yyt919's Profile

放假約左朋友去大埔超級城行街，我地揀左間幾靚既日式西餐廳，呢間餐廳見都有唔少分店，朋友食過都過幾好，特別係蛋包飯，我就跟佢一齊試下✌🏻暖洋芝士竹輪卷（$48）個竹輪卷燒得幾香，芝士份量唔算多，可能係燒溶左，如果裡面係爆芝相信會更好食🧀喫茶特製。白雪の椿小食盛合（$128）呢個小食盛合可以一次過食到幾款小食，有我地本身叫左既芝士竹輪，有脆卜卜既蟹肉忌廉可樂餅，薯蓉配香菇，仲有就係炸年糕，煙煙韌韌幾好食🍤和洋酸忌廉辣肉腸。大鍋蜆配香草薯條（$155）呢個我覺得好驚喜，個酸忌廉汁好出色，而且好多汁，每隻蜆都有汁，d蜆都幾大隻又冇沙，味道鮮甜，薯條亦炸得好脆，點個忌廉汁食勁好食😋🍟白雪椿芝士蛋包飯（$166）呢度最好食既就係蛋包飯，呢個白雪椿芝士蛋包飯除左蛋之外，仲有件漢堡扒，滿滿既芝士醬淋上面，加埋好滑既蛋，撈飯一流，賣相都好靚🍳極強勢！軟殼蟹與濃厚蟹皇膏黃咖喱飯（$165）呢個飯隻軟殼蟹超大隻，炸得好酥脆，裡面咬開又多汁，一次過有齊咖喱汁同蟹皇醬，撈飯食幾有層次感🦀🥘熱抹茶牛乳（$42）熱鮮奶咖啡（$55）兩杯野飲都整得好靚，抹茶牛乳香濃抹茶味又幼滑，鮮奶咖啡同樣口感順滑🍵☕️呢間餐廳野食幾好，咖喱飯同蛋包飯都好好食，個忌廉大鍋蜆既忌廉汁超正，芝士竹輪就需要多d芝士，係度坐低傾計食番餐都幾嘆，佢地11月份逢星期六日夜晚7:00-7:15pm，有個《劍玉之爭大考驗》活動，聽到音樂就去中座位置敲鐘，第一位勝出既客人可享全單免費，第二位半價，第三位就送原個西瓜汁，其後勝出既客人都有免費迷你小食一客👏🏻…Read More

又到左食大閘蟹既季節，我見到周圍都係大閘蟹既野，自己都想去食番餐，我就去左尖沙咀既滬江飯店食啦😄滬江飯店是香港本土企業，位於尖沙咀超過四十年歷史。是傳統菜式的上海菜館結合香港本地人的飲食口味，菜式多樣。10月至12月期間特設蟹宴套餐，每日蟹粉蟹膏鮮拆，深受本港及外地日本遊客青睞👏🏻餐廳地方夠闊落坐得舒服，位置超大，有圓枱適合家庭聚餐，朋友聚會😉滬江飯店係每日香港人手鮮拆，香港極小數有，日拆 5小時，佢地做左四十年蟹宴，品質保證，堅持新鮮好食材，有多款以蟹為題既菜式，能夠完美融入上海菜，連日本電視台都有每年推介，極多日極遊客慕名而來🤩食完呢餐真係回味無窮，無論蟹粉小籠包，蟹羹，定係大閘蟹，全部都好好食🦀…Read More

早排去左深水埗見到呢間外賣店d野食幾平，順便買d外賣番屋企食👍🏻胡椒鹹菜豬肚湯飯（$30）個鹹菜豬肚湯飯唔止有鹹菜同豬肚，仲有粟米紅蘿蔔，味道同茶樓食到既差唔多，正常水準🐷小食拼盤（$22）小食拼盤包搭有腸粉，燒賣，魚蛋，都係平時既街頭小食咁，小小要挑剔既係甜醬同花生醬唔太夾魚蛋燒賣，可能下次問下有冇得分袋裝要辣油豉油就正啦😄糯米雞（$26）糯米雞幾大隻，入面仲有隻雞翼，外賣點心店黎講幾有誠意🐥火腿雞蛋炒米粉（$24）碟炒米粉幾足料，除左火腿雞蛋仲有d椰菜，味道幾香😌流沙包（$7）流沙包個心真係有奶皇流沙，合格有餘👌🏻呢間點心店幾抵食，特別係飯類，$30一個湯飯仲平過兩餸飯，其他蒸飯之類$20幾都食到，野食又唔差，平平地食個外賣都可以😉…Read More

