多嘢食嘅, 款式多到可以令你唔需要出市區。今日食嘅就係🔸What The PHO🔸, 星期日晚市時段食都無限制用餐時間, 可以慢慢食幾好。🍴 安南燒乳豬每次去到越南餐廳都會留意吓有無燒乳豬呢個菜式, 因為唔係度度有, 呢度嘅燒乳豬整得好嫩滑, 皮脆肉嫩, 食落仲有好多肉汁, 好Juicy!🍴 燒豬頸肉配濱海及生菜用生菜包住粉皮片, 再包住豬頸肉一齊食, 個感覺好韓式, 食落口感層次好豐富, 每一層都互相配合, 唔會特別搶味。🍴 香芒軟殼蟹米紙卷漏咗單, 不過都堅持食😂 好彩無令我失望, 平時食米紙卷好怕裡面d 配料味道太強烈, 而呢度嘅米紙卷無呢個問題, 軟殼蟹仲大大件, 同芒果互相配合, 夾埋一齊食好清新, 好Fresh!🍴 原個椰青海鮮焗飯視覺效果好豐盛, 焗飯嘅椰香味十足, 有好多椰肉可以連埋一齊食。海鮮方面有蝦, 魷魚同帶子, 全部都剛好, 唔會太老。🍴 香芒糯米飯將糯米飯搓成一個波實在太得意, 賣相吸引。芒果即使唔係當造都唔會覺得酸, 椰漿味道適中, 糯米飯唔會太黏, 好食。整體食物都好好食, 唯獨是員工嘅態度真係麻麻地, 有d 可惜...…查看更多

今年和媽媽慶祝生日來點特別的就是充滿越式風味的晚餐越式蔗蝦是必吃之一原汁原味的蔗串起蝦肉一起落油鍋炸蝦肉爽口彈牙 吃落一點都不油膩鮮蝦柚子沙律的蝦肉鮮甜柚子份量很多配上紅蘿白絲及青木瓜絲酸酸甜甜是一道不錯的開胃菜原個椰青海鮮焗飯有驚喜上面覆蓋著攪碎的椰肉裡面是雞蛋炒飯配上墨魚圏及鮮蝦等海鮮椰味香濃令人一試難忘火車頭河粉配料極多有鮮牛肉牛柏葉牛筋牛腩河粉份量頗大湯底有獨有的鮮甜且甜而不膩芒果糯米飯的黑糯米賣光了只有白糯米先用椰汁煮的糯米飯椰味十足配上凍冰冰的芒果一冷一熱的配搭也不錯椰汁涼粉冰涼粉份量也不少甜甜帶點椰香是不錯的選擇今夜在歡笑聲中徐徐落幕…查看更多

