得閒飲茶

相信住元朗嘅人對呢間可以飲啖茶食個包嘅舖頭都唔會陌生😆 貌似好多熟客仔嚟，老闆娘!? 幾乎可以記得佢哋飲啲咩茶🫣 而鍾意飲湯嘅話，舖頭每半個月會轉新款嘅燉湯，每種湯都有唔同功效嫁😚1️⃣蝦餃🦐得獎蝦餃點可以唔食🤣蝦餃皮除咗薄之外仲有啲煙靭，而蝦肉就好爽，大大粒✨2️⃣叉燒包🐷十字爆開花先夠經典😚咬落去好鬆軟，叉燒餡甜甜哋～3️⃣香煎菜肉包🥬平時食花嘅菜肉包，包皮都比較厚身🥺 呢度嘅菜肉包就扁扁地好似個燒餅咁，加埋豬肉椰菜係熟悉嘅味道👅4️⃣千島醬脆皮蘿蔔糕🥢第一次食炸嘅蘿蔔糕，一嚟個下好似小丸子😂 呢款蘿蔔糕好墜手，炸過之後亦都唔會好油，雖然無自家製嘅咁足料，但加埋木魚同千島醬一齊好新穎👍🏻…查看更多

餐廳在創意點心界享負盛名，極具特色，一直存在我的口袋名單中。終於有機會去會一會佢🤩，立即同大家分享一下😘。得獎蝦餃之王 $36 (爆推🌟🌟🌟🌟🌟)晶瑩剔透、皮薄餡靚😍😍蝦餃大粒飽滿，內含數隻鮮蝦，蝦肉彈牙，爽甜而鮮味，不愧得獎蝦餃之王的美譽😍。春風得意腸$42 (爆推🌟🌟🌟🌟🌟)賣相吸引，超級打卡able❤️❤️。以傳統腸粉皮包住脆卜卜米網，入面仲有蝦，馬蹄粒及粟米及蟹籽鋪面。要我形容的話，有點像創新版的炸両😍以傳統的做法包含創新的餡料，完美呈現傳統與創新的結合。一啖入口，層次非常多，的確精彩‼️懷舊香菇燒賣 $32燒賣有淡淡香菇味，豬肉餡飽滿多汁，肉質扎實但爽彈，不錯👍🏻。龍蝦湯鮮竹卷$33 (爆推🌟🌟🌟🌟🌟)鮮竹卷比一般傳統的尺寸來得細小一點，搭配帶點西式味道濃厚的龍蝦湯，感覺非常新穎。一口一個，最適合女士。千島醬脆皮蘿蔔糕$33 (爆推🌟🌟🌟🌟🌟)在炸到金黃色的蘿蔔糕面，淋上酸甜千島醬及大量木魚絲，的確極具創意😍。師傅手藝精湛，炸到外面卜卜脆，但內𥚃仍然軟嫩😊，熱辣辣真係好好味。平民價嘆到如此高質素嘅點心，實在值得推薦及支持‼️大家記得不要錯過🙌🏻🙌🏻😍…查看更多

收工去左食點心點心專門店比起普通酒樓或者中菜廳好既地方係全日都有點心供應唔會限死午市先食得到得閒飲茶有兩間分店一間太子一間元朗老闆曾經係酒樓點心總廚有30幾年經驗之前得過點心獎餐紙都列左幾樣特色點心餐廳有卡位坐得比較舒服點心有兩頁選擇有甜品有湯全日免加一茶錢五蚊位首先係春風得意腸即係有蝦既炸兩面頭仲有魚子多重口感鮮竹卷加左龍蝦湯係底幾有創意之後係點傳點心得獎蝦餃同香菇燒賣餐廳蒸籠都係用方型設計感覺比傳統美觀兩款點心都算飽滿揀多樣比較特別既脆皮蘿蔔糕外脆內軟平時都係食開配甜醬不過呢一份配千島醬仲有木魚乾成個配搭有d似章魚燒最多就叫多個蒸飯蒸飯大籠牛仔骨份量都唔少呢度夠晒兩個人分五籠點心一籠蒸飯連埋茶錢平均每人百一蚊呢個份量就非常飽可以叫少一款點心都得價錢同其他點心專門店相約服務正常其實佢仲有款豆沙老鼠幾得意有機會下次再試…查看更多

