戀 (太子集團中心)

基本上每月都會最少食一次居酒屋～因為覺得份量好啱女仔食☺️ 又可以試好多唔同嘅野食咁～今次就去左呢間位於尖沙咀嘅居酒屋～一開門真係比全場爆滿嘅場景嚇親😂 冇諗過平日黎都已經咁full🐟特生刺身拼盤 $368各類刺身都有3-4塊～每款刺身都無腥味都好新鮮😚 有啲surprise 呢個赤身一啲都唔會難食，完全冇腥味～而且三文魚腩都好厚身好肥美，啲油花都好平均～ 不過啲帶子可能擺得太近啲檸檬，覺得味道有啲比檸檬cover左咁～同埋有成兜三文魚籽，不過我好少食三文魚籽，就咁食好似會有少少奇怪🤣🔥火炙帶子壽司 $58最鍾意炙燒過嘅壽司🥰正常發揮，帶子都大大粒嘅～🍢串燒六式拼盤 $268呢碟啱啱拎黎嘅時候超級香😍 不過食落又唔係真係好似聞落去咁香燒油味/真係咁多油～整體6串都偏乾少少，但6串都有孜然粉調味，所以食落味道唔會單一～然後五花荔枝肉都幾好食，荔枝好fresh好香甜，完全可以balance到五花肉嘅油膩感～其餘都屬於正常水準～🍤海老野菜天婦羅烏冬 $128好想食天婦羅但又唔敢叫咁多，驚好熱氣，所以就叫咗個有烏冬嘅🤤 啲天婦羅炸得好香脆，啲蝦肉唔霉又夠彈牙😋炸漿唔會太厚，所以食落都唔會好膩～然後佢都有啲炸天婦羅冬菇，食落都好好食～個烏冬有驚喜🤩食落覺得係靚烏冬，因為質地煙煙韌韌，又好滑身～然後湯底都係好清甜嘅鰹魚湯，所以一啖天婦羅一啖烏冬咁樣食，完全唔會覺得頸渴😆🌽牛油燒粟米 $28呢個都有啲喜出望外！因為嗰個粟米好有牛油味，一嚟到嘅時候已經超香🥰 然後個粟米又係嗰啲超香甜嘅粟米，餐廳仲要貼心咁樣cut開三碌，好方便比客人食～又平又好味😚Overall都正常發揮～ 但有啲野食係有驚喜～份量都足夠，唔會太多唔會太少～不過有好多嘢本身想叫嘅，都唔知點解嗰日會冇晒…呢樣係有少少遺憾嘅…查看更多

戀上日本菜是香港人通病，我今晚又病發，來到新開的「戀」日式居酒屋。位於尖沙咀太子集團中心，每層樓面積不大，幸好卓椅擺設尚算寬敞，沒有一點壓迫感。吞拿魚中拖羅刺身（$158）帶子刺身（$78）先吃兩款刺身，所謂貴精不貴多，自選最喜愛的中拖羅及帶子。有點筋的中拖羅富嚼勁，吃得滿足。串燒六式拼盤（$268）和牛、雞肉、牛舌、五花茘枝肉、羊肉、雞翼，來到竟然有7串，皆雞肉串打孖上。拼盤最大的優點就是自己不用花心思挑選，已可以多嚐店主推介，這裏的另一優點是調味清淡，附上海鹽及醬汁，可以依照自己的喜好添味，正合我這些不喜歡吃得太鹹人士的口味。海老天婦羅（$198）一客四隻巨海老，炸得唔錯。清酒煮蜆（$108）蜆肉算是肥厚，沒有一隻不開口的，最喜歡個湯，非常清甜。蒲燒鰻魚壽司（$58）一客兩件，水準符合期望。香燒菠蘿（$42）最後香燒菠蘿，想不到半個上，一般都只有四至六件，燒過的菠蘿份外香甜可口，完美的結束。…查看更多