今天晚上，我和男友去屯門市中心逛街，我們都想吃越式菜，於是我們便去這間餐廳吃晚餐。我們叫了香芒龍脷柳米紙卷，冬蔭功海鮮炒金邊粉（走芽菜），原個椰青海鮮焗飯和香芒糯米飯。香芒龍脷柳米紙米卷方面，賣相一流，龍脷柳是即炸的，十分香脆，芒果甜甜的，完全不酸。不過，米紙卷內的雜菜（生的）十分難吃，雜菜表面的汁十分難吃，所以整體味道一般。冬蔭功海鮮炒金邊粉方面，金邊粉的顏色十分淺，完全不像冬蔭功金邊粉。而且，冬蔭功炒金邊粉竟然完全不辣，一點辣味都沒有！點解可以稱為冬蔭功炒金邊粉？另外，金邊粉（痴埋一舊），魷魚圈淡而無味，蝦都沒有什麼味道，十分難吃！原個椰青海鮮焗飯方面，這款菜十分特別，賣相一流。一上碟，椰香味便撲面而來，嗅了都十分想吃。椰青Size適中，不過椰青內的飯十分少，真的完全不飽肚。不過，焗飯上的椰醬十分美味，甜甜的，和焗飯一起吃時十分美味！可惜，焗飯內的魷魚圈都是淡而無味，大蝦味道還可以，整體味道都不錯，3款菜之中，最美味的便是它了。香芒糯米飯方面，餐廳表示沒有黑糯米，我沒有所謂。一上碟時，我呆了一呆，因為賣相十分差劣！椰汁倒到不知所謂，看了都不開胃！不過，我即管試一口，味道不錯啊。芒果雖然薄了一點，不過甜甜的，完全不酸，味道不錯。糯米飯暖粒粒的，而且十分軟熟，完全不痴牙，十分美味！餐廳環境方面，餐廳十分開放式，我的座位隔離便是行人路，行人行來行去，而且行人會看見我們進餐，其實有點騷擾，環境真的十分一般！ 服務方面，餐廳雖然沒有規定用餐時間，不過上餐速度十分快，下單後10分鐘內便上菜。收碟速度更快，收碟後更收埋你的筷子和餐紙，名符其實趕你走！我們叫了小食，主菜和甜品，45分鐘內便用餐完畢！其實真的和茶餐廳沒有分別！價錢方面，香芒龍脷柳紙米卷$58，冬蔭功海鮮炒金邊粉$68，原個椰青焗飯$88，香芒糯米飯$48，餐廳設有加一服務費，2人總共$289。總結來說，這間餐廳的食物不算太昂貴，不過份量真是太少了，味道都只是一般。而且，環境真的比較差，這個價錢，應該需要改善一下環境，最少應該加一些高少少的木板圍邊。…查看更多

家姐生日，當然去下新地方。係眾多餐廳下，家姐揀左呢間what the pho試。本身一直以為冇得訂位，於是一心打算walk in啦。點知去到發覺佢有app可以預先拎定飛，確係方便，但一早知會更好！入到去，我地一行5人，佢比一張長的8人枱我地，仲話之後可能會有人搭枱。我就唔係幾想，見有張4人枱，就問可唔可以加凳。其實正常人都想成班人一山齊坐，邊個會想搭枱呀？！點菜時間：唔算做得好出色，對比真正的海南雞飯仲有d距離，但算入得口啦，起碼雞嫩，皮爽。個人覺得最正係小食拼盤，滿足晒為食嘅我，又想試呢樣又想試果樣嘅心態。春卷炸得好脆札肉厚到好似午餐肉，燒得香，好正！香茅牛肉蝦片，味道配搭好好，又脆又香。中間沙律食落好清新個人最愛紙米卷！清新，紙米夠軟，配搭雞絲同蝦肉，味道一流！原個椰青炒飯比想像中差。一方面椰汁佢得面果層有，下面同普通炒飯冇分別，加上個汁幾強烈，口感一般。驚喜之作！可能冇期望。首先有5大塊豬頸肉，濕炒的水分量剛好，唔會水淋淋，又唔會太乾！正常咖哩雞，咖哩唔係辣果種。我地即刻叫左兩碗飯，撈白飯一流！加甜品單叫左糯米飯，侍應話冇黑糯米，剩白糯米得唔得。由於我地好喜歡食呢個，冇黑糯米都照殺。但冇左黑糯米的配搭仲算係糯米飯咩？少左黑糯米嘅口感真係差左d。好在面頭的椰汁好好味，唔太甜！我姐鍾意千層糕，就叫埋試下，少少暖，有口感，不錯！整體黎講都叫唔錯，只係侍應要再醒目d，途中要多隻西匙，佢比左中式匙囉！…查看更多

