Chungpuishan47's Profile

西灣河的「鹿巷」小店，真係讓人眼前一亮。店內裝修充滿日系特色，簡潔而又舒適，啱啱喺日本返嚟，喺呢一度有一種去咗日本街頭居酒屋嘅感覺 。食物方面，份量都唔少，性價比高，特別係火炙香料鴨胸咖哩飯，鴨肉外脆內嫩，加上濃郁咖哩醬，真係好好味。雜菜豆乳味噌湯清新爽口，蘊含多種蔬菜的鮮味，暖心又健康。至於烏冬，麵條彈牙，湯頭則有濃厚的日式風味，吃下去特別滿足。仲有，特製雞軟骨亦值得一試，酥脆的口感和獨特的調味，好味到停唔到口。值得一讚！…Read More

今晚我同朋友去土瓜灣食野，揀咗「麵麵香」呢間舖頭。入到舖內，立即感受到一種溫馨嘅氛圍。老闆娘同街坊之間親切交流，令人感覺返到舊社區，好舒服。我點咗金湯米線，湯頭濃郁，米線彈牙，加埋豬肝、豬肉等配料，真係非常之好味！朋友就選咗泡椒生滾鮮吊龍麵，泡椒系列獨家技術，酸麻辣湯底配上特製鮮麵條，味蕾衝擊，辣味十足，香辣嘅感覺實在吸引，配上香噴噴嘅湯底，真係十分之正！不得不提，生滾鮮吊龍真係超級好味，同埋牛肉嘅份量超級多！…Read More

為了慶祝我們的周年紀念，我們來到了這家非常有特色的日法融合餐廳。進門的瞬間，浪漫的氛圍就把我們包圍了，心情瞬間輕鬆起來。我們選擇的廚師發辦套餐有超過十道菜式，每一道都像藝術品一樣呈現在我們眼前，很欣賞職員會細心介紹每一道菜 。可是記憶有限，無法將菜式的形容寫出來，唯有用相片去呈現這些色香味俱全的菜式 。我最喜歡就是魚骨造型脆片配拖羅他他。兩塊脆片中間夾住拖羅，口感外脆內滑，清爽又開胃。還有迷迭香味雪糕配焦糖榛子、蜜柑醬及蜜柑肉，這個甜品真是將整個慶祝畫上一個完美句號 。…Read More

之前去楊屋道買海鮮的時候，經過荃新天地對面的這間餐廳，見到有好多人排隊，已經心思思想試。剛剛從張家界回來，真的有點掛住湖南菜，就決定要去食吓。好彩我哋食EARLY DINNER，唔駛排隊就入座。食緊期間見到好多人排隊，真係好火爆。好難得佢除左有SOFA位（卡位）之外，仲有圓桌，超級岩同屋企人或者朋友嚟GATHERING。湘菜老師傅把守味道，堅持新鮮好食材，即叫即炒，出餐超快，勁有鑊氣，超級餸飯。菜式超多款，同埋好鐘意佢有唔同的辣度選擇。佢三個TOP 3的菜都真係好正：酸菜魚勁滑溜；膠原脆皮豬手炸到外脆內軟，骨膠原爆晒棚，好岩我食；18爆炒雪花牛肉，原來佢用18秒猛火鎖住肉汁，真係長知識！此外，涼拌花甲鮮嫩可口，配合香辣的調味，好開胃。翡翠肉醬香煎包的酥脆外皮包住香噴噴的肉醬，口感一流，包既底部加左芝麻先去煎，非常有心思。好鐘意個火爆紫蘇牛蛙，事關好少餐廳有牛蛙呢款餸。最震驚我哋的是兩杯飲品：鴨屎香檸檬茶和西瓜檸檬茶。前者超大杯，好香，真係飲極都飲唔完；而從來無諗過西瓜同檸檬係咁岩，超清新！應承我一定要去食呢間！ …Read More