係尖沙咀食個商務lunch, 要滿足老細坐得好、一人一set、大份夠食好睇既要求1d都唔易 好彩搵到呢間新開既日式餐廳, 生或熟/keto定飽飯都有選擇, 滿足到老細同客既唔同需要 而且空間感較大, 近窗口既光線十足又有梳化位, 仲望到少少海 以呢個地段黎講午市真係抵食吧枱掛住《自慢の燒物》既木牌果然名不虛傳, 而呢個開放式吧枱都係餐廳重視既元素, 廚師可以同客人溝通同講解食物, 而食物都一定可以以最新鮮熱辣姿態送到客人手上餐牌都好有心思, 可以睇到店名既用心呢間尖沙咀店岩岩開, 黎緊12月仲會係灣仔QRE開新分店. 新張期內有唔少優惠, 例如呢個串燒拼盤就係訂座送既. 串燒拼盤可揀汁燒/鹽燒🧂, 汁燒香甜惹味. 六式拼盤分別有牛舌、五花荔枝肉、雞肉、雞翼、和牛同羊肉. 其中厚切牛舌多汁軟腍, 而推介既五花荔枝肉有荔枝汁既香甜牛小排炙烤至外皮焦香內裡緋紅🥩再放上石爐燒至自己鍾意既熟度, 均勻既雪花燒後走油, 安格斯牛味更濃刺身方面都唔輸蝕! 魚肉件件厚切好肥美, 其中帶子真心甜到不得了 呢個價錢食到入口即融既中拖無得頂🐟 追加既海膽軍艦鮮甜味十足又幼滑, 1d都唔腥! 最後仲叫左個清酒煮蜆暖暖胃, 用最簡單既蔥蒜海帶調味, 就唔會蓋過花甲既原味🍲Lunch set一套非常豐富1) 主食外點都會有個2) 珍珠米飯/烏冬3) 麵豉湯/芝麻沙律4) 動L紅豆奶凍🥛仲有好有誠意既5) 冷泡茶/養生花蜜🍯, 而唔係普通檸茶檸水食完熱辣辣串燒同燒肉, 門口仲有免費任食日本果汁冰條降下溫. 不過食左咁多野已經好足夠, 走果陣行到門口先見到, 已經食唔落了 但都好欣賞店家既貼心-安格斯牛小排🥩($225/午市套餐配刺身3️⃣點|御飯🍚)串燒6️⃣式拼盤 ($268)(牛舌|五花荔枝肉|雞肉|雞翼|和牛|羊肉)刺身5️⃣味拼盤🐟($228/午市套餐配味噌湯烏冬🍜)(10件: 三文魚|甜蝦🦐|油甘魚|吞拿魚|中拖羅|帶子)海膽軍艦 ($78/2pc)清酒煮蜆🐚($108)冷泡荔枝紅茶🥤|🍯蜂蜜冰糖菊花🌼 (餐飲)…查看更多

男朋友今日股票有斬獲帶左我去食好野🤩🤩我地去左間日式料理店呢度有齊多款食物由串燒到刺身到天婦羅到丼飯到火鍋，應有盡有！一定揀到想食乜～串燒六式拼盤呢個拼盤豬牛雞羊都有每串都可以兩個人分食啱晒我地個牛舌非常出色！厚肉得黎完全唔韌調味適中，香口得黎有少少胡椒味另外個五花荔枝肉又係好好味個荔枝味好香好清甜完全減去五花肉個油膩感👍特上壽司四式拼盤有三文魚、吞拿魚、赤蝦同帶子每款質素都唔錯赤蝦入口爽身彈牙帶子鮮甜佢個壽司已預先加入芥末唔喜歡嘅朋友可以提早叫佢唔好落海老野菜天婦羅烏冬佢個天婦羅外皮有少少軟但最後又有少少脆喎感覺好特別咁樣反而唔係食落每啖都卜卜脆咁熱氣😂又要食熱氣野又要怕熱氣嘅人真夠煩🫣🫣烏冬係稻庭烏冬，好滑溜～湯底清甜配天婦羅食剛好食到好飽仲有甜品送有日本直送嘅鮮果冰同吱吱冰正！…查看更多

吃貨人生，無論咩時侯都需要食。見太耐冇食日菜，同朋友黎尖沙咀食日本菜。兩個人叫得好豐盛。串燒、壽司、天婦羅、丼，咩都有。串燒六式拼盤可選擇汁燒或鹽燒，選擇咗汁燒，因為鐘意甜甜地嘅燒汁。拼盤好豐富， 一般嘅牛肉、雞肉都好嫩滑。當中最愛厚燒牛舌同五花荔枝肉。牛舌外少脆內軟，口感極佳。五花荔枝肉一咬落肉脂爆曬出嚟，之後慢慢食到荔枝果甜。一邊食仲有個小火爐比我地燒一燒串燒，作翻熱。特選壽司三式拼盤有三文魚、吞拿魚同甜蝦。當中最愛食厚切三文魚腩，極肥美。海老天婦羅有4隻大大炸海蝦，薄薄炸粉包住彈牙海蝦，保留咗天然蝦味。食丼嘅話要選擇海膽三文魚丼。海膽足足有3片，好鮮甜，配埋三文魚子食，拌成碗飯唔成問題。三文魚都有5片，但冇壽司嘅三文魚咁有魚油。朋友比較少食茶漬飯，所以點咗燒三文魚茶漬飯一齊食。高湯有好香濃，用鰹魚作主調，配以淡淡紫菜咸味。朋友都好鐘意呢個食法。隆重開業有非酒精飲品買一送一，點咗冷泡荔枝紅茶同荔枝藍蝶花梳打。最後點咗紅豆抹茶奶凍同楓糖鮮果窩夫作結。…查看更多