岩岩出左糧就帶屋企人出去食餐飯，佢地都係鐘意食中餐多，帶左佢地去南昌呢邊既酒樓食飯，呢度平日食有$1燒味好吸引 😄至尊燒鵝1/4隻（$1）個$1燒鵝見到佢皮好脆，鵝肉厚實，肉嫩多汁，$1就食到真係勁抵👏🏻2-3位晚飯優惠套餐（$488） 小食一款沙薑雞腳佢用鍚紙包住，所以特別入味，沙薑味突出，雞腳膠質軟腍☺️老火靚湯個老火湯每日都唔同，佢地係有埋湯渣比客人食，夠曬火候既湯🫕燒味雙拼蜜汁叉燒+燒腩仔叉燒肥瘦適中，有肉汁唔好乾，燒腩仔好靚，皮脆肉嫩，咸味夠，都係一樣有肉汁，又唔會太肥😋荔芋滑雞煲個滑雞煲既雞件全部浸既入個汁度，雞肉滑嫩入味，芋頭幾粉，個汁係偏濃，用黎撈飯食勁夾🐥金銀蛋時蔬食左咁多肉要叫個菜平衡下，佢個湯汁又冇好咸，菜都唔會煮得太老，仍然保持到翠綠，咸蛋皮蛋份量都多🥬呢餐食得好豐富，野食又大碟，4個人食都夠食，有湯，有肉，有菜乜都齊，仲有個$1燒鵝，好鬼抵食👏🏻…Read More

貓員外精釀酒館📍香港馬鞍山海映路9號西沙GO PARK G樓G15號舖趁放假就想出去行下，我就未去過馬鞍山新開既西沙Go Park玩，放假特登入去睇下未環境😄入面有間貓員外精釀酒館，佢環境幾有特色，係度食個飯，hea下咁過日假期真係舒服😌餐廳有自家釀制既啤酒，唔同顏色既罐裝都好靚，食物除左主食，都有pizza，小食，墨西哥taco等等👍🏻餐廳係寵物友善，見到好多養寵物既主人特登帶埋佢地既寵物一齊食飯🐱🐶…Read More

今日約左朋友去朗豪坊行街，出黎順便一齊食飯，不過未諗好食乜，附近有間新開既越南餐廳想試下，朋友都話試下冇壞就黎左食啦👭🏼越式生牛肉湯河（$62）加牛丸（$12）其實佢地有個牛三寶河，不過朋友唔鐘意食牛展就揀左生牛肉加牛丸，個生牛肉幾嫩，牛丸爆汁好好食😄招牌河內街頭烤豬肉撈檬（$78）個撈檬睇落有d誇，好大盤之餘，賣相同烤豬都好靚，$78就食到，個烤豬又冇乾身，仲勁香勁惹味😋香茅雞翼（2件）（$16）香茅雞翼唔錯，整得好香同埋裡面唔乾🐥軟殼蟹（$32）軟殼蟹size適中，個炸粉厚左少少，新鮮炸出保持到熱度🦀越南滴漏咖啡（凍）（$18）滴漏咖啡又係上枱時幾驚喜，好似cafe咁pro，真係滴漏咖啡唔係得個名，質素都有cafe咁好☕️龍眼冰（$12）龍眼冰清甜潤喉，有幾粒果肉🍹呢餐食得好飽好滿足，個正餐本身已經好大份，撈濛同埋咖啡係最出色，價錢就正常價，最緊要野好食🥰…Read More

早排開OT收得夜，同個同事係附近搵野快食，見到魚米呢個二人餐幾抵食咁，拿拿林去一齊食完番屋企🏠超值二人餐（$148）麻辣八寶米線二人餐包一碗米線，可以2選1，我揀左麻辣八寶米線，佢有8樣餸，貢丸，魚蛋，豬肚，腩肉，豬潤，牛肉，魚片，炸醬，好似過橋米線咁豐富，個湯底小辣唔算好辣，都唔錯🍜蜜汁豬扒菜飯有3塊豬扒，個蜜味唔算好多，裡面都冇整得太乾，菜飯咸咸地咁幾好味🍚香茅雞翼2人餐包一碟香茅雞翼，呢個佢即整熱辣辣好食喎🐥脆皮南瓜粒脆皮奶卷呢個係甜品黎既，對我黎講就似小食，兩樣野食都炸到脆卜卜😋飲品跟餐包2杯飲品，轉凍飲就要+$3🥤呢個2人餐其實好抵食，每人先$74，就有咁多野食仲包野飲，食完好鬼飽，就算男仔食既話我覺得都夠食👍🏻…Read More

富寶會所私房菜呢排返工都好忙，最近終於完成左個大project，老細帶左我地去九龍城既私房菜食餐好既慰勞下大家☺️潮式涼瓜排骨煲潮式涼瓜排骨煲都幾特別，苦瓜清香，排骨軟嫩，個汁濃郁，用黎撈飯一流👍🏻黑松露花枝帶子皇帶子花枝鮮嫩，松露香濃，芹菜都好爽脆🦑櫻花蝦海鮮炒飯個飯炒得粒粒分明，海鮮鮮甜，鮮味十足，仲有好多櫻花蝦👏🏻餐廳環境舒適，適合家庭聚會或者好似我地咁幾個同事食飯，佢地既菜式精緻，食材新鮮，呢餐食得好滿足🥰…Read More