Very nice restaurant!!!!Akagai赤貝捲入蔥花，口感鮮甜，食得令人心情好。接住而來嘅Caramelised Pumpkin，外面脆脆，裡面又軟，味道健康又滋味。Charcoal Grilled Eel炭燒鰻魚，睇落特別有型，燒出嚟嘅香味實在吸引。最正嘅係Wagyu Katsu Sando，炸和牛肉質滑得冇得輸，真係好滿足！最後嘅甜品係homemade綠茶芝士蛋糕同哈密瓜大福都好出色，雖然睇似簡單，食落卻有好多驚喜。…Read More

我真係超級無敵鍾意食burger，之前唔知道呢一間burger舖頭係Pet friendly，見到啲人喺度玩貓，真係好溫馨 。朋友叫咗芝士漢堡，4盎司的安格斯漢堡扒搭配香濃芝士，口感豐富，小黃瓜脆口，加上特製醬汁，味道更加升華。我就係食焦脆漢堡，兩片漢堡煎到超級脆+芝士，食落超滿足。我哋仲點咗香脆麥雞塊，金黃香脆，每一口都令人滿足。另外，金黃炸魚條外脆內嫩，真係好正呀 。我仲叫咗雀檸，好似好耐冇見過有得揀呢款嘢飲 。…Read More

星期日下晝3:00去幫襯超級多人最開心就係好多都係香港人招牌豬扒酸酸辣辣銅鍋米線，豬扒外面脆脆的，裡面又嫩滑，真係好味到爆！米線我就揀咗BB辣。另一個招牌菜係炸脆脆蝦膠豆卜，外面炸得剛剛好，裡面一口咬下去，全部都係蝦，超級抌本，超好食！牛肉蠔仔紫菜肉碎米線也令我好驚喜，牛肉又咬口，仲有蠔仔的鮮味，紫菜多到不得了，搭配起來真係絕配。杯凍檸檬利賓納我哋要求係少冰，佢啱啱好變成室溫嘅溫度，非常之欣賞 。而杯檸蜜係真係檸檬加蜜糖而唔係加菜蜜，好正 。 …Read More

之前喺尖沙咀見到呢間點心舖門口人山人海，今日趁排隊既人較少，就決定入去試吓。裡面客人多數係遊客，特別係韓國人，氣氛好熱鬧。呢間舖嘅菜式創意十足，例如鹹水角做成啤梨形狀，炸兩亦有新穎呈現。今日就食左蟹柳青瓜沙律、蔥筍蝦餃（2件）、豉椒蒸排、越式米網炸兩腸、籠仔蒜蓉蝦飯、啤梨鹹水角（2件）同楊枝甘露（凍）。每一道菜都令人印象深刻，味道相當不錯，仲有我好鍾意佢個荔枝玫瑰茶 。離開點心舖嘅時候，見到面外都係超多人排隊…Read More

好鍾意呢一間喺石門嘅小店 —— 豐鍋雞煲見到個商場多咗幾個吉舖出嚟希望呢一間小店可以撐得住講返個招牌雞煲佢係有走辣到大辣嘅選擇我覺得好啱晒唔同人嘅選擇今次我哋就叫咗走辣唔想一開始已經食到條脷太麻而無法欣賞之後嘅食物質素超級好味既雞煲勁香勁惹味食完之後仲可以加湯打邊爐本地手切牛肩脊真係100分！每一啖都好香牛肉味試過好多混醬我發現最好味都係大量嘅辣椒加蔥加豉油呢種嘅配搭最能夠突顯番牛肉嘅香味豬頸肉非常之爽口佢吸晒汁嘅味道真係一絕個friend 超級欣賞個魚肚…Read More

好欣賞佢個weekend lunch Menu每set會送青木瓜沙律或者冬陰功仲要係可以優惠價換小食最誇張就係佢嗰個lunch嘅份量真係好大我哋三個人其實叫兩個lunch set再加小食就已經非常之足夠星期六去食都冇+1服務費，真係好難得我好鍾意佢個炸蝦餅超級彈牙、同埋新鮮炸非常之香脆芒果糯米飯係心形成件事變得好sweet 個黃咖喱魚非常之脆，好開心虎蝦金邊粉，成個presentation好吸引如果追加小食嗰度有串燒呢個Choice就更加完美，同埋飲方便，可以加錢轉椰青都會吸引好多…Read More

