樂天皇朝 (雅蘭中心)

超多分店的樂天皇朝，最出名就係八色小籠包，岩晒貪心想試晒所有味的靚靚!!🐉🥟- 特色皇朝小籠包 (八色) HK$142 🥟🌈必試招牌菜!!小籠包皮又薄又滑，微微麵粉香氣，肉餡多汁鮮美，而且有齊八種口味:原味，糟溜絲瓜，鵝肝，黑松露，芝士，蟹粉，蒜香同川味。每種都令人驚豔!!當中最有特色係蟹粉同川味，蟹粉小籠包蟹膏甘甜味十分特出，而川味小籠包辣味香而不麻，回味無窮!!- 原味小籠包6隻 HK$72 🥟- 上海生煎包 HK$48 🍳🥟生煎包皮薄充滿彈性，煎得焦香，肉餡爆汁，同小籠包一樣咁正!!- 醋醬海蜇頭 HK$88 🐙爽脆海蜇頭配上酸甜醋醬好開胃。- 京醬肉絲配薄餅 HK$108 🌯京醬甜味包裹住豬肉絲，連少許蔥白捲入熱辣辣薄餅中，味道超似片皮鴨，惹味又口感豐富。- 蟹粉炒年糕 HK$238 🦀蟹粉超鮮味，啖啖蟹糕滋味，超滿足！！- 蒜香排骨豬骨湯拉麵 HK$88 🐷🍜排骨外酥內嫩，肉質細嫩多汁，拉麵順滑，一脆一滑口感豐富。…查看更多

上次係雅蘭見到樂天皇朝，已經好想食佢既小籠包。今日出開旺角行街，梗係要食番佢。餐廳係傳統中式佈置，座位闊落，用餐環境舒適，適合聚會，但係又唔會太嘈。- 特色皇朝小籠包 (八色)最想食既一定係皇朝小籠包，有齊 8 種口味。每種口味有各自顏色，色彩繽紛，好有特色，必定要試。可以由中間開始，跟住順時針食，就會由淡味食到濃味。每個小籠包都係皮薄餡多湯汁多，真係好正；個人覺得蒜香，蟹粉，黑松露味道最特出，配搭得最好。- 皇朝擔擔拉麵食上海菜，擔擔麵都係必叫。雖然係淨麵，不過湯汁好香濃，好重麻醬同花生味，不過就比較辣。- 上海生煎包生煎包即煎，底部香脆，而且肉汁多。- 蒜蓉炒菠菜超香蒜蓉味，好難得有餐廳炒到咁香咁好食，不過份量就比較少。- 香煎豆沙鍋餅 & 薑茶黑芝麻湯圓食飽咗，當然要食埋中式甜點 - 豆沙鍋餅，芝麻湯圓。豆沙鍋餅，外皮香脆，豆沙蓉綿滑，甜度適中。薑茶味道幾好，有少少辣，飲完個身會暖咗。- 檸檬菊花蜜試咗杯檸檬菊花蜜，少少檸檬既酸味，但係最後係有蜜糖既清甜，值得一試。…查看更多

mazi大人好中意食上海菜，時日覆診後就嚟到樂天皇朝，裝潢古色古香，一嚟坐得舒服，二嚟mazi最中意食～ 所以今日就寫個食評⋯—首先端上壺茶+小食 （滷水鳳爪），味道不錯，夠入味！—🥟特色皇朝小籠包 $142/8隻八色小籠包終於有機會食啦 八款口味分別係(原味 、糟溜絲瓜 、鵝肝 、黑松露、芝士、蟹粉、蒜香 、川味 ）🥢建議由「原味」開始食至「川味」，味道由淡至重！ mazi大人最中意「黑松露」，好松露果種漏gas味得嚟帶點菇香！ 另一款係「糟溜絲瓜」！每粒小籠包皮薄，但唔會一夾就穿，就算手殘嘅me都絕對冇問題👌🏼🥟重慶紅油鮮蝦炒手 $85少少辣，每粒都包到有金魚尾，好靚～ 皮薄肉汁多，mazi大人大讚🥟上海生煎包$48唔厚皮，包底脆，入口肉汁滿滿🥟清燉雞湯$68味道清甜又夠大碗Overall 嚟講人均消費$20x價錢中等，但係就有好多特別口味小籠包，啱晒中意試新嘢嘅你～大家經過不妨一試！—-如果大家中意俾個like支持下🤟🏽 𝗖𝗶𝗮𝗼🥟樂天皇朝🥢旺角彌敦道639號雅蘭中心2樓203及205號舖…查看更多

