自家製韓國刀削麵 (山林道)

店在尖沙嘴山林道。小店一間，乾淨利落，桌距夠，坐得舒泰。午晚高峰常滿座，門口有人候位。服務員有禮，主動添水，上菜節奏穩。落座會先上泡菜。看得出是自家醃製，辣度輕，蝦醬帶出鮮味，灑上芝麻更香，單吃也不鹹。主打是自家刀削麵。我們點了牛骨湯和雞髀兩款。牛骨湯清而有味，牛香明顯，不覺負擔。雞髀刀削麵份量足，整隻雞髀躺在面上，再配一大顆馬鈴薯。湯頭較濃，鹹度比牛骨湯高一點，但沒有味精感，吃完不渴。麵條邊厚中薄，帶嚼勁，吸湯力好。小吃也有驚喜。五花肉泡菜煎餅厚薄適中，表面脆，裡面軟糯，咀嚼有層次。雙拼蒸餃子個頭很大，豬肉與泡菜各兩顆，餡料紮實，調味清，鮮味突出。整體價錢合理，份量實在。想吃一餐暖身、不花巧的韓式麵與點心，這裡可靠。…查看更多

最近天氣涼涼哋，做完facial喺附近搵咗間韓國刀削麵試下~餐廳門面望落都幾地道，內部裝修簡單。餐廳除咗有招牌刀削麵，仲有餃子、年糕、煎餅等。餐前附送嘅泡菜偏甜、唔辣，幾啱我口味。🍽️花蛤刀削麵 $78湯頭尾調有花蛤嘅鮮味，幾清甜，刀削麵上嘅蛋絲同紫菜亦幫湯提升香氣，唔錯~花蛤大隻、無沙。刀削麵口感帶少許煙靭彈牙，份量偏大份。🍽️辣拌刀削麵 $78另一碗麵專登叫咗份凍嘅，個人認為凍刀削麵口感更加彈牙爽口！拌麵色澤均勻，同平時食開嘅韓式石頭鍋飯有少許相似，但辣度及香氣更濃郁！拌麵上亦有牛腱，牛腱好腍帶有濃郁牛肉香氣。🍽️五花肉泡菜煎餅 $68表面睇落平平無奇，夾起身先知有驚喜！煎餅反轉夾咗原片五花肉片一齊煎，五花肉肥瘦適中，為煎餅帶嚟更濃郁香氣。另外煎餅口感有少少煙靭，幾好食。見隔離枱嘅餃子好大件，下次都可以試吓！…查看更多

朋友傾咗好耐，好想食吓地道嘅韓國嘅嘢，諗起尖沙咀好多韓國餐廳林立，於是佢就推介咗呢一間排長龍嘅餐廳。我哋都要等15分鐘以上先等到位入到去見到好多韓文就覺得去咗韓國啦！一入到嚟就會有泡菜可以食，仲要係新鮮醃製嘅味道。我哋三個女仔決定嗌啲唔同嘅嘢，三個人一齊分享！牛骨湯刀削麵 $78好特別嘅刀削麵，比一般拉麵多咗一啲心思。牛骨湯好好飲。雙拼餃子 $58期待咗好耐嘅餃子終於有得食啦！有泡菜餃子同埋豬肉餃子。餃子入邊有啲粉絲好得意。五花肉泡菜煎餅 $68煎餅都有大大塊五花肉喺底嗰度，泡菜煎餅還原咗韓國嘅味道。入到去好似去咗韓國小店咁樣充滿旅行感覺。…查看更多