喺屯門行完山，攰到真係決定直接買四人餐食 。Hkd 327 有個大批、招牌炸雞四件，兩個意粉或者焗飯、四個餐湯或者汽水真係抵到爆炸。pizza 揀左蝦之戀人，白汁海鮮意大利麵，拿破崙茄汁豬柳焗飯。老闆見我哋嘅裝束，就知我哋啱啱行完山，佢就分享自己跑越野賽嘅經驗，同埋佢哋研發食物嘅堅持 。真心欣賞！傾傾吓啲炸雞拎到出嚟，大到我哋都忍唔住話咗聲 。啲雞前一晚就開始醃，所以係特別入味 。用黃油雞，超級Juice。Pizza 餅底係自家製低溫發酵，用橄欖油再healthy d ，真係好好味！ …Read More

今晚嚟柯士甸搵嘢食，離開圓方之後，發現渡船街嗰邊都有好多小店想幫襯。支持下小店！見佢哋嘅晚市精美小菜套餐$66起，仲包括例湯同熱飲一杯，性價比真係勁高！所以決定入黎呢度試下 。呢間小店有個超大電視，今日係星期三，有好多人黎睇馬，最正係佢哋用戰鬥碗嚟飲啤酒，仲有花生薯片食，真係熱鬧。夥計推介我哋食皇牌脆皮燒烤雞，超級有驚喜，皮香脆到真係好似喺酒樓食嗰啲炸子雞咁，咬下去即刻爆汁，肉質鮮嫩。野味茄子牛柳煲味道濃烈，牛柳柔嫩入味，茄子軟滑又多食物份量超級大，下次要叫到幾個人先可以食到幾款 。…Read More

「懶人包」呢個舖頭名真係好易吸引到我嘅眼球可以懶的話，邊個想勤力？過嚟望吓個餐牌，又真係幾得意我見到有個係夾叉燒，好正！我呢個係夾豬頸肉好似未喺第二度試過佢係揀咗啲比較肥嘅肉好啱鍾意啖啖肉嘅人佢話佢哋試過夾意大利粉但發現太濕搞唔掂其實都真係幾有創意我拎住袋外賣嘅懶人包喺Friday放工嘅時間搭地鐵超級香噴噴都真係幾撩交打😂我都要忍得住口冇喺地鐵入邊偷食都覺得自己好叻返到屋企，都仲係好好味十分之難得…Read More

朋友想去尖沙咀食韓國菜真係超級多韓國餐廳就諗不如食間歷史耐啲嘅揀咗呢一間漢城美食佢2001年開業價錢都真係幾實惠每日都會有Daily special 嘅特價優惠睇韓劇見人食醬油蟹見得多今次都真係第一次食醬油蟹本身都有啲驚但係撈埋個紫菜飯團食超級香口好彩知道係要擳佢啲肉同埋醬出嚟食，如果唔係真係有少少唔知道點樣出手同入口蜜糖蒜香炸雞半隻嘅份量超級之多蜜糖蒜香非常之好味水冷麵超級冰涼好彩呢兩日又熱返所以都好啱食…Read More

松鼠魚超好味佢起埋骨超級細心啖啖都係肉問返職員，原來佢哋係用新鮮魚去製作佢仲介紹我下次食蛋白魚不得不提好彩我哋揀食early dinner本身呢條魚要等30分鐘但勁快就起到菜當我哋開始食緊嘅時候，餐廳基本上已經滿左咁制脆炸鮮奶，都係好好食可惜佢最少要四條我哋兩個人食飯，其實都有其他小食都想叫但因為每樣都係四件起所以只能夠試到呢一個炸鮮奶餐廳都坐得舒服有啲麻煩就係去廁所要過對面個Block先去到而咁啱今日落雨，佢Block與Block之間係冇瓦遮頭，有少少淋雨咁樣行過去 。…Read More