京おでん-まさ

之前見到MM推介呢間主打關東煮的日式居酒屋，就已經bookmark咗想嚟試試，始終係香港提供正宗關東煮的日式餐廳唔多。點知出咗名之後，變得好難預約。二月尾果陣就決心揀咗四月其中一日假期嚟試。不過平日17:30-18:00呢啲時間會相對較容易預約。我知道關東煮喺日本其實只係平民小食，味道上好難做得令人深刻。呢間嘅關東煮比坊間試到的算係較好食，湯底好清，飲落去幾舒服，食材方面就正常發揮，比較特別會係腐皮福袋，入面包着好軟糯嘅年糕，係出面少食到的關東煮食材。八爪魚個汁都不錯。牛筋煮味道有驚喜，醬汁濃厚帶甜，蘿蔔蒟蒻煮得好淋身，非常入味。親子丼的蛋和雞肉煮得非常嫩滑，白飯應該有用高湯烹調過，整碗丼飯都吸晒高湯精華，好食！牛筋煮($78) 👅:94.22 分 吞拿魚他他($88) 👅:82.17 分 八爪魚 ($108) 👅:90.33 分 腐皮福袋 ($58) 👅:89.21分 日本產蘿蔔($42) 👅:84.33 分 雞肉丸($49) 👅:78.27分 蒟蒻 ($38) 👅:75.46 分 親子丼 ($98) 👅:94.22分 總括嚟講，呢間日式居酒屋同坊間的會有啲不同，食物偏向健康，主要用湯去烹調，味道上唔會有太大驚喜，但成餐飯食落幾舒服，如果價錢無咁貴，回頭率會更高。環境: 👍👍 👍 👍 回頭率: 👍👍👍👍訂座: ✅ (提前1至2個月訂座)等候位置時間: N/A…查看更多

大隻仔今次覓食嘅店舖就係💥 kyoto-oden 京おでん-まさ 💥 大隻仔今日到銅鑼灣食正宗日本京都風味關東煮，餐廳由日本師傅主理，顧客大部份都是日本客人，而且老闆唔識講廣東話感覺好似置身於日本。餐廳主打關東煮，類似居酒屋，所以第一件事就係先要點飲品，餐廳主打酒同小食，所以每碟份量都超細碟，雖然價錢偏貴而且份量好少，但十分之好食，值得一試。餐廳座位不多，最好先預約。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️⭐️抵食 ⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 鰻柳川 $120 （另加一服務費）期間限定季節性食物，將新鮮海鰻魚去骨，再用薑酒去腥，用高湯煮，海鰻魚夠滑，無骨淋身又入味，可惜份量太少，兩三啖就食完。🔥 親子丼 $98 （另加一服務費）食一啖親子丼，充滿日本風味，有強烈味醂同日本醬油烹調過既味道，雞蛋半生熟，雞肉好滑，十分好食，親子丼係大隻仔推薦食物之一。🔥 牛根煮 $78 （另加一服務費）燉煮時間夠長，牛筋牛腩充滿牛汁，超級入味，入口即溶，大隻仔超級推薦牛根煮。🔥 高湯煮燒茄子 $58 （另加一服務費）先將茄子燒燶外皮，去皮後再用高湯煮茄子，可惜茄子煮得唔夠淋，唔太入味，而且茄子比較硬身。🔥 關東煮 （另加一服務費）😋日本產蘿蔔（每件） $42白蘿蔔吸收晒日本高湯味道，清甜好食，夠淋身，十分入味又冇渣，面上放滿昆布絲，昆布絲口感黐立立，糊糊地。😋雞肉丸（每兩粒） $49手工雞肉丸，用雞肉打成肉丸，味道可以但肉質唔夠滑。😋腐皮福袋（每件） $58福袋都係店主自家製造，但感覺比較普通。😋國產香腸（每條） $53冇乜特別，同日本超級市場買到嘅日式/美式香腸一樣。😋炸魚餅（每件） $54唔算好大驚喜，比較似日本超級市場買到貨色。😋卷椰菜（每件） $88好好食，咁多款關東煮食物之中最推介，卷椰菜入面包住豬肉球，豬肉球比起雞肉丸更加滑，而且肉汁豐富，豬肉味濃，好好食，由師傅手工製造。…查看更多

感謝友人推薦仲要Carry, 一班人食可以叫多啲開心share, 酒都可以開多啲, 用料平實但做出比貴價食材更精細嘅美道, 值得encore再預約嚟食貝真丈 - 真丈即係將海鮮磨碎成糜, 今次就係用上貝殼類, 加入山藥泥、蛋清調和後製作而成嘅大丸子鰆魚南蠻漬 - 南蠻漬指將魚類炸過再連同高湯、醋汁、蔬菜泡漬酒盜烏賊 - 飲酒必叫, 烏賊嫩滑, 酒盜(鹽醃魚內臟)雖重口味, 但更加調出鮮味吞拿魚他他 - 加山藥同其他漬物, 個人覺得魚肉比例可以多啲, 口感同味道都有被喧賓奪主粟米天婦羅 - 薄薄粉漿炸完非常香口, 內裡juicy栗米鮮甜牛筋煮 - 呢個必叫, 入味軟稔, 蒟蒻吸收返湯汁滿滿牛肉牛根精華, 淨食冇飯都唔會過鹹高湯蛋卷 - 呢個都係必叫, 軟綿蛋卷吸收哂高湯精華, 最純粹玉子嘅味道 炸里芋頭 - 芋迷必叫, 外脆內軟, 香口得嚟又有細滑芋泥關東煮 - 湯葉, 飛龍頭, 雞肉丸關東煮 - 卷椰菜, 賀茂茄子關東煮 - 鰻親子丼 - 火候極好嘅滑蛋, 不能抗拒蛋汁撈飯 特製雜炊 - 比親子丼更加有驚喜, 感覺用關東煮嘅高湯完結更加完整體驗佢哋有好多唔同風格嘅清酒同燒酌, 仲有好多清酒杯揀, 除咗座位較少坐得密少少都冇缺點, 所以已經預約咗再訪…查看更多