突然想飲茶又唔想去酒樓，見到呢間點心鋪嘅點心頗有特式，價錢相宜，即去試下。😁呢度茶錢每位$5，免收加一。我地假日中午時段去要等位，鋪頭唔大，坐位會迫少少，但食完就走冇所謂。如果想慢慢嘆茶聊天坐得耐，可能去番酒樓較舒服。\\\ 點餐 \\\▶得獎蝦餃之王  $34     ★必食餐廳招牌點心，其老闆兼廚師曾奪得「2011美食之最大賞蝦餃之王」。蝦餃皮薄，晶瑩剔透。蝦肉彈牙，加入了蒜粒，令蝦餃味更濃。▶黑金流沙包  $33 食流沙包最緊要睇奶黃夠唔夠流沙、蛋黃味夠唔夠香、包夠唔夠軟熟。呢度既流沙包未至於一咬就爆汁，但有流心效果，鹹蛋黃味香。▶紫薯流沙煎堆仔  $30     ★推介呢個非常驚喜，雖然得3粒，但比一般食到既煎堆仔大粒，紫薯糯米皮，咬開是熱辣辣流心奶黃餡，真係堅流心而唔係凝固咗個種！▶春風得意腸  $38腸粉皮包住香脆脆米網，再包住入蝦肉、栗米粒、菜絲，上面鋪上蟹子，食落有一層層口感。呢個做法好新鮮，味道不錯，不過就冇食傳統腸粉既感覺。▶千島醬脆皮蘿蔔糕  $30  新鮮炸起、外層金黃色脆皮包裹著切成條狀的蘿蔔糕，撒上木魚碎及淋上千島醬，有D似日式小食大阪燒、章魚丸，但呢個配搭都夾到。▶懷舊香菇燒賣  $28   不像平時食的實身，豬肉質地是軟林口感的。▶家鄉咸水角 $19正常發揮，餡料足，唔會咬開之後內裡好多空間得少少餡。\\\ 整體評價 \\\★想encore指數 -  7 / 10 ★點心有特式，而且上台時都係新鮮熱辣。以呢個價錢同質數，性價比幾高。…查看更多

元朗站📍得閒飲茶-呢間點心舖係太子都有食開，今次試下元朗呢間🫖蝦餃之王（$34）名不虛傳既蝦餃，皮薄餡正，平時食蝦餃有時覺得皮太厚/一夾就爛，呢度就完全冇呢個問題，蝦🦐都幾爽口同埋入味。雖然唔係大大粒，不過質量取勝。椰香黃金糕（$20）唔多點心舖有黃金糕，一見到就癮起😋黃金糕一梳梳魚翅狀，煙靭有嚼勁。不過我覺得如果再重d椰汁味更正😍蔥花蝦米腸（$25）腸粉出乎意料細滑，軟糯有米香。一開始睇錯以為係煎蝦米腸😂不過今次錯有錯著，冇煎更食到腸粉細滑。黑金流沙包（$33）流沙包有3隻，汲取咁多次辣親嘴既經驗，今次攤一攤先食。不過可能係攤耐左就冇想像中咁流心。流沙咸香十足👍🏻千島醬脆皮蘿蔔糕（$30）呢個邪惡之選🫢外脆內軟，咬開仲見到蘿蔔絲，真材實料🤤原籠鳳爪排骨飯（$38）老實講兩個人食完點心再食呢個飯真係好飽😰好鬼大籠，如果三個人share就岩岩好。飯底有荷葉，飯有淡淡荷葉香，排骨好嫩滑，鳳爪入味。茶芥每位$5🍵環境方面，裝修同新式點心店有少少分別，木枱櫈有一種舊式茶居感覺。卡位坐得幾舒服，衛生企理。…查看更多

得閒飲茶早排去元朗果到交收D野，有個Fd 咁岩住附近，話附近有間點心又平又好食，下午茶一流，咁我諗下陪下朋友都好既，就話好喇呀！點知佢同我講得閒飲茶！我話下咩呀，又話下午茶又講得閒飲茶，係咪玩野，點知原來係我誤會左，間野個名就叫做『得閒飲茶』🤣🤣。💛椰香黃金糕唔知大家有冇食過呢一款由印尼傳入嚟嘅黃金糕但係我自己平時就係新年食多。喺度先發現原來黃金糕都可以咁好食椰香味超級出眾之餘口感一定會令到你一下愛上。 最緊要係唔係間間點心鋪都會有呢一個黃金糕以我所知製作係超級嘥時間見得出師父對點心真係有一份要求。必食3之1。。🦐蝦餃之王（四粒）得獎之作~ 真真正正皮薄餡靚， 只需要三十幾蚊就食到係酒店貴好多一品的蝦餃嘅質素！ 超級推薦大家試下~一定唔會後悔！啲皮做得超級好完全係睇到入面嘅餡係用筷子夾都唔會爛 。必食3之1。。🦐韭王鮮蝦腸韭黃味唔算好重不過鮮蝦靚到好似新鮮蝦咁。真係唔知佢點樣可以處理得咁好因為呢個價錢如果用新鮮蝦嘅話真係超誇張， 爽脆甜鮮，必食3之1。。🥟麻辣炒手（五粒）麻辣炒手，雲吞就一般水準以上唔算好特別，辣椒油麻辣酸甜鹹香的平衡到位令雲吞吃起來，不覺膩。一啖一啖食落去又幾好食停唔低。。🥢潮州粉果（三粒）大大粒粉果熱辣辣上台， 照舊啦真心覺得得閒飲茶嘅所有點心嘅疲累都做得好好不論係蝦餃定係呢一個潮州粉果都係超級晶瑩剔透，都推薦大家試下 。。🥢沙嗲金錢肚不過不失呢一款算係今次食物之中比較普通嘅一款但係可以話畀大家聽都絕對唔難食 。。🥠千島醬脆皮蘿蔔糕外脆內軟打得啱啱好千島醬就唔係好特別就係普通嘅錢都著不過個脆皮真係一樓蘿蔔糕亦都相當有蘿蔔如果可以嘅話一邊食一邊一邊飲住你鍾意飲既茶真係一流。…查看更多

