澳洲牛奶公司

營業中

休息中

好耐都冇黎過呢度食野, 早幾日放假諗住人少少於是乎就黎呢度食個早餐, 去感受下牛奶公司魅力! 點知去到都唔少人!入到去坐底二話不說例牌要個早餐配炒蛋多士, 火腿通粉唔使十秒就放低左, 炒蛋多士就再十秒後到到埋, 前後唔使半分鐘, 成份早餐擺晒面! 先講下個火腿通粉, 湯底冇味精, 通粉又整得好腍, 火腿就係切絲, 好味; 炒蛋又係炒得好, 蛋夠香夠滑, 又唔會炒到過火, 一d都唔老, 正呀; 塊厚多士夠鬆夠脆, 牛油份量一流, 正呀! 再加埋杯熱檸茶做餐茶, 咁就食左一份咁豐富早餐!總括黎講野食絕對係出色一流, 但價錢同區黎講就偏貴, 廿蚊都落唔到樓, 而且速度驚人, 由落單到進食, 每人平均十五分鐘, 想坐耐少少都唔得, 裙甩褲甩咁食一餐都唔知為咩? 雖然係好味, 但值唔值得排晒隊咁等呢?師傅就覺得香港地已經好大壓力, 連食個早餐或午餐都要咁趕, 係咁比人催, 完全有種緊逼人釘人感覺, 食得慢都係唔應該咁, 好辛苦, 所以師傅又唔知會幾時先會再去! 笑臉淨係比d野食架!