Lunch經開旺角想食啲上海野，一諗就諗起「樂天皇朝」，佢個位置都幾就腳，E1出口行一分鐘就到！ 一直都想試佢個色彩嬪紛嘅八色小籠包，賣相好吸引，今次嚟到當然唔會走寶~ 🧡特色皇朝八色小籠包（$138）特別為咗呢道菜嚟食，招牌菜果然無得錯！賣相唔駛多介紹，色彩嬪紛就必然㗎喇~除咗樣之外，佢都好有內涵，皮薄多汁唔易穿，食起身都方便易夾，粒粒都好工整，大小相若，一口剛好！ 每款味道都各有特色，由淡味至濃味都有，調味啱啱好，食完唔會膩，讚！ 🧡上海炒飯（$93）用上肥美嘅珍珠米，簡單得嚟好滿足，配料多又大份飽肚，唔錯！ 🧡上海生煎包（$45）生煎包個底煎得好香脆，大大隻有3隻，肉汁都好鮮美，正！見佢下午三點後會有6折，幾抵下，有機會等下午茶時間再嚟一戰！…查看更多

在旺角附近覓食，太多選擇也是麻煩，最後就近簡單吃個上海小籠包。紅油抄手，看起來以為很辣，但其實並不會，紅油只是香氣比較重，抄手份量都算大粒。李白雞髀，雞肉被砌得的圓圓的上桌，樣子可愛，令人捨不得下箸。皇朝小籠包，色彩繽紛，九種顏色九種味道，很有新意，很多新鮮的口味，不好處也是每款只有一顆，除非每人一份小籠包，不然是不能試完全部的，結果總是好奇人家吃的口味是不是會比較好。上海生煎包，香煎包底有是有，但未夠香脆，以致感覺有點油。菜肉雲吞拉麵，湯底較清，味道較淡，其他沒什麼特別感覺。千層油糕，鬆軟彈牙，當作甜品結束這一餐。總的來說，除了紅油抄手，其他菜色都比較淡口，感覺養生。…查看更多

又係平日放工出街開飯🍚🍚 本身諗住去牛角 點知又係太多人排隊 就試吓呢間 見啲人入去都唔使排隊 好快就已經坐低左 周圍算係舒服 唔會同隔離太近 睇睇個Menu先樂天皇朝 曾經輕過一排嘅八色小籠包～ 除咗呢個Menu之外 佢仲有一本大menu可以睇吓啲相 呢個只係for落單用 我覺得有埋價錢會好啲撈拌海中寶 賣相我就覺得一般般 但係食落海蜇同蝦幾爽口嘅 加埋啲汁撈埋唔錯 但係就唔係好夾青瓜啲味皇朝小籠包 睇落都OK嘅 特別推薦蟹粉同埋原味 其他我就真係覺得一般般 例如食個鵝肝味小籠包嗰陣 覺得個肉仲搶咗個鵝肝味同埋小籠包唔夠熱擔擔面 一開始睇落好細碗 但係食落個份量都係足夠既 只係有少少辣 同埋嗰啲拉麵成日痴埋一齊 夾嗰陣有啲麻煩 比較難分開生煎包 正正常常冇乜驚喜 宮廷壚打滾 睇個名完全唔知食啲咩 睇落好似好”in銀” 食落裏面係紅豆蓉 同埋唔會癡牙 幾特別 埋單$4xx 我覺得試一試無妨 不過就未必可能會返兜了 …查看更多

明明我哋已經食咗午餐，但係都想食個下午茶開心下，於是又開始搵食之旅~今次嚟到雅蘭中心嘅樂天皇朝，之前去過其他分店食過，不過旺角呢間分店都好大，加上下午茶時段無咩人，所以坐低傾下計都唔錯。本身我哋諗住食完小籠包就算啦，但係見到餐牌之後，我哋都仲想食好多嘢，於是叫咗一碗紅燒扣肉拉麵同埋生煎包，兩個人嚟講，呢個下午茶份量十足呢。小籠包同生煎包維持一貫水準，好多汁呢！而紅燒扣肉拉麵肉質夠淋，湯底同麵都好夾啦~…查看更多

My Order:特式皇朝小籠包 <八色> ($98)上海生煎包 ($88)京醬肉絲配薄餅 ($82)生炒油麥菜 ($62)菜肉雲吞豬骨湯拉麵 ($58)上海炒飯 ($78)鬆花皮蛋豆腐 ($48)四川夫妻肺片 ($68)特式皇朝小籠包 <八色>色彩豐富的小籠包，個人喜歡原味和蒜香味，皮夠薄也鎖得著湯汁。各種味道這個賣點新鮮可以吸引人。但下次再光臨的話，我應該會直接點原味就好~嘻嘻!上海生煎包 新鮮熱騰騰出來，湯汁很滿肉也好吃!京醬肉絲配薄餅 在香港要找到用皮包肉的吃法較少，大部份都只是用在片皮鴨上。看到這個京醬肉就馬上要點啦~餅片很煙韌，包著京醬肉絲吃，忍不住一口接一口呢!!咸咸的肉配餅皮就像配白飯一樣的搭=D生炒油麥菜畢竟在外點菜油分都會較多。量與價錢不太成正比=[菜肉雲吞豬骨湯拉麵推介!湯底意外的很濃，菜肉雲吞也有好多顆~朋友都對這個拉麵的評價很高!上海炒飯 重口味的一個飯..不太推薦!!鬆花皮蛋豆腐 好吃~~作開胃小菜很適合阿!豆腐很滑切得很薄，底下的醬油夠香再配皮蛋吃，味道多層次。四川夫妻肺片 夫妻肺片就是夠辣才好吃，辣味是夠的，略嫌太難咬開了!…查看更多

