mary04066's Profile

大愛🤩燒烤堂鵝肝蘋果多士，燒烤堂啲嘢食真係好高質，價錢公道味道岩！每樣串燒產品會寫清楚係邊種食品風格，有日、川、泰等等，咁就可以幫手揀心水食物！焦糖青蘋鵝肝多士真係唔可以唔食！鵝肝極度肥美，配上蘋果輕輕中和油膩感覺，而多士係芝士麵包，入邊有粒粒芝士感覺超級有層次，而且味道夾。第一次食燒馬友，勁大條魚皮燒得香脆，魚肉滑，配有辣醬油同特色醬汁。惹味蜜糖燒三黃雞全翼，蜜糖雞翼皮脆口帶蜜糖香甜，yummy！泰式豬頸肉係啲勁有咬口嘅豬，配上泰式香料嘅辣汁，成串都好多好足料。鹽燒牛舌拖羅，牛肉味道極度香濃，而且超級嫩口。免治和牛棒性價比高，牛味超香濃，上面鋪滿巨量芝士😍個飯好大。雞皮墨魚滑係我推薦，雞皮外層燒至香脆，內面係軟滑嘅墨魚滑，外脆內軟有陣陣墨魚香氣。汁燒免治雞肉軟骨，月見汁有原隻日本生雞蛋配上自家製醬汁，醬汁甜甜地同生雞蛋混合之後，雞軟骨變得更滑。蔬菜方面，牛油蒜蓉焗金菇好好食，極香濃牛油味。最後仲叫咗黑糖燒菠蘿，食到外層糖脆好得意，切好一粒粒方便食。…Read More

如意Sushi Nyoi 六週年誌慶😳佢哋有個6周年優惠，omakase 66折，性價比勁高！特別係師傅喺海膽、拖羅方面絕對唔會手軟。前菜三品胡麻菠菜：嫩葉浸潤胡麻醬，溫潤回甘 南蠻漬魚：京都傳承醃漬技法，甜甜地非常之香鹽燒銀杏：琥珀色果仁佐以薄鹽，香濃烤過嘅味道！刺身四重奏 ｜北海道鰈魚薄切｜ 第一件夾住三文魚籽，第二件火炙鰈魚邊泛起的焦糖香😁第三件海膽築起鮮甜巔峰｜梭子魚｜ 火炙輕撫，魚脂受熱之後，帶香焦香，佐以三星漬與炸蔥絲共舞。｜兵庫縣生蠔｜ 生蠔鮮甜美味配上伴蘿蔔泥與醋凍｜活赤貝｜ 貝肉與青檸汁共振，輕輕一拍，突顯其新鮮吞拿魚拖羅三文治❗️大癲❗️紫蘇葉裹住霜降級拖羅😱指尖輕握間魚脂浸潤，勁肥勁香勁好食！和食蟹羹煨北海道帆立貝，一打開超大粒帆立貝在蟹黃高湯中，蟹肉香更能帶出帆立貝鮮味。壽司四貫 金目鯛：胡椒柚子皮點醒櫻粉魚身牡丹蝦：蝦膏與櫻花蝦堆疊出赤霞雲海 喜知次：炭火在魚皮烙下金黃印記 ，簡單調味已經係最好食海膽三文魚子：師傅超大房啲海膽多到滿瀉！◈ 手卷 「鱈魚乾碎蔥吞拿魚腩」 脆響聲中滲出魚腩油🤩本場手打烏冬，口感軟糯，食嘅時候熱辣辣即使好飽都要食晒！◈ 甘味 「隱藏版水信玄餅」 菜單未載的彩蛋🤩黑配上糖蜜與黃豆粉。 …Read More

一入到去見到有勁多鬼太郎裝飾，好明顯老闆係鬼太郎fans😝好鍾意佢哋嘅豉油碟，都係鬼太郎嘅超可愛！推介吧枱位置，可以睇到師傅整嘢食嘅過程，感覺更加有氣氛！鵝肝多士表面煎得香脆，內層柔軟且非常厚身😀切開就有啲油流出嚟😜好肥美日本和牛鵝肝卷大大塊靚和牛包住厚切鵝肝😌然係卷在飯卷入面，和牛鮮嫩，鵝肝有獨特蛋白質香氣。香牛嘅油脂同鵝肝嘅蛋白質混合，勁香口。免治雞肉棒（自家製）月見汁係免治雞肉棒嘅精髓，醬汁甜甜地，生雞蛋混合之後，雞肉變得更滑。由於係免治雞肉，所以咬落去質感鬆軟容易咬。安格斯牛肉薄燒超高性價比!!!份量十足，每一片安格斯牛包裹最大量香蔥、蒜，牛肉香氣同香蔥味道混合，食到停唔到口。炒雜菜食到咁上下，食返少少菜，平衡一下，雜菜熟度剛剛好，上面加上炸蒜片，令雜菜味道提升！黑松露蟹肉冷蕎麥麺一上枱面已經見到大量蟹肉、三文魚子同黑松露，感覺好奢華。蕎麥拉麵配上秘製醋汁，有助提鮮。鯛魚燒伴雪糕熱辣辣鯛魚燒配上冰凍雪糕，紅豆鯛魚燒輕輕蘸上雲呢拿雪糕🍦好好味呀，鯛魚燒有香濃蛋香yummy…Read More