呢間餐廳特意從日本訂購專業燒鳥爐，製作地道日式串燒、各款燒海鮮同燒肉料理🏮亦有各款刺身、壽司、天婦羅同特色丼飯等🎌✨經OpenRice訂位，2-3位即贈送串燒六式拼盤 (價值$268)，包括厚切和牛、鹽燒雞肉、厚切牛舌、五花荔枝肉、孜然羊肉、孜然雞翼💗日式餃子 ($68)豚肉餃子煎至外表焦脆，味道相對較簡單，蘸上柚子醋提鮮🥟💗鹽燒鮑魚 ($156/ 2只)鮑魚簡單以鹽燒最能帶起鮮味，不過燒得略為過火，肉質未得爽嫩腍滑🐚💗安格斯牛小排 ($258)嚴選美國USDA Prime 牛小排，脂肪分布均勻，肉質鬆軟柔嫩，肉味香濃，肉汁豐富🥩貼心設有高溫石板加熱，另配有海鹽同日式燒肉汁蘸點😋💗三文魚籽軍艦 ($40/2件)三文魚籽軍艦粒粒圓潤飽滿，咸鮮味濃🍣💗滑蛋豬扒丼 ($98)吉烈豬扒炸得金黃松脆，肉質結實松化🐷飯量亦非常多🍚不過滑蛋部份比較失色，質感未得滑溜半熟，比較似洋蔥炒滑蛋🍳💗海老野菜天婦羅烏冬 ($128)昆布湯底較清淡樸素，扁烏冬口感滑順但唔夠煙韌🍜；海老天婦羅炸得金黃酥脆，炸漿夠薄，蝦肉又大只彈牙🦐，另配有南瓜、杏鮑菇、蕃薯天婦羅🍠💗冷泡荔枝紅茶 ($32)荔枝紅茶香甜清新，最後放上新鮮荔枝🍹💗千福甜蜜梅酒 ($78/杯)梅酒口感清爽易入口，梅味甜度適中 ，尾段回甘🥃…查看更多

三分甜，七分飽，食野首要條件就係，What love you eat，你果刻諗到想食咩就直接去馬，唔好比機會或者空間去猶豫，由心而發既果下永遠都係最真誠，我呢晚就最想食日本野，所以諗都唔諗，walk in呢間新開既「恋 | Tsukiau」，咁先夠忠於自己，忠於個胃呀麻！👇📌廚 師 推 介 - ▪️ 芝 士 年 糕 - $48 ▪️ 牛 肉 豆 腐 野 菜 鍋 - $158▫️ 第一個小食必食「芝士年糕」外層做到熱辣辣，咬開裡面年糕相當煙韌，仲有流心芝士，香而不膩，好食；另一款「牛肉豆腐野菜鍋」成個鍋物好豐富，集齊哂肥牛、椰菜、冬菇、火炙豆腐、金菇、芋絲、洋蔥，肥牛滑嫩唔再講，成件事惹味到不得了，送飯認真一流！📌串 燒 - ▪️ 串燒六式拼盤 - $268 ▫️ 何謂「串燒六式拼盤」呢？其實係集齊哂和牛、雞肉、牛舌、五花荔枝肉、羊肉、雞翼，和牛厚切大大粒，食落肉質唔會太老，夠哂軟腍入味，要大讚一定係串燒擺耐左，佢地會提供一個烤爐仔比你慶返熱，呢種咁貼心既服務加唔少分！📌丼 飯 - ▪️ 蒲 燒 鰻 魚 玉 子 丼 - $138 ▪️ 海 膽 三 文 魚 丼 - $168  ▫️ 丼飯又係走唔甩既，前者「蒲燒鰻魚玉子丼」，鰻魚燒得岩岩好，大大件賣相吸引，外層帶少少焦香，入口肉質夠滑溜，加上玉子連埋燒汁一齊食，幾出色；後者「海膽三文魚丼」面頭馬糞海膽仲滲左D飛魚子係面，口感增加左唔少，海膽當然夠鮮甜啦，配上三文魚，成個丼飯我覺得幾飽肚，魚生控可以一戰。📌飲 品 -  ▪️ Suntory黑 啤 - $68 ▪️ 水 蜜 桃 梳 打 - $38▫️ 而家佢地仲做緊開業優惠，生啤買一送一，酒精控既我一定走唔甩「Suntory黑啤」咖啦，仲可以有其他生啤選擇，而我朋友就揀左杯「水蜜桃梳打」，甜得黎唔會太漏，飲落仲幾清爽，唔錯。…查看更多