同屋企人食飯都以中菜為主，所以每次都會花心思找一間好味的中餐館與家人分享。琴日就黎左樂天重朝食午餐，中午1點多黎到唔需要等位直接入座，店內非常寬敞和寧靜，適合傾計。見個茶壺幾靚就成為左影相既道具喇 哈！擺碟生煎包即刻充滿懷舊美。生煎包煎得外脆內軟，一咬包入面既肉汁流口，好鮮味。哩碟蝦球一上枱顏色已經好靚好吸引！個醬汁辣辣地，我唔食得辣都可以食到，蝦球大大隻好爽口，好食！見到個餐牌有幾款蟹粉菜式，就點左蟹粉炒飯試下。炒飯炒得干身，咁鑊氣，面頭金黃色的蟹粉好正呀，每食一啖飯都好鮮，值得推介一下！哩碗鮮蝦雲吞的湯奶白色好飲，雲吞都幾大粒，入面的鮮蝦爽口，不錯！到介紹一下主角喇，屋企人發板點左原味小籠包，一籠共六粒，每粒都包住好多湯汁，我最中意飲晒湯汁再點少少紅醋，好好味！食到最後我地就示意店員上甜品，點左一份桂花酒釀丸子試下。桂花味好香，最愛食小丸子，正呀！…查看更多

談到八色小籠包，有誰不立刻聯想到樂天皇朝？雖然八色小籠包絕非新鮮事，但當朋友提出想吃上海菜——小籠包、生煎包⋯⋯對上海菜沒甚深入研究的我腦海中轉瞬之間便浮現出八色小籠包的畫面。三色瑪瑙蛋 ($53)三色瑪瑙蛋以鹹蛋、皮蛋及雞蛋製成，賣相精緻得好比中式糕點，上層白色部分為鹹蛋蛋白，而下層則是混合皮蛋及鹹蛋黃蒸成的雞蛋，當中以鹹蛋的味道最為突出，正中下懷。皇朝小籠包 ($98)招牌八色小籠包絕對是樂天皇朝的代表作，原味、鵝肝味、黑松露味、人蔘味、芝士味、蟹粉味、蒜味以及麻辣味共冶一爐，皮薄餡靚，每顆肉汁豐沛，當中蒜味及麻辣味最為濃郁。菠蘿咕嚕肉 ($82)酸甜黏稠的醬汁絕對是咕嚕肉的精髓所在，咕嚕肉預先去骨方便食用，外脆內軟啖啖肉，亦能吃得出絕非用上罐頭菠蘿，新鮮菠蘿鮮甜多汁，平凡中盡見心思。蟹粉豆腐 ($128)簡單以蟹粉煮成的茨汁蟹粉味道濃郁，與嫩滑的豆腐相輔相成，一濃一淡，鹹度適中，用以佐飯定必一絕。上海生煎包 ($38)生煎包底層微脆，包身較為結實，餡料肉汁充沛。糯米紅棗 ($52)將香甜的紅棗夾著煙韌的糯米，甜度自然之餘口感豐富，可惜份量較少，性價比較低。宮廷驢打滾 ($38)驢打滾是以糯米糍皮卷著紅豆蓉夾心然後沾上花生粉末，因為在其表面裹有均勻的一層花生粉末，由於外觀頗似小毛驢在土地上打滾後渾身沾滿泥土故得此名，口感較糯米紅棗少一份煙韌、多一份軟糯，紅豆蓉雖然較甜，但是份量恰到好處，加上花生香的昇華，實在是令人回味無窮的一道甜點。榴槤小籠包 ($88)鹹食小籠包唾手可得，然而甜食小籠包卻，榴槤小籠包更是萬中無一，以小籠包皮包著滿滿的榴槤蓉，蒸熱之後榴槤味道更加濃烈，一觸即發，餘韻纏繞舌頭揮之不去，榴槤愛好者如我絕對吃得津津有味。雖然嚐過的上海餐廳不多，但樂天皇朝的確稱得上是可一可再的粵菜館。…查看更多

難得有機會同媽媽撐枱腳 緊係食好少少佢突然間話想食小籠包喎咁緊係帶佢食新野 8色小籠包啦原味 麻辣 鵝肝 芝士 黑松露 蟹粉 蒜香 人參啲味好似好特別咁 果然無令我地失望皮薄涵靚 記得跟指示由淡至濃咁食炸醬拉麵 手拉麵真係特別彈牙口感一流 微微嘅辣 花生加香䓤 勁香口生煎包 即叫即煎 中間鮮肉勁多肉汁咬一口完全爆流湯汁出黎 勁正紅油炒手 睇落紅油好多 不過唔係好辣雲吞皮好薄 變相口感豐富 勁肉肉的最後來一點甜 叫左桂花酒釀丸子一上枱 酒味香濃 但食落又唔會太誇張 …查看更多