天水圍銀座「甘之季節」糖水舖，甜鹹交織嘅滋味驚喜！今日同朋友嚟到天水圍銀座搵食，行到攰攰地就入咗呢間「甘之季節」糖水舖，真係冇揀錯！一推開門，溫馨嘅木系裝修即刻帶畀我一種好舒服、好放鬆嘅感覺，暖黃色嘅燈光打落嚟，好似返到屋企咁自在。講到重頭戲——甜品，芋圓雪糕楊枝甘露真係令我一試難忘！圓碌碌嘅芋圓煙韌有嚼勁，咬落去軟糯香甜；雪糕奶香濃郁，入口即化；再配上酸酸甜甜、芒果味濃郁嘅楊枝甘露，成個口感層次豐富到好似開Party咁，食落清清爽爽，完全唔會覺得膩，夏天食真係透心涼！杏仁糊加西米都好出色！杏仁糊嘅香氣好醇厚，一聞就知係用足料嘅，綿密細滑嘅質感，每啖都充滿住濃濃嘅杏仁香。加埋粒粒分明、咬落QQ嘅西米，唔單止口感更加豐富，味道上亦都中和咗杏仁糊嘅濃厚，令人忍不住一口接一口，唔夠喉啊！最令我驚喜嘅係，呢間糖水舖居然有燒賣同牛肉球！諗住試一試，點知完全冇令我失望！燒賣皮薄餡靚，蝦肉鮮甜彈牙；牛肉球鬆軟多汁，仲帶住淡淡嘅胡椒香，鹹香可口。甜品配埋點心，甜鹹交替，真係好過癮，呢個搭配真係諗得太妙喇！服務方面，店員態度好親切，有問必答，而且上菜速度都好快。無論你係行到攰想食個糖水充充電，定係約埋朋友嚟傾計聚會，呢間「甘之季節」都好適合！以後一定會再嚟，試埋其他甜品同點心！強烈推薦畀各位鍾意食糖水同點心嘅朋友！…Read More

「胡同」係香港超出名!!!香港頂級中菜餐廳，佢地係尖沙咀 H Zenter 頂樓，維港全海景飽覽無遺，最勁係8點鐘睇埋奶彩詠香江，好屈! 餐廳裝修極具北京格調，一出lift就係一大片紅燈籠、圓拱門，好靚好多打卡位。餐廳有種強烈fusion感覺，叫返杯野飲打卡先🍸🍹Jasmine 入面有 Gin、茉莉花茶、荔枝等等，杯酒澄清過，所以顏色係好清架!令佢口感圓潤減少澀味。Umami Colada 入面有椰子、桂花、菠蘿等等調味，最特別原來仲有芥末、咖啡等等嘅元素，做咗澄清，所以即使有咖啡芥末呢啲有顏色嘅飲品，出到嚟效果都係透明，好靚呀！擂椒帶子皮蛋勁fusion嘅食法，皮蛋整碎之後整到好似他他咁職員會即場將滕椒汁倒落去，辛香中帶有清新感覺，帶子嫩滑鮮甜，提升整個前菜質感。魚香海鮮蓮藕餅呢個魚餅好香呀，爽脆蓮藕加入鮮甜彈牙的蝦膠，外層微脆，簡單沾上魚香蒜味汁已好好食，面頭仲有魚子醬同金箔，勁奢華有心思。三蔥爆炒龍蝦🦞龍蝦都幾大隻多肉，師傅預先將佢起肉，加入京蔥青蔥等等落去炒，超級惹味，龍蝦鉗好多肉啖啖肉。火焰胡椒片皮鴨是日焦點🫶🏻簡直係視覺享受，喺靚靚維港景色之下，支付職場點火燒熱片皮鴨，超級吸睛！鴨皮燒至香脆！鴨皮充滿油香，分量充足，超鍾意食嗰啲皮，脆トト得來唔會太燶，小魚菜苗新鮮嫩綠白菜仔苗，配上鮮甜魚肉，青青地同時有鮮味魚香。北海道帶子蔥油拌麵帶子鮮嫩彈牙而且好大粒，麵條咬勁十足，蔥油惹味香氣撲鼻。牡丹花超靚牡丹花甜品，紫芋慕絲、椰絲、煙靭波波，清新又優雅，一啲都唔甜可以放心食！…Read More