今晚我們去咗屯門市廣場嘅「囍越」食晚飯！我們叫咗生牛肉湯河粉嘅湯底好鮮味濃郁，河粉嘅麵質好軟滑，牛肉嘅肉質嫩滑，而且份量相當多，比河粉仲要多！小食拼盤：牛肉蝦片嘅蝦片都幾香脆，牛肉炒得非常惹味，炸網蝦嘅外層炸得好香脆，入面包著嘅蝦肉好爽甜彈牙，夾埋一齊食嘅層次感相當豐富！黑松露香芒蟹柳脆脆卷嘅米紙卷好煙煙韌韌同好薄身，包著新鮮生菜、蟹柳、香脆嘅多士條同香芒，再加埋黑松露舖面，令到味道更加惹味，口感相當豐富，賣相亦非常色彩繽紛！越南四式凍檬粉嘅燒豬耳扎肉肉質好爽口彈牙，燒肉串嘅肉質好鬆軟多汁，燒豬頸肉嘅肉質爽滑鬆化，香辣豬手嘅豬皮好爽滑彈牙，凍檬粉配上「冧」汁一齊食，感覺好清新惹味！原個椰青海鮮焗飯嘅椰青清甜芳香味，滲入晒焗飯入面，材料亦好足料！香芒糯米飯係將糯米飯堆砌成一個心形圖案，非常精緻，質感相當煙煙韌韌，香芒嘅味道好香甜！…查看更多

豬耳札肉配蒸粉包－蒸粉包的口感類似潮州粉果，吃下口很清爽，正！粉包表面灑有葱和花生，再點上魚露吃，口感更佳！扎肉的感覺很像午餐肉，沒什麼特別😆😆香芒軟殻蟹米紙卷－擺盤賣相很吸引，芒果甜身，軟殻蟹厚身大隻但不油膩，檬粉做法的米紙卷，令整個菜式清新特別！配菜的清新，芒果的香甜，軟殻蟹的脆口，清甜脆口之感是炎夏中一個不錯的選擇呢！這道小吃絕對是值得推薦的餐前開胃小吃！👍👍香茅豬扒凍檬粉－豬扒是即叫即製呢！因為一上枱的豬扒還是熱身的，而且還有很香的烤豬扒味，很正！不過個人覺得檬粉的份量略少，不太夠食！夏天時節很適合吃越南凍檬，消暑清涼，再將檬粉沾上魚露吃，酸酸味味的感覺更開胃呢！☺️☺️原個椰青海鮮焗飯用整個椰青盛裝已經夠綽頭！濃烈的椰香味未上枱已經聞到，面上舖滿濃郁的椰漿和海鮮，跟底下的炒飯拌匀，椰香顯得更香，海鮮料非常豐富，原隻大蝦，帶子，魷魚⋯絕無欺場！炒飯炒得干爽，跟椰漿拌食，汁並不會過多，入口又帶點creamy，份量剛好跟飯粒相配！88元的價錢絕對抵食，必食推介！😛😛👍👍芒果沙冰－味道略甜，有點像便利店的思樂冰，不過冰塊打得夠碎，尚算好飲！椰青－原隻大大個椰青，清甜多水，價錢跟其他餐廳差不多，個人覺得比沙冰更抵飲！😁😁芒果糯米飯－芒果香甜，與黑、白糯米相配搭！糯米的口感煙韌香口，配上芒果和椰汁一起吃，完全突出東南亞的傳統甜品風味！令我十分懷念曾經在泰國旅行的香芒糯米飯呢😣😣…查看更多

