山東小城 (西洋菜南街)

营业中

休息中

呢一日出開太子，睇吓bookmark有邊間想試，見到之前save咗嘅呢間，俾佢又有餃子，又有我鍾意食嘅小食吸引咗🤤餐廳喺始創中心附近，7點幾去到等咗一陣位排緊隊嘅時候，職員已經話餡餅要耐啲時間，如果想叫可以早啲落單，一坐低，即刻叫咗個 #京蔥羊肉餡餅 $34包面好脆！爆餡又juicy，要襯熱食～好快決定到叫咩小食😎叫咗我最愛嘅 #醉雞卷 $45雞幾滑，好入味，超醉😍 仲跟半隻醉蛋👍👍呢個必點！❤️另外仲叫咗 #麻辣豬耳 $40麻辣香之餘，仲有醋香，酸酸地連啲青瓜紅蘿蔔絲都好食，好開胃！清晒成碟😂餃子好多款都想試，又想飲酸辣湯，糾結叫邊樣😂😂😂最後揀咗特別啲嘅 #墨魚荢薺餃 ，本身想叫淨餃10隻，另加酸辣湯，職員聽到我地糾結咗好耐🤣佢話 #山東正宗餃子 係無跟湯，但因為迎合香港口味，可以跟湯或者酸辣湯，建議我哋可以揀 #酸辣湯墨魚荢薺餃 ，就可以一次過滿足晒兩個願望😂餃子脹卜卜，咬咬吓有馬蹄口感，感覺唔錯又特別酸辣湯用料足，酸辣啱啱好👍#自家製山楂茶 $10甜度剛好又解辣，好啱我哋飲❤️另外仲跟咗碟 #自家製麻辣菜甫 麻辣好香！啲餸未嚟已經忍唔住食😂門口仲有一樽樽可以買走😍都係$15/樽，買

店名：山東小城 地址：旺角西洋菜南街198號地鋪1.醉雞卷 $45雞卷嫩滑，花雕味好香👍👍2.黑糖醋豬軟骨擔擔麵 $58擔擔麵好好食，佢最重要嘅湯底，花生醬落得好多，味道濃郁，配埋個黑糖醋豬軟骨，異常配合，我仲差啲飲晒啲湯添3.酸辣湯墨魚荸薺餃麵 $65荸薺大家可能唔知咩嚟，其實佢係馬，墨魚配馬蹄好有驚喜,唔好睇成嚿餃子都係黑色，就覺得唔多掂，佢嘅餡料係墨魚滑，配埋馬蹄食口落口非常爽口彈牙，酸辣湯又唔錯，微辣得嚟有多配料4.京蔥羊肉餡餅 $34即場製作，爆餡多汁，製作需時20分鐘，所以如果想食呢，記住早啲嗌啦，咁就唔使等咁耐！！第一啖，啲肉汁多到咇出嚟，餡餅皮薄又煙煙韌韌，真係好難忍住口，食咗第一啖之後你就想繼續食落去5.龍眼冬瓜茶 $14消暑良物，下火清熱6.蜂蜜百香果蜜 $14百香果微酸，配埋蜂蜜中和番個酸味，好開胃

餐廳OpenRice地址係太子，但其實比較近旺角，西洋菜南街行過想坐低食嘢，咁啱有姐姐走出嚟介紹吓，見餐牌都幾吸引就入咗去砂窩酸菜燉白肉 本身入去想食水餃，點知見到餐牌呢個砂鍋湯勁吸引， $80大大煲，仲有埋薯粉夠晒飽肚，酸菜鮮甜唔會太重味，腩肉有十大塊，少少厚身好彈牙，仲有啲雲耳，最緊要餐廳冷氣夠大，食住熱湯都唔會覺得熱鮮肉菠菜餃麵 呢個鮮肉菠菜餃太出色，餃子脹卜卜，肉味好濃好鮮甜，唔會覺得成口醬油嘅感覺，餃皮同上海麵都好滑京蔥羊肉餡餅 以前住荃灣成日食有間好出名嘅韭菜餅，呢度羊肉餡餅簡直有過之而無不及，雖然上碟已經切開咗，但之後咬開仲係爆汁，餡餅個皮煎到好脆，神奇地都係唔油膩自家製醉雞 前菜叫咗個醉雞，又係冇扣分位，花雕酒味好濃郁，但唔會太啃，雞肉同雞皮都好滑飲品方面叫咗百香果梳打同龍眼冬瓜茶，兩杯都清爽好啱夏天飲