想與家人大夥伴去飲茶，但礙於公共衛生限制，便選擇外賣點心。店舖靠近十字路口，非常方便，約二十分鐘便可以取外賣。店員會詢問須要的醬料、餐具，以致歡迎在室內雅座開茶等侯，非常貼心!很少在家中餐桌放滿一枱點心，有各式各樣，很開心!叉燒包 屬中小形的大小，餡料味道適中，吃點心要有包點才算完滿!韭黃鮮蝦腸 有韭黃在腸粉內，令本來鮮蝦腸的味道更香。蝦腸內的蝦仁清晰可見，蝦仁鮮及爽，甜豉油用小包另上。春蛋燒賣 燒賣內的豬肉滑郁郁、不油，味道適中。龍蝦湯鮮竹卷 鮮竹卷浸在龍蝦湯上，沾有湯汁，撈飯不錯。露筍一小條令賣相鮮明，卷內蔬菜絲與鮮龍蝦湯混合後好好味!灌湯小籠包 -  兩客 每客有三個小籠包，可惜的是小籠包內的湯汁已漏了一點。皮薄，夾起很容易穿而漏出湯汁。外賣盒可以適用於微波爐，翻熱後的小籠包更好味!鹹水角之前在旺角店吃過有造型的脆脆豬很過癮，今次點傳統的一款來試。外賣令脆度少了，但還是好味的，只是期待的餡料份量少了一點。蒸蘿蔔糕味道適中，家中長者喜愛。千島醬脆皮蘿蔔糕這種做法的蘿蔔糕較少有，當然要點。打開盒蓋便聞到很香的千島醬，受到盒裝的影響，外皮有些脆又有些軟。千島醬帶點酸味，與蘿蔔糕幾夾，是喜愛的點心之一。黑松露鮮蝦餃 有陣陣黑松露的香味，還有菜蓉及蝦粒，味道不錯。春風得意腸 是另一喜愛點心，有油炸鬼在腸粉內，加添了蟹籽及蔬菜，好味之餘又有幾層口感，軟脆交替，好味!糯米飯盒蓋打開後飄出陣陣荷葉香味，很吸引。飯內有少許臘味、菇粒、花生等，味道適中。蟲草花冬菇棉花雞 每件食材都軟腍入味兼多汁，點一客實在是不夠，是很合適下飯的點心。甜品3.6牛乳太陽蛋 牛乳除了有濃郁的奶味，也有調過的甜味，味道偏甜。在牛乳上的太陽蛋是啫喱狀，與牛乳一樣滑溜!香芒凍布甸 布甸內有芒果肉，淡奶另存在小袋內，有沒有淡奶都同樣好味。以上多款點心甜品，抵食、滿足，真好!…查看更多

今次試咗呢間好啱打卡嘅高質點心店!🥟 佢哋有好多特色創意做型嘅點心, 款款都好吸引🤩 唔好以為佢淨係得個樣, 其實全部都好睇又好食! 重點係有太多想試叫唔晒唯有留返下次🤣-🌟- Recommended💖🌟🍠紫薯流沙煎堆仔 $29 紫薯加流沙呢個combo有幾邪惡就唔駛講啦💜-🌟🥛3.6牛乳太陽蛋 $24呢個牛奶布甸真心滑到痴線!!!!!! 係一定要試💯-🌟🍲蟲草花花膠灌湯餃 $30大大隻灌湯餃仲有好䭃嘅花膠好滋潤💛-🌟🥟黑松露蝦餃 $29蝦餃皮薄餡靚, 有陣陣黑松露香味🖤-🌟🥧千島醬脆皮蘿蔔糕 $29冇諗過原來千島醬同蘿蔔糕係幾夾🤔-👇🏻仲有其他食物都係好推介😽日式翡翠豆腐 $34原籠香菇章魚煎飯 $37眉豆花生瘦肉燉雞腳 $32-P.S 原來老闆係大酒樓點心部總廚出身, 拎過唔少獎項, 點心仲係呢個平民價錢真係好高性價比🤑-🍴8.5/10…查看更多