一行5人想搵間味道好又可以坐得耐嘅地方香芒軟殼蟹米紙卷-米紙卷包住左芒果生菜紅蘿蔔青瓜點左個汁,味道清清爽爽好開胃同清味蕾單骨牛油雞翼-炸得超鬆化又唔會油膩好香口,單骨食嘅時候好方便真細心大蝦冬陰公-份量太細但香料足大頭蝦SIZE又超巨型,酸度同辣度都剛剛好,湯底濃郁唔會寡口,真係正咖啡牛腩-煮到夠晒杰煲仔細細食極都有,牛腩雖然炆到林晒但太瘦有d乾,個汁點蒜蓉包一流豬頸肉青木瓜沙律-豬頸肉好林滑有濃濃香茅味,沙律個汁唔夠好似食緊生果咁馬拉盞炒椰菜苗-好難食似油浸完後用滾水烚完就上菜,冇味又當又水注注顏色深黃色極度唔新鮮又多渣,難食到嘔清炒蓮藕苗-第一次見好特別,用乾蔥炒好香,蓮藕苗咬有一條條絲好得意又好玩,炒得夠镬氣生牛肉湯河-湯底小小甜但牛味唔夠濃,牛肉好林好新鮮有甜味,河粉好新鮮好軟熟椰青焗海鮮飯-面頭椰漿焗過好香,食落小小咸小小甜,配埋海鮮好夾勁甜,炒飯底又炒得好乾身,真真正香芋西米糕-椰漿好濃西米糕落左粟米粒同芋頭粒有得趙下,西米糕本身做我好滑千層糕-好香香葉味煙煙靭靭加埋椰漿一絕,自己一個都可以食晒一碟,第一次熱食千層糕原來咁好食又學識多一樣野啦整體都好好味,地方細左d枱唔多,但上菜快如果多人可分2-3轉點菜,熱辣辣最好味…查看更多

特登入到屯門咁遠就係為左食呢間越南野，真係不枉此行。除左選擇多，食物質素都吾錯！原個椰青海鮮焗飯 $88意想不到咁大個椰青，店員叫我地搞一搞個椰漿先食，咁就成個飯都有椰香味，但份量多到想搞都搞吾到😂，唯有不出尼搞！最中意就係好爽口既魷魚，仲有帶子粒同蝦！而炒飯加左椰漿，每一啖都有好清香椰香味，我靜係食飯我都可以食好多！食到咁上下仲可以不d椰子肉食，椰子肉因為有熱力焗得小小腍，好易不出尼，真係好香好香！中意椰青既人切勿錯過😚！WTP湯河粉 (火車頭) $68超足料既越式湯河，有切到好薄既牛肉、好腍既牛腩、好香好軟既牛筋、好重牛肉味既牛丸、好爽口既牛栢葉，一碗滿足晒喜歡牛既你😆！放左咁多野落去煮湯底味道好鮮，再加左九層塔，令成碗味道再有提升！牛油單骨雞中翼$58炸得好脆好香口，油吾算多感覺吾油膩！特色越南蒸粉包 $68味道較清淡，點d魚露食就更提味喇！香芒軟殼蟹米紙卷 $68好薄身米紙卷， 色彩繽紛既材料有香芒、軟殼蟹、檬粉令人好開胃！椰汁糕 $34好清香椰汁味，作為飯後甜品非常好！…查看更多

既然我跟好街坊大家也住在屯門，他也在屯門返工，不如找晚在屯門食更方便！ 印象中，上年聖誕節帶媽咪到一間新開的新派越南餐廳 <囍越> 食午餐，質素都算不錯，而且坐得舒適！  帶他來食餐飯都好！ 餐廳分室內或商場範圍，恰巧！商場範圍的餐桌已 full!   我們被安排到室內，當時室內只有我們一枱，自成一角！  寧靜的環境下進食也不錯！ 印刷精美的餐牌，美食實在太吸引嘞！  我們先點飲品解渴！紫醉金迷 $38似無汽的巨峰提子糖水！好睇不好喝！ 三色冰 $34望落似模似樣，飲落卻是一般！ 熱香茅蘆薈 $34香茅帶出獨特的清香而滋潤！ 香芒軟殼蟹米紙卷 $68/ 6 件薄身而晶瑩剔透的米紙卷，口感柔軟而煙韌， 色彩繽紛的餡料清晰可見！令人開胃！滿載香芒、軟殼蟹、檬粉、沙律菜、甘筍絲、白蘿蔔、甘不換…等！既豐富卻又食味輕盈清新！特色越南蒸粉包 $68表面舖滿爆香的蔥粒及花生粒，香口惹味！薄切帶爽口的扎肉，炸香的蒜片，蘸上魚露，口味即時生色不少！ 粉皮薄而柔軟！內裡的餡料包括：甘筍粒、沙葛粒、木耳粒等，相當爽口！ 同時豐富了口感層次！牛油單骨雞中翼 $58睇清楚張單，原來是牛油雞翼，怪不知那麼油膩啦！火車頭河粉 $68香氣撲鼻！真惹人垂涎！牛肉肉質鬆軟！豬肉保持應有的嚼勁！別具風味！原個椰青海鮮焗飯 $88椰青飯淡味又少料！ 得兩隻蝦、無味魷魚圈、半生熟帶子仔！不夠汁之餘，椰青味輕微！炒飯只是約略炒過，比茶餐廳更遜一籌！椰青糕 $34大菜糕的質感，味道清甜！嚐盡各式各樣的美食，令味覺更精彩！ 整體而言小食較優勝！…查看更多