自己好鐘意食山東菜，款款菜式都好岩口味，小食同煮菜都好好味，份量係好大份好足夠，一定夠飽飲品方面，豆漿自己煲加$5可加大，咁抵就當然加大啦，自己煲嘅豆漿真係好飲好多，甜度適中非常好飲，豆味亦比較香濃。黑糖醋骨拼手撕雞麻醬拉麵醬汁非常多及好吃，份量亦好足夠，絕對唔係細細碗，手撕雞及豬軟骨味道亦十分好，口感不錯而且入口肉質亦很鮮嫩不會粗，肉類十分入味，師傅水準亦有咁上下，我哋對呢碗麵嘅評價亦十分高，價錢又合理所以性價比好高。生炸豬扒擔擔麵啖啖麵湯底有少少辣不過可接受，鍾意小小辣嘅一定好啱食，湯底有小小辣嘅味道更加好食，我自己都好鍾意食，鍾意食脆卜卜口感嘅你哋一定會鍾意食豬扒，豬扒入口好脆口好香，炸出嚟嘅感覺係恰到好處，我哋都好鍾意呢種脆脆嘅口感。雞絲粉皮麻醬汁十分香濃，粉皮同雞絲口感都唔差，配搭埋麻醬真係好好食，小食分量都唔細。京蔥羊肉餡餅十分推介這一款小食，餡餅系必試，爆汁嘅羊肉真係好鍾意，係我哋好鍾意嘅口感，啲醬汁可以掩盖大部份羊肉酥味，做得好就系咁，餡料十分多汁，好少食咁多汁嘅餡餅，所以係更加鍾意食，加埋仲有啲洋蔥口感更加好同更加香，最鍾意爆汁口感，鍾意食多汁多餡嘅餡餅，必定要試呢款

再次回訪，上次食大角咀分店，今次去太子分店兩間菜單有啲唔同，太子呢間多好多選擇，好多都想試🤤有假日晚市二人套餐，$198抵食最出名係墨魚餃～上次食過，今次再食▶️ 鮮肉西洋菜餃｜墨魚荸薺餃 ($60)10隻餃子，可選雙拼鮮肉西洋菜餃西洋菜多於豬肉🥬食落新鮮青翠，唔重調味，天然又健康墨魚荸薺餃烏卒卒🖤黑白配好靚墨魚皮質感味道似墨魚汁意粉手打墨魚內餡有驚喜😋比豬肉爽彈，加入少許馬蹄，食落爽口整體餃子大粒，餡料飽滿🥟餃子皮偏厚身，但質感煙靭有咬口，唔鬆散👍🏻好食又飽肚本身唔跟湯比較dry，鍾意可以問店員攞碗湯店員俾咗碗豬骨雞湯我，湯底香濃唔msg，加咗好食啲 (餃子亦冇咁快凍)*記得配自家製辣菜脯食，佢啲菜脯超爽脆！辣度啱啱好🌶️有興趣可以以$15買罐返屋企餸飯麵食*▶️ 山東雞扒拼豬扒菜飯 ($60)店員推介嘅新品賣相靚仔，一邊雞扒，一邊炸豬扒雞扒啖啖肉連脆皮，炸豬扒大大塊，旁邊有辣椒蔥油醬可點係略嫌肉質乾身少少🤏🏻菜飯即叫即炒，超多白菜仔🥬因為無落油炒所以粒粒分明冇正宗菜飯咁香，但較健康🍚▶️ 醉雞卷 ($45)有6大卷，至愛花鵰醉雞😍卷得紮實靚仔，功夫唔錯花雕酒味濃烈入味！雞卷全是肉🐔雞皮薄身

香港食山東菜又名（魯菜）地方唔多.好多人都唔知魯菜係乜嘢嚟.今日我哋就嚟到九龍太子區食山東餃子.山東餃子亦都係魯菜其中嘅食物.呢間舖開業唔算好耐.呢間係第二分店.佢哋嘅總店喺大角嘴.太子舖比大角嘴舖舒服好多.內裡裝修都幾特別.入門口右手邊有幾張四人卡位.中間位置有啲兩人枱及四人枱組合.左邊牆上面掛咗一幅畫.圖畫前面有一排吧枱.地方都好潔淨.燈光足夠.我哋坐咗喺卡位.座位都舒服！介紹今日食乜嘢1.京蔥羊肉餡餅 X2 $60元2京蔥羊肉煎餃 X1 $34元3.麻辣菜甫煎餃 X1 $34元4.酸辣湯墨魚荸薺餃 X1 $62元5.凍檸茶 X2 $28元6.再加單京蔥羊肉餡餅 X2 $60元