十里洋場 (已搬遷)

另一位由細識到大既好朋友L小姐，相約替我慶生☺️☺️ 可能年紀開始大(!?😆)，大家都揀食中菜，選擇多啲而且環境亦都適合坐得耐😄 L小姐揀選了銅鑼灣利園二期既<十里洋場>食lunch，而我也是第一次來這裡，試試什麼是淮揚菜😄餐廳裝潢有點古色古香，燈光不是很光猛果種，而是夕陽燈光帶點點滄桑感😆 食物種類繁多，望上去似上海菜食材。📍前菜三味：麻辣豬軟骨粒、手拍青瓜、西芹麻辣豬軟骨肉：幾腍同時有少少咬口，帶少少辣幾惹味，唔錯。手拍青瓜，幾爽亦有少少麻油味，幾開胃。西芹：正常味道，冇咩特別。📍太雕醉乳鴿第一次食呢道前菜，擺盤幾靚，排返一隻乳鴿樣子，有體面。至於味道上，用上花雕酒調調味，有酒香，而且肉厚，可以講係啖啖肉，幾好食，唔錯唔錯📍蜜汁脆黃鱔另一款前菜，賣相亦不錯。黃鱔炸過後，再用蜜糖汁再炒幾炒上碟，即炸即炒即上。黃鱔用蜜糖汁炒過後依然很脆口，就好似食薯片咁脆身，香口惹味，會繼續想放入口食😆😆📍鮮茄蛋疙瘩疙瘩即係用粉團搓出來的，即係麵食既同類。這道主食細細碗，用上蕃茄、雞蛋、菇菌類烹調而成。湯底幾清甜，配有蕃茄蛋係幾開胃，但就略嫌疙瘩大舊，太粉團感，如果細舊點就會好好多，相對容易入口。📍涼拌胡椒萵荀蟶子也是開味前菜😅😆 L小姐好想食蟶子。萵荀切絲，用上麻油，胡椒調味，而蟶子份量起碼都有5-6隻😆 有咬口唔會過老，呢款煮得幾好食📍鐵板灌湯生煎飽這也是即叫即整，由我地落單到上菜，大概30分鐘左右，餐廳職員都提點我地要小心鐵板。由於用鐵板盛著，生煎飽真的很熱很燙口，而且飽亦煎得脆口，當咬到飽中心，湯汁即時流出，燙口而且肉汁鮮甜，很好味。都話熱既食物係最好味啦，呢款真心推介餐廳播放著懷舊國語歌，好有老上海既味道，而在這裡用餐也不用擔心太嘈吵。餐廳職員都密密手沖水和執碟，亦沒有趕食客結帳，服務都可以呀。和L小姐邊食邊食計，起碼逗留了3小時☺️☺️😆 過了一個愉快的中午😇事後食評：-味道：4.0/5.0價錢：3.5/5.0環境：4.0/5.0衞生：4.0/5.0服務：4.0/5.0…查看更多

最近一到假期好多地方的西式下午茶都會非常之爆滿，而且西式下午茶多數都是圍繞住西餅類。有日朋友係上網見到介紹十里洋場原來都有下午茶，仲要好豐富，有鹹點，甜點的點心，總點係有隻乳鴿。😆於是就去試下啦！一入座就上左一碟小菜，小菜味道已經好有驚喜，有我最愛的萵筍🥰銀魚乾🥰下午茶飲品就選了楊枝甘露及檸檬薏米水，楊枝甘露好足料，有好多椰果。如果大杯啲就好喇😆上菜喇！上菜喇！好精彩！！由於係二人套餐，所以每款點心都差不多會有兩份，每樣點心都唔差，最後就上蟹粉湯包，嘩！好大個😆但美中不足係插左支飲管係啜唔到湯的，因為啲餡實在太多塞住左😆😆總結報告係好好食，好抵食，有驚喜👍🏻👍🏻…查看更多

可能是「十里洋場」這個名字改得好，直覺上覺得食物會有質素，不過首次光顧，去了近日爆滿的經典淮揚下午茶套餐，即時打了折扣！也許是短時間內大量製作，而且涼菜熱菜同時上，乳鴿唔脆怪自己吃得慢，嫩雞煨麵的湯淡如近水又是誰之過！幸好，淮揚小品全是招牌、補缺多少。$338/2人的套餐，項目豐富，且在裝修雅緻的飯店內用餐兩小時，算是化算。 前菜 $20前菜三式，酸爽的青瓜、芹菜、雲耳豆干，味道幾好，額外收費$20，並非贈送的。 點心點心先到，招牌小籠包、帶子鳳眼餃、鮑魚火腿酥、黑金流沙包上菜時剛蒸好，依然是熱的。不過涼菜與脆皮煙燻bb鴿，未幾隨後送上，次序打亂，唔知該先吃什麼！ 小籠包、帶子鳳眼餃及鮑魚火腿酥皆各自到位，一口口急吃，印象不深，記憶中都唔錯，留後吃的黑金流沙包，流沙香滑但包已變硬。淮揚小品陳醋紅蜇頭，水晶肴完，金絲小排骨，蓑衣黃瓜，四喜烤麩，黑松露珍珠燻糖心蛋糖心蛋最好，其他無出錯，但未見特出。脆皮煙燻bb鴿迷你bb鴿，皮薄肉不乾，唔覺煙燻香，不過不失。嫩雞煨麵期望清醇並非如此清淡！湯頭淡而無味，味如混了大量清水的雞湯，麵質軟熟還可以。滋潤飲品點了楊枝甘露及紅棗杞子圓肉茶各一。 茶芥每位$20，因此，二人餐實花費$437。 若然想坐得舒適，吃些不錯的，可以閒坐兩小時（當日三點可入座），不失為可考慮之選擇，但食物質素切勿期望過高。  …查看更多

前菜算係最好食既野香芹黃魚羹 （每位):3.5/5，帶dd腥味，不過加完胡椒粉之後都可以接受，唔算太難飲。干扁竹筍四季豆:3.8/5，兩個字講曬，好食。醬燒茄子:3.9/5，味道啱啱好，唔太鹹，食落去有層次感，中間包住啲肉肉。弄堂菜肉雲吞（6件):3.6/5，雲吞皮夠薄，味道唔錯，不過正常好多地方都食到，冇咩特別。肉絲炒淮山麵:3.3/5，成個面冇咩肉絲，九成半都係麵，食緊嗰刻我就喺度諗：唔通啲肉絲好貴，不過好彩都算好食過平時食開嗰啲炒麵嘅。椰汁小玉兔 （4件):1.1/5，比1.1分純粹係因為佢個樣夠靚，但味道真係超級難食，仲衰過出面啲人工糖水既味道，千祈唔好叫。總結而言，整體環境同服務質素都算ok既，不過唔知係咪因為人多嘅關係，比較嘈，之後我哋要求轉出邊嘅枱，好彩又咁啱有位，先靜返少少。…查看更多