好耐冇食過鐵板燒啊，呢間鐵板燒出咗極尚和牛套餐$1198/2人，真係好抵食呀，有龍蝦鮑魚和牛，性價比高份量唔細！活龍蝦澳洲青龍蝦，用上龍蝦本身的膏整成醬汁終於去精彩嘅時刻師傅將大大隻龍蝦放上鐵板，龍蝦嘅火候剛剛好夠爽口，龍蝦蝦膏打成汁，配上爽口彈牙龍蝦肉，味道一流！南非孔雀鮑魚南非鮑魚原隻切開，刀工呢每一件嘅大細一致，厚身口感十足，十分彈牙。隔籬個鮑魚肝，煎到香脆，鹹鹹香香超好食。配海草忌廉汁，忌廉汁嘅味都唔會太濃，清清有種草香，仲可以落少少花瓣調味🥰香煎牛舌心牛舌厚得好誇張，牛舌燒到外層燒透中間粉紅色，好爽口，簡簡單單用岩鹽調味已經好好食！鹿兒島A4和牛牛肉好厚剛剛好啱啱熟，入邊超多蔥所以味道方面好濃郁，食到牛肉嘅原汁原味！A4和牛油脂豐富食落去超香牛肉味。和風炒椰菜佢哋嘅炒菜做得好好，唔會過分調味，軟硬都適中。日高昆布蜆湯入邊有好多粒蜆，粒粒飽滿有肉😀三文魚子海鮮炒飯估唔到最後嘅海鮮炒飯都咁正，師傅超大方將大量三文魚子放上炒飯😍…Read More

高知城高質日本餐廳😀雖然未去過高知，但係佢哋嘅裝修同日本居酒屋一模一樣，一周年優惠💕每位加＄100即享原板北海道海膽＋鱘龍魚子醬☺️好抵呀，真係要狂食！海膽質素唔錯，鮮甜完全唔會苦，鱘龍魚子醬配埋海膽食超正，首先將海膽鋪在紫菜上面，然後再加魚子醬😌奢華嘅享受，魚子醬鹹香，令海膽食落更加鮮甜。鰹魚半敲燒配洋蔥汁表面微焦脆 內裡魚肉半生熟 洋蔥汁食落有驚喜A5鹿兒島和牛壽喜燒分量十足有前菜，蟹肉吞拿魚多士，多士脆口，入邊有大量吞拿魚蓉。芝士免治雞肉丸，肉丸香軟，芝士鹹香！鹿兒島和牛係靚嘅！油花靚到😌輕輕淥熟呈粉紅色，已經可以準備食，蘸蘭王蛋漿食入口即化！佢哋個飯好有心思係黑松露飯，食落口味道香濃。山渣蓉伴香煎鵝肝吐司 超級大方，因為鵝肝極度大件！煎到外脆內嫩，豐富鵝肝，蛋白質香氣。山渣蓉就平衡晒鵝肝嘅油膩，鵝肝好食😳蘭王高湯玉子燒一切開又係一種視覺，勁多明太子醬爆出嚟！玉子燒用蘭王高湯煮到軟綿綿，玉子燒蛋香味濃，加明太子醬，超好食，鹹香辣一次過喺口入面。自家製醬燒墨魚腸超正，佢哋嘅墨魚腸鹹香有海鮮味道，燒到剛剛好。…Read More

呢間花甲先生好好食！海鮮愛好者福音，大大隻花甲咬落去爽口，湯汁超好飲勁香蒜蓉味！自由揀心水海鮮搭配😀必試海鮮蒜香款，本身已經配有四種海鮮，再自選蟶子、元貝、台山蠔、魷魚、蝦。超級推蟶子，原來連殼上😄原隻鮮味送上門蟶子新鮮彈牙。台山蠔同樣推薦，超大隻肥美爆汁，粉絲吸晒濃郁湯汁，每一啖都係超香蒜味，超好食！另一碗蒜香海鮮盛會花甲先生粉，揀咗蟶子、元貝、台山蠔同肥牛，有好多炸蒜同粉絲，蒜蓉香氣超濃郁，炸蒜增添脆感，粉絲掛住湯汁超入味。小食好出色，吉列芝士火腿扒，外面熱辣辣脆卜卜，裏面就係溶了的芝士，好好食！…Read More