和朋友在屯門睇完戲後,在屯門各商場行街無意中發現這一間餐廳,晚飯時間已有很多人在等位,好在佢可以用app等位咁就可以行住街等位,又唔會miss左自己張枱 小食叫左兩樣特色越南蒸粉包蒸粉包放在木盒內,賣相幾特別外表看來似腸粉,皮唔厚,而且仲好滑入面餡料豐富,有肉粒,木耳,馬蹄,食落爽口不過略嫌上面的札肉有點咸,一定要與蒸包一齊食 香芒軟殼蟹米紙卷非常足料,內有芒果,飯,軟殼蟹,蘿蔔,生菜中間有脆口感覺之飯,生菜仲好fresh作為小食唔錯火車頭火車頭呢個火車頭不得了啦,真係超足料裡面有牛筋,牛腩,牛爽腩,牛丸,啲配料全部都好腍湯底仲加左少少九層塔,令成個湯底更加惹味河粉份量好多,2個人都食唔哂 原個椰青海鮮焗飯這個飯為全晚的亮點將椰青清空,再放入炒飯,上面配上魷魚,蝦等海鮮再加埋啲椰醬上去,真係好特別有淡淡既椰香,不過味道可以再濃啲而最後更可以輕輕刮啲椰肉出黎好清甜新鮮…查看更多

越南野黎黎去去都撈檬湯檬，其實都有d新式既😎

#香芒軟殻蟹米紙卷（$68）
用米紙包住芒果、軟殻蟹、仲有d甘荀絲同生菜。米紙好煙un，整體酸酸地幾開胃。不過中間仲夾住左塊葉🌿，令到佢好大陣味，拎走左塊葉再食正好多呀
#WTP河粉（$68）
內有牛腩、牛根同生肥牛，牛根好稔#牛油單骨雞中翼（$58）
呢個超正，雖然單骨切半左但仍然好大隻，好香牛油味食唔停口呀

#原個椰青海鮮焗飯（$88）
面頭既椰醬好香好濃，下面既炒飯底冇汁既，椰青開個口好細，好難「不」入面d飯

#特色越南蒸粉包（$68）
餡料完全係粉果既餡，轉左做腸粉既樣，面頭加d扎肉

#椰青糕（$34/6件）
用椰青水做既大菜糕，入面有果肉粒粒好清甜#龍眼冰（$38）好正，唔係淨係龍眼沖水，仲打爛左d龍眼肉，令杯野濃好多窮遊指數：7/10…查看更多