新開日本餐廳，好有空間感，風格頗為高格調。職員有禮😊😊 Overall 不錯清酒煮蜆 $108湯很甜比以往吃過清酒煮蜆的湯，雖然湯不多，但這個是有心思的調味，只是飲湯都不錯了啊串燒六式拼盤 （原價$268）新店開張，凡惠顧每枱都免費送的😍不要小覷是免費啊！份量及質素都不錯，有和牛、雞肉、牛舌、五花腩荔枝肉、羊肉、雞翼。鹽燒油甘魚鮫 $118喜歡吃魚鮫，因為無骨又多肉，一碟有3片特盛刺身拼盤 $368大頭甜蝦、三文魚、帶子、吞拿魚等海膽刺身 $158厚厚的海膽刺身芒果千層蛋糕 $58這裏的甜品，挺實惠，餐牌的抹茶千層蛋糕改為芒果味，也不錯。一口泡芙 $68約8粒，下面有奇異果及士多啤梨托底免費任食日本果汁冰條放在入口位置餐牌 ： …查看更多

係尖沙咀新開左呢間樓上日本野，趁今日個肚好餓決定黎呢度充一充饑呀！想食串燒又唔想諗食咩，要串燒六式拼盤就唔使頭痕！有和牛、雞軟骨、牛舌、五花荔枝肉、羊肉同埋雞翼。和牛好冧身，保持到肉汁。牛舌都幾大塊，爽爽地唔錯。羊肉都唔會好膻，十分香口。特別推介五花荔枝肉，好好味，荔枝既甜香同肉既味道好配合，我會建議最後先食，令個甜味可以調和之前咁多串既肉味。再黎一個牛肉薯餅。好欣賞佢Ｄ炸粉唔會太重手，外脆得黎又唔會成口粉，入面既薯蓉都夠滑，又有肉香。食日本野當然點都要返個刺身拼盤，呢個特盛刺身拼盤除左帶子之外每樣3件，每樣都幾好，但特別欣賞佢既蝦真係好甜，連蝦頭都嘟得好過癮呀！另外我地再嗌多份帶子壽司，個人覺得好似比拼盤既帶子更加鮮甜。之後係澱粉質之友既時間！雖然只係兩個人，但我地叫左唔同既主食，包括：滑蛋豬扒丼、雞白湯嫩雞烏冬、日式蕎麥麵、燒三文魚茶漬飯、明太子燒飯糰。滑蛋豬扒丼既蛋都幾滑，豬扒唔錯。雞烏冬個湯都幾好飲，有滑滑既感覺。蕎麥麵原來都幾大碗，唔係平時果Ｄ一個碗仔果Ｄ，認真抵食。茶漬飯既感覺比較似湯飯，咸咸地，同三文魚都幾夾。燒飯糰外層燒過有飯焦，而內層都係軟熟既白飯，明太子既咸香都唔錯。最後有得任食唧唧冰，係日本既水果唧唧冰黎。我地揀左士多啤梨同桃味，兩款都幾似果汁，岩哂而家咁熱既天氣呀！…查看更多

星期三下午同老公去完故宮博物館，夜晚去尖沙咀醫肚。全日行左勁多路，搞到老公勁肚餓，叫左好多野食。串燒六式拼盤新開張訂座就會送，價值$268，有和牛、雞軟骨、牛舌、五花荔枝肉、羊肉、雞翼。全部燒得岩岩好，五花荔枝肉兩者好夾，荔枝可解五花既肥膩，羊肉落左孜然粉，好惹味。特盛刺身拼盤刺身無雪味，唔會得細細件既size，幾抵食。帶子壽司帶子壽司size正常，無雪味，已經搽左芥末係入面。牛肉薯餅新鮮炸起熱辣辣，餡料口感軟滑，好好食。明太子燒飯糰燒到有微微飯焦，包住既明太子微辣，好惹味。滑蛋豬扒丼豬扒唔係薄身無肉個種，白飯撈滑蛋食好味道。雞白湯嫩雞烏冬湯底幾好飲，雞似份量唔少，烏冬彈牙，正。日式蕎麥麵湯底偏鹹，蕎麥麵蕎麥味好出。燒三文魚茶漬飯三文魚又係大大塊，茶漬飯都唔錯。最後仲有得任食雪條添，其實似沙冰多啲。…查看更多