米芝蓮推介!!!真係冇吹水，六點幾已經差唔多坐滿全場🤩超好食份量十足，入座位寬闊有格調，爆蒜炒蟹肉滑蛋飯 ，蟹肉激大粒!!!魚露金不換浸花甲王超驚喜，本身花甲已經好大粒好厚肉，每一粒花甲都比魚露浸滿，所以食嘅時候超香口。肉質鮮甜而且爽口，魚露好香同花甲味道超夾！檸檬葉燒封門柳 封門柳肉香肉而且嫩，呢個部位肉質唔肥主要食佢嘅肉香，咬落去一啲都唔韌，配上側邊酸甜嘅醬汁更加吸引🤩生蝦刺身 幾大隻而且厚肉，夾埋蒜片、辣椒，蝦鮮甜肉質爽嫩配搭特色醬汁，酸酸辣辣！煎香草比目魚配香茅椰子湯比目魚超大件，金黃酥脆的比目魚油脂充足，魚皮全塊香脆。香茅椰子湯好好飲濃烈嘅泰式香草味，整個配搭得宜，又有魚又有湯幾抵食。爆蒜炒蟹肉滑蛋飯 炸蒜香脆配上超大粒蟹肉！香滑炒蛋唔過火，上面嘅拆殼蟹肉最屈機超大粒有咬口，係真蟹肉嚟㗎唔係蟹柳！成個飯有海鮮鮮香又有蒜辣惹味。芒果糯米飯送上嚟嗰陣暖笠笠🙂🥭糯米夠棉，椰漿味剛好，芒果超大件又甜，而且切得靚。…Read More

今晚同朋友reu，揀左份量一定足嘅泰國野食，餐廳感覺十分地道，仲掛住泰皇嘅相片，職員都係泰國人嚟😺佢哋嘅嘢食好大份，夠3個人食，下次可以叫多個朋友嚟一齊食脆肉炒椰菜苗$75椰菜苗好爽口，咬落去非常之有口感，可以咬到成個椰菜芯。佢哋嘅脆肉其實即係燒肉但係用醬汁炒完之後仲係脆!燒豬頸肉$88份量勁多，邊邊位置燒得好靚，火候均勻，有焦脆超好食，整體感覺性價比高！明爐冬陰功烏頭$188性價比真係好高，又可以食魚又有冬陰功湯一次過滿足兩個願望。冬陰功湯勁大碗，因為明爐所以會有個火熱住條魚，慢慢加啲冬陰功落去。條魚勁大條，我鍾意食魚腩位置，沾上冬陰功湯汁超好食！招牌泰式咖喱炒蜆$108咖喱炒蜆有驚喜，蜆肉粒粒大大粒，粒粒有肉！咖喱味道香濃，下次如果再多啲人就可以加埋蒜蓉包，蘸上咖喱汁更添美味。…Read More

這間超可愛的熊貓主題茶飲店，將萌趣氛圍融入每一杯飲品與點心。招牌茉莉繡雪以清雅茉莉茶為底，鋪上綿密奶霜，再點綴清甜Q彈的桂花凍，花香交織，口感層次豐富。平時好少見到有桂花凍可以加落飲品嗰度，好味！招牌手作黑糖珍珠，每日現煮，Q軟嚼勁中洋溢濃郁黑糖香。鮮奶質素高，所以簡單同黑糖混合之後已經超好飲。玫瑰乳酪貝果，口感煙靭粉紅色，鬆軟貝果麵包夾著乳酪內餡，入邊有陣陣鹹香味道，淡雅玫瑰香氣撲鼻🤩🤩記得喺門口同大大隻嘅熊貓公仔打卡！…Read More

奧運站靚靚打卡西餐，老遠已經見到UNO三個大字，餐廳樓底好高裝修高檔，係個慶祝生日好地方。食物由印度籍主廚負責，佢喺香港已經從事餐飲10幾年🤩食得放心。晚市有套餐，前菜、主菜、甜品，環境靚靚食物豐富🤩前菜小牛肉吞拿魚醬底部係沙律菜上面鋪滿一片片嘅小牛肉，面頭加上吞拿魚醬做點綴。小牛肉幾香口，同吞拿魚醬都幾夾，好多我鍾意嘅意大利油漬蕃茄，酸酸甜甜超好食，濃濃意式風味。布拉塔芝士另外一個前菜想食清啲，就揀咗布拉塔芝士，底部有沙律菜、蕃茄同芥蘭苗。布拉塔芝士口感幼滑，有特別奶香。淋上橄欖油、黑胡椒和少許鹽。芝士口感細膩，橄欖油更能帶出獨特香味。烤豬腩肉佢哋嘅豬腩肉用咗慢煮方法，食落去肉質鬆軟，肉味香濃。豬腩肉唔太肥，可以食嘅地方好多，意大利西蘭花苗、薯仔，有少少茴香調味，整體感覺好創新！肉眼扒12安士份量勁多，肉眼扒肉質嫩滑，選了medium切開肉嫩，唔錯唔錯。牛扒配上紅酒汁更能帶出牛肉鮮香，因為鍾意原汁原味，加少少岩鹽作最簡單調味，肉味香濃。意式芝士蛋糕鋪滿士多啤梨、藍莓同忌廉，忌廉香甜軟滑，有一大件芝士蛋糕，成個甜品層次豐富😀Tiramisu原個杯上，比切開一件件嗰啲更幼滑香濃。中間濕潤帶微微香的酒味，而且不太甜 yum😋 …Read More

