三多炸肶

由於食左餐唔太滿意嘅上海菜（參考元朗京滬村食評），我未夠飽，所以我再去左三多，打算食隻炸脾頂頂肚。因為上次叫套餐，飲品沖得唔係太好飲，今次就決定單點雞脾。睇睇下，又想試埋其他野，但原來佢地除左雞脾嘅價錢係較抵食之外，小食都唔平例如：炸芝心丸係$45、雞軟骨係$50咁由於我冇食過，唔知份量如何，但單睇價錢，我唔會點，所以最後只係點左炸脾、腸粉。三多炸雞脾 $29同上次嘅感覺一樣，依然炸得好香脆，雞肉好滑，但都係覺得肉冇乜味，我食就一定要加辣粉香辣肉碎炒腸粉 $35本來見腸粉要三十幾蚊，都唔係好捨得點，但朋友話想食…睇落就幾大兜，但實際腸粉份量唔多。食落幾惹味，不過真係貴左少少。話明香辣肉碎，醬汁就有，但我地覺得唔夠辣。而且炒腸粉，炒到咁濕，純粹個人口味唔太啱食。腸粉大大條，但唔係特別滑，仲有些少硬身…我下次都係食番炸脾算~…查看更多

三多卒之開到嚟元朗喇，之前喺大埔一直想試，不過唔係未夠六點就係因為已經食飽咗。開張嘅頭一個禮拜經過都有成廿幾人迫喺間舖既裏裏外外等雞髀，我睬佢都戇dog ，而家開咗幾個禮拜喇，嗰陣班新屎坑排隊L走哂喇，得番三幾個客，我知道今日，係機會喇小志強。頭幾個禮拜都見到啲元朗人話同大埔嗰間簡直兩回事，不過今日食完之後覺得元朗呢間都幾好丫，之前睇人啲相以為佢個炸漿好厚，但係其實原來好薄好脆，嗰塊皮脆到好似薯片咁，被薯片包裹住嘅雞肉異常咁嫩滑，不過近骨嗰啲位就好似痴痴地肉，不過針又邊有兩頭利架，我寧願享受嫩滑既雞肉喇。試過元朗舖之後，令我更加想試大埔舖，想睇吓係咪真係能夠再好食到兩回事丫嘛。另外奇怪喺大埔嗰邊嗰間分店叫三多多，咁點解喺元朗呢邊開分店唔跟住三多多多多落去呢？…查看更多

剛剛進駐到元朗的大埔美食名店 － 三多炸脾，在我的交友圈中近日已經不停POST出放毒相～～隻隻新鮮炸起的炸雞脾，真的讓人受不了。終於我受不了，來到又新街的三多炸脾，門口爆多人呢，而且店內還有蠻多人即場食炸脾。真係即點即食～Menu還蠻多選擇，均以炸野食居多，但我今次目標很明確，就是炸雞脾！！由點餐到拿到外賣，足足等左我30分鐘，因為我貪心多點了即叫即炒的豉油肉碎炒腸粉，搞到等左超耐。三多炸雞脾 － 由於太多人點炸雞脾，幾乎是即叫即炸。外皮是吉列脆皮，拿到家中享用差不多也過了15分鐘，但依舊超級酥脆。但辣度要慎選，因為我點了小辣，超級辣呀～～某些部位太多辣粉，差點辣到我食唔到下去，最好是點唔辣，自己再加辣粉。呢個豉油肉碎炒腸粉聞落去好香，而且腸粉每條都炒到上晒色，加埋爽脆的芽菜，口感同味道都唔錯。但成＄35一盒而且仲要等好耐，又至於是非食不可的，所以我覺得性價比唔高。…查看更多