呢間野真係唔好食又貴，服務態度差🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬同同事搬完屋，佢話請食飯，諗住坐間舒服啲嘅餐廳，就過隔離始創食，點知超級大伏☹️☹️☹️☹️☹️😔😔😔😔😔叫左dinner set 一個慢煮牛板腱配薯菜完全唔合格勁多筋138蚊衰過茶記碟頭飯，最好笑個店員見我地切極都切唔到就黎幫手，話慢煮係咁🤣另一個鴨胸配薯菜一樣咁垃圾冇真係冇下次…Read More

今時今日重有啲咁嘅餐廳生存度，點解咁多人寧願北上消費？嚟呢度食過就知，咁啱朋友新居入伙黎大角嘴探佢，樓下就見度呢間藍色幾搶眼嘅餐廳，眼見星期六黎講一枱客都冇心知不秒，但係肚餓唯有求其揀就入咗去食啦，一入去個男侍應服務員真係好似唔多想做，同openrice俾佢差評個感受喺一樣囉，見難得有客都唔會介紹吓菜單衰過茶記喎，俾得呢個價錢食飯冇諗過係咁冇水準，冇服務囉，環境、食物都普通、價錢貴，想留客就改善吓…Read More

放假屋企齊人返嚟食飯，又懶煮既話都鍾意黎呢度斬料加餸，絕對係快靚正👍🏻👍🏻👍🏻👍🏻👍🏻👍🏻而且每次嚟都必叫貴妃雞，過節拜神諗唔到食乜都會嚟叫番半隻貴妃雞半隻（ $60 ）肉質幾鮮嫩，骨細皮薄叉燒半斤（ $60 ）肥瘦適中，唔會過硬，我老竇冇帶假牙都食得到🤣乳豬（ $120 ）我見最多人叫嘅都係乳豬，外賣拎到返屋企，雖然皮唔算脆，但都可以接受下午茶大少潛艇（ $40 ）都幾大份，甜麵包夾芝士叉燒蛋…Read More

知道媽咪鍾意食中菜，仲好鍾意食小籠包上海嘢，今日一於帶佢嚟利舞臺新開嘅樂天王朝前菜叫咗醋醬海蜇頭(例)（$90）海蜇頭好爽口，酸酸地幾胃菜雲吞雞 （$168）叫左半隻雞，兩個人食啱啱好，清清地好啱老人家食招牌原味小籠包（$78）當然要是招牌小籠包啦，一籠有六粒，即整即包,皮薄多汁,果然係招牌肉碎欖菜乾煸四季豆（$88）媽咪鍾意食欖菜呢個餸啱晒佢，夠晒惹味桃膠紅棗桂圓湯 （$45）大熱既桃膠，加埋杞子雪耳養顏啊…Read More

打卡真係一流，懷舊裝修靚，座位亦十分舒適，食物賣相非常精緻，冇得彈美顏花膠雞鍋 HKD 298 滋補花膠蟲草花雞鍋，用上原隻雞浸得鮮嫩可口,湯底重非常濃郁，花膠同蟲草花係分開上既，服務員更加會幫你切埋隻雞，服務一流香江拼 HKD 798呢個真係想食好耐㗎啦，成日見到人哋IG打卡，全牛拼盤包括安格斯肥牛、牛白肉、牛柳粒、手切肥牛、牛心頂、牛小腿、 牛脷、牛柏葉等等，圍住個爐嘅拼盤賣相好吸睛，而且砌成玫瑰花形狀，成個藝術品咁食咁多牛咁肥膩，梗係叫返杯茶飲呢度都幾種花茶，有洋甘菊同玫瑰花茶可以揀最鍾意佢有間波波燈房可以任影…Read More

朋友啱啱考到車牌，於是諗住喺灣仔遊車河，順便搵一間有免費泊車嘅餐廳，遊到差唔多天黑，於是就去咗英皇酒店嘅駿景軒食晚飯醫肚🤤瓦罉焗胡椒蝦充滿香噴噴胡椒香味，而且蝦亦都大隻，肉質新鮮拔絲咕嚕肉脆口而且有拉絲感，酸汁開胃，配新鮮菠蘿好夾百花炸釀松葉蟹鉗 松葉蟹肉超級鮮味，外層同樣炸得香脆，每一口都啖啖肉，yummy😋霸王辣子雞呢個一上菜已經香噴噴，流晒口水🤤🤤🤤🤤好鍾意呢種四川麻辣嘅味道，雞肉切成丁爆炒，超級惹味…Read More

成日見到人哋鋪社交平台嘅樹林餐廳好吸睛，今日終於到我試吓啦😚蘋果木燻泰安雞（半隻） $288上菜嘅時候店員先至開蓋散發着一種濃烈嘅煙熏味，好有儀式感，每一啖雞都食到有煙熏味🤣雞件滑溜唔錯👍🏻昆布龍眼蜜燴金蠔 $238 賣相好靚，金豪夠大隻而且好入味香煎花膠扒半三色藜麥 $298食得肉多，試吓呢個fusion菜花膠扒三色藜麥，幾特別嘅一個菜式☺️啤梨川貝燉陳皮 $88做完流感，食返個啤梨川貝燉陳皮滋潤一下先嵐月甜品碟可以request生日嘅字句，甜品都做得幾出色👍🏻…Read More