沖繩超人氣Gelato😸終於開到嚟香港啦，佢哋嘅雪糕每日新鮮製造。聽到啲職員之間係講日文🤫雪糕份量好多，堆到成座山咁高。橘子香草馬卡斯邦尼2017年意式手工雪糕世界盃冠軍日本全國優勝大獎，見到得獎一定要試試！柑橘清香，同時間有奶香，味道極具層次。沖繩金菠蘿超鍾意味道，唔係平時嘅菠蘿味，而係沖繩特別甜嘅手撕菠蘿。佢哋相對普通菠蘿甜度高好多，菠蘿味道突出清新🍍浦添桑茶係沖繩出產嘅茶飲，有獨特茶香又唔會太甜，帶來茶香醇厚的口味🍵沖繩海鹽牛奶相當特別，海鹽味道少少鹹香，海鹽味道突出，入口有少少鹹味食落就係牛奶香氣。…Read More

牛大人好正一定要食😍 食A4和牛套餐送江蘇太湖大閘蟹，好多膏好香呀！佢哋啲A4黑毛和牛，味道同色澤都係超級之靚，入口即溶嘅油脂，油香十足堅正。新湯底，聰明魷魚沙茶鍋、養生菇菌燉雞鍋，自己鍾意清清地建議菇菌燉雞😏職員叫我地飲湯先，唔錯唔錯，幾好飲！套餐送生蠔、鮑魚、扇貝、魷魚拼盤，鮑魚仲任食😍啲鮑魚真係好靚，全部大大隻好彈牙。日本黑毛和牛顏色同雪花分布均勻，輕輕一淥幾秒就食得，肉質香軟油脂感一流，入口即溶無得頂。特色食物佢哋經常會有產品，蝦蝦霸霸脆多士，脆脆多士上面真係鋪滿蝦膠，又香脆又好食！和牛橘梨伴豆腐，青青甜甜嘅牛肉配滑滑豆腐😌阿嬤豆乾魚蓉麪用上香港老字號永樂粉麵廠，懷舊又好食！呢個套餐送和牛牛丸，好多汁!!!比平時嘅牛丸爽口更香牛味。鬼馬松露油條，放落個湯底一下秒，佢就會變咗半脆真係超好食！芒檸蜜西米爽、港式檸檬茶18+都係新出㗎！西米房入面啲西米超級煙靭，有咬口，甜度剛剛好。飲品有珍珠奶茶、無糖茶、鴨屎香檸檬茶等等飲多幾杯都回本😺😺😺其他罐裝包裝罐裝飲品都有齊。期間限定❣️東南西北•回到童年時極上和牛套餐以上就可以玩東南西北，有機會拎到童年小玩具，我就拎到懷舊嘅小竹籤桌遊😌…Read More

長輩生日一定係食中菜😏荃灣西又有推介，自己人面積超大，一家人坐得舒舒服服！椒鹽鮑魚鮑魚超大隻，外層酥脆帶咸香。更重要係佢好煙韌好好咬😌😌 香脆可口，一家人都吃得津津有味。麻婆豆腐小籠包造型勁qqq，用上煎pan上碟🍳 底部煎到脆口，脆卜卜有口感，咬開入面有豬肉同埋豆腐，好特別，整體好食!黑松露燒賣黑松露濃郁，整體口感層次多，燒賣外皮薄，裡面係有菌香，又大粒。抱抱蝦餃蝦餃再上面有隻細細黃色蝦餃仔，造型可愛~2件蝦餃都係好食😋沙茶醬牛肉蟹皇麵haha以為有蟹黃!!原來係個麵底叫蟹黃麵，沙嗲勁濃勁好香超好食~麵比較軟身易入口，牛肉都大塊同新鮮，超正 🤩…Read More