深夜放毒系列😂炸脾邪惡勢力殺入元朗！😈宵夜食乜好？🤔緊係近期Hit爆的三多生炸雞脾啦😛見到吃貨們排哂隊就知有幾正！😍三多炸雞脾 🍗🍗🍗($28)炸脾份量十足。用竹籤撐起🙊真係大過隻手掌架✋🏼😳一拎上手熱騰騰🔥即叫即炸。香氣撲鼻🌬聞到炸脾香味好想咬一啖😫流哂口水喇～😂雞髀外層炸至金黃色。脆卜卜 😍小店特別用左吉列方法黎炸雞脾🙇🏻外層加上酥脆麵包糠🍞所以炸脾零舍金黃酥脆架👏🏻👏🏻👏🏻但仲keep到乾身唔油膩！抵讚！💯咬落去聽到脆卜卜聲音🙌🏻堅。邪惡呀👿雞脾的肉質仲好嫩滑添☺️輕輕一咬～肉汁緩緩流出🍗原來係用上高溫鎖死肉汁！🔒肉汁豐腴。外皮酥脆🤗令朕食指大動呀🤑唔怪得成日大排長龍啦！😆P.S. 小店名句：「食雞脾唔食皮係一種罪。」😂…查看更多

於大埔無人不曉的“三多”, 近日竟然殺入元朗開分店 - “三多炸脾”。 有什麼可以驅使炸脾跨區開鋪? 嘴饞的當然去一探究竟。炸脾開設於又新街的橫街內, 一點也不減光顧的人潮, 就算平日下午都堆滿食客。 就趁晚飯前的空檔去看看。炸脾店不算大, 簡單的掛上兩幅大照片做裝飾: 總店的黑白照和製作雞脾的近鏡。廚房已佔了一半位置, 提供的食物主要是外賣, 而店內兩旁設有窄窄的長檯, 供食客可以買完即食。除了炸脾, 還有滷脾,亦有其他小食。 不過光顧的差不多都是叫上炸脾。三多炸雞脾 $28 - 先落單付錢,後取雞脾。 因為人流多, 雞脾不斷地在廚房內製造, 即叫即炸。 等了5分鐘熱辣辣的炸脾到手, 是超級勁辣手那種。白色膠袋內還有一層紙袋包裹著雞脾, 而袋內附有一對透明膠手袋, 用手食雞脾而又不用弄污, 很貼心呢。 雞脾比手板還要大, 用竹籤撐起, 用吉列的方法來炸雞脾, 使雞皮金黃酥脆又不油膩, 咬下已聽到脆卜卜的聲音。 內裡的肉汁豐腴, 雞肉嫩滑, 食到早已醃到入味的痕跡, 好香又好味!檯上備有一樽自家製的辣粉, 人落我又落, 怎料辣粉真的辣到飛起。 雖然是添加了惹味, 但嘴唇上的辛辣久久不散, 慎落!$28一隻炸脾有點兒偏貴, 比原產地還要賣貴了! 不過炸脾有種魅力, 香口美味之餘, 令人有再回頭的衝動。 不是晚飯已準備好, 我已吃了第二隻了!區內小食店多的是, 大多都是賣腸粉魚蛋燒賣, 專賣炸脾滷脾真的少之又少 (豪大大除外啦!)。 營業時間非常進取, 由下午兩點到凌晨兩點, 令熱鬧的又新街更熾熱。…查看更多

聽聞左大埔三多炸雞脾好耐但為食妹好難都唔會入大埔終於比我等到元朗開鋪喇為食妹19:00 去到買完飛後，等左15個人到大概等左15-20分鐘鋪內都有企位可以比大家堂食而且仲有即用即棄膠手套果然同普通炸雞脾唔同炸雞脾沾上麵包糠去炸唔厚粉亦唔算細隻雞肉嫩滑多汁為食妹睇在盒上面一句說話份上咬上一啖嘅雞皮比平時食炸雞脾嘅普通炸皮更有咬感為食妹好後悔無加上鋪內嘅辣粉去試下一次我一定會再試埋加上辣粉嘅炸脾另外，聽到職員話鋪頭試業期間14:00 開到賣晒就收鋪㗎喇…查看更多