今次試既餐廳係屯門市中心既What The Pho，主打越式菜既佢地係餐廳風格上走年輕路線，牆上面仲有一大幅有型Street Art塗鴉畫，平民得黎都幾有格調啊牛油單骨雞中翼 $58炸雞翼一上枱我已經聞到好香#牛油 味，仲有超多蒜粒鋪係面！我第一眼望落去都睇唔出原來係雞翼黎，外表炸到金黃色，賣相吸引雞皮咬落鬆脆香口，炸粉唔會過厚，肉質方面都算得上幾滑。將炸蒜粒連雞翼一啖咁食，濃郁既蒜香令成件事變得更惹味！不過食完個口會好口渴同一大陣蒜味，大家記得要飲返多d水中和返啦！同埋值得一提既係雞翼拆成單骨之後好方便進食，貪靚既女士們都一樣可以保持儀態，唔怕食到隻手污糟哂啦香芒軟殼蟹米紙卷 $68係半透明既米紙卷下隱約見到鮮黃色既芒果肉同生菜，軟殼蟹等等其他豐富配料，真係令人食指大動！米紙口感煙韌，芒果幾甜，仲同香脆既軟殼蟹好match添！加上有粉絲，蘿蔔絲，青瓜絲 同生菜做配料，感覺非常清新健康，一d都唔heavy。就咁食可能會覺得唔夠味同乾身ga，所以記得要點埋越式酸辣汁黎食，酸酸地咁就夠哂胃口啦！原個椰青海鮮焗飯 $88Li個焗飯賣相相當有氣勢，用左一大個椰青裝住焗飯上枱，營造到一種椰漿同海鮮多到漏哂出黎既效果！海鮮有蝦同魷魚圈，雖然係雪藏貨色，但食落都算彈牙，而且份量仲幾足料ga！因為焗左係椰青入面，炒飯既味道都會帶有淡淡椰香，同椰漿撈勻黎食仲會有甜椰奶味！不過其實椰漿同海鮮係用黎鋪面為主，椰青入面都係齋炒飯比較多，如果椰漿可以多d攞黎撈飯就更好啦！總括黎講Li間越式餐廳既食物整體質素唔錯，而且食物定價比起同商場既其他餐廳算大眾化，價性比高環境服務亦都幾好，係一家大細食飯又或者同朋友聚會既好選擇呢！…查看更多

係屯門要食越南菜，選擇真係唔多！見到屯市有呢間What The Pho，店鋪嘅裝修、環境都唔錯，枱凳都以木系為主，感覺都幾時尚！一去到，當然叫幾個小食先！一叫叫左3個，而香芒軟殼蟹米紙同牛油單骨雞中翼卷我就比較中意今次我就放棄左食沙律，反而叫左呢個香芒軟殼蟹米紙。米紙卷味道比較清淡，而且口感煙韌，配合埋香甜嘅芒果、生菜、青瓜絲、蘿蔔絲，感覺反而幾清新。軟殼蟹亦炸得好香口，醮上少少酸辣汁，會更加開胃，作為頭盤小食真係唔錯！不過要注意，米紙卷要新鮮食，如果放置得太耐，會乾同韌而牛油單骨雞中翼真係一定要食聽個名就知係得一條骨，所以食起來都幾方便，仲啖啖肉。而且配上炸蒜，香脆可口之餘又唔會話太油，非常惹味！面頭嘅扎肉好好食，味道濃郁，配埋粉包食完全可以唔洗加醬汁都得，夠哂原汁原味至於個粉包都算薄，要小心夾先得，唔係裡面啲豬肉碎、木耳同沙葛就會趺哂出黎！份量仲好大，我地戈一日都食唔哂。到左主菜，男朋友就叫左火車頭，真係勁大碗啊！有肥牛、牛筋、牛腩、牛柏葉同牛丸，超多餸。就算2個人分，樣樣都可以食到！湯嘅味道都濃，不過就真係油左少少嗱！呢個就係我一見到Meun就想叫嘅野食椰青飯上有好多魷魚圈用蝦，椰汁清甜，撈一撈個飯更香口，不過椰汁略嫌太少！最後，點少得甜品。經店員力薦下，我地試左椰青糕。口感有少少爽口，而味道清香，唔會太甜，自己就覺得較為普通。…查看更多